贊和豆品

營業中

休息中

大前日(19-12-2016 Mon)晏晝o係beans食完晏,因被太甜o既檸蜜攪到我好口渴,而且天氣熱,經過呢o度,見到有豆腐花做特價,只賣$5.00一碗,唔怪得18號同老公o係歐陸關係食晏時,咁多人企o係o度食豆腐花啦.既然咁平,咁我就要一碗凍桂花冰糖豆腐花啦,亞姐舀完俾我,原因冰糖水,薑糖水,桂花糖水都可以自己斟,咁我就加啲蔗糖同桂花糖水,食落,豆腐花滑同夠凍,不過冇乜豆味,而且冇桂花味,就算之後我係咁右都冇.算啦,$5.00一碗可以解熱,重想點?

晚餐時間路經路德圍，遙遠已經看見長長的人龍了，究竟是什麼東西令那麼多人著迷？慢慢走近後，便發現原來是豆腐花！重點是他的價錢！非常便宜 ！所有味道的豆腐花也只是$5。無錯！是$5！人家可能會說：「平野無好野。」為了知道這個說法是否正確，我也買了一碗試一試。最後點了「花奶豆腐花」！豆腐花有豆香，而且順滑，配上花奶一起吃，更添滑溜感！完全想不到$5也有這個質素，難怪人龍可以那麼長！下次有機會要試試其他味先！

與友人在荃灣附近辦點事，之後就在附近找點東西吃。大約半年前來，記得亞玉豆花的人龍遠比贊和的長，不知是否電視台的威力，上過電視的贊和也有了一條旗鼓相當的人龍。大家都是鬥平，$5碗，益食客。雖然是$5，但份量並沒有偷工減料，與外頭吃到的十幾蚊一碗的沒有兩樣。有約莫8款豆腐花可選，一律$5。先試熱的薏米白果，薏米香味和咬口完全蓋過白果。豆腐花豆味不多，但夠滑。之後再試凍芝麻糊。阿姐是用擠醬的樽吱出來的，芝麻糊可想而知不會太稠。芝麻味道算是有的，但並不深刻。不幸是豆腐花也沒有甚麼味道，只靠少許糖水吊味。有點後悔，本想再買另一碗試其他味道，但人龍比之前更長，唯有打消念頭，倒了這碗豆花落肚就算了。浪子撇開不將兩家相鄰的豆腐花比較。單以贊和而言，豆味的確太淡，既沒有香味也沒有味道。但因為豆花做得很滑，為這碗豆花挽回了一些分數。加上以價錢去妥協，這樣的出品已經非常難得。外頭很多店鋪，賣緊十幾廿蚊一碗，硬過啫喱，粉過糊的豆腐花也大有人在。所以綜合價錢、份量和味道，還是可以俾笑面吧。

行完街SHOPPING完畢, 諗住過南豐中心搭車返屋企. 又經過路德圍喇. 見咁多人都排隊食豆腐花, 老公擔心企喺街食比較論盡 (尤其係百厭仔) 但$5.00一碗咋喎, 仲要係用傳統公雞碗載, 份量唔少喎. 幾大就幾大啦, 我哋當然唔會執輸啦. 芝麻豆腐花, 花奶豆腐花, 冰糖豆腐花 --芝麻香濃, 豆腐花非常滑, 基本上唔使再加糖已經好好味.  又正又抵!

今日路過荃灣路德圍，見到好多人排隊，原來係全線$5豆腐花，我都唔執輸走去排下排左5分鐘左右，叫左碗芝麻糊豆腐花，芝麻糊夠濃又綿，豆腐花好滑有豆味，果然係即場製造嘅已經想再食多碗呀

行完大帽山去返荃灣搭車，但臨走前當然要餵飽下個肚先啦。入到條小食街就見到有兩間專賣豆腐花舖頭並列。最後揀左尼間多人排隊嘅贊和。唔知係咪有競爭，所以$5蚊就搞掂。款式都多，例如: 冰糖桂花豆腐花，花奶豆腐花，紅豆沙豆腐花等等。而我就要左個清熱嘅綠豆沙豆腐花。豆腐花有豆味，而滑溜程度未算係可以一野可以sir入口，不過5蚊有咁嘅質素已經非常好。順帶一提，黃糖，薑汁，糖水都係自助形式。鍾意落勁多黃糖嘅你，唔洗再怕唔好意思叫人落多啲啦。

去得荃灣都知有好多又平又抵食的美食，難得再次路過，叫了這家的豆腐花過口癮。$5一碗實在夠抵，而且除了一般調味糖水外，還有多款味道配搭，冷熱均一律同價(外賣加$1)。我選擇了黑芝麻豆腐花(熱)，首先夠熱，如齋吃豆腐花，很滑，但很可惜沒有什麼豆味，淡淡地，幸好黑芝麻甜(就是芝麻糊嘛😂)，混合一起吃又好滋味。一大碗吃完，其實都幾飽肚呢。

