賞島咖啡屋

營業中

休息中

大家好今晚到了太子既賞島咖啡屋食晚餐這間餐廳好近運動場附近裝修同環境都幾靚食物方面我點左兩份主食同兩杯飲品第一個是蒜油花椒蜆肉意大利麵這個蒜油同花椒味都幾出蒜頭味道為主有少少好麻辣既味道有少少四川風味蜆肉都是比較大隻那種無乜沙另一個主食孜然烤羊架有三塊羊架羊肉都煎得幾香幾有肉汁仲有薄荷醬跟埋配菜有菇同埋沙律菜同薯蓉飲品方面叫左Matcha Latte 沫茶味都甘甘甜甜同埋幾多奶幾滑下另一個Honey yuzu with Lemon即係柚子蜜一壺上可以慢慢酙來飲總括呢間咖啡店野食同環境都唔錯

最近我去了一家叫做「太子 賞鳥咖啡屋」的餐廳，這是一家以提供高品質食物和舒適用餐環境聞名的咖啡屋。我點了他們的幾道招牌菜，包括「西京燒比目魚」、「青醬帶子螺絲粉」和「慢煮雞胸柚子汁沙律」首先，讓我來談談「西京燒比目魚」。這道菜用鮮味的比目魚為主角，烤得香嫩多汁。魚肉質鮮美，口感柔軟，並且與西京燒醬的風味相得益彰。外層烤至金黃酥脆，內部仍然保持著魚肉的鮮嫩，每一口都讓人愛不釋口。配菜方面，搭配了一些鮮蔬和醃製的蔬菜，提供了豐富的口感和層次感。這道菜的味道和視覺效果都非常出色，絕對是必試的佳餚之一。接下來是「青醬帶子螺絲粉」。這道麵食菜品給人留下了深刻的印象。螺絲粉煮得剛剛好，彈牙有嚼勁。帶子鮮嫩多汁，與青醬的香氣完美融合。青醬的口感濃郁，帶有微妙的香草和乳酪味道，給整道菜帶來了豐富的層次感。在口感和味道上的平衡讓這道菜成為一個令人驚艷的選擇。最後是「慢煮雞胸柚子汁沙律」。這道沙律以慢煮的雞胸肉為主要成分，肉質嫩滑多汁。柚子汁的酸甜味道為這道沙律增添了一抹清新的風味。沙律中的蔬菜新鮮多彩，為整道菜提供了豐富的口感和營養。這是一道輕盈健康的選擇，非常適合作為主菜或前菜。整體而言，「太子 賞鳥

🌸賞島咖啡屋位於花園街附近，去完花墟，順便食埋晚先返屋企。餐廳裝潢主打小清新簡約風，裝修以木系作主調，餐廳門口亦擺放了植物盤栽，打卡影相一流。❤️🥳座位相當溫馨，以黃燈格局點綴，有啲座位牆上位置可以砌字，好適合生日同朋友慶祝打卡用。😬🎂🎉🎊🍝蒜油花椒蜆肉意大利麵。蜆肉鮮甜微麻辣，意大利麵煙靭，味道唔錯。🥳西京燒比目魚🐟比目魚兩大塊，皮香煎，肉厚嫩滑，燒汁味甜冇腥味，配菜有薯仔啡菇生菜沙律醬，滿意。🇯🇵賞島咖啡屋 (太子)太子花園街233-235號偉雄大廈地下A號舖

小小咖啡店，充滿特別佈置，收工想同同事傾吓偈，係附近搵咗呢間咖啡小店。店舖係太子一個寧靜區域，附近還有一些其他小店可以逛逛。我地叫左二人套餐試下前菜 有湯 有沙律🥗好好飲個忌廉蘑菇湯，好濃味，如果可以再多啲就好慢煮雞胸沙律🥗 雞胸一啲都唔”鞋” 切得夠薄片 容易入口。主菜 我哋叫左 西京燒比目魚，比目魚 勁濃味 入口好嫩滑 配炒菇。呢個 明太子 櫻花蝦 意粉 🍝係我哋最期待😚因為之前睇到啲人話推介，味道真係好夠，滿滿嘅明太子 加 櫻花蝦 混香滑忌廉汁 超滿足。最後有一份甜品🍮 揀咗tiramisu ，唔錯 香滑咖啡味 做了這餐的總結五點幾到就唔算多人，不過之後都已經滿坐了，所以有約位比較好。支持香港小店💪🏻

