贊和豆品

營業中

休息中

入秋後依然有熱辣辣的日子，家人買了豆腐花回家，據他説這家店正在做特價，任何豆腐花包括冷或熱都只售$5一碗而己。原價$8一碗的芝麻豆腐花，豆腐花依然是薄豆味，質感卻增加了一點，芝麻糊的味道單調，只得甜，猶如有形無神之物，好可惜！味道 2環境 2.5服務 2.5衛生 3抵食 2

食完飯就過左隔離買甜品，其實係同一地段有兩間豆品店，仲做緊特價$5一碗豆花，就即管試試！都要排隊，人龍都keep 住有10-15人。排隊中途都聽倒後面位太太講電話，話之前食過好好味。心諗，應該唔錯！選擇方面，佢地有紅豆、綠豆、黑芝麻、花奶，薏米⋯ 都算幾多選擇！我最後揀左黑芝麻豆花，題外話，take away 加$1。 位太太無講錯，個豆花真係好正，滑同有豆味！一啲都唔「鞋」口！呢個價錢呢個質素簡直超值！不過個黑芝麻就唔好期望太高！個整體係個豆花作為主角的確做得好好！

就在旁邊的店吃完一碗豆花後，不夠喉決定再叫多碗，剛好贊和是日慶祝分店在旺角開張，豆花一律$5! 超平呢！！！馬上衝前買一碗😎😎😎兩家店開在旁邊，賣的豆花還是有些差別的，贊和的味道較多，有花奶有白果薏米等～若彼家不合心意就可即時過檔來這買😆調味糖水有三款，較特別的是桂花糖水，另外當然也有必備的黃糖啦😎白果薏米豆花 $5 ⭐️⭐️⭐️⭐️⭐️超嫩滑！！！薏仁份量尚算足夠，店家加了少少花奶，令口感更滑溜🌸🌸🌸真的好吃呢！但豆味不算濃，要是只追求配料和冰冰涼涼的口感，$5 一定值回票價😀😀😀

都唔知係未轉咗手，態度超差，落完order俾埋錢，行過右邊兩步，都唔夠兩分鐘，跟住個阿姐問我要咩！😡我話叫咗野，等待中，點知個阿姐話：我唔知，唔係我經手。我話：唔係掛，我俾錢俾阿姐你，你甘快唔記得，我有啲覺得個阿姐以為我偷野，我偷都唔會偷d黃糖。😤😤一肚氣，免費我都唔會再食，$5👎

吃完中午飯，行過路德圍，好想買杯冰涼飲品解下暑。正當在芸芸飲料小店中，不知如何缺擇的時候，就被—條约十人的人龍吸引過去，姑且—看，原來做緊推廣優惠，仼何口味的豆腐花，只賣五蚊。但我還是買了豆漿。豆漿入口唔會過稀或過稠，質地唔算滑，但有豆味同唔甜。算係合格以上的品質。

最為人熟悉莫過於路德圍內豆腐花之爭我兩家舖的豆腐花都試過這家贊和真的被比下去豆腐花豆味完全吾知去左邊無味的甚至我有想過有無落豆落去🤔而且店家態度十分差見你想去隔離買就即刻黑你面⋯⋯嗰5蚊 我當跌左算😩

咁熱既天氣下行行街當然想食反啲清涼野舒服下，一到路德圍就被5蚊碗豆腐花既廣告牌吸引。5蚊碗咁平，緊係嗱嗱聲排隊買嚟試下，排隊人都唔少，成夜晚10點幾都有成十幾人排。但都唔係排咗好耐，因為凍既豆腐花一早就一碗碗準備好喺雪櫃。睇下客人要咩配料同味道再加上去，所以好快就排到。一共有8款口味，我就較鐘意桂花嗰種甜甜清香桂花冰糖豆腐花因好好多人，所以買咗外賣再搵地方坐低慢慢嘆(外賣要加1蚊)。小妹都好鐘意黃糖味所以都加咗好多。第一啖就已經覺得啲豆花唔滑，更加食唔到桂花味，淡淡既豆味，總括味道淡無味但5蚊碗就唔應有太大期望。雖然味道麻麻但平價搭救啦，飯口甜下都過得去啦，所以評分ok

前幾晚經過路德圍💃 食完晚飯見到有免費試食 雖然作為荃灣人 但都未試過贊和 之前一直試隔離個間 今次排咗8分鐘左右就可以拎一碗伙計好大聲咁叫周圍既人黎試食 態度唔錯👍都裝得幾大碗 可以自己落黃糖/薑汁/冰糖☝試食時係熱食 食落幾香幾滑 都食得出佢磨豆所花既功夫 不過可惜豆味就唔係好突出😶😶 有d失色 我覺得佢可以偶然推出同類試食 比大家試一試 另外可以諗諗方法加返d豆味😕

