走過十萬八千里找到你

營業中

休息中

食物可以，但這個收費略嫌份量太少，女士也不夠飽，員工態度散漫，坐著看手機，我兩個人，本想要求要清水，但只給我一杯，星期五食飯時間一點半左右，只有一枱客人，其後也只是多了兩枱。

好耐之前係網上見到好多靚靚打咭相，今次專登Book 左枱，整間餐廳牆身佈滿插畫，天花板遍佈花海，啱哂打卡餐牌有意粉、意大利飯和主菜選擇，價錢由$138至$268不等。任何食品+$55可跟餐，有餐湯、多士和$60以下飲品餐湯+多士 | $55餐湯係南瓜忌廉湯，好香南瓜味，打得好滑，甜度適中，面頭加上少少忌廉。還有外脆內軟蒜蓉包，每人兩片原條鰻魚意大利飯 | $178鰻魚煮得好腍身，唔會太硬，蒲燒鰻魚汁令成條鰻魚好惹味。飯底有翠玉瓜、少量沙律菜和大量木魚碎。意大利飯唔會煮到太濕，口感煙韌酥炸軟殼蟹黑松露扁意粉 | $148原隻軟殼蟹上，酥脆香口，意粉掛滿黑松露忌廉嘅香氣，夾埋菇菇一齊食，非常惹味飲品鮮奶抺茶Matcha玫瑰抺茶Rose Matcha咖啡拉花用心別緻，咖啡鮮奶味道濃厚甘甜，覆蓋咖啡苦澀味

呢間Cafe好有心思營造出花園嘅感覺🌸度假咁chill住食嘢傾偈 非常享受🎖️👍🏻==============================𝐅𝐨𝐨𝐝 𝐋𝐢𝐬𝐭📌🍞餐湯+多士 兩個set dinner 都會跟咗甘筍湯同埋炸脆咗個蒜蓉包😍好濃嘅甘筍味 好暖胃🥳🍝北海道帆立貝海膽醬扁意粉 非常有咬口嘅意粉配上濃濃嘅海膽汁 拍得住出邊專食意粉餐廳水準👍🏻🍛三文魚子籽龍蝦汁意大利飯 比較硬身嘅risotto 坦白講我係硬身飯嘅fans 我覺得好有咬口好好食😍☕️黑芝麻 分別叫咗熱同凍 個人覺得熱飲芝麻味比較突出❤️

今次我地去左旺角油麻地之間既一間cafe食飯，餐廳個名好特別，長得黎又易記，因為個名夠型就黎左食😂餐廳環境燈光偏暗，坐位正常，店員態度殷勤，我自己感覺唔錯，呢度叫食物（+$55）就可以跟餐，包括有餐湯，蒜蓉包，同一杯$60以下既飲品，計落幾抵😁三文魚籽龍蝦汁意大利飯（$178）個意大利飯有蟹柳，青口，蝦，當然有最重要既三文魚籽，賣相都整得好精緻，飯唔會太硬身👍🏻和風醬燒牛肉扁意粉（$158）呢個意粉我覺得有d驚喜，估唔到用日式牛肉整意粉都幾夾，牛肉用料係靚既，呢個西日合迫風味夠創新又好味😛熱鮮奶抹茶（$56）黎Cafe真係要飲杯野，呢杯latte有好濃抹茶味，亦唔會太甜🍵紅寶石巧克力草莓鮮奶（$68）呢杯飲品係限量供應，整出黎個樣好靚好吸引，入面有啖啖士多啤梨果間，味道就似乳酪味，限量供應果然冇令人失望🥰呢間餐廳最令人印象深刻除左個名就係飲品，整得又靚又好飲，黎呢度食飯一定要叫埋飲品😉

