賓墟餐廳

路過石硤尾見到賓墟快餐入去試下， 佢係快餐店形式，所以先畀錢，之後就等服務員送餐，叫咗個沙爹牛肉麵，手打漢堡包，炸雞髀， 沙爹牛肉麵味道普通，手打漢堡唔錯有誠意， 炸雞髀炸到好脆口，D肉就超級乾。…查看更多

假日同友人參觀前深水埗配水庫，到石硤尾先去食Lunch先，友人介紹到一間舊式茶記食-賓墟餐室，有幾間分店。餐廳面積小，茶記的格局，水吧位似舊式快餐店的設計，食晝時段都幾多人，剛好有卡位夠4人坐。餐牌，都幾多選擇，見到有個午餐，全日供應，有沙嗲牛配漢堡，咁抵食即叫了。特色午餐，$46，沙嗲牛肉麵配手打漢堡包。熱咖啡，醒神。沙嗲牛肉麵，個碗睇落細，但其實份量正常，牛肉份量適中，沙嗲味係有，但唔算好香濃又唔淡，正常水準，配埋片生菜及腍腍地嘅公仔麵，呢種Hea(*不是踩)真係好有種舊茶記feel。手打漢堡包，港式漢堡，似時新果種，Size比較細個，麵包有少許烘底微熱脆脆地果下正，牛肉薄身但煎得香口，咬落都有少許肉汁，不俗。香蔥豉油煎熙蹄肉餅飯，是日例湯，$52，友人的。菠蘿泰式蝦仔炒飯，是日例湯-木瓜雪耳豬骨湯，$54，友人的。食物味道正常水準，舊式的味道同感覺，重點抵食，呢個價真係冇投訴，有機再戰。…查看更多

例湯好飲，即剪漢堡包好食！炒烏冬都好食！但炒碟嘢要等半粒鐘有多，真係幾好食都無晒心情！快餐店黎架大佬！即叫即炒，但問題係不斷出晒啲外賣，熟客黎到又優先做俾佢，所以唯有祝佢繼續靠熟客keep住啲生意啦，我就食完無下次！生意就想做盡，但一啲都唔識尊重咩叫先來後到，幾好食都無下次！P.S.個收銀阿姐係咁催隔離枱落單，真係短短幾分鐘催咗10次都唔止，結果人哋咪離開唔食囉，有得揀就係老闆啦！…查看更多

試咗佢哋嘅星洲炒米同楊州炒飯。先講星洲炒米啦，一入口，咖喱嘅香氣喺口腔裡爆發，辣度同香氣平衡得啱啱好。米飯粒粒分明，唔會黏笠，配菜嘅蝦米同腸仔都好有嚼勁，增添咗唔少風味。同我之前喺其他茶餐廳食過嘅相比，呢度嘅星洲炒米更重咖喱味，好似喺新加坡街頭食到嘅咁正宗。再講楊州炒飯，雞蛋、火腿、蝦仁等配料豐富，每啖都充滿層次感。炒飯嘅火候掌握得好好，米飯外乾內軟，口感好正。但同正宗揚州菜館嘅炒飯相比，呢度嘅可能欠缺咗一啲精緻感。餐廳嘅外觀就普普通通啦，典型嘅香港茶餐廳風格。下午茶餐每款$50，包明火例湯同絲苗白飯，仲送咖啡或茶，性價比都算高。小缺點就係環境有啲嘈雜，服務速度有啲慢。但總體嚟講，呢度嘅食物味道唔錯，好啱想快速食餐飽又想試下唔同地方美食嘅朋友。其實，每次食呢啲融合各地特色嘅美食，都會有種奇妙嘅感覺。好似喺星洲炒米嘅咖喱香裡，我能感受到新加坡那種多元文化交織嘅活力；而喺楊州炒飯嘅味道中，又能體會到中國傳統美食嘅深厚底蘊。呢啲味道，就好似喺舌尖上展開嘅一場旅行，帶我遊走於唔同嘅國度同文化之間，真係好有趣。…查看更多

