超羣麵包西餅 (香林大廈)

營業中

休息中

六月十九日(星期四)之前買左呢度杏汁蛋白蛋糕!上個星期見到佢覺得幾得意,個質感唔錯呀!!唔知好唔好食呢!?好啦,等老公仔training完就食喇!都唔錯,不過都係普通既蛋糕味道!有d杏仁片o係上面!...但係比較多油呢!

在中環行去巴士站準備歸家途中, 想起這裡有雞蛋仔和流沙包賣, 於是「順便」地又來了! 排長龍的限量流沙包早已收了爐 (只有下午1、2、3時出爐), 買雞蛋仔還得攞籌。我又不趕時間, 便要了一底 ($11), 都要等約 5 分鐘的。不習慣在街上吃, 拿到回家已淋哂 (我懷疑做好的時候已淋了, 因為我在巴士上偷吃兩口時都是淋淋地的), 蛋香也真的夠強勁, 不愧是用有機麵粉 + 大連無公害雞蛋造成的。之不過, 它也實在太空心了 (整底都是), 最好的是一半實心一半空心的嘛 。同是 $11 底我不如在北角買好了, 這兒的雞蛋仔如此好賣, 是因為物以罕為貴 - 中環有幾多地方有得賣雞蛋仔吖? 論味道就不是傳說般如此非吃不可了。

終於試左傳說中"天下第一"的流沙包...排好耐隊, 又要買飛, 真巴閉~流沙包放上手好輕,咬落去有層麻糬皮, 好煙韌, 幾特別!再咬多啖, 開始見到流沙, 幾滑但唔香, 冇乜奶皇味既, 期望過高, 失望蛋撻: 出乎意料地好食, 好厚實, 個曲奇皮又脆又酥又香, 蛋味重兼滑溜, 似食布甸咁流沙包失望, 好普通, 評價太高, 蛋撻至係主角, 必試!

六月十七日(星期二)同老公o係IFC度行左陣,都唔知再食咩好!老公又話將軍漢堡太肥喇-.-!!終於我話去呢度買蛋撻果陣,佢雙眼發光!haha!!!............去到,都幾多人!仲以為賣哂tim!好彩仲有,不過流沙包就冇哂lu!!蛋撻熱熱地!好味道,佢個曲奇餅底真係一流!!!

試了很出名的流沙奶黃包要食到真係要千辛萬苦...是次預訂, 不可以提早, 一定要當日的上午十點預訂, 一點取貨, 而且最少要訂三打如果唔訂, 就一點鐘排隊買, 見識過了, 人龍不是說笑的而且買流沙包的人龍和買普通麵包的人龍是2條隊, 排錯了, 都唔會比你買...好了, 講返個包... 又真係用心之作既買到返去凍了點, 店員講明最好係用微波爐叮8秒麵包內係麻薯, 甚有咬口, 內有流沙, 香滑得黎唔太甜味道是不錯, 至於價錢嘛, 4個幾買一個精緻既細包仔, ok既, 不過係要有耐心排隊囉...

(12/6/08)同事睇左雜誌,誓要食到。兩天裡,一點鐘落去;兩點鐘又落;三點鐘又落,終於第二天比佢買到。旋風墨西哥皮少許脆,薄薄的麵包,住麻薯再包流沙,仍熱辣辣之際,口感好似食芝士咁!! 奶黃中的咸蛋味,o岩o岩好,甘香到不得了!最少要三打才可以訂,所以真係好難先至食到。

很久以前超羣結業, 當年阿媽Order, 中一, 二仔去超羣擠提攞餅. 不久, 超羣重開, 不過分店不多同唔就腳, 已經好少黎.早上的中環, 好多地方已經try過, 惟獨是環球呢一段, 比較少黎, 而且連鎖店為主, 對我的吸引, 當然不算太大. 下大雨, 入到超羣, 又是擠提, 狼狽地快趣揀個包, 再發現熱食要係門口買. 買了一個芝士包, 再出門口買叉燒包, 可能是天下大水, 返到公司杯奶茶已經凍左. 迷你叉燒包有茶樓水準, 麵包, 感覺上一般一般. 不是我 First Choice

