財記辣蟹私房菜

營業中

休息中

避風塘大蝦好耐冇食過避風塘，所以就叫咗個避風塘炒大蝦，份量有成六隻大蝦，蝦肉好新鮮，炸得好香口佢可以揀大中小辣，我哋揀咗中辣，但係都唔辣芝士焗鮮魷炸香咗嘅鮮魷，再淋上芝士汁，令到佢冇咁熱氣，而且芝士汁同魷魚都好夾蒜蓉粉絲蒸蟶子王 呢個餸去食海鮮必叫 啲粉絲同埋蒜蓉先係主角 蟶子王都好大隻好爽好甜 店員仲好細心咁提醒我哋要趁熱食如果唔係蟶子王可能會變硬 蔥油雞 感覺食落似鹽焗雞，然後灑滿左蔥 味道夠鹹 啲蔥用黎撈飯好正喺港島區食海鮮又唔想入到咁遠 嚟呢度就冇錯㗎啦！

今日同女朋友係銅鑼灣行街佢想食中菜同海鮮就帶左佢黎呢間私房菜有多款海鮮，龍蝦蟹鮑魚貝類應有盡有仲有傳統中菜，好豐富菠蘿咕嚕肉咕嚕肉先炸後炒，做到外脆內軟既口感加上醬汁酸酸甜甜，好開胃胃口瞬間打開豉椒炒蜆蜆好新鮮大粒，食落唔會有沙，鮮味十足加上豉椒炒好香，沒有蓋過鮮味剛剛好霸王雞雞件皮香肉滑，食落肉質好嫩滑一定要連皮食因為帶有油香，係幸福既感覺加上葱油，好香口推薦！黑椒牛仔骨牛仔骨大件多肉，加上黑椒好惹味好好送飯

👯途經駱克道搵吃, 被40年老字號嘅廣告牌吸引, 決定去試下🥰🥢食店分兩層, 裝修簡潔, 座位寬敞, 店內大牆上仲有部大電視, 真係可以堪稱“撈電視汁餸飯“😆📝餐牌內, 海鮮選擇種類多, 仲提供好多不同煮法, 及各式小炒, 湯羹,飯麵都超多選擇🥰🦀店內推介食品👍蒜蓉粉絲蒸大蟶子 （每隻）$88蟶子皇真係好大隻呀, 乾淨冇沙, 蒜蓉清蒸特別帶出鮮味, 肉質爽口, 粉絲入味😋🍤鮮奶蛋白蝦球 $168八隻大蝦球, 肉厚彈牙, 鮮奶蛋白炒得滑溜不油膩😋✨馳名沙拉骨 $88咕嚕肉嘅煮法上面鋪滿沙律醬, 味道好協調, 沙拉骨大大件, 唔多肥肉, 口感唔會油膩😋🧄蒜蓉蝦乾蒸勝瓜 $88勝瓜蒸得好軟淋, 鋪滿蝦乾蒜蓉去蒸煮, 非常入味💕整體小炒夠鑊氣, 碟頭份量十足, 以平均價一百幾十嘅菜式選擇又多, 性價比高, 真係三五知己聚餐嘅好選擇🥰

今晚朋友作主，預訂了一間菜館，裝潢不是金碧輝煌那種，卻有平實，傳統家鄉菜館的感覺。期待今晚的餸菜。今晚是日例湯係㷛蓮藕, 濃稠甜美，補氣益脾, 材料十足。沙拉菠蘿蝦球蝦球拳頭咁大，又爽口又彈牙，沾上沙律醬，開胃惹味。豉汁蒸魚雲蒸煮時間掌控得宜，魚雲非常滑溜。豆豉汁濃而不膩。融入魚雲內，入味。咸蛋黃涼瓜手工菜啊！鹹鹹香香咸蛋黃太過邪惡了。跟涼瓜嘅配搭，好夾。豉油皇炒麵炒得乾身夠火候。最簡單就最考工夫了。

