豚王 (V Walk)

營業中

休息中

世界盃就開波啦，係時候要物色下有冇啲咩好嘢食可以食住睇波⚽️小編發現豚王最近推出咗🏆世界盃限定🏆外帶麵組合：「W杯•限定外带麵組合」深宵睇緊波，再嚟碗熱辣辣嘅拉麵配啤酒，爽呀🤩呢個組合除咗人氣嘅香濃原味(豚王)同墨魚汁黑蒜味(黑王)，今次仲有辛辣味(赤王)🔥配料好足料，有大大塊叉燒同木耳等等，而且又夠味，最重要嘅係所有嘢加熱就食得，20分鐘左右就可以食到同堂食味道無異嘅拉麵🍜另外，入面仲有張第二碗半價coupon，可以同朋友仔一齊去堂食嘆個麵先😆「W杯•限定外带麵組合」$398 : ❥ 豚王一杯×2組❥ 黑王一杯x1組❥ 赤王一杯x1組❥ 札榥啤酒x4罐*⚽️由即日起至12月21號全線分店限定發售🍻*只准18歲以上人士購買∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

四年一度既世界盃即將舉行，我同老公都開始準備緊迎接盛事⚽️ 麵控一向鍾意食豚王，前排行過見到新出既「W杯 · 限定外帶麵組合」，可以留係屋企自己調理，一邊睇波一邊食到豚王濃厚味道🍜W杯 · 限定外帶麵組合有埋個別注版保溫袋俾你拎返屋企入面有1個「豚王一杯」、2個「黑王一杯」同埋全新推出既「赤王一杯」🤤組合內仲包括睇波必備Sapporo啤酒4罐，愛隊入波即刻可以飲返杯🍻雖然係冷藏麵但調理方法簡單，用滾水加熱就食得。包裝後面有詳細說明，話俾你知每樣材料要加要幾耐，有幾款配料擺落滾水加熱20秒就食得，臨時想煮個麵都唔會miss左場波👌🏻率先煮左豚王同赤王試下！兩款湯底都好濃郁，尤其鍾意豚王一杯湯底同堂食不大分別，可以成碗飲晒🤤麵條、叉燒、木耳既口感味道比堂食絕對唔輸蝕，估唔到外賣組合都可以神還原dine in味道！

世界盃就開鑼，雖然今年係亞洲地區--卡塔爾舉行, 唔使捱咁夜, 但係時差既關係, 香港比卡塔爾快5小時, 睇波都有唔少係深夜場，睇波時不知為何總是餓😂😂，總係心思思想食消夜，杯麵？叮叮點心？no no no，我會揀食博多豚骨拉麵，因為果日經過，知道由11月開始，至12月21日豚王會推出「W杯‧限定外帶麵組合」 🤩「W杯‧限定外帶麵組合」 (售價: $398) 包括：豚王一杯 X2 set 赤王一杯 X1 set 黑王一杯 X1 set Sapporo 罐裝啤酒 X4 罐仲有一張半價coupon， 之後去豚王堂食可享第二碗半價優惠。超抵🤩🤩一直係豚王既粉絲，買完返到屋企就忍唔住煮黎食，煮法好簡單，按照指示，用水去煲熱番啲湯及材料就可以，完全神還原堂食既味道，豚王一杯濃郁豬骨湯底，赤王一杯就辛辣，正！仲加配埋札晃啤酒🍻，一邊睇波一邊食拉麵飲啤酒，真係爽！！

四年一度世界盃又嚟啦⚽️FIFA PASS🎫、波衫👕、甚至連賽程表🗓️都印埋出嚟，但好似仲爭咁啲野🤔果然就係爭咗份陪伴深夜睇波嘅宵夜🤩好彩豚王拉麵新推出 — W杯．限定外帶麵組合🌟各位球迷就可以安在家中，一邊欣賞世界盃緊張刺激賽事👀一邊su su聲食拉麵🍜再飲杯冰凍啤酒🍺視覺味覺大滿足❤️.🍜W杯．限定外帶麵組合💰$398✅豚王一杯 x 2、黑王一杯、赤王一杯、札榥啤酒 x 4.🔸豚王一杯豚王經典拉麵 奶白色湯底散發濃郁豬骨香味，味道鮮甜且重膠原質感.🔸黑王一杯喺原有豚骨湯底加入秘製黑醬，更有特製黑肉碎，湯頭帶額外芳香.🔸赤王一杯全新味道 入口先係味噌濃香，辣勁隨後而上，份外惹味.所有外帶組合都包含拉麵、湯底、配料，只要加熱烹調就食得🔥簡單又方便👍🏻而家買「W杯．限定外帶麵組合」，仲有精美FIFA別注版保溫袋及「拉麵第二碗半價優惠券（一張）」贈送😍睇波最忌就係無野食，仲唔快啲入貨準備迎接世界盃盛事😎

