豚丼のぶたはげ (康怡廣場北座)

營業中

休息中

喺太古揾舊同事食飯，見到Kornhill有間日本餐廳 – 豚丼本家 BUTAHAGE，環境都幾闊落，感覺舒適，價錢都唔貴✨由即日起至 9 月 3 日喺全線分店推出全新季節限定─「特上海鮮.鯛魚湯茶漬飯」，一於入去試試佢😍▫️特上海鮮·鯛魚湯茶漬飯擺碟好精緻，鯛魚湯由一個藍色雲石感茶壺同火爐烘住，好有日本嘅儀式感🌸海鮮丼包含 7 款特上海鮮,除咗主角鯛魚片,仲有油甘魚粒、吞拿魚蓉 、三文魚、三文魚籽、小貝柱同甜蝦仁，附上鯛魚湯組成「特上海鮮.鯛魚湯茶漬飯」。件件厚切超有「肉地」🤪品嚐完原味海鮮丼後，就可以加入鯛魚湯。入口以鯛魚嘅鮮味為主，後韻清香，夏天食非常消暑解渴。加入芝麻、紫菜等配料，令珍珠米飯口感更豐富🫶有種小清新嘅感覺😄▫️燒雞丼配明太子本人係明太子忠粉❣️所以見到有呢三個字即刻點。雞肉用獨家調味料，風味好特別，香香甜甜。明太子好新鮮，有別一般超市嘅質素😂😂同丼飯好夾，令味道恰好平衡😄▫️帶廣豚角包角包軟熟，北海道帶廣豚肉同秘製醬汁融合，有沙律醬，如果俾我帶返公司做早餐就好了!!▫️帆立貝茶碗蒸兩粒大大粒嘅帆立貝，茶碗蒸好滑嫩，仲有白果，好正宗。

係太古康怡廣場北座有間唔起眼既日式餐廳，但入面既食物都算多元化，有lunch set今次揀左個天婦羅烏冬定食，天婦羅蝦好大隻，最好食既係佢跟餐個甜品，應該係黑糖蒟蒻：清清甜甜咁夏天食好消暑。

睇OpenRice食評，話這兒的刺身好新鮮，所以今晚特來試下。叫了一客極上八重海鮮刺身井，$10多加茶壺蒸。井飯的刺身真係非常新鮮，大海蝦很鮮甜，還有三文魚、吞拿魚、三文魚子、魷魚、帶子，飯入口軟糯。茶壼蒸很有蛋香，有帶子粒和菇。埋單 $158。

平日夜晚無咩人。我叫咗稀有豚肉丼同炙燒三交魚帆立貝丼，仲加埋個套餐。（有前菜、湯、甜品、茶碗蒸）個套餐30幾蚊真係抵玩，前菜無特別，個湯就好有誠意，大碗過一般餐廳，入面仲會有豬肉粒，飲哂都唔會口渴同幾飽肚。個茶碗蒸有細嘅帶子仲有蝦仔，賣相同味道都唔錯。甜品係寒天，會有個黑糖嘅汁，好似無味啫喱咁啲黑糖點完好似無點咁，哩個就真係唔識欣賞。豚肉丼佢雖然叫店內主打，味道就普通，有啲似日本1000yen 以內會食到嘅質素。三文魚帆立貝丼就比想像好，三文魚燒得幾香，帆立貝就唔算大隻但隻數足同幾鮮味。重點，食哩間真係要加餐。

今日中午同Mina爸經開太古康怡行街，順便搵下呢度有咩好嘢食，行過見到來自北海道十勝帶的豚丼專賣店Butahagehk，見到佢又出新嘢喎，入去坐低試吓先😁Butahagehk座位寬敞坐得舒服，刺身丼擺盤非常靚，性價比高，啱晒鍾意食日本丼飯的大家。✨今次選咗以下食品✨🌟 極上八重海鮮刺身重新上市，由8款海鮮組成，包括：油甘魚、赤海蝦、三文魚、赤身、帆立貝、螺片、墨魚同埋三文魚籽，每款海鮮都好鮮味又大大件，滿足到大家八種要求，食完非常滿足💪🏻🌟 北海道帆立貝大赤蝦丼大大隻又鮮甜嘅赤蝦刺身，配埋晶瑩剔透嘅北海道帆立貝，配埋用左上乘日本珍珠米煮成的飯底，一試難忘😌⭐️依家購買任何定食，只要加$33就可以，改做以下套餐：飲品🍸、甜品、沙律及茶碗蒸