用餐日期： 2023年12月 晚餐《$668 晚市二人套餐》餐廳係商廈入面既樓上cafe，地方唔大，燈光較為昏暗，但四周睇得出花左好多心機裝飾，算是頗有情調同溫馨既小店。《是日餐湯及多士》 ⭐️⭐️店員冇講今日餐湯係咩野，但飲落偏酸，應該是蕃茄/ 蘿蔔湯，酸度可以接受，飲落幾開胃，配以4塊微微烘過既蒜蓉包，作為整餐飯的開始，可惜蒜蓉包上菜時已經微涼，如果熱點會更好。《煙燻鴨胸肉沙律》⭐️⭐️沙律菜用醋調味，食落唔會太重草青味，份量剛好，唔會食完沙律飽左一半，再加上幾塊鴨胸肉，不過不失。《封煎鵝肝多士配三文魚籽》⭐️鵝肝品質唔算出色，外表沒有煎至焦脆，做唔到入口即溶。鵝肝本來油腻感就重，配咸鮮既三文魚籽沒有中和到腻感，反而令到件事更加累贅。《明太子岩燒蟹棒貓耳朵》⭐️貓耳朵口感偏硬，朋友什至形容為:好似未熟咁🥲成個粉份量好少，唔講都未必知道係明太子醬，不太合格。《香煎盲鰽魚柳配牛油香草汁》⭐️⭐️⭐️呢個反而高分D，盲鰽肉嫩香滑，魚皮煎得焦脆，不過魚皮部分就有少少乾，店家配左他他醬，個人覺得唔點醬都可以。伴碟有烤焦左既蕃茄仔同乾哂水既盧荀，薯蓉就不過不失，香滑冇顆粒，似用薯蓉粉開出黎既感覺。《法式焦糖燉蛋

Cafe怖滿左乾花 加埋月亮燈 走文青風溫和嘅燈光 坐得好舒服 好啱一班姊妹嚟聚餐😇今次二訪呢間Cafe 叫左兩個dinner set北海道帆立貝海膽醬扁意粉🍝 $178兩大隻帆立貝 鮮甜厚肉海膽醬非常入味 加埋紫菜碎同木魚絲 味道更有層次😉日式原條鰻魚意大利飯🍱 $178原條鰻魚肉質軟淋 醬汁香濃 非常滿足意大利飯都用心炮製 混入粒粒蔬果 口感豐富😆+$55 跟餐 餐湯(南瓜湯) 餐包(蒜蓉包) $60以下飲品呢度無論係餐具定擺設都充滿喵喵嘅蹤跡 十分可愛🐈特濃朱古力☕️鮮奶焙茶 🍵

今次被這間餐廳名字吸引了，決定上去試一試，一出𨋢就已經係佢哋的飯堂，位置很方便， 入到去週圍環境都是用乾花襯托，環境暗暗的很有情調，有梳化位，適合情侶，朋友，家人聚餐，枱嘅數量唔係太多，要去記得訂枱啦 😄餐湯加多士首先餐前有餐湯和多士， 多士係蒜蓉多士香脆，餐湯應該是南瓜蕃茄湯，好濃鬱配合埋多士一齊食很夾 😁北海道帆立貝海膽醬扁意粉帆立貝大大粒，淡淡肉好鮮甜，扁意粉煮得剛剛好， 軟硬適中磯燒魷魚筒墨魚汁意大利飯意大利飯粒粒飯都有墨汁包含住，魷魚桶都燒得好好，沒有過老，上碟嘅時候黑白分明， 魷魚桶好突出 😚桂圓紅棗茶 & 柚香菠蘿檸檬梳打桂圓紅棗茶好清甜，又暖又補身，好適合冬天嘅時候飲呀 🤗檸檬梳打配合柚子菠蘿，甜得嚟帶酸，味道好特別好開胃 ☺️

未試過有間餐廳伏到咁今次係frd帶我地去食第二次本身係網上面睇menu正常餐點係range from90到百幾點知去到最低一個面都要130幾我嗰frd話比佢上一個月來貴左50有多嗰陣仲要唔係夜晚or午餐時間去到已經兩點幾唔知發生咩事可以貴咁多又唔見餐點或者其他任何嘢有改善到好唔緊我地唸住可能好好食呢我地就坐地叫左卡邦尼同軟殼蟹意粉同埋抹茶紅豆窩夫卡邦尼意粉掛汁ok但食唔出有咩特別到要130軟殼蟹就煎到燶曬frd話未試過有人可以將軟殼蟹咁易加分嘅嘢整成咁窩夫食落去係ok嘅但係個底燶曬again唔值80蚊我求其去間30幾蚊嘅小店買都好食過佢幾倍但係前面嗰個130蚊嘅意粉太震撼我已經無咩感覺好咁都唔算最後仲要加一服務費其實如果佢唔係收成人均140我都只係認衰仔但係你既然收得呢個錢咁你d野食環境服務點都要對得起你嘅價錢好啦嘢食又普普通通staff嘅態度又不冷不熱講野細聲到聽唔到佢講咩臺又唔算好乾淨成間嘢又暗又熱又焗好心你收咁多錢都夠你冷氣費啦想要走高級路線就唔好淨係得嗰錢高級麻煩都至少有良心地upgrade下最基本嘅食物質素先已列入黑名單各位慎試