最近豚王推出左「W杯·限定外帶麵組合」，宵夜肚餓嘅時候仲可以係屋企嘆到豚王拉麵🤤平時成日去食拉麵嘅我都買左一套番屋企試⚽️ 豚王 W杯限定外帶麵組合 $398/套 （價值 $476）▪️豚王一杯 2個▪️黑王一杯 1個▪️赤王一杯 1個▪️Sapporo啤酒 4罐▪️拉麵第二碗半價coupon一套組合包左4個拉麵，4罐啤酒同優惠卷，仲有冰袋帶番屋企好貼心🫶🏻拉麵入面有齊同堂食一樣嘅材料。包括叉燒、木耳絲、豬骨湯、秘製醬油、唐辛醬等除左個麵分開煮之外，最方便係連埋包裝袋放落熱水煮就可以，加熱15分鐘後倒出黎就食得味道同堂食差唔多，每款麵都有叉燒兩片💮豚王湯底豬骨味濃郁，呈奶白色，唔會好油，麵質都好掛湯，每一啖都食到濃郁豬骨湯味💮黑王除左有叉燒，仲有一球黑色嘅肉碎，味道係三款入面最濃烈，有一種特製嘅芝麻油香味，見佢咁黑應該係加左墨魚汁去整😆💮赤王辣味都幾突出，味道係加左香辣醬油嘅味增湯底，淨係聞已經覺得辣，如果怕辣就可以落少啲唐辛醬另外我仲自己整左溏心蛋同灑左蔥落去，係屋企都還原到係舖頭食嘅味道😋外帶麵係11月1日至12月21日期間限定，係豚王所有分店都可以買到

💖 豚王 (V Walk) (深水埗)✨深水埗深旺道28號V Walk 2樓L2-21號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日買咗豚王-2022年世界盃2022限定外帶麵組合‼️ $398豚王一杯×2組黑王一杯x1組赤王一杯x1組札榥啤酒x4罐堂食正價拉麵第二碗半價優惠券x 1張可以同邊睇球賽邊食麵🤤有埋啤酒🍻先夠盡興🙌🏻另外，外帶麵組合仲會附送FIFA別注版保溫袋🛍️，我今日自己就開咗豚王同埋黑王出嚟試吓😚，煮食方法都幾方便💯1️⃣首先將湯包（連包裝袋）放入滾水煮13分鐘，然後拎出嚟備用。2️⃣將黑木耳、叉燒、醬油同埋唐辛醬（連包裝袋）煮20秒後再拎出嚟。3️⃣將已經加熱左嘅醬油，倒落個湯碗度再攪拌😌4️⃣佢哋特製嘅拉麵放入滾水煮25秒，再放入個碗度5️⃣最後將叉燒同木耳放係麵上6️⃣加埋唐辛醬就大功告成味道同喺店舖到食嘅一樣咁濃郁🥰半熟蛋係我自己加落去😌我覺得呢個組合套餐好方便懶人煮💯想要繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

I came here on a Friday for lunch as I felt like Ramen 🍜 I arrived around 12pm, quite early and it wasn’t busy. I was able to get a table instead of a bar seat which is more spacious 👍I ordered of a touch screen menu at the entrance. It is convenient and the staff helped me navigate the menu system and payment process which was very easy, smooth and efficient. I ordered the original lunch set ramen for $82. For the set you can choose either a soft boiled egg or gyoza 🥟 and a drink. I chose t

今日又出左西九龍，囡囡話要去試埋其他兩款拉麵，豚王主要有四款拉麵，豚王、黑王、赤王、翠王。今日我哋就要豚王和黑王黑王 $96黑王上面有一個黑蒜球，令到湯味更濃郁帶金香，，慢慢攪拌食，自己調校味道，由淺刭濃，一款拉麵兩個口味✌🏻✌🏻✌🏻✌🏻✌🏻

好耐冇食過拉麵啦，今日和姐姐刭南昌站 V walk 尋找好野食，行吓行吓見到豚王，大家就異口同聲話好耐冇食過，所以就入去試吓。店員非常細心，因為我今日穿了白色衫，他擔心我彈到衣服，給了我一張紙圍裙，服務態度一百分💯💯 赤王 $98湯是秘製的，加了麻油鮮味香辣嘅醬油，混了味噌，感覺上比以前偏鹹了一點，但亦keep 刭味噌的層次感😎😎😎😎😎另加配菜溏心日本蛋$18流心蛋相當美味😋😋😋😋😋我order 左兩隻👻👻👻👻👻

豚王新限定，本身以為好辣，食落去同赤王差唔多，再加上花椒碎增添麻感，整體而言香辣麻而不膩，亦無蓋過湯底，對於唔太食得辣嘅朋友都容易接受到。對於食開辣嘅朋友可能覺得唔夠過癮。配菜方面，芽菜依舊出色，浸好耐依然爽口其他依然維持一定水準，無話特別出眾餃子依然都係餃子嘅樣，唔會話爆汁亦唔會乾身都仲食得出豬肉嘅味，至少唔係放好耐嘅急凍餃子煎完出黎食橡膠咁溏心蛋無得輸，如果要我係呢幾樣野分高低，溏心蛋一定排第一，仲高分過拉麵。當然有私心加分，本身都鐘意食有質感嘅蛋，但豚王嘅溏心蛋真係一流，要比喻嘅話就係英式早餐嘅Egg Benedict一樣去襯托早餐，而豚王嘅溏心蛋係幫拉麵昇華一個層次。依然維持優質服務，出餐時間合理，唔會上到枱係凍湯，唔洗叫一坐底就比壺水過黎，亦無趕住要你快啲食完走嘅態度。重點至少唔會黑臉咁對客

