豐盛閣

營業中

休息中

經過多個月的辛勞終於可以同一班教會的朋友到馬灣休息下我們先到葵芳集合再轉專車到馬灣。説真的有專車接駁真的很方便，更在地鐵附近，一點也不難找！今次目的主要是休息之外，更重要是享受美食！走進餐廳，從窗外望是飽覽青馬大橋的美景。一邊享受美食，一邊觀賞美景，實有另一番風味。今次餐廳的主題是長腳蟹，可惜因爲我有點不適，所以未能有幸享受。下次，一定要再試！雖然如此，但我也吃了不少刺身，的確十分鮮甜美味，我更欣賞不會像坊間切一小塊，廚師會毫不留情大大件給你！青口又鮮又重海水味，十分美味在餐廳外有露天燒烤場，有很多的款式選擇！海鮮類:蠔，多春魚，青魚，海蝦⋯⋯蔬菜類:菠蘿，青椒，雞脾菇等！餐廳也切合素食者的需要！最後，當然小不了最了解少女心的甜品！有蛋糕，果凍等！我選擇了我最愛的窩夫及紅酒果凍！先説窩夫，有熱有脆，配上雪糕簡直一流，紅酒果凍也不會太甜掩蓋香濃酒味，十分欣賞。總括，能飽覽美景，品嚐各美食，與一班朋友談天説地是最快樂的。

以此廉價酒店自助餐，環境好好，青馬海景，坐窗邊食都幾浪漫，食物不停refill，以蟹為主題，都算多款式。啲長腳蟹係幾好鮮味既，仲好長同幾大隻。仲有其他不同煮法既蟹。Bbq野好好味，十分野味，多種類，我掛住食，忘記左影相，即叫即整。 甜品不過不失啦，有Dreyers雪糕，同有幾款生果食，反而中式甜品幾ok，其他西式甜品一般啦。如果去挪亞方舟玩完一整日黎食個自助餐都係幾美滿既行程既。現場仲有3個樂手玩非洲鼓😅😅😅

星期六的早上，滂沱大雨加上勁大既雷聲，仲以為一早約左朋友到挪亞方舟遊玩兼食自助晚餐會取消感恩下午有好天氣，讓我們不致失望挪亞方舟內遊客不多，不能想像這裡是身處香港。但食自助晚餐時，幾乎全場爆滿，相信是入住這裡的遊客吧！遊玩後梗係要食餐好！這裡的自助晚餐有室內和室外。室內與平常自助餐冇分別，室外就有燒物食算是有點特色對於好鍾意食長解蟹既我，呢度既蟹都唔錯，本人覺得第一盤係最好食的刺身係自助餐必食之物，鯛魚本人覺得麻麻地冷麵我摯愛，不錯即煮意粉，本人點左螺絲粉，但唔夠淋美味菜心加埋蟹蛋白，好味雲呢拿梳乎厘，甜品不錯之選。不過本人不太喜歡食太甜，如果甜度降低少少比較好最後仲有室外既燒魚，原條上，好味到不得了可惜忘記拍照

今日去左挪亞方舟玩左一日，夜晚食左佢果度既自助晚餐，都幾抵食，今次以蟹為主題，絕對係開正我蟹后個胃口！有軟殻蟹，避風塘蟹，蒸蟹，蟹粥，長腳蟹等等，以呢個價錢，呢類蟹食絕對值回票價，當然唔可以要求佢超班，但長腳蟹好夠鮮味bbq類都算多選擇，但口味比較小孩子美食，我係大人，所以揀返呢三樣大人食既野，以羊肉最好食，夠bbq香，羊穌味剛好。其他就一般啦。現還有dreyers雪糕食，甜品區一般般啦，疏乎李算係幾有水準👍🏼總括: 價錢比一般酒店平，味道穩定，主題食物好味，景觀望青馬大橋同海景，比較岩一家大小既食物，好適合同小朋友花大半天享佢既挪亞方舟玩完再享度食埋自助餐。

另一場放電遊記，發生在挪亞方舟。週六上午，我們先上完跆拳道才出發，抵達後兩兄妹都餓了，便先到豐盛閣午餐。餐廳現時晚上才供應自助餐，白天則供應套餐；雖然定價比外邊貴一點，但可以望著青馬美景用餐，值回票價。最重要是，兩兄妹非常滿意他們的繽紛兒童餐 ($72)：有份量極多的芝士腸仔、炸雞塊、肉醬意粉、栗米、蘑菇湯，以及四色啫喱，全是小孩最愛的內容！至於其他的燒味雙併配白飯／瀨粉／米粉 ($72)，質與量也算OK，吃飽飽就出發去玩了！！！

