豐鮪

營業中

休息中

上次去做瑜伽經過已經見到呢度有一間專食吞拿魚嘅餐廳🥰今次叫埋都鍾意食吞拿魚嘅阿妹一齊食之前見到佢淨係賣一個夢之丼套餐😋今日見到多咗幾款肉餅飯 其實係吞拿魚蓉做嘅😍個名幾得意 仲有鹹蛋冬菇土魷同埋帶子揀餐廳都介紹想多幾款俾大家選擇👍🏼我就叫咗一個招牌套餐 另外叫咗一個土魷肉餅飯兩個餐都包好多野食 好豐富😝有味噌湯 蟹味噌茶碗蒸 沙律🥗個湯熱辣辣好好味 茶碗蒸撈埋啲蟹味噌都好夾😆餐廳有介紹點解套餐性價比咁高原來係佢哋用原條吞拿魚咁計去計返個飯嘅價錢無分邊個部位都係咁計個價錢 唔係點做到168咁抵我個丼有三種刺身 有大拖羅中拖羅同埋赤身上面仲有一粒迷你燒賣😍😍下面個飯都好特別 有黃蘿蔔壽司薑同埋芝麻撈埋醋飯 可以中和返吞拿魚嘅肥膩感幾唔錯嘅配搭😍阿妹叫嘅肉餅飯都好好食 同出邊嘅魚蓉係唔一樣餐廳仲推介我哋加啲鹽一齊食 會更加有鮮味而家叫肉餅飯會送一粒「燒賣」呢個燒賣都好特別 如果單嗌嘅話上面可以配搭唔同嘢 例如鰻魚明太子甜蝦果啲 幾盞鬼唔知送到幾時架 想食就快啲去啦！😍另外我地等嘢食嗰陣見到電視播沙朗嘅片 有介紹workshop唔知而家仲有冇呢好想試吓！

今次黎到一間新開主打食藍鰭吞拿魚既專門店🤤雖然位置唔太好 但食物質素完全可以‼️本身好鍾意食吞拿魚既我表示呢間餐廳絕對可以encore🥹💕🐽雜菜沙律🐽蟹味噌茶碗蒸🐽味噌湯呢三樣都係跟餐有既🥰超級抵 雜菜沙律🥗落左柚子醋好開胃🌼蟹味噌茶碗蒸都好正 蟹膏份量好多一啲都唔腥🫣🐽夢之丼 $168必試既抵食夢之丼🐟用左新鮮日本直送既藍鰭吞拿魚 有赤身3切 中拖羅3切 大拖羅1切 仲有超特別既迷你吞拿魚蓉燒賣😍大滿足✨雖然赤身冇拖羅咁肥美 但食落去都好有鮮味 好濃魚味 但一啲都唔腥🤤而且質感都冇平時食既擦膠質感🫣中拖羅既油脂分布平均 入口更加嫩滑😋大拖羅係我同朋友最愛💖好肥美 入口即溶既感覺🥹大拖羅既魚油香充滿係口腔到🤤食完成塊都唔會好油膩既感覺 最後係第一次見既吞拿魚蓉燒賣😍其實係用左豆紙包住師傅手切既吞拿魚蓉 完全唔捨得一啖食左佢🥹飯底可以揀平時既壽司醋飯或者佢地特別調配既豐漬香飯😍仲要都係用左日本特級米🫣豐漬香飯其實姐係將切碎左既黃蘿蔔 壽司薑同芝麻撈匀落壽司醋飯到 食落去好香 更加有層次感🥰連埋肥美既拖羅一齊食真係好滿足吖喂😝🐽冬菇肉餅飯 $128最近佢地推出左一系列新野 係combine左

喺銅鑼灣行街🥰 無意間發現咗呢間專食藍鯨吞拿魚嘅餐廳😍 啲魚仲要係日本直送㗎😎夢之丼🐟 ($168)個飯有一片大拖羅、三片中拖羅、三片赤身，同埋一粒魚蓉·燒賣🐟 大拖羅顏色粉嫩🥰 入口即溶❤️ 中拖羅質地軟熟，充滿魚香👍🏻 赤身同樣軟熟，魚味香濃😍飯底我揀咗豐漬香飯🍚 入面有黃蘿蔔粒、壽司薑絲同埋芝麻粒😍 令成個飯口感更加豐富👍🏻仲送沙律🥗 蟹味噌茶碗蒸🥚同埋麵豉湯🥣 茶碗蒸上面有一大pat嘅蟹膏😍 令個蛋更加提鮮🥰 入邊仲有蟹柳😎冬菇肉餅飯刺身丼🍚 ($128)依個係佢地新出嘅🥰 係手切吞拿魚茸加冬菇漬， 魚茸份量都好多👍🏻 加埋冬菇香❤️同樣送沙律🥗 蟹味噌茶碗蒸🥚同埋麵豉湯魚茸燒賣 ($32)上面係魚茸🐟 下面係飯🍚 賣相好可愛❤️ 真係成粒燒賣咁🥰

