超羣麵包西餅 (香林大廈)

營業中

休息中

今日5:30p.m.黎到, 都唔係太多人, 可能仲未放工啦....所以買野都唔使排隊~~我今次買左椰撻同蛋撻, 兩款都係買兩個... 椰撻 $5 : 芳叔椰撻的椰香幾強，撻皮亦鬆脆。咬開相當鬆軟，並唔乾硬，又唔過甜。$5兩隻，真係超抵食。 蛋撻 $5 X 2 = $10 : 好鬼大隻嫁, 仲係熱嫁, 撻皮都鬆化, 但唔夠泰昌既好, 但係蛋心就比泰昌好食, 又唔過甜, 好 !

在附近忙完，吃完一餐但感覺似乎是無點子下果肚，仲要趕返公司開會，等930時走兩步入來買兩件包上車吃。對不中不西包點興趣一般，見有什麼出爐就買什麼，靚女捧著一盤小巧熱辣，好似是忌廉賓包仔，問收銀阿姐是什麼來的，道：「天下第一包」，咁餡是什麼？又道：「吃完咪知囉！」，．．．吃一口，新鮮出爐皮自然好吃，內裡是流沙餡但就唔多「流沙」，味道很薄，吃完都唔覺有牛油同鹹蛋黃味，反而包底墊以軟糯似麻薯口感皮，很得意亦幾好吃。仲買有牛奶波波比同事，同事話無奶味但有Icing Sugar的甜味，即係唔好吃。

慕名而來, 一心想試流沙包, 可惜時間太晚6:30pm一早已賣哂, 失望. 不過它仍有好多面包出爐, 花多眼亂下選了一個芝麻紅豆包, 以及一個奶黃糯米茲. 芝麻紅豆包即是包面舖滿芝麻粉, 內餡就是紅豆蓉, 未食已很香芝麻味, 食落包內有好多紅豆蓉, 不甜, 很豐富, $6大大個, 幾抵食.奶黃糯米茲是橙黃色, 好煙un, 奶黃餡亦算多, 好好食.

二月廿四日(星期二)是日早餐是杏仁蛋白蛋糕,我發現超群也做了些優惠,例如有買兩個包加五元有奶茶,還有特價麵包!是次吃的是杏仁蛋白蛋糕,上次吃過覺得不錯,今次再吃非常的軟!杏仁只是表面有,蛋糕蛋白味重,不過比較甜的!

到中環辦事，經過超群，見到有燒賣，叉燒包，珍珠雞等賣，但超群是西餅皇后，沒道理買中式食品，其實也吃過不少超群產品，今次且看看有甚麼新出品。架上有三文治，菠蘿包，雞尾包之類，但最吸引我的是兩款寫著「新」的產品，叮噹燒餅，有紅豆和奶皇，兩種味道都喜歡，不知怎取捨，索性兩款都買。先試奶皇，包身頗軟熟，但咬落並不是見到橙黃色的奶皇，而是淡而無味、透明的漿糊狀物體，再咬一口才吃到奶皇，在酒樓也好，潮州館子也好，未曾吃過這類奶皇製法，恕自己見識淺，試紅豆的一個，是綠茶的外皮，內裏的紅豆餡與綠茶頗夾，有清香的綠茶味，但一樣有透明的漿糊狀物體，令我腦裏充滿疑問，也許餡料拌得不均勻。除此之外，味道和質素都是好的。要是不看得太清楚，一口一口的吃下去，效果可能會不同，看得真，反而不美。也許西餅皇后最拿手的還是西餅。

簡報:買左咖哩雞扒焗飯&焗肉醬意粉~唸住最基本野都穩陣~點知食到火都黎埋!雞扒得個咸字~咖哩離哂普~d飯好似係d汁度浸左一日咁~唸哂!意粉又差~d肉醬落得太多糖!得過甜字!總括來講,雖然平,但係難食到極端!

二月七日(星期一)回家之前過來買了底雞蛋仔雖然每次都要等5-10分鐘,相信吃上隱的朋友都覺得等也是值得的雞蛋漿香甜!而且有count著時間,不會過火!另外,買了芝士雞蛋做早餐,都是好吃,不過太飽了!我們兩個人share一個都過飽!,因為其芝士味濃!

行行下有D餓,就去超群買個包包食,好耐無食奶油飽就買黎食下,飽係係工場運黎的,唔熱係意料中事,但係完全無牛油味同蛋味,食落已經意興闌珊,奶油就唔夠香甜,雖然唔多,但好漏,破壞了我對奶油飽的喜愛~而且要$5.8,好唔抵!