從來未試過如此失望。垃圾之最,他第一次自助餐正係食炒飯同拉麵。食沙拉係最正常海報圖片食物一樣也沒有。感覺被欺騙,只有看着餐廳外風景當食風景安慰自己.。看見一個小朋友想食的西梅豬㧕小朋友問了兩次職員竟然回答您食第二樣今多野食。超級過份😡以為甜品應該最安全點知最簡單的朱古力慕加美國絲加美國芝士蛋糕竟然係hi口唔係滑👊🏿👊🏿👊🏿👊🏿唔洗錢都唔會食。要生氣可以去試下比人當傻仔服務差收碟慢。五十蚊都唔值在戶外門口有燒烤通風很差，食燒蠔變蠔屎要食只可食雪糕

近年，爸爸的公司每年都會送出免費券俾員工去玩挪亞方舟樂園和食自助餐，（以前係有免費去出國旅遊果D囉）不過今次難得一家人放低平時忙碌的工作去玩一玩，心情輕鬆又興奮...假日下午入樂園，重點去了比較新的「太陽館」，因為其他園區都去過，只有這個館未去過，感覺都新鮮既...好啦，講返令人期待的自助餐，自助餐6:15就開始入場，我地屋企人通常8點先食飯，所以覺得太早，但想到佢營業到9:30就完，所以我地都早D入去食，嘩嘩！原來我地6:30去到，都已經唔少人開梗餐食梗，愈睇愈餓，被帶到最遠的窗口邊坐低，望住青馬大橋靚景呢＠＠地點：馬灣荃灣珀欣路33號挪亞度假酒店地下層 環境：酒店式裝修設計和庭位舒適，還有迷人美景服務：站在食物枱處理食物服務唔錯，收碟都快手食物：以下一碟碟是我一人分量，食甜品比較多，還有兩碟無影相，是壽司、刺身、沙律類總括而言，食物類別多款式，食物來得快、去得快、添得快。雖然位置上不是最方便，但價錢比較平食物質素唔差。聽聞有做團購，那就勁加抵食了，加上有美景相伴，而不是平時酒店四面牆密封空間。食完野，再出到戶外散步談天，拍下照，輕輕鬆鬆過一晚是一件樂事呢！其實甜品幾搶手本身已經有名

見團購價二百蚊都唔使食個dinner buffet,可以同屋企人一戰.平日放假早D入去馬灣行下,有個小沙灘,景觀開揚.餐廳都算幾大,但食物款式不算多侍應安排我地坐係窗邊,望住個海食飯,零舍唔同D,開胃好多我地主力係食海鮮長腳蟹我見個個都係一大碟咁攞返埋位,咁我都試下先,味道唔係太突出,鮮味不足,都幾鹹下,唔知係海水鹹定係用鹽水浸過.蟹肉夠實,合格既青口都係無鮮味,唔太好食,好似食緊香口膠咁蝦有D唔太新鮮,我食左幾隻都中伏沙律好基本既生菜同紫椰菜,款式很少,有D失望燒蠔新鮮即叫即燒,所以都排左一陣隊,蠔比較細隻,味道一般,不太鮮味,仲有少少腥只可以講一次就夠,只係食景,食物唔多掂.

我們小倆口放假到馬灣走走，那邊有公園及泳灘，最重要就是青馬大橋下的拍照打卡位，是情侶必到的拍拖勝地。由於這家餐廳提供第二位8元的優惠，我們晚上便留在馬灣這間酒店餐廳吃自助餐，順道欣賞晚上青馬旁的美麗景色。酒店範圍在自助餐開始前半小時才可以進入，然而我們到達餐廳的時間仍然比訂座時間早，侍應安排我們入座後告知開始前可以先拿飲料，包括啤酒、汽水及咖啡等，這個是很少自助餐廳會做的。自助餐的食物種類很多，冷盤有海鮮、沙律 、壽司、刺身，熱食有薑醋、豬牛雞、湯品等，而甜品則有梳乎厘、蛋糕、格仔餅等，此外戶外更有即煮意粉及燒烤區，讓一眾客人大飽口福。刺身的新鮮度一般，不過份量算是很多；長腳蟹的鮮味略嫌不夠，而且味道也比較偏鹹；熱食整體的味道尚可，但沒有讓人想再吃的衝動；至於燒烤區的食物也不錯，只是部分食材如菠蘿及雞翼等比較焦了一點。雖然如此，自助餐也有味道不錯的即煮意粉，我點了蕃茄醬三文魚雞肉螺絲粉，刻意營造食材的不搭，反而帶來意想不到的美味，蕃茄醬吃得出來有自己作調味，甜酸度配合得宜，提升了此菜式的味道。甜品值得推薦的是各類的件裝蛋糕，如歌劇院蛋糕就有很鬆脆的餅底，我吃得非常高興。這邊的服務是可以