原本我係經OpenRice預訂咗同一棟商業大廈另一間餐廳，但係奈何嗰間餐廳實在我坐唔落佢哋安排嘅等密集緊貼座位，所以即時跳船，馬上search見到有另一間Cafe，所以中咗上嚟睇一睇上到嚟見到呢度擺枱絕對冇樓下咁擠迫，咁所以即時Walk in試一試。幫襯咗一個意粉一個飯，兩杯咖啡，跟餐仲有湯同埋蒜蓉包。蒜蓉包好香，湯不過不失，最有驚喜就係個咖啡，抹茶雪糕加紅豆配上咖啡，好新奇嘅口感，我朋友另外叫咗杯玫瑰latte， 拉花加上玫瑰花瓣點綴，就係一件藝術品。收工過嚟下午茶，絕對係一個放鬆嘅好選擇。

旺角嘅樓上cafe好多，真係要有一啲獨家嘅特色，先可以脫穎而出。走過十萬八千裡找到你一個好浪漫嘅店名！🌸💐🩷餐廳環境都係充滿浪漫感💗好多乾花佈置😍全個天花板都係好靚唔同顏色嘅乾花⚘️🌸💐🌹係咁靚既環佈置底下食飯都幾relax，影相效果都好靚❣️花花控一定唔可以錯過，亦好啱Ladies' gathering🌹🍝北海道帆立貝海膽醬扁意粉 $178上枱嘅時候啲木魚片不斷咁樣郁，非常生動活潑雖然冇海膽，每一條意粉都包住濃濃海膽醬，除咗帆立貝之外，入面仲有魷魚仔、蝦仔、蜆仔等等海鮮配料。🍱日式原條鰻魚意大利飯$178原條嘅蒲燒鰻魚，每一粒飯都包住鰻魚汁。🔸️嗌咗嘢食之後，可以加55蚊跟餐，包餐湯、餐包同埋飲品。是日餐湯係好濃好香嘅香草蕃茄湯，重配咗兩片香脆蒜蓉包。☕️Latte龍貓嘅造型我對咖啡係有要求嘅！呢個咖啡係不錯的👍🍵Matcha latte鮮奶抹茶 三眼仔嘅造型呢度既抹茶/焙茶產品,都係用"丸九小山園"嘅茶粉調制，正！

相約舊朋友出來傾談，當然一起共享美食，她住在旺角，地點好就腳，於是她帶我來到受食客歡迎的「走過十萬八千里找到你」，開心歡聚一下，放縱享受美食。呢間樓上cafe，周圍散發著乾花，最啱嚟打卡影相，非常吸睛。餐湯和多士湯杯是一隻貓貓十分得意，南瓜湯充滿甜味，多士香脆美味。三文魚籽龍蝦汁意大利飯意大利飯夠creamy，配上青口及大蝦肉質鮮嫩，三文魚籽彈牙，配合龍蝦汁好夾，這間味道很好，讓人回味無窮。日式原條鰻魚意大利飯賣相吸引我的視線，原條鰻魚好大條好juicy，意大利飯口感細膩煙靱，仍然保留了誘人的味道。Rose matcha latte賣相好靚，玫瑰花吸引，抹茶香濃，唔會太甜，香氣四溢。手工黑芝麻Latte黑芝麻Latte芝麻味濃醇，好香滑，仲有牛奶味，拉花好喜歡。走過十萬八千里找到你（旺角）地址：旺角彌敦道575號Ladder Dundas 10樓

終於黎到一間想試好耐嘅餐廳😝，個店名係說出我嘅心聲😳走過十萬八千里找到你🥹除左意景情懷正之外，食物都正呀！同行朋友叫左一飯一意粉😋，仲有兩杯飲品呀😍1️⃣忌廉龍蝦汁甲羅燒貓耳朵🦞🦀🐱🦻🏽貓耳朵👂塊塊都掛滿濃郁忌廉龍蝦汁🤩，貓耳朵軟熟度適中有口感👏🏽，配埋新鮮甲羅燒😳，將蟹嘅鮮味同龍蝦味配上🤤，整個意粉都好好食！2️⃣三文魚籽龍蝦汁意大利飯🦞🐟🍛意大利飯煮得粒粒熟透👍🏽，龍蝦汁香濃出味🤤，配上長長蟹柳🦀同粒粒三文魚籽🐟，超鮮味👍🏽，更重要係個擺盤同碟超靚！儀式感滿滿😍3️⃣紅寶石巧克力草莓鮮奶🍓🍫🥛叫左佢地最出名嘅飲品，每一啖都係草莓粒🍓，牛奶鮮甜好味，配埋朱古力🍫少少苦澀味，中和成杯嘅甜味👍🏽4️⃣手工黑芝麻☕️杯Latte 好睇又好飲😳，個拉花係無臉男哈哈！襯哂杯黑芝麻latte 嘅顏色配搭😬😬餐廳裝修佈置超靚，食物水準不錯，置身於花海下心情靚d，用餐體驗更昇華😍