在雄記吃飽行過贊和豆品見到有免費試食豆腐花,而且沒人排隊即時師拉仔上身取一碗跟車爸爸開心*些牙*,阿姐見我倆孖份食仲額外加多一殼比我哋添好慷慨又貼心呢^0^店家自稱用加拿大黃豆製作,豆腐花質感非常之滑溜,糖水都頗夠薑味,但車爸爸重手哋加咗過多黃糖所以有D過甜, 坦白講豆味就真的不及隔籬的亞玉豆腐花那了麼濃香好吃。

行過見到一大堆人排排排...八八掛掛又排埋一份…原來如此～～～剛好同友人可以互叫一碗shsre試食...免費試食嚟講...老闆都算唔手軟…大大碗...講真…碗豆腐花好滑...但無乜豆味…希望遲吓再食會有改進啦

見到全店五蚊碗，咁就買左一碗吃其實選擇都不少，可能平左，多左人排隊呢碗外賣，加左1蚊，費事熱天時周街吃綠豆沙豆腐花，豆腐花的豆味不太多，質地不厚，滑而薄身，綠豆沙味就香，綠豆已煲林但未起沙，綠豆份量不少，總覺得欠少少，有進步空間

八週年紀念之免費試食！但凡有優惠，遊人也愛排隊，更何況店員不斷大喊: 試完可再試，試到啱才買！他們說全店只選用加拿大黃豆，而且是在店內賣完一桶，即撞再賣過，我見無論試或買來吃，都是取自同一桶豆腐，我也排了一碗來試，豆腐花明顯有改進，豆味比以前重一些，質感亦厚了一些，以往的豆腐花吃著會感覺很薄，遠不及鄰店，今次終於有得鬥。

上星期日, 同朋友在荃灣食完韓國野,忽然好想食豆花當甜品,於是就去左路德圍度搵!因為那裡最多街頭小食! 短短一條街有兩間豆花店, 一間好多人,而另一間就排晒隊,原來呢間叫贊和豆品的在搞免費試食!我睇過雖然是試食,但份量都叫重手,公雞碗都有成半碗咁多!而且可以任加黃糖,的確好大方!試食只限堂食,外賣就要付款了,我點了一客白果薏米豆腐花帶回家,因為要拎返屯門,所以選了凍的! 打開蓋沒有太大的分別,因為材料都在下面未拌勻!拌勻黃糖後就會見到有不少的薏米在入面,口感煙 帶點清甜,而主角豆花的豆味卻太算濃,吃落只有一點點的豆香,淡淡的,但豆花質感不錯夠滑溜!因為是在一間專賣豆花的店的出品,坦白說我有點小失望,因為真心覺得淡左D,但想深一層平時吃到的豆花可能是用什麼改造的黃豆,自然又甜又濃,平衡了得失,我也會支持小店的!當晚除了買豆花外,還買了豆漿,豆漿豆味依然不算濃, 是十分讚, 因為足料!它是漿狀不是平時買的水狀! 如果兩者來說,我比較推薦豆漿喔!

今晚收工去路得圍個邊搵野食，見到平時冇咩人排嘅豆花鋪有人龍，覺得奇喇~因為平時隔離個間多人d. 原來係慶祝第6/7分店開張!! 我又走去排，其實5分鐘都排到。先唔講味道，服務好好，好有盛意。老板娘物體好好咁叫大家去試，試幾多次都得(當然唔會咁厚面皮)。話係想大家知佢地係非基因改造大豆，豆味會淡d~尼道買完/拎完，大家排排企係度食，好有風味不完比你可以自己落薑糖/糖水/黃糖。一食落，果然係淡味啲，豆味好淡。不過造得好滑我落左薑糖，唔會過甜，都好夠薑味。整體好好味，可能心情好不過都係中意重啲豆味嘅多啲。不過如果買都係6蚊，都抵食。

今日有荃灣朋友帶小仙女同男朋友去荃灣玩，行行下見到有試食promotion好長龍啊！免費既野少不免要排隊既，如果唔想排隊既可以比正價($6)購買，即時比到你優惠活動係為左慶祝第七、八分店開業定唔知一周年，由即日起至到5月13日所有分店都免費派豆腐花未去既可以快啲去試下豆腐花都有好多味道今次呢個係熱冰糖豆腐花旁邊有冰糖 薑糖 黃糖任你落豆腐花好滑，不過就冇乜豆味，但整體而言都唔錯，就算係試食活動都唔會偷工減料比少少你咁係荃灣街頭用公雞碗食豆腐花，別具風味！而且服務態度都好nice，佢地不斷叫人去試食同埋話食完一碗唔夠可以再添哈哈不過其實我食半碗已經好飽！