朋友係要見嘅！所以我就約咗朋友一齊去越華會原班人馬主理嘅財記辣蟹私房菜食晚餐。 私房菜環境雅緻清幽，真係傾計嘅好地方 。 豉椒炒蜆$98 大蜆好乾淨冇沙， 鮮甜美味，豆豉夠香，加埋少少辣，好惹味呀！ 鹹蛋黃涼瓜$78鹹蛋黃嘅鹹度適中，能夠中和苦瓜嘅苦味，一口一啖非常過癮。蒜蓉蝦乾蒸勝瓜$88勝瓜鮮甜多汁，金銀蒜夠晒香口，喺秋天咁干燥嘅天氣可以食到一個咁鮮甜嘅勝瓜，覺得好幸福。蒜蓉粉絲蒸大蟶子$88/隻新鮮嘅大聖子長過手板，肉質鮮甜彈牙，蒜蓉好香，粉絲夠彈牙，一入口味道好豐富。京蔥醬爆牛肉$98牛肉夠曬淋，京蔥又惹味， 滿口嘅肉香加蔥香，一碗白飯係唔夠咖。

最近上OpenRice 見到呢間『財記辣蟹私房菜』嘅招牌菜式避風塘炒辣蟹🦀非常吸引🤤今日咁啱要去銅鑼灣Shopping🛍買完嘢梗係要去食好嘢啦🥳我哋叫咗招牌財記避風塘炒辣蟹🦀隻蟹超級大隻😍一嚟到放落枱香氣四溢🤤蟹肉好鮮嫩連埋啲香口嘅炸蒜一齊食😋更加好味仲辣辣地好惹味🌶蟹鉗超級大隻😍啲肉仲好鮮甜👍🏻正到冇朋友😋我哋仲叫咗蒜蓉粉絲蒸蟶子皇😍蟶子皇肥美鮮甜😋仲超大隻👍🏻配埋金黃色嘅蒜茸🧄味道即刻昇華到另一個層次🥰仲有叫咗豉椒炒蜆，碟蜆都非常大碟，同埋啲蜆都好大隻😍豉椒味好濃仲有少少辣😋仲有叫咗蒜茸炒白菜仔🥬啲菜好新鮮👍🏻呢碟豉油皇炒麵超有驚喜😍炒得非常乾身之餘仲好有鑊氣🔥佢係幼身嘅炒麵，好食到停唔到口😋職員仲送咗桂花糕比我食🌼桂花糕清香好味😋唔會太甜👍🏻餐廳好窩心為客人準備膠手套和濕紙巾👍🏻就算用手食蟹🦀都唔驚整污糟對手，仲可以食得更加滋味😋🦀啲蟹隻隻都咁新鮮和隻隻都咁大隻😍呢度環境寬闊雅致👍🏻仲有落地大玻璃，可以欣賞吓銅鑼灣嘅街景😍呢度嘅招牌菜避風塘炒辣蟹🦀果然唔係浪得虛明👍🏻超級好食😋仲好大隻🦀餐廳嘅職員好有禮貌又親切☺️仲成日幫我換碟👍🏻真心推介大家嚟食🥰

放工走去銅鑼灣試下呢間朋友介紹的中菜小炒，聽講除左食🦀好出名，D海鮮都幾好食。餐廳燈光明亮，座位寬敞舒適。今次點左四度菜試下。鮮奶蛋白🦐蝦仁 好少見到餐廳會做呢道菜式，我估係因為工序比較麻煩吧。鮮奶蛋白滑溜而不膩，加上大大隻的彈牙蝦仁，撈埋飯真係一流！豉椒炒蜆炒蜆夠鑊氣。有別於街邊大排檔，蜆的size明顯比較大。而且蜆肉肥美，配上惹味豉椒醬汁，愈食愈停不到手。椒鹽鮮魷椒鹽味濃，魷魚肉彈牙，點埋喼汁，鮮味更加激發出來。薑蔥魚雲粥呢鍋粥有豐富的魚頭肉，鍋粥帶有清新薑蔥同鮮嫩的魚肉香味，而且有番咁上下份量，真係抵食超值!