平日晚市 嗌左二人餐餐湯同蒜蓉包，蒜蓉包淋到好似毛巾 餐湯冇乜味，以為係咪一時失手，就等下一道餸鵝肝多士，個包係脆既，味道不過不失，以為可以稍微放心少少，點知之後一道比一道差…意粉揀左蟹肉蝦膏汁意粉，冇乜味 冇乜汁 蟹肉同意粉份量少，每人一啖都差唔多食晒main就揀左牛板腱，冇乜牛味，外面又難又un ，但中間仲係生既到最後叫佢上埋甜品，本身應該係焦糖布甸+雪糕，但上左碟窩夫 然後話冇晒布甸所以轉窩夫。 我諗都係廚師巧妙嘅安排，嚟一個首尾呼應，如果蒜蓉包係淋嘅毛巾，個窩夫就係浸左三分鐘既響鈴平時都冇寫食評 冇影低啲食物嘅我，呢刻都比廚師嘅心思打動，為響鈴窩夫留下倩影

餐廳：走過十萬八千里找到你 (旺角)地址：旺角彌敦道575號Ladder Dundas 10樓走過十萬八千里嚟到旺角鬧市呢間Cafe @somedayoronedaycafe ，喺尋覓浪漫嘅愛情故事？失散多年嘅關係？定喺夢寐以求咗好耐嘅一樣物件？通通都唔喺😎，Cafe名原來喺指老闆千里迢迢搜尋嚟自世界各地嘅美食🦐，希望喺呢度比食客品嚐到各國特色一行入Cafe，柔和昏暗嘅燈光同滿天乾花💐，加上月亮🌕、風車果、木百合果等裝飾，配合牆上精細嘅油畫同木製傢俬🪵，氛圍爛漫得嚟又帶有啲浪漫感覺💕，仿如置身喺一個世外桃源咁🥰餐牌有二人/四人套餐可以揀，亦可以散叫意大利粉飯或者主食🍝，加$55仲可以升級做套餐，包是日餐湯、餐包同$60以下飲品一杯，或者補差價叫$60以上飲品都得。是日餐湯喺無添加鮮甜手打南瓜湯🎃，另外每人有兩件蒜蓉多士，飲品就叫咗杯Latte同限量供應嘅紅寶石巧克力草莓鮮奶(+$8)，飲品即叫即整，連士多啤梨都喺即場壓爛再打入明治4.3特濃牛奶當中🥛，飲落仲有陣陣玫瑰花香🌹，以濃滑奶香為主，飲到底仲食到少少士多啤梨蓉添🍓✝️北海道帆立貝海膽醬扁意粉 $178份量唔多，但上枱有濃郁海膽醬香

約左舊同事食飯緊係約個就腳位， 旺角彌敦道係一個好位置，上網搵見‘’走過十萬八千里找到你‘’都幾好就約呢到等。上到來地方唔錯好多打卡位，牆上好多花，我諗下午太陽光射入來有自然光影相會好靚。我地先點選⬇️⬇️⬇️🥣🥖 ～ 是日餐湯+多士🔯 日式原條鰻魚意大利飯 ～ 原條上的鰻魚最豐富吸引，啖啖燒香的鰻魚無骨一口過連同意大利飯直送入口。🔯 和風醬燒牛肉扁意粉 ～ 肥牛片與和風醬汁不嬲都夾的配上意粉都唔錯。☕ 玫瑰果洛神花茶 ～ 最喜歡飲茶係一壺上，慢慢一杯杯咁嘆， 食完一餐飲玫瑰果洛神花茶酸酸地可以解油膩。🍹 特濃朱古力 ～ 凍朱古力夠濃郁， 上面層cream 和朱古力醬都係加分的。