賞島咖啡屋坐落在太子眾多隱藏神店中，暮色隨我們一起抵達。店鋪外觀裝修為橄欖綠色，透過亮燈的窗戶望進去，一眼就可以看到室內的幾株綠植，整體看起來清爽溫馨。.落座後，按著餐單上有點贊👍圖標的餐品，快速點好前菜沙律、main course同埋甜品。上菜速度很快，但道道驚艷。依家逐一來分享下：慢煮雞胸柚子汁沙律，菜葉嫩綠爽脆，慢煮雞胸確實做出了入口即化的綿軟口感，加上柚子汁配得恰到好處，讓整道菜肥膩和清新平衡得很到位。蒜油花椒蜆肉意大利面，這一道被同行朋友毫不吝嗇送上了本港食過最好味Pasta。確實很有創意，西餐中做，味道竟然格外安胃口，十分出彩。西京燒比目魚，魚肉入口如細膩的米粒般，燒汁有種馬鈴薯的自然甜味。每一口我的舌頭都為之歡欣！Tiramisu酒味稍淡了些，個人認為是無功無過的出品。.最後要盛贊美麗的小姐姐，全程用心周到的服務，感染人的笑容❤️

今日唔想煮飯，就搵左間近近地屋企既cafe坐下食餐飯。呢間cafe燈光同氣氛令人覺得舒適😌😌CP值亦相當高！蟹肉蟹籽沙律蟹肉蟹籽沙律清爽可口🦀，蟹肉份量拿捏岩岩好。沙律入面仲有蟹籽，口感層次好豐富。麻醬清淡唔膩，啱啱好咁提升咗整體風味。呢個沙律好適合作前菜，為後面嘅主菜開個好頭。蒜油花椒蜆肉意大利麵呢個意大利麵絕對係呢間Cafe嘅亮點之一。蒜油嘅香味同花椒嘅微辣結合得啱啱好，入口即刻有驚喜，口味係似麻辣鍋既味，又有中式風味嘅獨特調味，真係值得一試🤩柚子梳打柚子梳打係一款好清新解渴嘅飲品。柚子嘅香味好濃郁，加埋氣泡梳打水，一口飲落去就覺得好清涼🧊🧊。呢款飲品好適合夏天飲😎🌞，或者食咗啲比較油膩嘅嘢之後飲，可以中和返個油膩感。熱朱古力熱朱古力好濃郁又香醇，口感絲滑，飲落去感受到純正嘅巧克力味道，唔係就咁沖粉果種。暖暖嘅熱朱古力喺女仔唔方便既日子，帶嚟滿滿嘅幸福感🥰。Apple CrumbleApple Crumble🍎係呢間Cafe嘅甜點首選🥇。蘋果嘅酸甜同酥脆嘅外皮形成咗極佳嘅對比，每一啖都令人回味無窮。呢款甜品唔單止好味，仲有一種家庭自製甜品嘅溫暖感。

太子既賞島咖啡廳，店內環境典雅大方🥰同附近既酒吧/花墟形成好鮮明既對比,一入到去好似同煩擾既鬧市隔絕左咁,感覺好舒服海膽蟹肉味噌意大利麵 $178waiter一拎上黎就好衝擊,好似楚河漢界咁分開左兩邊🙊一邊係cream sauce一邊就係味噌sauce, 意粉就整整齊齊咁放係中間,上面仲鋪左滿滿既海膽,蟹子,蟹肉同海苔絲,視覺享受一流店主推薦拌勻食用,果然口感更好更有層次感 意粉爽口, 麵底帶有小小鹹味🥰海膽及蟹肉的海味令味噌醬汁更增添左濃郁香氣,味噌醬汁既鹹中帶著些微甜味🤩層次豐富,整體滋味香濃,不經不覺已經食晒🥹但野飲就普普通通，冇乜特別，反而食物賣相同味道都十分唔錯🤙🤙

