貓啡 (已搬遷) 新店位置

呢個暑假真係好Funny同朋友走訪旺角呢一間貓貓Cafe其實屋企都養貓唔知點解依然咁鍾意去Cafe同人地嘅貓貓玩😂呢間環境綠悠悠嘅人造草地好舒適呀除咗主食之外小食．甜品同特飲都係即叫即製味道唔錯✨ 牛角窩夫伴movenpick雪糕暖笠笠嘅窩夫，配上冰凍嘅雪糕球加埋新鮮水果，用糖霜加咗對貓腳板 好得意✨ 蜂蜜烤雞翼雞翼大隻厚肉面層加上蜂蜜又香又甜✨ 菠蘿百香果梳打菠蘿同百香果，兩種混合一齊帶出酸酸甜甜嘅味道冰涼又消暑✨ 草莓牛奶冰沙加入草莓同牛奶打成幼滑嘅冰沙炎炎夏日嘅最佳選擇貓貓勁乖，純粹好奇 唔會偷食食客都帶著開心歡愉嘅笑容離開地點又方便，下次一定再嚟

呢間啲貓全部都唔太乾淨 有黑頭有眼屎咁 指甲都冇剪 之後食食下仲要有一家人黎咗 成家都周圍捉貓 抱既方法又唔啱 抱到捉魚咁 肯定有店員見到但都由得佢 之後我哋就忍唔住去同店員講 點知店員話啲貓唔反抗就得 但明明有貼住需知話唔可以強抱啲貓 同埋你又點知佢哋唔反抗 係根本反抗唔到 仲要有幾隻其實好細膽 都照放佢哋岀黎營業 冇位比佢哋匿埋 整體覺得成間店唔夠愛貓 淨係攞啲貓黎做生意 唔係為啲貓着想先 所以唔推薦 大家真係可以唔使去呢間😡😡😡😡

果日係星期日好好彩，當日即時book到位。假日最低消費每位$120/90分鐘，不過職員話唔full無人等枱都可以坐多陣，我覺得好好😊。Cafe嘅環境唔錯，都唔會好迫，有唔同嘅枱型可揀，訂枱可以要求，但都按當時情況。Cafe提供沙律，麵食，小食同飲品。以cafe黎講食物質素算唔錯，其中招牌蒜香蟹肉明太子闊條麵幾好食😋。飲品夠大杯同幾好飲。Cafe內都有好多隻貓貓，有啲會係籠休息，輪住出黎活動。啲貓貓都nice，cafe亦提供貓貓玩具俾客人同貓咪玩。

店內有超過30隻貓咪，大部分貓咪都好乖好可愛🫶🏻仲有幾隻特別嗲人❤️有隻貓貓仲主動走上我大髀度瞓覺😴勁QQCafe同時亦係浪浪收容所，有提供貓貓領養服務，有興趣嘅朋友可以到店咨詢食物方面除咗小食同飲品 仲有主食類提供，當日嗌咗兩個小食同飲品，味道都唔錯👍佔地1600尺 空間很大 環境舒適，而且無限時，可以同貓貓玩到夠👍

果日係星期四晚，難得放假 去開旺角 諗起上次見到朋友post 呢間貓cafe design 好靚咁 就上去睇下。果晚人唔算多 可能因為閒日 冇book到都唔洗等 。 呢間cafe 係叫野食野飲夠100就可以Stay全日。我地叫左小食蜜糖烤雞翼 好食！💛佢唔係落粉炸果種 但好脆好香！另外 叫左個芝士蛋牛角包 呢個combination 無得輸😂 不過如果牛角包可以再脆d 就更好🤪 另外兩杯凍飲就正常水準場內好多meow meow 🐱 勁得意 有兩隻貓仔 超好動 全場係咁追逐跑😂 咁大個地方比佢地跑 好開心 ; 仲有隻細細貓 ( 個名叫豆釘 , 因為佢真係好細粒😂呢個名好岩佢)唔知係咪鍾意左我 😳 坐左係我大脾唔走😆我地果日hea左成兩個幾三個鐘 完全無人趕我地走 不過 可能因為10點收舖 店員9點半到已經開始清潔果d 本來仲諗住hea 到收舖🫠