同肥豬行完街入去睇下有冇蛋撻點之見到之前雜誌激讚既流沙包1路都好想搵機會試職員仲要話係新鮮出爐我地拿拿聲夾左兩個肥豬俾完$我即刻拎左1個食連佢話要買糯米池都唔理佢1食.都唔係熱既.係完全唔熱不過D流沙真係好勁我地兩個食到件衫都有個包裡面原來係麻糬皮我地開頭仲以為佢未焗熟添原本我覺得麻麻地好食.但而家諗諗下又覺得好好味好想食多個唔知係咪又因為肥豬覺得好食所以我又覺得好食想配合佢呢?

成日經過呢間餅店, 都見到有人排隊買雞蛋仔, 蛋撻同流沙包, 我諗無理由唔好味架? 咁啱下午四點幾行過見到無人排隊, 我咁鍾意食蛋撻, 梗係拿拿臨買兩個試下啦我買的蛋撻應該剛剛出爐無耐, 仲係熱騰騰, 係冬天食真係一流, 佢地的蛋撻係我最愛的曲奇餅底, 聞落去有好香的牛油味, 餅底算豐厚, 食落去有淡淡的牛油曲奇香, 蛋的甜味適中, 既香又嫩滑, 蛋有比較實在的感覺, 份量亦夠, 蛋漿唔會太稀同'浪浪'下, 做得甚有水準, $5一隻亦不過份我自己認為佢地的蛋撻的水準己超越左已開了很多分店的泰昌總店, 所以中環區最好味的牛油曲奇餅底蛋撻非超羣莫屬, 下次要試下流沙包

今日放學特登搭多個站係超群落 ~~好耐冇食過呢間d野啦..n之前買過d蛋撻真係幾正下..最尾買左接近＄５０既野走..!芳叔蛋撻 5蚊個 ~好香蛋味呀,而且出面係曲奇皮,我最喜歡食 ~~本人唔太喜歡酥皮蛋撻 連個裝蛋撻個膠盒都高過人 芳叔牛油曲奇,$20半磅 ~估唔到而家仲有埋呢d可以封住既袋..真係方便好多 !我買個時,都見到成盆得返唔係好多 ~~食落真係幾鬆脆,而且牛油味唔會太過火,正 最尾一樣,係睇雜誌介紹既天下第一流沙包 !都出左好耐下架喇,不過而家先有機會試..!不過都幾貴呀 $4.5一個 ~買左三個 !!買個時係新鮮出爐架..上網睇d人話咁岩撞正多人仲要拎飛..!我返屋企都要 6-9個字車程,但食落去都仲熱熱地架 !d流沙真流晒出黎...一唔小心真係整到成手都係 !!好味!而且麵包入面係有用麻糬夾埋,所以比較彈牙

芳叔椰撻的椰香幾強，撻皮亦鬆脆。咬開相當鬆軟，並不乾硬，又不過甜。$5兩隻，抵食。至於脆皮甜心包($4.5)，原本以為似灑上糖粒的豬仔包，不過其實只有部分外層微脆，有點失望。幸好內裏尚算軟熟，不算差。

哈....很久沒有吃過這裡的芝士蛋糕...因為我地正在keep fit中不過今日終於按捺不住...最後買了一個做早餐...質感一流,味道不是太濃的芝士味,最啱我倆不太好芝士的大大個的cheesecake只售16.5, 去哪兒找呢?雖然食到很飽,但都肥得很開心...最多做多點運動...

見到d人為左呢度0既「天下第一包」排哂隊，我就心郁郁想試左好多，2:45pm買左飛，姐姐話要3點3左右先有得拎，我就好乖咁0係附近兜到夠鐘先黎拎啦...不過到左3點3，見幾位姐姐都包緊一盒盒預訂0既野，都要等左3、4分鐘先真係俾我拎到個包，不過佢地個個都目無表情，佢地日日咁做，做到無癮卦....我一拎到包，就急不及待擺入口，嘩~包入面d流沙真係會兩邊唧出黎架﹗好彩個口夠敏捷接得住，餡就真係好好味!!!至於個包身...um....可能我係傳統中國人啦~我都係鍾意中式0既白色包皮，同埋朋友話西式包唔應該一出爐就食，所以話我食唔到呢個包最好0既一刻咁話....咁下次我試下攤一陣先食先。p.s.原來openrice輸入價錢冇得有小數點架﹗所以我打唔到$4.5~

從未吃過黑麥麵包，餅店有分八塊和四塊一包的，不知對不對胃口，所以只是買了後者 ($6.5)。黑麥麵包切得很薄，吃落帶點papery的口感，還有些苦味，想來不是我杯茶。相間一天，正想把剩餘兩片做午餐，發現麵包居然完全變質，頭頂邊緣位置本身已經特別薄，現在竟然猶如曬脆了的紙張，一搣即碎，很恐怖，其餘部份則乾乾硬硬。。。。再來光顧？機會想是微乎其微了。