贊和豆品

行過見到價錢好平，一碗豆腐花只需七蚊，好多人買完就企喺街邊食，男女老幼都有，場面幾熱鬧。舖頭係街邊小店，冇座位，簡單但乾淨，一位姐姐負責叫完即刻勺畀你。買咗一碗薑汁豆腐花，薑汁、糖漿同糖粉都放喺一旁，可以自己按喜好加落去。薑汁唔係坊間嗰啲糖漿味，食落感覺似而係自家煲嘅薑水，唔甜但夠香，入口有啲暖意。豆腐花本身非常滑，有淡淡嘅豆香，質感細膩，食落有驚喜。以呢個價錢嚟講，真係抵食又有質素，唔怪得咁多人寧願企喺街邊都要買嚟食。…查看更多

今日喺荃灣路德圍贊和豆腐花，叫咗兩碗豆腐花，價錢超抵，七蚊一碗。雖然係閒日三四點，但係依然有人喺度排隊，生意相當唔錯。今次叫咗一個凍薏仁白果豆腐花同凍黑芝麻豆腐花，我幾鍾意啲薏仁白果，但係黑芝麻就一般般啦比較水D，豆腐花好滑，但係冇乜豆味。好似比以前退步咗，記得以前黑芝麻糊會濃鬱啲。呢度仲可以自己加唔同嘅配料，呢個價錢算係幾抵食，不過味道就一般般啦。桂花冰糖味道唔錯，另外見到佢有花奶味，下次可能會試下。…查看更多

自從荃灣豆腐花大戰之後，經常都到這間豆品店買豆腐花。這次買了三個外賣每碗$7外賣+1比起很多店舖都還要便宜。豆花滑溜，但豆味比較淡。配搭嘅紅豆沙同綠豆沙，味道唔錯，搭着豆腐花食唔會太甜 。綠豆沙唔係一般嘅海帶綠豆沙，而係加咗一種草，係傳統嘅味道。紅豆沙除咗沙之外，亦都有一粒粒嘅豆有咬口。芝麻糊唔會期望佢自己磨自己煮，畢竟價錢喺度。但開份起碼唔會開到199。整體比較滿意。…查看更多

荃灣呢條為食街嘅呢間豆腐花鋪，由昔日嘅$3碗食到依家$7碗，依然係平靚正，個個行過都忍唔住要整返碗😁。豆腐花，仍然係又滑又抵食。仲有好多款唔同配搭。通常住附近嘅街坊都會買返幾碗返屋企慢慢嘆。有黃糖，桂花冰糖水，冰糖水及鮮薑水隨你添加。真係好貼心。食多幾碗唔同味道都唔過份。…查看更多

贊和豆品贊和豆品同隔離糖水鋪咁多年都一直鬥平益食客，鬥到你死我活。上星期經開荃灣順便睇下佢哋依家點，結果贊和贏咗，平咗1蚊，記得以前豆腐花最平係賣$3一碗，到今時今日不得不加價，但依然最平賣緊$7，最後我無買豆腐花，反而買咗香滑芝麻糊、香草綠豆沙同陳皮白蓮子紅豆沙外賣走！1.香滑芝麻糊$9＋$1外賣（9/10）呢個芝麻糊好滑，芝麻夠濃無溝水，夠「傑撻撻」，唔會好甜，正爆！😋😋😋2.香草綠豆沙$13＋$1外賣（8/10）呢個綠豆沙夠多綠豆，而且煮得夠耐起到沙，有少少香草味，又唔會好甜！👍👍👍3.陳皮白蓮子紅豆沙＋$1外賣（8/10）呢個紅豆沙食到陳皮味，用幾多年陳皮就唔知，入面仲有白蓮子，而且煮得夠耐起到沙，唔係紅豆湯，又唔會好甜！👍😋😋3人總共價錢$38個人口味總評分：8.33/10地址：荃灣荃興徑6號昌泰大廈地下5A舖…查看更多