1830去到 發現好多家長帶小朋友去係到追貓 抱貓 大聲叫都無乜店員會理大部分貓貓都唔太活躍 好眼瞓🥱有啲性格唔係太friendly唔比摸 會匿埋同埋發覺好多貓貓都有眼屎肛門位又污糟有啲貓貓d毛又有尿漬 搞錯d毛痴埋左一舊有隻貓店員知道佢有咳(煲水聲)但係仲比佢出嚟同其他貓一齊出嚟出面感覺餐廳唔係真係咁錫d貓囉。。。環境方面 地下算okay既客人入去要除鞋但餐廳好多有坐墊既位都有啲污漬行到餐廳入d既位仲覺得有陣味唔知幾耐會清潔一次😓

首先現場音樂真係太大聲，阻礙喵喵休息同客人傾計。店員服務頗差，坐埋一邊淨係掛住㩒電話，連收費都冇介紹，冇乜熱誠同客人交流同照顧喵喵 (包括冇提醒客人與貓貓交流的規矩)咖啡店的溫度也有點太低了，連我自己都覺得有啲凍，讓一些貓咪捲縮起來保暖，好像工作人員也沒有太在意貓咪的舒適度。店內入口有少少異味，而且環境唔算好乾淨，人造草好似好靚但有啲唔衛生，當時發現一隻貓嘔吐出了一些毛，但工作人員只用消毒紙巾抹了一下，並沒有好好地清潔區域或照顧貓咪。這讓我很擔心，因為他們好像沒有太注意到貓咪的健康。去過其他貓Cafe或餐廳，呢間真係麻麻地，希望可以多留意衛生同服務。

我和先生點了貓全日早餐及卡邦尼意粉，食物質素都OK。嗰度啲貓仔大部份喜歡睡覺，有部份較為活潑，我見到嗰度有吊床，可以比人哋坐喺度食嘢，見到餐廳裏面有唔少比貓玩嘅玩具同埋設施。個度小食提供俾人為貓貓食，有唔同價錢。個度好多人去嘅，因為都近地鐵站，所以人流都幾旺！可能係因為今日係假期，特別多幾多一家人去，多數帶埋啲細路去搵貓貓！嗰度係有最低消費：每個人$120！平時好似係$80！90分鐘用餐，玩貓就無限時！不過嗰度呢係無鞋套，亦都冇拖鞋供應，所以記得要着襪入去。牆上貼上有個度既貓貓介紹，比客人記得邊隻貓，貓頸上面都有個QR code同埋佢地個名。

貓奴🐱出動❕❕~~~~~~~~~~~~~~~~~~~~~~~~~~~~~~全場🈶多達30隻🐱🐱 亦🈶待領養🐱🐱等待領養🙈 而我地每食一餐嘅錢錢💰都會攞去幇助更多嘅流浪🐈🐈 所以價錢💰都會高少少 但系全日免入場費同不限時架~🫶🏻~溫泉蛋🥚卡邦尼扁意粉~ 份量雖少 但系味道對於貓咖🐱嚟講都算唔錯 正正常常~甜品窩夫🧇~ 呢個賣相整得好🈶心機 好上鏡😂 適合打卡👍🏻 味道就🈚想象中甜 比較淡🤨 不過食物只系配角 🐱🐱們先系主角😚 食物味道雖然唔出眾 勝在賣相都唔錯 又🈶🐱🐱們嘅出鏡 打卡同消磨時間都系幾好嘅選擇丫🥰👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻每人最低消費💰$100，另收➕一服務費🐱主子們都好乖 🈶幾隻🐱仲好痴人添☺️ 環境都幾乾淨 店員亦都🈶不斷為🐱🐱們清潔 保持形象😆📍貓啡 📎旺角彌敦道577號高氏大樓3樓A室

🍽 🐱收容x領養x cafe🍽佔地1600呎，有超過30隻貓貓。與一般貓cafe不同，店內會收容流浪貓🥺更會有貓貓開始俾人領養♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎😋食物😋🔶吞拿魚鮮蝦沙律 $88🔶燒章魚丸子 $58🔶百香果波蘿冰沙 $48有主食、小食、飲品無論lunch/ tea time去都啱食食物當然只係配角，但味道算正常唔伏擺盤帶有貓貓元素，可以打卡♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎🔹總結🔹🔹環境空間夠大，有不同設施讓貓貓活動，例如貓跳台、跑步機、吊橋、各種逗貓棒等🥰😍最正係有地下草地位，不時會有貓貓行過，成個身挨住客人個身，甚至瞓喺客人旁邊！☺️大部分貓貓都好放鬆，周圍行同瞓，成個空間都有貓貓既蹤影，唔需要刻意去搵另外貓媽媽+媽BB會有獨立包廂休息，唔開放㗎！好彩既話，可以趁店員照顧佢地時，偷偷望下貓貓，但記著唔好騷擾佢地⚠️❤️好推薦大家搵個下午去坐下草地摸下貓同佢地一齊放空治癒下心靈❤️*不設入場費，食物最低消費$100-130左右，預約時記住問清楚*雖然限時90分鐘，但非繁忙時段，冇人等枱既話，店員都唔會特登趕人走，非常友善*記住著襪，出入關好閘門味