如果你是拖羅愛好者豐鮪係一定唔可以錯過嘅地方位於銅鑼灣巷仔有間隱世小店豐鮪原本只批發拖羅，最近喺銅鑼灣開咗餐廳全店好有日本食堂feel，店内全是木枱木椅店舖中掛上大電視，不斷播放他們處理原條吞拿魚，及講解吞拿魚不同部位口未食到拖羅之前眼睛食先 餐廳從日本空運原條新鮮藍鰭吞拿魚直送抵港高質日本直送藍鰭吞拿，性價比滿分。在成本控制上能夠做到$158 的價錢以赤身的價錢就可以享受到大拖羅、中拖羅、赤身及吞拿魚蓉燒賣的夢之丼米飯更有兩款選擇，分別是壽司醋飯或豐漬香飯另跟餐+$15，附有蟹味噌茶碗蒸及味噌湯/汽水。 //夢之丼（$158 +$15 跟餐） //$158食到拖羅? 真！每碗夢之丼只係HK$158夢之丼真係無改錯名非常夢幻既組合同埋非常夢幻既價錢包括有：大拖羅一切、中拖羅3切、赤身3切、吞拿魚蓉燒賣 夢之丼賣相吸引, 刺身整齊覆蓋了飯底大拖羅 - 顏色粉嫩，油花均勻，入口即溶，魚脂甘香鮮味，肉質肥美，夠哂滿足!中拖羅 - 肉質細緻，脂肪當然沒有大拖羅豐富，但油份恰到好處，魚味鮮甜濃郁，口感滑膩赤身 - 雖然是赤身，油份較少但魚肉的味道香濃，果然係夠新鮮赤身通常都不大討好但這裡的赤身

位於銅鑼灣渣甸坊< 𝐌𝐚𝐠𝐮𝐫𝐨 𝐑𝐢𝐭𝐜𝐡 >, 一間藍鰭吞拿魚專門店, 亦在荃灣自設工場, 原條新鮮日本直運, 專注做魚。夢之丼 $¹⁶⁸採用新鮮日本藍鰭吞拿, 包括大拖羅一切、中拖羅三切、赤身三切及魚蓉•燒賣, 每件相當肥美, 入口鮮甜油香。配以豐漬香飯, 即是黃蘿蔔、壽司薑和芝麻, 碎切而成的日本特級米飯。額外送上蟹味噌茶碗蒸及味噌湯, 非常超值呢。冬菇肉餅飯 $¹²⁸選用珍珠白米飯, 面層鋪滿鮮做手切吞拿魚蓉及冬菇漬, 一樣配有味噌湯、雜菜沙律和蟹味噌茶碗蒸。魚蓉•燒賣 $⁴⁸以點心蒸籠登場, 薄身餃子皮包裹吞拿魚蓉, 滿口鮮甜味道。豐鮪 (銅鑼灣)📍銅鑼灣渣甸坊30-36號利發大廈地下5號舖

住咗港島區咁耐，偶爾都會去銅鑼灣捐窿捐罅搵嘢食🚘最近發現喺渣甸坊窄巷中居然有新餐廳！上網search發現原來餐廳本身係做開藍鯨吞拿魚供應商，網上面亦有唔同款式嘅吞拿魚剌身售賣，睇完都覺得好吸引，所以忍唔住去試吓🤩🎏夢之丼 $158因為餐廳都仲係處於新開階段，所以餐牌上嘅選擇唔算多，而大部份入嚟食嘅人都會嗌呢一個飯🤓呢個丼包括大拖羅、中拖羅、赤身以及一個吞拿魚魚蓉所製造嘅燒賣，好有特色同創意😆 刺身嘅新鮮程度無可挑別，大拖羅好厚，咬落充滿油脂有入口即溶嘅感覺😍而最常食到嘅赤身，質感都比平時嘅幼細，呢個價錢絕對係值回票價，相信有食開拖羅嘅人就會明白😌至於飯方面，除咗有平時嘅壽司醋飯，大家亦可以揀豐漬香飯🍚入面有切碎嘅黃蘿蔔，壽司薑同芝麻😋味道好開胃，同魚生嘅味道好夾，唔會太搶味，有味飯真係會不自覺越食越快🤣 如果想在滿足啲，可以+$15轉成套餐，會包埋沙律麵豉湯同埋蟹膏茶碗蒸🦀 本身都冇特別嘅期待，只係想飽啲，不過蟹膏蒸真心好食，非常濃味😋不過當晚餐廳人數唔算多，唔知係咪位置問題，希望更多人認識佢哋🫶