早幾個月食過butahage嘅豚肉丼覺得好正,今次嚟想試埋佢其他嘢😋我地叫咗稀有豚腩丼(特盛)定食豚腩燒得好香口,肉質好嫩👍🏻配埋甜甜地醬汁送飯一流😍不過感覺同豚肉丼分別唔大上天丼定食天婦羅炸得夠脆,粉漿唔會太厚👍🏻定食係跟前菜,豚肉味噌湯,茶碗蒸同甜品豚肉味噌湯好足料,有豚肉,紅蘿蔔,白蘿蔔,薯仔等等茶碗蒸蛋夠滑,面頭有冬菇最底有小貝柱#hkfoodie#openrice#butahage

新一年嘅第一餐當然要食好d啦☺️同屋企人揀咗喺康怡廣場嘅Butahage度食,我地叫咗迷你海鮮丼定食有4碗迷你海鮮丼,分別係三文魚親子丼:三文魚親子再加豉油一齊食,呢個配搭無得輸蟹肉蟹膏丼:蟹肉蟹膏同埋飯撈埋一齊食,層次感大增😍赤海蝦丼:赤海蝦夠晒新鮮👍🏻蟹棒丼:蟹棒好鮮甜👍🏻跟餐仲有前菜,蟹肉蟹膏茶碗蒸&豚肉湯帶廣名物稀有豚肉丼豚肉肉質很嫩,燒得很香口,再配上秘制醬汁,令人一試難忘#hkfoodie#openrice#butahage

太古康怡一向好多好嘢食😋 今次特登帶埋朋友黎試吓依間來自日本北海道十勝帶廣嘅豚丼專門店🐷❤️ 🐧 最鍾意食刺身海鮮😚 一嚟就睇中期間限定嘅「極上八重海鮮刺身重」🐙🦑🦐🦞🐡🐠❤️ 內含多達八款時令海鮮，包括有油甘魚、赤海蝦、三文魚、赤身、帆立貝、螺片、墨魚同埋三文魚籽，超級豐盛😍🫶刺身們色澤鮮嫩亮麗，整齊美觀地排放在便當盒內，十分賞心悅目❤️ 🐧 最喜歡飽滿又圓潤嘅原粒帆立貝🤤 食落鮮甜又滑嫩，米飯仲係日本A級米，口感大滿足😚🫶 朋友就話，一場嚟到，梗係要食佢個招牌名物豚丼🥴❤️ 所以叫咗「帶廣名物稀有豚肉丼」🐷🐽 日本稀有豚肉肉質好幼嫩😍 配搭餐廳秘製祖傳醬汁，風味極為獨特，令豚肉嘅味道層次更昇華🤤 真係不能錯過喲😍😍😍 宜家任何定食只要加$33 , 就可以升級為豚肉味噌湯定食😚🫶 有齊特製豚肉味噌湯、副菜、茶碗蒸同埋甜品🤩🌟 超級抵食😚🫶

呢間舖頭餐廳係專食豚肉嘅，標榜來自日本嘅豚肉，但係嚟到餐廳，大家可以選擇試吓其他菜式，例如天婦羅同埋海鮮丼。當日就嗌咗個三文魚大蝦三文魚子海鮮丼，加前菜，蒸蛋及餐飲只係加少少價錢，所以有加埋$$就有成個lunch set。海鮮丼嘅三文魚係有燒過嘅，份量都多，三文魚厚身，算係合格。而大蝦同埋三文魚子感覺上都係新鮮，飯嘅份量適中。如果冇加到前菜同埋蒸蛋可能未必夠飽，加埋就啱啱好。味道嚟講就唔算特別，但係喺呢個地方食個lunch嚟講價錢合理，而且可以坐到個半鐘左右唔會趕你走。喺度放鬆一下食個lunch都係唔錯嘅選擇。