#賓墟快餐廳 港式快餐買少見少，要做到好食就更加罕有。路過石硤尾見到呢間快餐店，門口寫住雞髀套餐好似幾吸引，就決定入去試下。餐牌寫住雞下髀沙律，kfc嘅雞下髀就係雞槌，所以落單時都問清楚，係全隻雞髀先至叫🤪 落單要去收銀買飛，再喺個位度等，然後自行取餐，傳統風味十足。師傅話飲住杯嘢先，因為雞髀係生炸要等耐啲。凍檸茶都夠香，不過茶色好快就比較濁，冰佢係用碎冰，所以好快就溶晒😅生炸雞髀就真係一絕👍 真正皮脆浴亂，食得出師傅嘅用心同功力，唔係求其是但炸到乾曬或者燶曬。好多茶記冰室都話自己係生炸，結果唔係乾曬就係左溝右溝不知所謂。沙律份量都較多，係雜果沙律，仲食到有薯仔粒，好食👍成份下午茶餐連凍飲$38+2，只是路過一試，完全沒有想過有如此好質素。真幸運！賓墟快餐廳石硤尾南昌街115號地舖@foodiehck2022 #港飲港食平靚正 #石硤尾美食 #港式快餐 #下午茶 #生炸雞髀 #沙律 #凍檸茶 #少冰 #香港美食 #抵食…查看更多

賓墟餐廳已經開業數十年，是石硤尾區的老牌餐廳。 有早餐， 午餐 ，下午茶餐及晚餐。今次介紹的是午餐，每日午餐都有四個款式任揀 ，蒸魚及焗飯是必備的。午餐已包括餐湯及飲品，這碟葡汁雞球焗飯是其中一款王牌， 可改選焗意粉更加味美 。…查看更多

今早湊完返學要過石硤尾工作，第一時間就諗起成年無光顧過既老牌快餐店。賓墟餐廳門面及裝修都係好屋邨色彩，地上是紅色既紙皮石加上半牆身用明黃白格仔磚。仍是要排隊跟收銀買飛，再比飛在餐盤等取。我今日叫既係高纖早餐系列既占醬厚多士茄汁豆薯蓉司華力腸炒蛋再配熱特級咖啡。整個早餐，我最欣賞廚師炸既司華力腸同占醬厚多士。他把半條司華力腸再界十字去炸，令到肥美既腸肉有三份二既表面係脆囗；占醬厚多士則是厚多士配上果醬再加上幼滑的花生醬，吃起來帶點流質，而兩種醬混起來味道十分夾。特級咖啡以濃縮植脂奶調配，奶味較重，我落半茶匙糖已足夠享用。…查看更多

去到馳名手打漢堡的懷舊快餐店-賓墟。$20一個芝士雙層漢堡。原來有午餐，$41包沙爹牛肉麵，手打漢堡及熱飲。叫了一個午餐，一貫懷舊，只有銀碼嘅收銀機飛，收銀手寫食D乜嘢，交比水吧！ 沙爹牛肉麵，麵質ok，D牛肉正常用鬆肉粉，但絕對無沙爹味。不過招牌手打漢堡就ok,有鮮蕃茄生菜沙律醬。 不過，服務就一般，只叫你隨便將張收銀機飛，跟住因為水吧有嘢做，最後分唔到先後次序，出餐亂曬。 我覺得手打漢堡可以一試，性價比高過連鎖餐廳，沙爹牛就可以揀其他。…查看更多

石硤尾邨呢頭呢係比較出名嘅餐廳就應該係呢間賓墟啦，咁佢出名食啲咩呢？聽講就係呢個漢堡包，今日呢除咗呢個沙爹牛肉早餐之外，呢就叫做呢個漢堡包嚟食。甘賣關仔講嗰個裝修先，咁都算少少特別嘅譬如一個黑板咁嘅裝修啦，咁啲餐枱呢亦都有少少detail，叫係一個有啲主題嘅茶餐廳咁啦。咁類似最傳統茶記或者係大家樂咁樣嘅方法，佢就買咗飛跟住先入座嘅，水都自己攞嘅，叫做保留咗啲舊茶記傳統。沙爹牛呀唔係太特別，講番個包啦咁個洋蔥味幾重嘅，但係我覺得唔係非常之咁好食，佢又想做到類似時新嗰種感覺，但係我覺得時新就好少少，不過呢頭無呢類型嘅餐廳呢大家都可以試試。…查看更多

早排已經想食番手打漢堡，剛出來打工時經常食快餐店 ， 指定動作 ～手打漢堡加生炸大雞髀但近年好少地方食得到。 今日就去賓墟重拾返懷念嘅味道。 舊式屋邨舖面快餐廳， 內裏牆壁有些懷舊石硤尾照片， 正常快餐模式， 先付款 比票再等攞食物。叫左個招牌午餐及早餐B，招牌午餐$41價錢個人覺得偏貴, 但佢既沙爹牛肉麵的沙爹牛肉非常好味， 肉唔韌手打漢堡外表唔討好，但麵包烘過外脆內軟，免治牛肉正常， 加埋沙律醬生菜蕃茄～ 雖然未至於超好食但完全係我懷念的味道 早餐B蕃茄薯仔湯螺絲粉，湯底好農番茄味，奶茶就好一般其餘腸仔，方包，魚柳，煎蛋正常水準， 對我嚟講整體上唔錯，係奶茶差D～…查看更多