嗰日同家姐喺旺角行完街，之後又唔知去邊，經過馬路嘅時候見到呢間貓cafe，就上左黎。以為要預約，但係原來Walk in都可以，個姐姐話要會員登記左先，應該係要保障啲貓貓？ anyway,星期六既關係都幾多人，冇booking佢安排咗我哋喺細枱坐。 呢到有基本消費$120，但係就冇限時間玩貓幾耐都得，超佛心🫢 佢呢到既貓都幾有性格，但只要你有零食！哈 貓界通行證！我地叫左2杯野飲 ice long black$58，飲落去都正常，偏酸嘅咖啡嚟。 貓星球沙律 $118 個份量好大份，上面係有三文魚蝦同埋雞胸，佢有其他沙律，但得一款配料呢個只係差10蚊，有三款。 蜜糖雞翼：$48 雖然好食，但得4隻，幾貴。其實我好少打食評，但主要係個日有同佢地個姐姐傾計，原來佢呢到係有得領養貓bb,仲要唔收領養費。哈哈 我地好想養個隻黃貓bb😍 希望佢地睇到來同埋佢話呢到都係主要收養流浪貓，收益都會俾浪浪，即時感覺唔似其他貓cafe用貓黎搵錢，個理念幾好。

食物種類雖然唔多，但質素都ok 好食! 最開心係d貓咪好可愛，仲有3隻貓B 好活潑好攪笑!值得推介! 蜜糖烤雞翼比想想像中好食! 每人消費大約$200，座位都舒適! 希望貓貓健健康康咁生活!

十分差的體驗！可能好多人都覺得坐地下冇咩所謂，但對於我哋呢啲年紀有番咁上下既人坐地下真係唔好受，之後有張枱問可唔可以轉，又話有人book左唔轉得，到我哋食完晒，個張枱既人先來，其實人地有訂位，我哋都有訂位，唔明點解我哋人都來左都唔俾人轉。問佢有冇碟仔，竟然答分野食既碟仔冇晒，完全share唔到野食，甜品同正餐一齊上，無言。冇咩服務但都照收服務費。食物味道雖然不錯，但價錢偏貴，每人最低消費要120仲要逼人坐地下，無下次。

話說有次平日夜晚想試，見到部分負評都驚驚地，不過去完又覺得幾好，所以都想寫返自己感受俾大家參考下。我係無預約的，因為預約最快要45分鐘，又唔肯定訂邊類枱好，所以膽粗粗照walk-in。好彩係可以的，因為現場只有七八租客人，我哋可以揀坐邊。餐廳出餐都快，我估15分鐘就有，擺道同味道都幾好。不過重點都係啲貓，唔怕人都算親人，見到有其他客人抱到隻貓，我就唔識抱，但都氹到一隻叫豆釘嘅貓仔訓我大𩩍，唔知係咪貓女，似乎偏好男客人。最後坐夠90分鐘就走，職員無趕，純粹第日要返工。見個職員都有同兩個生客介紹下啲貓，就無負評講到咁差。

「貓啡」位於油麻地旺角交界，是一間充滿貓咪氛圍的貓貓Cafe🐱🐱。進入餐廳，迎接我們的是一群悠閒慵懶的貓咪，簡直是貓咪天堂。這裡最低消費每人$120+10%，限時90分鐘，如果沒有booking 可延長至3小時。我們最後逗留了2.5小時，滿足了貓痴的慾望。**溫泉蛋卡邦尼扁意粉（$108）意粉煮得恰到好處，彈牙有勁，搭配濃郁的卡邦尼醬汁，味道不錯。溫泉蛋蛋黃如果可以再生一點會更好。**招牌蒜香蟹肉明太子闊條麵（$128）闊條麵煮得非常Q彈，搭配蒜香和濃郁的明太子的醬汁，相當美味。**喵全日早餐（$128）喵全日早餐很豐富，包含了炒蛋、腸、大啡菇、煙三文魚、蕃茄及沙律菜。當中以貓貓外型的面包最吸睛。以貓貓作主打的Cafe來說，食物味道不錯。