🎈環境 豚丼已經開了好一段日子，一直未試過，今日決定一試，環境光猛，坐得舒服，不太像很多日式餐廳般擠迫。.🎈餐牌 主打是豚肉及天婦羅，還有一定要試的澳洲和牛壽喜燒御膳，下面有詳細食評。.🎈澳洲和牛壽喜燒御膳 $178 ⭐️⭐️⭐️⭐️⭐️ 包括味噌湯、副菜、茶碗蒸、刺身、白飯及甜品.$178的壽喜燒，個鍋是明火鍋，有好多塊澳洲和牛，又有皇帝菜 (又叫春菊)、鮮菇等，還有刺身、豚肉味噌湯、燉蛋、前菜、白飯甜品 (寒天)，真的是物有所值，性價比高，推介👍💖.👇好多塊澳洲和牛，鍋好足料.👇刺身共5件.👇好滑的燉蛋 (茶碗蒸)，還有兩隻蝦.👇前菜都好好味.👇甜品寒天，像透明的涼粉，不太甜，共6-7粒。.👇頗大碗足料豚肉味噌湯，有大概6小塊豚肉。.🎈天婦羅5點 $48 ⭐️⭐️⭐️💫 (3.5分)（北海道產帆立貝、海老、春菊、茄子、南瓜）這個天婦羅有點油，稍為遜色，春菊原來即是皇帝菜。.

以為太古城附近消費的價格會比較高，而這次找到價錢比較親民的日式料理餐廳豚丼のぶたはげ BUTAHAGE，性價比很高啊~~💬 迷你四重海鮮丼定食先吃點味道甜甜的前菜，再一次滿足四個願望，有著新鮮時令海鮮的四重海鮮丼飯🤩；🐟三文魚併三文魚籽丼：三文魚肥美軟滑，三文魚籽再加入點點芥末吃着，不錯🦐赤海蝦丼：大大的赤海蝦，肉質顏色通透，味道甘甜彈牙😛，蝦頭還有蝦膏🦀蟹腳肉丼：喜歡吃松葉蟹的朋友不能錯過，整條已經剝好的松葉蟹蟹腳，與蔥花同時吃很讚🍚蟹鉗併蟹肉丼：拿着厚肉的蟹鉗，再夾起沾滿蟹膏的蟹肉飯一起吃， 口中松葉蟹的鮮味是無與倫比😍😍😍定食中的豚肉味噌湯較濃味，最喜歡湯中的配料，有蘿蔔、薯仔、關東煮中的蒟蒻、油揚等，比想像中更豐富而滑滑的茶碗蒸上鋪着蟹肉及蟹膏，蟹膏的味道更帶起當中的鮮味🤩回頭食: ⓨⓔⓢ💬帶廣名物稀有豚肉丼（特盛）經日本專家嚴選珍稀豚肉，烤香讓豚肉邊沿帶有焦香感，再淋上秘製祖傳醬汁，而飯份量剛剛好😄另外加購 $12 炙燒芝士茶碗蒸這個有驚喜😍炙燒芝士上菜前即場燒，勺起有拉絲效果，與滑滑的鮮味蒸蛋很搭配🥰 回頭食: ⓨⓔⓢ環境舒適，食物質素不錯😍還有些驚喜的❤️豚丼のぶたはげ (

「豚丼のぶたはげBUTAHAGE」源自於日本北海道十勝帶廣市，並擁有超過80年的歷史，更以其秘製祖傳醬汁聞名🐷🍚🍲。必試的帶廣名物稀有豚肉丼是日本拎到金賞名物，嚴選日本脂肪豐腴、肉質幼嫩多汁，是北海道必試的經典美食之一🥇🇯🇵。午市還有超值套餐，我點了什錦海鮮天丼，海鮮十分豐富，包括海老🦐、帆立貝🦪、魷魚🦑、蟹棒🦀、山芋🍠及紫菜🌿，上桌時熱騰騰，食下去非常香脆美味🍤🍚。另外，還可以加$18配果茶、茶蒸碗、前菜及甜點(寒天)🍹🍵🥗🍮。我非常喜歡果茶，茶香中帶有酸甜的果汁，能夠中和丼飯的鹹味，吃完整個套餐後感覺一點也不沉悶🍹🍚。這家餐廳的豚丼以及其他的套餐選擇都非常吸引人，給人一種真正品嚐北海道美食的機會。帶廣的特色料理與傳統醬汁相結合，呈現出獨特的風味和口感🇯🇵❤️。期待餐廳能夠保持對料理品質的堅持，繼續為顧客帶來美味的豚肉丼和其他精彩的日本料理選擇。讓我們一同享受這場味蕾盛宴吧！🍽️😋🙌

