豚王 (V Point) (已結業)

✴️豚王 | #銅鑼灣 .🍜日本拉麵過江龍始祖💮🔹豚王 $89.原味豚骨湯底 香濃 充滿骨膠原 秘製辣醬惹味 不會蓋過豬骨味 😋椰菜份量頗多 清甜爽脆 🥗豬肩肉油花平均不會太肥 剛剛好 ✨麵店自家製醃辣芽菜 送麵一流 爽脆又開胃麵條分別選擇了太面 （細麵）和扁幼面。右面吸湯力較強，而扁幼面掛湯力較強😍😘個人認為細麵較多比較易果腹無論吃幾多次都係咁好食 今次仲未有機會食餃子 下次要記得買coupon $85定唔知80元可以食到所有口昧

豚王已經食過好幾次架喇, 而且唔洗點排隊添, 不過今次竟然係見到門口貼住嘅限定王吸引左我入去, 所以今次特別想講下哩個限定王, 就係蟹味噌王, 首先湯底係鹽味湯但又唔會太咸, 再加上蟹膏醬更帶出左鮮味, 雖然可能係加工食品, 但今次覺得係有啲突破, 不過個蟹肉就麻麻地有啲鞋同好實, 如果已經食慣左其他味道其實都值得一試架而個幼麵都係我成日食嘅主要原因, 因為佢夠哂彈牙唔痴牙, 個個口感令我成日都回想架

星期日出去行街,係行街前肚餓又見咁耐無食豚王老公就陪我黎食我最鍾意食佢地夠幼身既拉麵🍜湯底夠濃!今次試左有史以黎都唔敢試既辣味湯底,出乎我意料之外,因為無諗過都有啲辣(我向來鍾意食辣)湯底夠濃😍而且掛到麵👍🏻但佢地啲肉實在太薄,而且份量唔多,對於我唔太鍾意食肉既人黎講叫做okay而我老公就點左限定王黎食,係蟹湯底!佢仲大讚一大舊蟹膏超好食🤩不過老公話佢比較鍾意豬骨湯底多啲,因為覺得同拉麵比較夾,同埋味道會再濃啲.好可惜我唔食得蟹所以無得試另外再加左溏心蛋同煎餃子,溏心蛋實在太好食!好鍾意🤤餃子可以再煎耐少少,我地都喜歡個皮再脆啲職員服務態度幾好,好有禮貌同耐性去講解俾我地知,唯一一樣係唔太夠細心,兩個人黎食,個場加埋我地得3枱人,但我同老公兩個人要share 同一份menu同筆😅不過最後其中一位職員見到我無筆用最終都拎多枝筆黎.我個人比較喜歡一人一份,一齊各自落單然後就可以一齊享受一下坐係店內既氣氛另外店內冷氣有啲勁,食完後雖然暖左好多但如果坐耐少少對於我怕凍既人黎講食完就要急急腳走了..

好耐冇來銅鑼灣的豚王食拉麵（上次食已經係搬鋪前），今日趁去時代睇戲前再泥食下。一行過去，唔知係咪因爲仲叫做早（6點九左右），竟然冇咩人排隊，同兩三年都好大對比，所以入去前我都有少少驚佢已經冇以前咁好食。入去幾驚喜的係第一眼就見到以前的伙計，坐低後我叫左黑王，一個我一直覺得幾特別的豚王拉麵。黑王同出面好多拉麵鋪落墨魚汁個湯底一樣，但最唔同的地方係豚王的黑王會加自己秘製的黑醬油，而入面我相信除左墨魚汁外，仲有黑蒜蓉（我相信）如果鐘意濃味，重囗味的話，應該會鐘意。最難得的係個味道keep到幾年的水準，鐘意食拉麵的話，值得再來豚王。

幾年前，豚王拉麵店，排隊人龍成行成市，排成兩個鐘先食到一碗拉麵，當時我真係冇食過，食一碗拉麵只需要20分鐘，要用兩個鐘排隊，實在唔值得。今日銅鑼灣，拉麵店開到周圍都有，豚王已經冇咗昔日嘅光芒，亦都好少見到會有人排隊，差唔多每次行過就可以馬上有位了。今次入店幫襯，感覺完全冇日本師傅煮麵，成間餐廳感覺都非常港式經營，豬骨湯底仍然濃郁，好厚，拉麵質素係好正常嘅水準，叉燒，都唔覺得好出色，不過水準係保持正常，不過不失，收費亦都係拉麵店嘅正常價錢，所以我覺得呢間拉麵店，所有質素都只係中規中矩，如果以現在嘅水準來講，絕對唔值要排隊。