打工仔每日最期待嘅其中一件事一定係食lunch🤪～今日同同事係附近做嘢，決定揾間chill啲嘅cafe飲杯嘢再食個靚午🤓 餐廳空間唔算好大，不過枱與枱之間都唔會有種壓迫感，而且燈光好柔和，真係有種令人放鬆嘅感覺🍽主食- 瑪莎拉牛肉連烤餅 & Passion Fruit Soda (lunch set: $148 / set)餐前自家制蘑菇忌廉濃湯，係每一啖都食到粒粒蘑菇嘅口感👍🏻👍🏻牛肉用瑪莎拉香料醃得好入味，而且煮得好，個瑪莎拉醬都好惹味 🤤（表示係第一次食瑪莎拉醬，原來係咁好食！）加埋個烤餅，外脆內軟，咬落好煙韌，而且個份量都好足，同事原本以為自己一定會食唔晒，但係好味到最後成碟清咗，冇諗過cafe都可以食到d咁有特色嘅菜式🥃跟餐嘅熱情果梳打都唔hea㗎，係用好濃郁嘅果醬沖😋飲到尾個味都唔會好淡👍🏻🍽主食- 溫泉蛋卡邦尼意粉 ($118)  意粉煮得啱啱好，卡邦尼醬超creamy! 仲有鋪面嘅半熟溫泉蛋🤤個蛋黃仲係流心，撈埋啲蛋黃一齊食，真心超好食👍🏻👍🏻🥃飲品- Expresso Tonic ($48)(下圖左邊嗰杯）咖啡嘅香味好濃郁但唔會太過苦澀，mix埋tonic water

同朋友放假一齊過嚟太子呢邊行街就搵咗一間裝修好特別嘅文青咖啡店。一入到個門口氣氛同餐廳嘅燈光都好舒服兼且店員熱情有禮😃蒜油花椒蜆肉意大利麵🍝蜆肉食落去有花椒嘅味道好特別。食落口有啲麻辣嘅感覺，但係又唔算辣，唔食得辣嘅朋友仔都可以考慮試吓。意大利麵煮得啱啱，食落唔會覺得太硬或者太腍。意大利麵加上花椒蒜香同埋蜆味道出奇地夾。海膽味噌蟹肉意大利麵 好Creamy嘅口感加上蟹肉紫菜海膽同埋魚子味道香濃口感豐富十足！海膽食落去鮮甜又同義大利麵同其他配料好夾。食完一啖再一啖推介呢一個。蜜糖芥末炸雞粒 炸雞翼外脆內軟食落口感好Juicy 加上蜜糖芥末醬，簡直絕配！蘋果汁 🧃凍果汁🍹好開胃😌大人細路都啱飲😍最適合而家熱辣辣嘅天氣！

開店就入座，餐廳內有up味，叫左三文魚牛油果牛角包，三文魚色澤奇怪唔敢食，食材冇索乾水就dum落牛角包，牛角包又濕又淋⋯⋯唔理解點解咁多好評，不會有下次 byebye

Cafe滿有精緻的擺設燈光氣氛帶比人好warm好舒服既感覺😊坐低見到drink menu有好幾款我鍾意既野飲Eg: Mint Mocha, Sesame latte, Hojicha latte, matcha latte, rose latte同Charcoal latte先㴝杯我至愛嘅Hojicha latte $45因為並非度度都沖得好飲開頭不太敢抱有期望不過無論拉花同味道我都比足100分🥳推介朋友就嗌左Sesame latte$45同樣拉花同味道都係咁正👍濃郁嘅芝麻味青醬帶子螺絲粉$138Fusilli Pesto with Scallops帶子煎得好香Herbs的調味配合得好好👍Pesto sauce攞嚟煮pasta同螺絲粉係好夾嘅好好食😋慢煮西班牙豬鞍$268Sous Vide Spain Pork Rack肉質好淋調味料亦做得好好配左個有mustard的sauce比我地配salad同埋個薯仔餐廳不收加一服務態度都好好值得推介的cafe***位置於花墟附近

太子真係有好多值得支持既小店，今日就同朋友試左呢間既意粉同小食。兩個人叫左一份主食（慢煮西班牙豬鞍）、一份意粉(蒜油花椒蜆肉意大利麵）同一份小食（蜜糖芥茉炸雞粒），人均大概200，晚餐選擇黎講，都幾抵食慢煮西班牙豬鞍份量正常，有沙律同薯蓉。豬鞍肉質夠淋身，外層沈上調味料帶出豬既肉汁。自己就好怕食到味道好重豬既食品，但呢到就冇呢種奇怪既味啦，所以都推薦比大家試下不過，相對出色啲就係個蒜油蜆意粉，意粉煮到岩岩好，唔會大硬或者淋，而且味道好夠。雖然唔係話辣得好過癮個種，但蒜油香同蜆肉係好夾，最緊要係上枱時，意粉擺到靚一靚，岩曬用黎打卡最後，蜜糖芥末雞粒，係即叫即炸，所以係好熱同脆，讚一讚個蜜糖醬同雞粒好夾，芥末味亦夠出