朋友仔叫了一份海老天婦羅•洋蔥牛肉飯Shrimps Tempura & Beef withOnion Rice Box天婦羅味道一般，洋蔥牛肉飯都係，食入口味道較淡了一點。反而另一位朋友👫叫了一份魚定食，佢讚不絕口，話個魚油脂味重，好好味，但缺點係，話個定食嘅魚份量太少，唔夠送飯🤣另外嗌午餐可以追加特上刺身+$48$58原價特上刺身Deluxe Sashimi北海道產帆立貝、特大赤海蝦、三文魚、三文魚籽Hokkaido Scallop, Jumbo Red Shrimp, Salmon & Salmon Roe所以我追加了，再單點一份冷烏冬，咁就成為咗”隱藏餐單”🍣特上刺身冷烏冬定食🤩😆要讚一讚呢度嘅刺身，好鮮甜美味，另外冷烏冬都10分出色，口感一流，而且醬汁味道恰到好處！

星期日睇戲🎬前食個lunch，一直好喜歡食日式豚肉丼，咁啱嚟到來自北海道嘅豚丼專門店「豚丼のぶたはげ BUTAHAGE」 食正宗豚肉丼真係好正😃🍱帶廣名物稀有豚肉丼有分特盛同並盛，我叫咗並盛，份量睇落同平時食嘅丼飯差唔多，面層有5塊大大嘅KAMIKOMI豚肉，燒到微微焦香，配上超過八十年歷史嘅祖傳秘製醬汁，配埋飯好好食，我食晒成個飯😃🍣迷你海鮮丼定食呢個期間限定嘅海鮮飯都好高質，4碗迷你魚生飯，魚生好新鮮，份量又多，仲有茶碗蒸同埋麵豉湯，好豐富呀🌮蟹肉蟹膏紫菜卷天婦羅呢個超好食，入面係滿滿嘅蟹肉蟹膏，一咬落去嗰蟹膏就咇出嚟，好香蟹膏味，推介👍🏻👍🏻

最近食咗間好有驚喜嘅天丼本身主打豚丼嘅「豚丼のぶたはげ 」推出咗超高質嘅「蟹」主題 天丼同炸物🥢蟹天丼定食👉🏻盛載住滿滿蟹炸物嘅天丼 非常有氣派 當然唔止睇得 亦都好好食 炸物外皮金黃酥脆得喺食落唔太油膩 👉🏻以蟹主題做嘅天婦羅亦都極具心思 特別係裡面嘅半殼蟹天婦羅 外炸衣脆內蟹肉軟嘅口感 鮮味又好食👉🏻蟹膏蟹肉紫菜卷天婦羅好出色 外層紫菜係香脆口感 內裡包裹住蟹肉同蟹膏 口感好creamy 真係超級鮮味 👉🏻佢甘醇微甜嘅天婦羅醬汁 都係加分位 配上日本A級米 淨係個汁都好好送飯🥢和牛壽喜燒御膳👉🏻除咗必試嘅蟹天丼 壽喜燒鍋都好滿足 菇類、豆腐、日本雞蛋、和牛等滿滿嘅食材 醬汁唔會太鹹或太甜 味道都好平衡👉🏻定食好豐富 有前菜、茶碗蒸、刺身、味噌湯同甜品👉🏻刺身都新鮮 肉質爽口 特別係有一隻大蝦 佢嘅蝦頭仲充滿咗鮮甜嘅蝦膏👉🏻亦都好欣賞佢嘅味噌湯 平時麻麻哋味噌湯 但佢嘅豚汁香味濃郁 連裡面嘅豚肉都係軟腍有豚肉香 真心好飲