專業做藍鰭吞拿魚的供應商，自設工場， 原條新鮮日本直運，專注做魚，品質保証， 價格保證，在銅鑼灣開設分店，今晚就和朋友過嚟一齊食。餐牌上只賣一款「夢之丼」套餐 ，送茶及沙律（可選壽司醋飯或豐漬飯）。一碗有齊大拖羅1件、中拖羅3件、赤身3件和魚蓉燒賣。大拖羅是刺身極品中之極品, 取自藍鰭吞拿魚肥美之魚腩，是全條吞拿魚中最肥美的部份，拖羅佈滿精緻的魚油花紋, 口感入口即化, 油香四溢而又鮮甜無比, 完全不膩!中拖羅為魚腩中後部位，顏色粉紅油分恰到好處而無筋，入口即融而魚味濃厚。藍鰭吞拿魚赤身，肉質粘糯結實，鮮甜味濃郁。燒賣由有機大豆豆紙包裹而成，餡料係手切日本藍鰭吞拿魚蓉。醋飯味甜微酸，口感緊實。豐漬飯加入左切碎的黃蘿蔔、壽司薑、芝麻，味道和口感都比醋飯豐富。加15蚊有蟹麵豉茶碗蒸、麵豉湯或飲品，相當超值。蟹麵豉茶碗蒸：茶碗蒸蛋入口細滑幼綿，蛋汁混合高湯和食材精華令其味道特別汝濃郁，再加上香濃鮮甜的蟹膏，蟹膏和滑蛋混著吃，香濃膏香搭配滑溜口感，令人齒頰留香。麵豉湯香甜，沙律菜新鮮爽脆。

我其實對拖羅麻麻地，本人比較鐘意三文魚，但網上見由荃灣做到銅鑼灣，又講到唔同部位，好似好專業咁，就試下，又真係幾好味，我對吞拿魚改觀了，呢個價錢呢個質素，真心係唔錯既👍🏻

豐鮪原本只批發拖羅，最近喺銅鑼灣開咗餐廳，將高品質嘅日本拖羅帶俾更多香港人。呢度只賣夢之丼，包含幾款高質日本直送藍鰭吞拿，性價比滿分。如果你同我一樣都係拖羅愛好者，豐鮪係你唔可以錯過嘅地方。Bubu推介🔥👍 夢之丼 $158夢之丼包含新鮮日本藍鰭吞拿大拖羅、中拖羅、赤身同埋吞拿魚蓉燒賣。所有拖羅都係新鮮日本直送，品質保證。拖羅肥美，入口滿口油香，新鮮且品質優良，令人食完一片又一片。而且你都可以選擇壽司醋飯或加入加入黄蘿蔔、壽司薑、芝麻嘅豐漬香飯，令成個丼飯更加豐富多樣。加多$15仲可以有埋蟹味噌茶碗蒸、味噌湯或汽水，性價比極高，物超所值🌟🌟🌟📍豐鮪銅鑼灣渣甸坊30-36號利發大廈地下5號鋪

從來未吃過這麼薄的魚生片，相比外面魚生片10件還要薄.買回家吃，我已經五分鐘之內回到家裏，同埋不是很新鮮，他的服務態度是很好的，但新開的店鋪竟然這樣做，哪會有回頭客。不相信不妨一試！