📍銅鑼灣聽講呢間係越華會原班班底開，好耐以前食過一次，印象中好食，所以再黎試下😛鹹蛋黃焗鮮魷 $105鹹蛋黃勁足料好夠味，份量勁大份👏👏蒜蓉粉絲蒸大蟶子 （時價） $88/隻蟶子黎到好大隻，新鮮同洗得好乾淨，粉絲好入味👍👍財記海鮮炒飯 $98同我哋想像中有啲分別😂黎到炒飯原來係帶子加午餐肉炒，好足料，同埋炒得夠乾身有火候，好食👍脆皮炸豆腐 $78又係勁大份，有豆香，炸得好香脆👏👏馬拉盞炒通菜 $82正常水準～～整體高水準又大份，性價比幾高😙😙

今晚去咗銅鑼灣食一間老牌小炒店 - 財記辣蟹私房菜! 呢間位於商廈二樓, 三樓仲有六間VIP房。呢度環境闊落又夠光明 啱曬一大班朋友聚餐, 私隱度有極高! 如果家庭聚會可以考慮下VIP房! 呢間小炒店出名係海鮮, 食辣蟹🦀為主, 海鮮🦞🦐🦑價錢係時價計算的。 除咗海鮮類之外, 仲有其他豬, 牛, 雞, 蔬菜, 煲類, 湯類及大多數嘅飯麵都有, 全部小菜大約都係百幾至幾十蚊就有交易! 👍🏻今日我哋唔食蟹, 叫咗生蠔, 炸豆腐, 馬拉盞通菜, 粟米海皇羹, 同一個瑤柱蛋白炒飯。粟米海皇羹(例鍋) - $108粟米🌽海皇羹除咗粟米湯底之外, 仲加有好多海鮮粒🦀🦞🦐🦑同埋蟹膏一齊煮, 夠哂鮮味! 唔好要為例鍋會好少, 夠四個人份量有多! 😂酥炸美國生蠔 - $228呢個酥炸生蠔真係超大隻, 隻隻都大過我嘅拳頭, 而且非常之香脆, 又juicy! 脆皮炸豆腐 - $78炸豆腐比平時嘅大粒, 而且份量好多, 皮脆內嫩, 仲要粒粒都熱辣辣, 每粒都沾滿 椒鹽, 仲配有一碟甜辣醬, 非常之惹味, 食到唔停得口。😋馬拉盞炒通菜 - $82馬拉盞炒通菜炒得非常之夠鑊氣, 除咗有少少香辣味之外, 仲落咗啲

上次嚟咗財記食蟹，食到我念念不忘，今日又係好想食海鮮，又再嚟幫襯😍蒜蓉粉絲蒸大蟶子極級新鮮，蟶子大大隻，口感超級豐富，咬落爽口又彈牙，唔想蒜蓉嘅精髓，令成個風味更佳，個人超級鍾意❤️生滾走地雞粥上次食完今次再食，因為真心高質，鮮味十足之餘又足夠綿密；雞件keep住咁嫩滑，雞味夠晒濃郁😆豉椒炒蜆都非常之好味，醬汁香濃，而且蜆嘅份量非常足， CP值超高🤩椒鹽鮮魷都好惹味，魷魚新鮮，咬落爽口，而且炸粉唔厚，越食越上癮😍餐廳內部寬敞，仲有部大電視，而且整潔衛生，啱晒成家人嚟食餐好👍🏻

越華會原班底，但piggy今次無食蔥油雞主攻海鮮🤭 piggy一早就睇中咗雞油花雕蒸蟹，雖然嗰日得肉蟹但piggy都堅持🤣🤣 雞油超香，可能香得滯變相花雕味唔算突出😅但個蟹好滑😋豉油王炒麵都係咁好食，可能係最好食嘅豉油王炒麵😏 魚湯浸菜仔，魚湯超甜，下次應該叫佢畀多啲湯少啲菜🤪

今晚去咗間朋友推介既中式私房菜館，環境寬敞，坐得舒適，更設獨立房間，多款小炒又有豬、牛、雞、海鮮等，店員熱情招待，成餐飯都食得好開心~燒汁牛仔骨洋葱燜煮至軟身，牛仔骨肉質嫩滑牛味濃，食落唔會韌又唔會柴口，燒汁味道濃郁，食落好惹味。蜜餞蒜香骨肉多骨少，味道酸酸甜甜好開胃！外脆內軟好有口感~沙嗲牛肉炒芥蘭沙嗲汁味道相當香口，牛肉片嫩滑又多汁，口感軟腍無比，芥蘭新鮮夠爽脆！上湯雜菜煲 多款雜菜好鮮甜，燜煮得岩岩好唔會太淋，底部仲有大量彈牙粉絲！芝士焗鮮魷濃濃芝士香勁滋味，鮮魷綿密柔軟，口感十足！

