豪大大雞排

營業中

休息中

平時經過大圍都會見到豪大大雞拍好多人排緊隊要等好耐，今日竟然冇人排隊，所以就即刻去整份炸雞髀菇食啦咁耐冇食又加咗價啦，一開始食呢好似係$20，8粒，之後就$22，8粒，而家要$25，8粒！印象中都係短短一兩年嘅事！不過又真係好好味，炸粉夠薄，好多汁！叫辣係好味過唔辣，不過真係幾辣

次次經過豪大大都好難忍到手🤣🤣因為都幾多人排隊所以由排隊到拎都等咗15mins度.叫咗個$38 一份香香雞味道一如既往咁好食🥳🥳個皮香脆雞肉又鬆軟真係掃街之選😂

好耐好耐好耐都冇去過大圍火車站出面買吉吉野食啦！好懷念以前住大圍嘅時候⋯經過小巴站都會去吉串魚蛋或者燒賣今次決定買豪大大返屋企慢慢嘆每次嚟到都有人排隊⋯即叫即炸 4分鐘就有得食啦😬雖然話買返屋企慢慢嘆⋯⋯炸起冇理由唔咬兩啖先👍🏼正呀熱辣辣嘅時候係最正！不過疫情又嚴重返⋯都費事係街度食啦🙊

有人同朋友經過大圍友人極力推薦豪大大雞扒的炸羅白糕本身對羅白糕完全無興趣.但友人比我試完一舊之後都忍唔住買左一包傳統煎羅白糕比我感覺係好粉，好林身既口感.但經過炸後.食完口有脆口感覺.完全將羅白糕既口感改變哂炸粉炸得薄身.完全唔會有食炸粉既感覺$15/5件

這區附近滿佈小食店，競爭很大。但每次經過豪大大，門外都有不少人排隊，想必生意不俗。排隊等候大約8分鐘。這次點要半份香香雞。稍嫌雞肉偏乾。另外點了一份花枝丸，味道不錯

味道同台灣相差太遠，雞皮會甩出黍，入面d肉鞋鞋地，仲要拿完個袋成手油，食完喉（確）党得是萬年油，不斷翻炸的油，好差，好差，不會再買，同市林的相差很遠，最重要是油要改善

近大半年呢間台灣豪大大雞排既分店開到周街都係，連老人區藍田都有真令人驚奇，但次次經過都無咩人幫襯，租鋪咁貴睇黎都係等執格局。豪大大我倆在台北士林吃過，天天大排長龍，獨沽一味賣雞排，香脆美味﹔反觀香港的就包羅萬有，連雞翼、雞粒、薯角都有，咩都有得賣，唔知幾時炸埋三寶。今日終於有緣一試，試了一份「香香雞粒」，熱辣辣岩岩炸起，極香脆，咬落脆卜卜，面頭層炸粉皮是精華，賣前還會灑上辣粉令其更冶味，咬落外脆內軟，好食，送啤酒一流﹗其實幾好味呀，點解好似長期無人幫趁既呢？當然很不健康，好熱氣，但我鍾意﹗

打算去大圍買一件雞扒下午茶（已經加到＄２８）, 再買豆腐花做甜品, 然後買手撕雞晚餐.見人龍不多只有兩個人在等, 於是先買雞扒, 怎知這分店是要先付錢, 這本來不要緊, 因為人不多, 門外架著一張咭紙說要等4分鐘, 於是在旁等候, 但收錢阿姐只寫下我要的食物, 沒有指示排隊或怎樣. 等了幾分鐘, 開始人多, 他們開始有點亂, 買小吃如雞粒的一個一個的買完便走, 只見廚房一籃一籃的雞粒炸出來也未見我的雞扒, 於是我問一下阿姐, 怎知另一位阿姐答: 快了,你的要等4分鐘, 其實我起碼等了五分鐘, 於是後面也有人買雞扒了, 等不久兩塊扒一起出, 她竟然把雞扒先給那人, 我有些激氣, 問他我的在那裡? 她只淡淡說道：啊是你先的... 便把雞扒胡亂灑了一堆辣粉推給我, 一點歉意也沒有, 等了這麼久還要被打尖. 一點也不理客人的感受.如果不是先給了錢, 我可以先買其他東西再回來, 又或者不會擔心他忘記了我的雞扒...我一肚子氣去買其他東西, 再發現有雞扒很多辣粉, 於是回去換, 因為我要少辣的, 但她竟然二話不說把我退回的雞扒放回油裡再炸, 說: 洗一洗吧, WHAT?! 翻炸也給他想出來, 怎麼

呢日收工返屋企, 就聞到香味~原來我家阿豬媽響大圍路過, 聞到呢間雞雞好鬼香, 所以買左塊返黎同我一齊試.......到底係個紙袋太細!? 定係件雞真係太大呢!?有一半雞係凸左出紙袋, 真誇張, 哈哈~搣開個紙袋, 哇!!! 香噴噴, 仲見到塊雞係鴛鴦色, 好得意...原來, 係我家阿豬媽 request 左半辣半唔辣, 咁就可以一次過試晒辣同唔辣既分別, 真醒!!!好脆好脆, 由大圍買到返黎.....大約係 15-20 分鐘路程......再等我攪掂好手頭既野先開餐....竟然..............仲係脆的耶!!!!!!!雞肉仲保持到溫度, 肉質雖然唔算好滑, 不過一D 都唔鞋, 仲有少少肉汁~真係大塊到................好飽耶~~~~唯一不足既係.......辣粉, 唔辣的 v_v我家阿豬媽大讚好食, 下次再試其他, 哈哈