豐鮪專賣高質藍鰭吞拿魚，藍鰭吞拿魚係原條由日本直送👍🏼 一次過試曬赤中大😍 燒賣係用吞拿魚蓉製成👍🏼 最推介大拖羅 肥美嫩滑👍🏼 中拖羅油份及魚味最平均✨ 赤身魚鮮味最突出🥰 豐漬香飯可減去魚油嘅膩✨夢之丼 $158: 有大拖羅1切、中拖羅3切 、赤身3切、魚蓉、燒賣*跟餐 +$15 (蟹味噌茶碗蒸+味噌湯/汽水): 蟹膏茶碗蒸好嫩滑又香濃🦀可選擇日本特級米飯底：* 壽司醋飯* 豐漬香飯（碎切：黄蘿蔔，壽司薑，芝麻）

唔少身邊朋友係長假期都去咗日本旅行, 令我非常回味日本拖羅刺身。有同事提到, 銅鑼灣巷仔有間隱世小店, 地點不起眼, 只獨賣一款丼飯, 最吸引嘅賣點就係日本空運直送抵港原條新鮮藍鰭吞拿魚, 價錢平到百幾蚊就可以食齊大中拖羅同赤身。價錢咁抵, 於是放工帶埋媽咪去試試!餐廳面積好細, 全自助電話落單同付款,每碗夢之丼只係HK$158, 包括有大拖羅一切、中拖羅3切、赤身3切、吞拿魚蓉燒賣。 +$15升級套餐, 附有蟹味噌茶碗蒸同埋味噌湯/汽水蟹味噌茶碗蒸: 茶碗蒸上加上蟹味噌, 味道甘香鮮味, 茶碗蒸香滑, 有淡淡蛋香, 入口即化, 加入了幾件日本魚蛋片。味噌湯濃度剛好, 唔會太淡/太鹹, 有海帶同腐皮。夢之丼賣相吸引, 刺身整齊覆蓋了飯底。吞拿魚蓉燒賣: 綿密吞拿魚蓉以薄薄燒賣皮包住。赤身: 三款之中油份較少, 魚味香濃, 非放題般的有如橡皮膠乾乾的質素。中拖羅: 魚油比赤身豐富一點, 魚質再嫩一點, 口感滑膩, 魚味相比更濃。大拖羅: 油花均勻, 魚油甘香鮮味, 但未至於咀嚼時成口油, 油份豐富得黎夠哂滿足!飯底選用日本特級米, 分別有壽司醋飯同埋豐漬香飯豐漬香飯含碎切黃蘿蔔、壽司薑、

真的沒有想過在銅鑼灣核心地段，用$158元就可以吃到一個拖羅丼飯。這𥚃只出售一款丼飯 - 夢之丼，有一片大拖羅，中拖羅及赤身各三片，飯底有壽司醋飯或加入了黃蘿蔔，壽司薑，芝麻的豐漬香飯 。強烈建議加$15，配蟹肉噌茶碗蒸和味噌湯，因為茶碗蒸上的蟹味噌已值回票價。夢之丼 - 大拖羅顏色粉嫩，油份豐膩，值得慢慢品嚐箇中味道，中拖羅肉質細緻，魚味鮮甜，至於赤身，通常都不大討好，但這𥚃的赤身肉質和味道都很高質，肉味很濃，質感幼滑。飯底有壽司醋飯或豐漬香飯，如果喜歡口感豐富些，可選擇豐漬香飯，飯粒夾什著芝麻，黃蘿蔔和壽司薑粒，食落有多重口感。此外加$15, 就有蟹味噌茶碗蒸和味噌湯，真心抵食又好食。

個套餐有沙律+湯+ 拖羅（吞拿魚）+飯+1粒魚蓉燒賣+蟹肉茶碗蒸 最中意係蟹肉茶碗蒸拖羅又厚又大件🤤🤤 推介 蟹肉茶碗蒸 拖羅 個飯酸酸甜甜 好開胃其他都好食套餐份量適中 價錢抵食 值得試下

呢間位於銅鑼灣嘅日本料理餐廳都幾特別，因為佢只係得一個餐，啱晒啲有選擇困難症嘅人🤣雖然佢只係得一個餐，但性價比極高‼️而且非常好食👍🏻🌟夢之丼佢每一塊拖羅都非常之新鮮🍣而且入口即溶，超級好食，而且可以揀選燥飯定係茶漬飯，我自己就揀咗茶漬飯。佢啲日本米夠煙韌。另外只需要加多$15就可以有麵豉湯、沙律同埋蒸蛋，佢嘅蒸蛋係我食過咁多款以來最好食嘅蒸蛋，而且啲菜好新鮮，佢嘅定食絕對扺加冇誇張🍱