貓啡 (已搬遷) 新店位置

果日係星期日好好彩，當日即時book到位。假日最低消費每位$120/90分鐘，不過職員話唔full無人等枱都可以坐多陣，我覺得好好😊。Cafe嘅環境唔錯，都唔會好迫，有唔同嘅枱型可揀，訂枱可以要求，但都按當時情況。Cafe提供沙律，麵食，小食同飲品。以cafe黎講食物質素算唔錯，其中招牌蒜香蟹肉明太子闊條麵幾好食😋。飲品夠大杯同幾好飲。Cafe內都有好多隻貓貓，有啲會係籠休息，輪住出黎活動。啲貓貓都nice，cafe亦提供貓貓玩具俾客人同貓咪玩。