22
4
3
等級1
1
0
中午路過,諗住睇下呢間野晚餐有咩食。同老公二人睇唔明門口既電子餐牌,老公於是在入門口旁攞起餐牌睇,侍應粒聲唔出攞另一個餐牌疊係我老公手上既餐牌上面。咁樣唔出聲隊個餐牌係人手上,極無禮貌都算。佢問我地係咪堂食,我老公答佢我地諗住睇下今晚食咩。佢話“你入左黎要量體溫”,果種無禮貌既香港人味出晒黎,真係估唔度呢類日式鋪會無訓練好D職員。(我地只係入左門口少少攞個餐牌睇,如果要先量體溫又隊個餐牌黎?)接受唔到呢位侍應,我地未睇個餐牌就走了。其實見呢間鋪開左,一直想試,最終晚上都係照去試。晚上有兩位待應,但一句歡迎光臨都無。有部好似M記既點餐機,但只得幾款拉面,而且唔係好似之前的食評話有得揀面既軟硬度同湯既濃度,罐裝汽水仲要14蚊!揀完俾左錢,侍應係部機攞張單俾我地,我以為佢會帶位,點見佢就咁一句“要自己搵位”。咁既語氣,真係唔覺得自己係“日式”餐廳囉。入面好細,只適合一至二人入去食,一班朋友想坐耐D吹水免問。有面食了,但侍應又係粒聲唔出係我身邊隊碗面過黎,唉,送餐都要出句聲呀ma???廚師態度好好,仲見佢俾張紙巾附近一位著白色衫既男士做圍巾,好細心。面味道可以,餃子同蛋都好食。但我不太食得濃味
更多
中午路過,諗住睇下呢間野晚餐有咩食。同老公二人睇唔明門口既電子餐牌,老公於是在入門口旁攞起餐牌睇,侍應粒聲唔出攞另一個餐牌疊係我老公手上既餐牌上面。咁樣唔出聲隊個餐牌係人手上,極無禮貌都算。佢問我地係咪堂食,我老公答佢我地諗住睇下今晚食咩。佢話“你入左黎要量體溫”,果種無禮貌既香港人味出晒黎,真係估唔度呢類日式鋪會無訓練好D職員。(我地只係入左門口少少攞個餐牌睇,如果要先量體溫又隊個餐牌黎?)接受唔到呢位侍應,我地未睇個餐牌就走了。
其實見呢間鋪開左,一直想試,最終晚上都係照去試。晚上有兩位待應,但一句歡迎光臨都無。有部好似M記既點餐機,但只得幾款拉面,而且唔係好似之前的食評話有得揀面既軟硬度同湯既濃度,罐裝汽水仲要14蚊!揀完俾左錢,侍應係部機攞張單俾我地,我以為佢會帶位,點見佢就咁一句“要自己搵位”。咁既語氣,真係唔覺得自己係“日式”餐廳囉。
入面好細,只適合一至二人入去食,一班朋友想坐耐D吹水免問。
有面食了,但侍應又係粒聲唔出係我身邊隊碗面過黎,唉,送餐都要出句聲呀ma???
廚師態度好好,仲見佢俾張紙巾附近一位著白色衫既男士做圍巾,好細心。面味道可以,餃子同蛋都好食。但我不太食得濃味,食到中間覺得有點咸,要係咁飲水。
離開時侍應都無講多謝,反而係廚師講。如果係這種服務,我唔願意俾呢個價錢食面了,寧願過隔離街市地面食車仔面好過,人地好食又好態度。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食