🍝海膽味噌蟹肉意粉 (💰178)Bookmark左好耐為左呢個意粉而嚟😛擺碟幾靚而且味道亦出色🤗海膽唔腥，好多蟹肉碎同埋蟹子🫶🏻意粉好掛汁，超推💯🍟黑松露薯條(💰68)薯條炸得香脆🤗黑松露醬同薯條真係超級夾😆仲俾得一啲都唔吝嗇😇🍓士多啤梨抹茶拿鐵(💰45)抹茶同士多啤梨🍓加埋鮮奶，個味道相當balance😆除左飲到抹茶奶香味之外，仲食到士多啤梨醬🤗整體來講，環境、服務同食物飲品都好出色，Cafe唔算好大，但坐既位置空間感尚可🤗枱面亦有啲小燈泡💡適合打卡同渡過一個悠閑下晝🥰

今日同朋友嚟到太子食晚餐，叫左個$488 二人餐，有齊餐湯、前菜、兩個主食、飲品同甜品，非常豐富！.是日精選餐湯係蘑菇洋蔥忌廉湯，將蘑菇、洋蔥、香草、忌廉等材料用攪拌機攪爛成蓉，飲落好香蘑菇味，味道香濃！.前菜係慢煮雞胸柚子汁沙律，賣相好吸引，慢煮過嘅雞胸食落唔會鞋，肉質好嫩，外皮仲有煎香一下，沙律菜好新鮮，配柚子汁，酸酸甜甜好開胃！.主菜叫左西京燒比目魚，配自家製薯蓉、咖啡菇、沙律菜。西京燒係以西京漬醃魚肉後再直接燒的料理，當中的醬汁以白味噌做底，可加酒、味醂等調味，混成西京漬，味道咸中帶甜。上菜時候已經聞到好香嘅煎魚味道，比目魚外皮煎到脆身，魚肉肉質好滑嫩，而且好入味，咸咸甜甜，超好食！好推薦！.另外亦叫咗青醬帶子螺絲粉，青醬以蒜泥、羅勒和松子，拌入橄欖油和起司製成，食落味道香濃，帶子煎到金黃色，配螺絲粉好好食！.甜品有幾種選擇，最後選擇咗香蕉芝士蛋糕，蛋糕上面有層焦糖，脆卜卜，食到好濃郁嘅香蕉同芝士味，最特別嘅地方係蛋糕上淋了少少醋，酸味中和咗蛋糕嘅油膩感，整體配搭好好食！.飲品方面，叫咗一杯熱嘅Cappuccino 同Ice latte，賣相好靚，咖啡味香濃，好飲！.整體嚟講晚

太子最有人氣cafe，唔book係食唔到，好彩一早book咗！最出名嘅海膽味噌蟹肉意粉首先，擺盤好靚，令人慾食大增！同埋真係有海膽喺面，唔係淨係用嚟煮汁.另外，蟹肉同蟹籽嘅份量都好多，撈埋其實一啖都食到配料啷味道。醬汁偏甜，有海膽味，而且每啖都食到蟹肉，所以個鮮味好香口。每條意粉都做到掛汁嘅效果。咖啡燒汁烤豬仔髀本身豬仔髀己經烤得啱啱好，外面脆身之餘，都仲鎖到肉汁，每啖都好juicy.至於咖啡味就係來自佢嘅咖啡粉，豬仔髀點咖啡粉原來好夾，咖啡味唔會搶走豬味，仲帶到少少豬臊味出嚟，係好香嘅豬肉味。薯蓉表面係少少烤過，少少身，口感同味道都好好.Mint MochaMocha味道重過Mint，但又唔會蓋過mint味道.飲到尾，mint味會愈嚟愈重，愈嚟愈香。花茶好香好天然嘅花茶，當中菊花味好清香，配埋枸杞，係天然嘅花味，浸耐咗，啲花味愈趨濃烈.特別想讚下個餐湯我哋嗰日食係番茄湯，佢真係用番茄blend出嚟，冇茄膏味，所以味道好天然，仲食到番茄嘅顆粒感。