作為拉麵宗粉，每個月食兩三次不在話下。而且係豚王的坐上客，不得不承認香港實在太多拉麵過江龍，早前被灣仔一間小店迷惑左我的心 一連幾個月淡忘了豚王。今日開刀脫智障齒前幾日，想食一碗熱熱拉麵去為無得食好野既兩星期作準備 今日忘初心黎返呢銅鑼灣的豚王，說實話吃過所有分店，個人認為銅鑼灣分店水準保持最好，每一次我都可以食返同樣的味道銅鑼灣店在同一條街 搬遷舖位多次，今次在新大廈樓下，坐位無論比較從前或其仔他店舖 空間感和舖既面積都升級。坐得更舒服，而且樓底高無咁壓迫，食客相對唔洗食得咁趕 店外依舊保留紅色大燈籠，一眼望過去就認得佢。但位置靠近街尾人流相對小。但人龍依舊菜單照舊比你好多選擇，後來發現如果想比較清淡 香油和醬油揀淡會清新很多。十月十一月食左兩次，每月限定王的款式日新月異。秋風起，有蟹味噌湯拉麵出場。今次黑王揀左普通醬油，少油。之前食過少油湯底會無左墨雨汁ge黑色。今次少油，無咁油膩。如果落單時候唔記得加辣，事後同店員講就會加返比你夠哂貼心，彈性好高。今次無牙婆食唔到餃子，下次再試下豚王餃子到底好不好食

7:25pm去到唔洗排隊入去坐低就填紙，揀左豚王細麵3辛少油少蒜椰花3辛唔係好辣，下次可以叫4辛或更多拉麵我覺得有點少總括來話普普通通，未去到值得排隊等比不上日本拉麵

點解我話口痕友至愛呢因為其實拉麵真係好飽肚嘅一件事情佢個湯底咁濃厚好易漏但係下午茶想食拉麵佢有個特別細size雖然選擇唔多得一款湯底就係豬骨湯底適合口痕又唔想太飽嘅朋友如果有多啲選擇 我就會開心啲但係佢都可以加辣粉所以夾硬上都可以算有兩隻口味豚王出名湯底濃厚好似食緊稀咗少少嘅pasta咁樣其實我加得太多辣完全掩蓋咗佢嘅肥美湯底叉燒唔會鞋麵條彈牙呢個鐘頭食又唔使排隊心入面覺得係幾抵食嘅但係都有少少到喉唔到肺嘅感覺因為真係幾細碗

豚王是在香港其中一間最有名的的日本拉麵店，所以今日我同朋友都去試一試我點的是最經典的豚王，想必一家店會使用菜名作為名稱，對味道一定十分有信心。店中是滿滿的人，店家用了10分鐘時間便上菜了，這個人數的話，10分鍾的時間是十分快的。拉麵最緊要的是湯底，豚王的湯底是有濃濃的豬骨味，十個Like!!!麵的話也不錯，很幼，但個人喜愛粗一點會更好，口感會更佳。服務也十分好，基本上一舉手便立即有人會有反應，加上員工也十分有禮貌，我很滿意

想食拉麵就會去登龍街係常識，雖然唔知食邊間但係總有一間啱口味。其實豚王之前係中環都食過，不過銅鑼灣呢間裝修唔錯，好有空間感，背後係落地玻璃連接街境，抬頭會見到粉粉嫩嫩嘅假櫻花裝飾，令人淨坐已經感覺好舒服。我同朋友分別要左黑王同限定王。黑王選擇左少香油，多蒜，肩肉，椰菜同普通軟硬度嘅幼麵。上枱嗰陣雖然唔係特別香，但係一食入口嗰種濃郁嘅黑蒜油味即刻好出，湯底亦感覺好足料好稠。本身唔鍾意食肥肉但係又驚食肩肉好似食柴皮咁，但係呢到嘅肩肉雖瘦，但係非常淋身好好食。食到最後雖然有啲膩，但係飲返一啖佢哋免費嘅檸水就可以成碗食曬😋另外朋友叫嘅係今期嘅限定王，就係咖喱口味嘅元氣王。兩碗拉麵一同上枱，但係佢嘅香味就蓋過黑王。朋友選嘅係腩肉同淋啲嘅幼麵。咖喱湯底香，但係無黑王咁濃，啱啲鍾意清新味道嘅人食。朋友亦大讚腩肉好有油香，同拉麵好夾。不過最令我欣賞嘅係普通硬度同軟麵只差一級別，但係真係令人食得出分別，2者入口都美味但明顯不同，火喉控制得好好。