40蚊。唔係平。漢堡d肉好咸，咸到乜味都食唔出，份量較細個沙嗲牛正常。好立克好稀。環境迫。無下次，下次食翠河算！順帶一提，中午去，都唔係好旺姐，大把位！一d都唔覺係墟喎！…查看更多

不知道是因為我上一次已經推介過這一間石硤尾的賓墟，定還是它在其他平台有接受訪問，又或是大事宣傳過，定還是在店內擺放的橫額宣傳收效，🤔因為這次在週末的下午茶時段去，竟然驚見不少國內食客。除了一家大細的街坊家庭客之外，竟然都有不少一男一女慕名而來。不要理，就看見內裏唯一一個單人卡位，即是一邊是卡位，但卡位是對着別人背脊的卡位，看見這個位置空了，而又向着電視機，當然立即衝入去放下袋子霸位。本身看看餐牌，但看到其他產品不算特別吸引，又或者只是普通茶餐廳炒粉麵。於是，就當然再一次點上次那個沙嗲牛肉麵，配自家手打漢堡，然後加杯凍檸茶小冰。沙嗲牛肉麵同樣出色，沙嗲醬不會有冷凍的感覺，麵條亦都不算太過軟林，還有少許嚼感。手打漢堡好像沒有上次那麼出色，因為好像那片肉沒那麼厚，而且可能近期客人比較多，因此廚子煮起上來沒有那麼用心，因此溫度完全沒有上次那麼熱，只烘微溫便給我了。但是就味道而言，一片蕃茄片、生菜，以及薄薄的手打漢堡，上下兩片包不會太乾，因此起上來也尚算不錯。凍檸茶才也值得推介的，因為凍檸茶又香又濃，味道不會太甜，茶味夠香濃，又不會太甜，味道不錯。不過不同區域的確有不同文化，因為之前在大埔，找極也找不着會播運動賽事的餐廳，但是在深水埗石硤尾一帶，其實大部份餐廳都會一直開着電視在播這些運動賽事。…查看更多

雖然熊大熊妹今日都放假，但熊大今晚要考試📖，熊妹又要寫文📝，決定閉關咪書📚。閉關前緊係要食飽飽👅，如果唔係邊有腦力🧠呢？為左慳時間，就揀係熊妹附近的茶記醫肚喇。熊妹的茶記飯堂莫過於《賓墟快餐廳》。門口有幾塊寫滿餐牌的黑板，非常懷舊📰，保留傳統式的做法，每日餐牌📋寫上✏️黑板上仲會每日更新📌，相信《賓墟》都歷史悠久。一般常有的食物餐牌就貼滿門口同餐廳牆壁，食客可以傳統方法枱頭揀選，然後到收銀處📠點餐付款💰，過一會自己去收餐處取餐，完完全全快餐店做法，講明係快餐廳嘛🍴。賓墟午餐，$39平時午餐一定要裝飯的熊大黎到《賓墟》都抵受不住它的招牌漢堡包🍔吸引，選擇食呢個午餐，再跟沙爹牛肉麵🍜，凍咖啡🥤。《賓墟》的手打漢堡包熊大熊妹都覺得係茶記界的數一數二，材料其實好平凡，包只係嘉頓芝麻包，不過勝在搽上牛油仲有烤過，變得好香牛油味；饀料其實得一片薄薄的生菜☘️同蕃茄🍅及卡夫沙律醬，但勝在非常新鮮，而最大優勝之處在於它那塊手打牛肉漢堡，肉質好淋，秘製調味同沙律醬、牛油好夾，食落去係一種既平凡又好滋味的味道，真係百食不厭。沙爹牛肉麵都唔差架，牛肉都有好多舊，醬汁好濃烈，薄薄的牛肉片同簡單的公仔麵已經令熊大好滿足。《賓墟》的凍啡更係熊大極力讚許的飲品，奶🍶同咖啡☕️的比例調節得剛剛好，重奶味但又不失咖啡的香濃，即使係凍飲都無比冰溝稀變咖啡水，真係十級好飲！熊妹本身唔太肚餓，無唸住點餐，唸住痴熊大的餐食少少。點知熊大幫熊妹都點左平日食開的常餐，要熊妹飽啲先有力寫文。賓墟特餐，$37呢款就係熊妹黎賓墟食開的特餐喇，有牛油方包🍞，火腿奄列🥚，什果沙津🥗，凍檸茶少甜🍹。味道其實好正常，簡單的煎蛋🍳火腿，搽上牛油的白包同罐頭什果的沙律，份量唔多但對熊妹黎講剛剛好。除左個手打漢堡包🍔，其餘明明係兩份好簡單在家自己都可以整到的小食餐，味道無咩特別，但偏偏就係喜歡坐係茶餐廳卡位篤檸檬🍋的感覺。…查看更多