有一日放工， 晚上九點去咗食拉麵🥺🥺🥺🥺叫咗一個拉麵，一啖食落口，咸到死🤮🤮🤮🤮咸到完全食唔到☹️☹️☹️☹️☹️☹️☹️☹️☹️☹️☹️🤮🤮🤮🤮🤮🤮🤮🤮🤮🤮🤮🤢🤢🤢🤢🤢可能因為太夜食，餐廳都差唔多收工，質素超差員工亦態度唔係太好完全不會再去第二次😑😑😑😑😑😑😑😑😑😑😑十分失望好少食到啲咁難食嘅拉麵😑😑😑🤢🤢🤢🤢🤢

Good ramen served here for a quick meal. They have improved since first opening. Service is standard, not expecting much from a fast food restaurant. They have several flavours to choose from and are probably the better more authentic Japanese option in the area. Overall, a good place for a quick fast food meal. Only complaint is environment is not cosy / welcoming as air con is way too cold!!!

第一：太咸，係死咸果種。狂飲水。同友人硬著頭皮食曬。非常對唔起呢個價。第二：侍應極之冇禮貌，冇帶位，接待時亦粒聲唔出，全程黑面，非常不友善。中間去我餐枱伸手去攞嘢，打擾人哋用餐，一句唔好意思都冇，超冇質素。從來冇寫差評，但今日真係非常失望，決不會再光顧第一：太咸，係死咸果種。狂飲水。同友人硬著頭皮食曬。非常對唔起呢個價。第二：侍應極之冇禮貌，冇帶位，接待時亦粒聲唔出，全程黑面，非常不友善。中間去我餐枱伸手去攞嘢，打擾人哋用餐，一句唔好意思都冇，超冇質素。從來冇寫差評，但今日真係非常失望，決不會再光顧

中午路過，諗住睇下呢間野晚餐有咩食。同老公二人睇唔明門口既電子餐牌，老公於是在入門口旁攞起餐牌睇，侍應粒聲唔出攞另一個餐牌疊係我老公手上既餐牌上面。咁樣唔出聲隊個餐牌係人手上，極無禮貌都算。佢問我地係咪堂食，我老公答佢我地諗住睇下今晚食咩。佢話“你入左黎要量體溫”，果種無禮貌既香港人味出晒黎，真係估唔度呢類日式鋪會無訓練好D職員。（我地只係入左門口少少攞個餐牌睇，如果要先量體溫又隊個餐牌黎？）接受唔到呢位侍應，我地未睇個餐牌就走了。其實見呢間鋪開左，一直想試，最終晚上都係照去試。晚上有兩位待應，但一句歡迎光臨都無。有部好似M記既點餐機，但只得幾款拉面，而且唔係好似之前的食評話有得揀面既軟硬度同湯既濃度，罐裝汽水仲要14蚊！揀完俾左錢，侍應係部機攞張單俾我地，我以為佢會帶位，點見佢就咁一句“要自己搵位”。咁既語氣，真係唔覺得自己係“日式”餐廳囉。入面好細，只適合一至二人入去食，一班朋友想坐耐D吹水免問。有面食了，但侍應又係粒聲唔出係我身邊隊碗面過黎，唉，送餐都要出句聲呀ma???廚師態度好好，仲見佢俾張紙巾附近一位著白色衫既男士做圍巾，好細心。面味道可以，餃子同蛋都好食。但我不太食得濃味

V walk 新開咗一間豚王拉麵, 因為我自己好鍾意食辣，所以就嗌咗個赤王。而我朋友諗唔到食咩，見到綠色湯底嘅拉麵就好有興趣，詢問之下呢原來綠色嘅湯底係因為有橄欖油，同芝士，聽落都幾得意就哎來試下。翠王的芝士同橄欖油，同豚骨湯底出奇地夾，芝士同橄欖油味都好濃。不過我同朋友都覺得有少少怪怪哋，因為呢個組合的味道，好似食緊西餐嘅感覺。赤王個秘製辣醬汁真係幾正，好香蔴味，連我食得辣嘅都覺得呢個拉麵幾辣下，真係食得辣先好哎，佢嘅肉碎好多，配埋辣嘅豚骨湯底真係一流。不過覺得湯底有d少，食左一陣就剩番好少湯。豚王嘅拉麵係冇蛋嘅，如果想食呢就要分開嗌。隻蛋要17蚊，好似有啲貴。。但係食完第一啖之後就覺得值。個蛋心做得岩岩好，好香蛋味，又唔會太咸。總括嚟講豚王拉麵嘅湯底係比較濃厚嘅，鍾意濃味豚骨拉麵嘅朋友，都可以來試下呢個赤王同翠王。