食完下午茶，諗住行一陣就去食甜品, 點知 .... 見到豪大大 @@其實呢我就有兩粒飛滋孖住生 ... 就唔係幾敢食o既加上餐下午茶食左大半個天使面呢 , 都覺飽o家喇但我隔離o個位 , 就比 " 地瓜條 " 三個字吸引左 .....而o係等 4 分鐘等佢炸o既過程 , 眼見都幾多人買炸花枝丸 咁o個位未食過o既小姐又好想試一試 , 咁 arm last 一串賣埋於是乎食住新鮮炸起o既地瓜條 , 再等 4 分鐘花枝丸1. 地瓜條~ 剛炸起 , 但瀝晒油先入袋 , 拎上手一睇 .. 嘩 ! 好大包喎阿姐話 : " 係呀比多左你地o家 , 今日食多 d 啦 " 我地叫左多梅粉 , 正 ! 真係好多 ^v^ 好好味咬開地瓜睇落唔太黃 , 好似會無味道 , 但食落都好甜梅粉酸酸地咁 , 令地瓜條食落唔會咁滯 =)2. 炸花枝丸~ 剛決定買時 , 最後一串賣左 , 要再等 4 分鐘阿姐態度好好咁同我地講唔好意思 , 叫我地食住地瓜等一炸起 , 佢離遠嗌我地問我地辣唔辣 , 我地話要 ...唔知係咪因為我地叫地瓜要多梅粉 , 所以佢都落左多辣粉我地食埋 d 地瓜先食佢 , 都仲係好熱好脆口 ,花枝

其實本身都冇咩期望，因為MK 果間都俾人插得太多，加上我去台灣都已經唔食豪大大(要揀一定揀三姐妹)。但人係犯賤，見到有人排隊又忍唔住走去買0左件。唔買都算，買完就真係把幾火。基本上除0左個袋同D撤粉似台灣之外，根本冇樣似。叫0左雞排，皮肉分離，肉鞋又重雪味(預0左有，但估唔到咁重)。希望未食過台灣果間0既朋友唔好以為呢D 係雞排，基本上香港好多地方0既炸雞(唔係台式)都好味過佢多多聲。可惜0既係唯一一間係紅磡似樣0既台式小食(唔係我愛XX)已經執了。點解香港咁多好0野就執下一間執下一間，有D 冇乜特別0既又係傳媒效應下越做越有。唉睇黎又係時候去台灣一趟了。

本來我對佢冇乜期望,因為旺角分店比人插到暈又彈難食又冇肉只係希望止下我鋪台北引25蚊大扒即炸+5蚊可樂,實在超值,係台北食都要60台紙我唔期望佢有台北個件咁巨,雞肉咁滑但係估唔到除左個厚度冇台北本店咁厚之外,整體個味道竟然有9成似連包裝紙都一樣令人好懷念台灣仲有好多炸物香香雞之類我冇食中午飯,一個男仔食半片扒後已經好飽,另外半片留返屋企先再食,結果成晚冇食飯,好頂肚,哈哈老細好nice,哥哥仔前哥哥仔後落單真係好快,睇見佢炸到出晒煙真係辛苦晒

今日家姐放工打俾我，問我想食乜，我就叫佢去買豪大大雞排，諗住要嚟餸公仔麵。之後家姐返到屋企，一開門口我就聞到好香嚕！搾上手仲熱辣辣添！正！未等家姐煮好公仔麵我就開始食嘞。唔~咬落個炸皮好彈牙，好係臺灣飲食文化一貫QQ嘅作風！但係就冇想象中咁好味~可能之前聞落實在太香，俾咗個錯覺我~哈哈食咗1/4已經覺得飽飽地（因爲唔係太肚餓），就切開一半同家姐SHARE。心諗：嘻嘻，下面個半塊應該都係骨，俾我食曬啲肉，呵呵~之前去士林夜市食係咁，以爲咁大塊全部都係肉，點知有一半係骨。點知今次食，佢得1/5係骨！正！但係，佢嘅價錢係臺灣嘅一倍~食完個雞排，我連麵都冇食~飽到~哈哈唔~總括而然，未食過嘅人真係可以試下。不過我諗我未必會再幫襯，因爲講真係幾肥，我諗食曬一塊有三四碗飯嘅熱量。今次都係抱住食過就算嘅心態嚟品嘗。嚟大圍踩單車嘅朋友，食豪大大雞排再加珍珠奶茶，好臺灣風味噶呢~哈哈

上星期經過時,見到仲未開張,今天再來,已開張了.因為我其中兩個在台灣土生土長的女兒放暑假.來了香港探我們,見到有台灣的街頭小食,當然毫不猶豫的去買來試,以慰她們思鄉之苦,可惜..............令她們失望了~~大雞扒 ($25) --->>Size真的很大,比我最細,只有八歲半的女兒既臉仲要大, 可惜,鹽酥雞粉不夠,唔夠味,咬下去,即皮肉分離,還需努力.地瓜條 ($15) --->>梅粉唔夠,又係唔夠味~ 當然,新店開張不久,即使員工有培訓,但.....仍是未有太大的經驗,這是可以理解的,希望這店加以改善不足之處,好讓我們這些食友,多個大圍好食處吧~加油啊~