12點幾黎到，都已經好多人去落單買野食，再遞張單去水吧位，等師傅們去整食物再去搵位座吧！差唔多時候就留意下自已個餐有未，再出去拎，呢到係自助形式的叫左個午餐沙嗲牛肉麵轉左米線，牛肉唔多米線好少呀又太淋手打漢堡就OK啦，夾住蕃茄和生菜，都算多醬，牛肉仲有D黑椒的！如果剩係叫一個漢堡只係$12蚊！真係平的！不過我要左午餐就要$41了…查看更多

有次看某個網台的節目介紹這餐廳，由於這天在附近將會有節目，因此一早就聯想到可以來賓墟餐廳。「賓墟咁嘅場面」，這句諺語，大家一定不會陌生，而且賓墟餐廳，在深水埗的鬧市，長沙灣附近商場，都見過有「分店」，但是不知道與這間賓墟是不是有關連的🤔，那兩間餐廳都非常新式，看似只有普通午餐或是晚餐，不覺得特別。這次一來，主要就是看到午餐，可以吃沙嗲牛肉麵配漢堡包，感覺特別，活到現在都未曾聽過有「沙嗲牛肉麵可以配漢堡包」🤤，值得一試。但是去到現場，都已經1900左右，而且個餐牌寫有午餐，現場其他食客大部份都在吃煲仔菜，或是其他客飯🤔，最多就只有一些阿姐在吃麵，但是一場來到，一鼓作氣，就鼓起勇氣的問阿姐😄：「現在還有沒有午餐？」豈料到，阿姐好像理所當然的一般說：「當然有啦。」簡直令人喜出望外，因為通常當你一心打定輸數，沒有什麼期望的時候，而結果成功了，就更加振奮人心。深水埗、石硤尾果然是所謂窮人地區，但是往往能夠體現人情味，看見同桌的兩名阿姐，與收銀阿姐有傾有講，說笑。我當了這間餐廳是大快活、大家樂，付款之後，都沒有將單據交到水吧那邊，旁邊阿叔，就立即提我「要先將單據交到水吧」，真是友善。和長沙灣那間智多星一樣，店員製備好整份餐之後，就會放上托盤，然之後開口大喊，食客如果只顧低頭玩機，或是聽音樂，就會錯過了店員的叫喊🤷🏿‍♂️。漢堡包，看來其貌不揚，想不到，竟然係非常之熱燙，用手拿着也有點兒燙手，因此放進口中，亦都非常之燙口。漢堡包上下兩層麵包，都搽滿不少牛油，因此夠香，又不會顯得非常之軟林，內裏亦都有點脆，還有一片番茄，而中間的手打漢堡，雖然不算厚，肉質亦都比較綿，比較鬆軟，但是不是用鬆肉粉醃到沒有味道的肉類，煎到香噴噴，肉裏面又有一些黑椒，中間又有點沙律醬，配合起來，令到漢堡整體上非常美味。沙嗲牛肉麵，份量亦不少，平日吃午餐或是常餐，麵條通常都很少，而且熱，最少有足足一個麵，因此麵條的份量已經不小。牛肉，麵條上面的牛肉亦都不少，最少可以看到有7、8片，有些還要是大大片的牛肉，亦都不是醃到完全冇味，用鬆肉粉醃到什麼肉都不清楚的肉類。沙嗲醬，又不像平日冷冰冰，只是鋪在面頭的那種溫度。凍奶茶，雖然茶味未算極濃香，但奶味和茶味配搭剛好，未會厚此薄彼，味道還好。後來看到，有名阿姐，喝凍檸茶之後，先去水吧要拿冰水，而店員亦都一一提供，而阿姐就將這杯冰水，再次倒盡凍檸茶的檸檬裏邊，自製凍檸水，真是有諗頭。另外，她們有一位朋友，甚至乎完全沒光顧，也可以那杯水，坐下來休息等朋友，小店盡顯人情味。為何有時候，過海的港島區，或是遊客地區，動輒九十幾甚至乎過百元的漢堡包，也不見得特別出色，甚至乎麵包都沒有搽好牛油，亦都沒有烘脆，昂貴的漢堡包卻吃得不太滿意呢？這盡是熱誠問題。那管它是＄42午餐的其中一項，有心做，將牛油塗滿麵包，慢慢烘脆，即使是午餐也可以弄得很有質素。因此，收費平，地方偏僻，也不是問題，只要用心製作，定會找到欣賞的食客。…查看更多