六月二日(星期一)今日既早餐由我負責啦,上星期決定好!!!食呢度既蛋白蛋糕...........點知去到冇呀!可能要lunch時候先有!咁唯有試其他啦!買左個朱古力鮮奶包比老公仔,佢話都係北海道朱古夸包好味d!而我買左個藍莓鬆餅,都唔錯呀!!!^^

五月三十日(星期日)同老公仔買完starbuck再加多個流沙包!本身諗住食下其他包,但又見到流沙包wor!haha~~我地當然買啦!不過都係熱食好熱呢,買到番去凍左dd,但係都好味!...個d汁流出黎,同埋有d白色既好似麻櫡既野,好正!老公仲叫左杯冇冰既凍奶茶,不過我唔中意飲冇冰既!所以飲芒果汁!佢話凍奶茶都好好飲!!!

(16/5/08)糯米糍有藍莓味,有朱古力味,真係少見,買左$12/3粒,買埋黑芝麻味。煙韌度一般。最有驚喜是朱古力味,都幾香,幾特別。食到藍莓味時,發現咁奇怪o既?雖然食到藍莓果肉,不過好輕藍莓味,因為佢個餡係用奶糊溝出來....試埋黑芝麻味,更知佢咩料子,一式一樣,都係用奶糊溝點點芝麻餡,老實說,有點怪怪。

今天咁o岩下午四點行經此地, 醒起呢間舖頭買雞旦仔要拿籌, 又要3點後先有得賣咁巴閉. 於是比11蚊買o黎試. 剛巧有一底, 唔駛拿籌, 比錢立刻食啦! 凍o既, 成底圍邊雞旦仔全部合唔上, 得一半, 真孤寒,食味唔多覺有好香雞蛋味, 普通過乜, 一句講o麗, 不值一試!

尋日走去買左兩底, 個阿姐成日掛住傾計, 我比左錢後企係收銀度等, 見個阿姐擺左d雞旦仔係度成幾分鐘先叫人攞, 終於我個兩底一底係熱既, 一底係凍冰冰既, 勁難食 不過都好食過北角個間既, 反而個旦tat 係最好食, 今次評分係比個凍冰冰既雞旦仔既,

(29/4/08)講到要拿籌,又要等。我六點五過去,有五六個人在等,都有d驚賣晒,幸好仲有。有善的店員說,要等15-20分鐘。等左5分鐘,發覺唔知自己張飛係幾號,問問下,原來已到左,奇怪.....?anyway,真係未食過咁有蛋香既雞蛋仔!!好似食緊蛋糕咁,而且脆的!連邊邊每粒都有蛋槳!粒粒半軟,口感好似咬緊水泡!輕飄飄,好快食完,食晒都唔覺飽。雜誌講,佢係用大連無公害雞蛋&日本麵粉做的。至於北角的好食,定這裡的好食?各有優勝之處。

見到雜誌介紹，話呢到D雞蛋仔好好味經過見到唔係好多人，就買啦，票號81，點知轉過頭，聽到叫緊62號.....唯有照等等緊既時候，見到蛋達剛出爐，一個$4.5，個樣唔錯，亦都見到唔少人買，但只得一個人，食唔哂，唯有下次先約15-20分鐘後，終於等到啦，一入口，蛋味很香濃，是我吃過的最有蛋味的雞蛋仔。但不夠脆，而且有好幾粒散開了由於我喜歡有蛋味，所以應該會再幫襯

7/4/2008 晚行過見到呢道有雞蛋仔賣,之前成日都話限量供應, d雜誌又寫到有幾好食, 雖然要等15分鐘,難得有時間,所以就叫左一底啦~見個師傅做到個樣好蚊~佢地係用電爐的,見師傅手勢麻麻地,落蛋漿又落得咁死少,都知唔會好食得去邊ga啦~一食就食到好香的蛋味同椰漿味~不過口感好差, 有d黏口, 做唔到內脆外軟,收成$11就好唔值囉呢道d蛋撻就真係唔錯~好似係5元~相比泰昌就有過之而無不及