今次嚟到銅鑼灣食私房菜原來係越華會原班人馬一齊接手開嘅🥰帶左🐨嚟食返餐海鮮餐😎食物質素一流👍🏻 而且好抵食芝士蝦球伊麵 $168真係好大好大隻蝦😍仲要煮得外面好香脆肉質食落超爽 蝦味仲好香😋再加上香香嘅邪惡芝士✨配係蝦球 同埋 又香又彈牙嘅伊麵真係好正好好食❤️椒鹽九肚魚 $105小妹👧🏻最鍾意椒鹽味配埋係佢地煮嘅超正九肚魚佢地煮嘅九肚魚外面超級鬆脆內裏魚肉保持非常濕潤😍魚味仲係好香好正😋真係超完美✨豉汁炒蜆 $98豉汁調得非常香❤️味道剛剛好👍🏻同蜆肉配合得好好✨再加上佢地嘅蜆肉好鮮好滑師傅冇煮過龍 所以更好味😋真係比其他嘅炒蜆更好味😎蒜蓉蒸開邊海中蝦 $218（時價）啲蝦都好大食好好食嫁😋肉質一樣好香好爽❤️最最最正係佢地落嘅蒜蓉同粉絲都好足料😍仲好豐富✨每一隻蝦都可以好滿足咁食到所有野😎真係每一碟都好值得叫

🌟今日約左朋友食飯，去左銅鑼灣搵左間海鮮小炒食，估唔到都好有驚喜😆——————🐽 豉椒炒蜆黎到叫左酒，緊係要番道下酒菜，炒蜆好新鮮，差唔多9成都開左口，所以豉椒味入曬落d蜆到，好惹味🐽 椒鹽九肚魚九肚魚處理得好好好乾淨，炸到岩岩好外脆入面中保留到魚汁，椒鹽做法又係送酒必備🐽 蒜蓉開邊蒸海中蝦海中蝦好新鮮好正，開左邊唔洗自己拆，而面頭既蒜蓉亦都入曬味落d蝦肉到，底下既粉絲吸曬d蝦汁同蒜蓉汁，撈飯一流🐽 蒜蓉蝦乾蒸勝瓜好香既一道蒸勝瓜，蝦乾味道同蒜蓉好夾，一啖勝瓜一啖蝦乾😋

今日同朋友喺銅鑼灣睇完戲之後，打算搵間中菜食晚餐，記得好耐之前喺附近返工經常嚟呢度食宵夜，所以就揀咗呢間。環境同一般酒樓分別不大，但係都坐得好舒服，防疫衛生做得幾好。《鮮奶蛋白蝦球》$148喺OpenRice見到有人嗌呢個菜式覺得非常吸引，結果蛋白真係好滑嫩，有淡淡嘅奶味，再加上蝦球超大粒，好爽口，夠肉厚，好出色！《招牌沙拉骨》$88寫住招牌兩個字就一定要嗌，其實沙拉骨仲有幾款。同出面食到嘅味道差唔多，略嫌有少少甜，但係肉質好鬆軟，份量都幾多。《燒汁雜菌牛柳條》$108呢個好似都係熱門菜式，牛柳條好多好入味，同埋煮到好林，送飯一流！燒汁味道好足，整體嘅份量都好多。《粟米海皇羹》$108粟米魚肚羹食得多所以今次就轉海皇羹，估唔到海鮮嘅份量都幾足，啖啖都食到花枝粒同埋蝦肉，而且調味都啱啱好，好食。《財記炒飯》$98通常用個名做炒飯名嘅都係招牌菜式，呢個炒飯好夠鑊氣，配料十足，特別係午餐肉炒到好香，食起嚟好香口！ 總括嚟講，以上嘅幾個菜式都令我哋幾滿意，下次如果經過有機會再返嚟食。