有朋友嚟香港旅行，我哋盡地主之誼買咗入住挪亞方舟酒店連自助餐套票，論價錢，酒店連自助餐係抵嘅，食物款式係多，但係唔會令人特別想再去拎嚟食嘅衝動，好多都係同一樣食材轉烹調方法。餐廳設計簡單，客人好多。海鮮吧有蟹腳，涷蝦，蜆，青口，翡翠螺，中規中矩。刺身唔係咁新鮮。部份熟食及冷盤賣相精緻，味道亦唔錯。燒烤喺室外有師傅燒，好多人要等好耐，熱辣辣唔錯。甜品款式唔少，不過味道一般，比較特別嘅有天鵝造型泡芙同即焗疏乎厘。

今日我們一家四口去咗馬灣挪亞方舟一日遊，喺下午嗰陣我們去咗行沙灘同必到嘅影相地標青馬大橋影相，之後我們去咗一早預訂咗嘅「挪亞度假酒店豐盛閣」食自助晚餐！食物嘅款式種類唔係好多，戶外嘅位置有個燒烤區，係食燒烤嘅食物，燒牛肉燒得過熟，所以肉質好「嚡」同好韌，但肉味都幾濃郁！燒蠔嘅肉質唔係好肥美，而且味道相當腥！壽司卷物嘅飯非常腍身，而且相當鬆散，差唔多一夾就散！最令我們覺得驚訝嘅係咁大間酒店嘅自助餐廳，竟然無麵包食！另外！其他熟食亦煮得過熟同唔係好新鮮！唯一一樣最正嘅係羅宋湯，味道相當鮮味濃郁！至於甜品方面亦無乜驚喜，款式選擇亦都係比較少！所以祇有環境係滿分，食物出品同質素就真係完全唔掂！而且用嚟載食物嘅碗同碟都係裂㗎！真係令我們覺得好失望！

因為團購所以先會來馬灣 4點就去到等到5點45分先入得去 之後仲等6點15分先可以食野 場內有長腳蟹 蠔 羊架 壽司 其實我地唔係好食生野 所以主攻食熟食同甜品 甜品係幾吸引 場外都有熱烏冬 火雞 和牛 食物都不錯 可惜款式太少 另外附送2杯紅酒 同埋沙律菜 和沙律醬汁也很好食梳乎厘好食

特登請假同小公主去挪亞方舟玩ㄧ日, 本應開開心心。就系呢餐飯，今我這個假期蒙上ㄧ個污點。事源係玩到唔知食午餐,已過2點,都無野好揀,買門票時有2張豐盛閣5蚊折扣卷,費事㨂,就去果度食。成個場,加埋我同小公主,唔過10人。全部餐加埋唔夠10餐。我ㄧ眼睇中沙姜雞飯，小公主就好多都唔like 見佢有燒味飯， 就叫燒味飯,我叫沙姜雞咪幇公主叫叉燒。。。 個收銀小姐就語帯不悦話(音調高2度) 仲有呢!我問,可以叫2樣?收銀小姐再把音調高多2度講: 係呀!好! 叫哂所有餐,報收我幾錢,我就問可不可以碌卡……無捻過佢個答案系(音調高8度)字與字間停2秒。有……呀!服務態度好到呢!我餐飯…… 沙姜雞,雞真係好滑,可惜太咸,ㄧ路食,ㄧ路飲好多水。小公主食系叉燒同燒鴨雙拼,叉燒太瘦太“ 鞋”，燒鴨似橡根,咬不開。我两都叫了凍檸檬荼,有茶味,有檸檬味……算合格。總結,食物品質系有,可惜煮同處理就要再加功夫了。

唔想食自助餐，好彩餐廳有得散叫，套餐都係幾十蚊，價錢合理，日式咖哩雞飯唔太辣，最鐘意有大量菜，沙姜雞飯真係要推薦比大家，超入味超滑，好好味。兒童餐設計好吸引，可惜意粉無乜味小朋友唔太鐘意。我都明白去主題樂園對食唔可以有太高要求，沙姜雞飯真是有驚喜，唯有缺點係所有白飯都只係微暖，如果有改善就更好。

呢日假日緊係要同朋友搵節目。去迪迪尼? 海獅公園? 係好玩但又唔想同人迫，不如平平地嚟挪亞方舟悠閒嘆返日行咗陣就嚟呢度食個LUNCH，久聞呢度有個無敵靚景，一坐低望出去果然無得彈，有山有海，好有度假FEEL!當然有靚景都要有美食配合。叫咗呢個沙彊雞飯餐連飲品，價錢當然比出面略貴$7X，不過比起某D一杯大可樂都夠膽收幾十蚊的主題樂園算好正常。食落果然高質，雞肉好嫩滑，好鮮好有雞味，沙彊醬偏濃咗些但好惹味。令人食完仲想再食!主題樂園嚟講呢度真係幾另類，唔係SELL機動遊戲係SELL幽雅自然景，可能因為咁所以唔多人嚟。不過在我嚟講仲好，可以好舒服咁遊玩。