昨天才剛介紹完黑芝麻豆花，昨晚細妹又買了一碗紅豆沙豆花讓我今早做早餐！外賣$6的紅豆沙豆花，今次沒盛得像芝麻糊那樣滿，但紅豆和蓮子又稔又甜，混在滑滑的豆花一起，很好吃！不是刻意替她賣廣告，但我覺得在這物價高漲的環境下，有這便宜的選擇真不錯！

點解幫襯？因為$5！冇錯！係$5！所有款都係！外賣加$1！第一次幫襯，外賣一兜凍豆腐花，$6，感覺係份量偏少，味道偏淡，質感普通，冇百福嘅咁滑，但能過口癮！第二次幫襯，凍紅豆豆花，同樣$6！感覺係紅豆沙甜，豆腐花淡，返到屋企要加多三粒代糖撈勻佢，味道好多了！第三次幫襯，凍綠豆豆花，都係$6！今次可能因為最後撈底，冇乜綠豆沙，份量比之前紅豆少，但同樣，綠豆沙甜，豆腐花淡，要加代糖！今次呢碗，細妹買俾我，凍芝麻糊豆花，照舊$6，但今次最好！芝麻糊味香濃甜美，同豆花份量都頗多，裝到滿瀉，益哂我！總括嚟講，$5，(但我喜歡外賣，感覺乾淨啲，且唔駛企喺街度食塵！)人人都可負擔到，天時暑熱口淡淡，喉嚨乾燥嘴擘擘，食返一碗舒服哂！加上份量唔多，食哂唔好嘥，食咗唔怕肥，值得推介，唯獨賣豆花嘅阿嬸頗cool, 永冇笑容同多謝…(隨相附送我大咪靚尾巴一條，因為佢陪我食早餐！)

作為每晚都會逛荃灣的人，經常都會忍不住要吃5元一碗的原味豆腐花。基本上就是這家跟旁邊豆花店的競爭。老實說，經常看見這邊排隊的人比較多，每次都抱著會有進步嗎的心態來排隊，可是吃完一次又一次，每次都覺得中伏了。雖然我不是神之舌，幾個月下來還是覺得這裡的不夠豆香，不夠滑。最近在fb看見好多廣告，真心覺得，與其花錢打廣告，不如做好豆腐花。到今天為止，我還是比較喜歡旁邊那家豆花店。

行街經過見到好多人排隊，原來5蚊一碗豆腐花！唔怪得知甘多人啦！條隊都郁得好快，當然唔執輸去試下啦！叫左碗紅豆豆花，五蚊！豆花較實，豆味唔太重，可能係凍食關係。紅豆好林，幾多下，唔會將價就貨！紅豆夠甜，豆花唔洗再加糖水。不過中意既都可加桂花味或薑味糖水，放係枱任加的！抵！

行到依條食街，被這個$5碗豆腐花的易拉架吸引住，所以叫了一碗黑芝麻豆腐花~ 豆腐質感都算滑，但小編個人認為可以再滑d~ 而黑芝麻方面味道唔差，帶有濃濃的芝麻味，但略嫌味道偏甜，唔太適合不愛太甜的人士~ 另外，所謂堂食其實都係企係街邊食用後，將用完的碗放係紅色的桶內，沒有像隔離的店舖那樣提供椅子供客人使用~ 以這個價錢食到這樣質素的豆腐花，值得一試~

放假經過見到好多人排隊，就去望下咩食物甘吸引！嘩！全部豆腐花都係五蚊！呢個價錢無物咩地方有，仲要有好多款味道揀，不過佢寫住剩係做呢個星期。排左五至十分鐘到就買到。黑芝麻豆花份量一啲都唔少，有熱有凍，任你揀。黑芝麻好香，加左佢唔洗再加糖水都夠甜。相反，可能係凍豆花，唔係太香豆味，但夠滑！外賣要加一蚊，所以大部分人都係企係度食。正呀！好抵！

行過荃灣 見到好多人 一望 原來係豆付花 可能新開張 全部$5一碗 好啦 見你咁平 一於抱住不怕死精神試下買左碗 芝麻糊豆付花 哈哈 果然係一分錢一分貨 依個豆付花呢………豆付係滑既 但就冇味 好彩其望唔高 失望都唔太大可能新開張 所以好平 所以失水準 希望之後會好D 啦

之前去荃灣食過呢間既豆花念念不忘，因為真係抵食，仲要有薏米白果豆腐花！所以係要行完山之後又去咗荃灣再食多次。可能因為星期日所以去到好多人排，但係都好快就輪到薏米豆腐花依然有好多薏米，足料！豆花又好滑！去荃灣必食