賓墟餐廳

營業中

休息中

今早湊完返學要過石硤尾工作，第一時間就諗起成年無光顧過既老牌快餐店。賓墟餐廳門面及裝修都係好屋邨色彩，地上是紅色既紙皮石加上半牆身用明黃白格仔磚。仍是要排隊跟收銀買飛，再比飛在餐盤等取。我今日叫既係高纖早餐系列既占醬厚多士茄汁豆薯蓉司華力腸炒蛋再配熱特級咖啡。整個早餐，我最欣賞廚師炸既司華力腸同占醬厚多士。他把半條司華力腸再界十字去炸，令到肥美既腸肉有三份二既表面係脆囗；占醬厚多士則是厚多士配上果醬再加上幼滑的花生醬，吃起來帶點流質，而兩種醬混起來味道十分夾。特級咖啡以濃縮植脂奶調配，奶味較重，我落半茶匙糖已足夠享用。