睇返自己寫既咁多篇食評，發現自己真係個拉麵/沾麵狂。而喺我食過咁多間拉麵入面，豚王一定係排頭3首先我每次都堅持一定要食原味，原因係我覺得原味先至可以最真實咁樣食到一碗拉麵嘅精髓！我就叫咗豬肩肉，食落去就少啲肥肉而且呢彈牙。麵條硬度就叫做適中。啲菜呢就好爽口。豚肉湯底又濃又香雖然叫少咗香味油(因為唔想太heavy)，但秘製醬油叫多啲其實已經可以彌補番，一樣咁夠味係我食過咁多間拉麵入面，香得來但又唔帶味精味既頭幾位！男朋友就叫左赤王，佢叫左3辛，對於我呢個唔係食開辣嘅人黎講真係有啲太辣，而且我覺得個辣味係琴過咗豬骨湯底嘅香味，都係豚王最香除咗主食之外更加值得一提嘅就係呢個配菜辣芽菜，我每次去食豚王都一定會落好多好多，更有時落到要再叫店員幫我再加🤪 諗返起都覺得有少少唔好意思但係呢個芽菜真係好入味又辣又鹹最後再加杯啤酒，成餐就滿足到不得了

其實我自己係一個幾鍾意食拉麵嘅人，所以香港嘅拉麵店，我都試過好多間。豚王呢，對於我來講，係一間中規中矩嘅拉麵，我都係唔同分店食過幾次，因為有時試吓佢個黑豚，有時又想試吓火山，有一次試返佢個經典豬骨，三個對我來講都好食。因為我自己比較鍾意食硬麵，多葱，濃味油，呢度圈咗preference之後，佢整比我食嘅，同我需要嘅都好吻合。不過佢啲煎餃子呢，個人就覺得唔值得食啦，貴得嚟又唔好味。所以如果黎，我覺得都係簡簡單單食個拉麵算。

拉麵🍜當然係日本最好食，不過如果要揀香港既拉麵店，豚王一定係我Top.3！雖然佢地款式選擇得幾款，但係正正因為專注淨係做幾款，所以可以keep到質素好👍🏻以拉麵黎講豚王唔算平，百幾蚊一碗，但係我覺得絕對物有所值！首先湯底真係一流！超級好味！連我呢個一向唔會飲好多湯的人都會忍唔住一啖接一啖！麵底亦都好好，唔會太硬或者太軟。叉燒可以選擇肥/瘦，而且好厚一大片。我覺得可以加埋溏心蛋🥚！超好食呀！

多年前吃過一次豚王，印象中質素不俗，但細節已全忘，難得過海辦事順道重溫，才發現店子已搬遷到同一街道另一位置。新店空間明顯大多了，不再採用圓桌，減少人多時候硬塞客人坐下來的情況，四人座就只坐四個人，座位較以往寬闊。點了赤王拉麵，門面看起來材料豐富。先說配菜，菜可選蔥或椰菜，椰菜新鮮，更有微微的菜甜味。木耳則非常爽口，雖然它本身的味道很淡，但濃味的湯底正好帶動它的味道。豚王唐辛醬有辣度可選，我選了兩度，有辣的存在感，但是能吃譚仔小辣的人大概覺得有點弱，看來至少要選三度，味道沒什麼特別，就是辣肉醬。由於赤王拉麵已是辣的，加上唐辛醬覺得味道過重，然而辣度又未能滿足我一顆愛吃辣的心。這裡的豚肉跟蒜泥白肉中的豬肉口感沒差，分別只是這裡的切成一大片，大小像火鍋的豬肉片，一碗有兩片。這種肉片我本來是喜歡的，但放在日式拉麵感覺它不夠格，我期待是更有厚度的豚肉，若要吃這種豚肉還不如到譚仔吃蒜泥白肉😅拉麵的軟硬度由客人選擇，我在任何拉麵店都選硬的，然而很多時候仍感覺硬度不足，但總是不敢選超硬，怕生得吃不了😓 我覺得這次的硬度雖未能稱心，但也在我的接受範圍內，而且是我自己不敢選擇超硬而已。拉麵採用筆直圓柱體麵

香港作為美食天堂，日式食品在香港遍地林立，拉麵更是五花八門。入返正題，今次叫了個原味豚皇，湯底很膩口沒有預期中味道，麵普通不過不失，腩肉很肥很漏，肥過你老母舊肥膏，用豬肉為主食材來講真的有點失望。希望選食材時會留意這點吧。可能因為分店多了拉麵嘅質素反而下降了，只剩下一個名字。講返啲好野，店內衛生程度很好很整潔，員工也是不錯很友善，會簡介一下各款拉麵特色，這點來說很好。店內裝潢也是不錯，拍照來說是一流。