豐盛閣

營業中

休息中

之前已經食過幾次呢間酒店嘅晚餐buffet，味道唔稱得上very good，但總算多選擇，於是今次試下lunch buffet，順道參觀下挪亞方舟em......即係點講呢，我都明白一分錢一分貨，之但係個lunch buffet真係頹左d。冷盤只有霉霉地嘅蜆、超迷你青口，細細隻凍蝦、仲有盤蟹蚶。熱盤就只有羊架同鴨肉比較好，其餘有如buffet界明將level 打大佬：d急凍魚柳完全冇味，豬脾仔似煲完湯嘅豬𦟌。甜品賣相亦唔吸引，但某幾種蛋糕味道還算可以。最正常就係Dreyers 雪糕同salad bar評分比ok 係因為食完可以去沙灘、方舟玩下，輕輕鬆鬆消磨一整天

團購買海鮮bbq buffet 旦因為天氣太熱所以free upgrade 到室內，抱住興奮心情入去去到發現好多人 已經預左成餐buffet會好嘈太陽未落山勁曬 落山後海景靚食物種類唔多，質素參差 部分海鮮更加係無味雖然人多，旦refil得快 唔會話無哂如果係團購買平平地都可以一試，正價就唔會考慮

團購去了這間挪亞方舟自助餐，全部加埋$250都唔需要。食物有好多選擇，食物新鮮，好快補給。因我不是假日去，坐得舒服，環境大又舒適。但燒烤吧就遜色小小，燒蠔無味，燒菠蘿及紅青椒成日燒到黑晒，燒雞翼似原本巳經蛤熟，之後再燒一燒，所以無燒雞翼的味道。熱盤羊扒好好味，值得一試。總刮講算超值。

買團購黎食生日飯，Book 左窗口位，可惜位置燈光較暗，唔係好睇得清食物好多海鮮食，refill 得快，亦唔會話好多人爭魚生同海鮮都新鮮，甜美熟食就較少，不過有燒烤區，有專人燒俾你，個人覺得唔係好入味，有乳豬食😂餐廳推介黑豕肉，不過覺得好羶，一件都食唔落有龍蝦湯，個底都幾多龍蝦仔，咸左啲甜品唔係特別多花款，首推梳乎哩，食左四五個，雪糕係自己“筆”果啲

一入到豐盛閣，外表看上去好像很豪華，但其實成個環境相當簡陋。餐廳的廁所同水龍頭好多都壞了，洗唔到手，要上其他樓層廁所，烏蠅又多。我坐窗口位關係又係多烏蠅，大大隻，未開始食野已經打死兩隻！叫我仲邊胃口食野！ 三文魚都新鮮既，好過食放題，羊架時肥時瘦，壽司出得一轉就冇出，蟹腳又少肉，好像樣樣野都營養不良！！！牛扒有點乾爭爭，燒蠔叫好少少，燒菠蘿好食～ 可以盡試～不過都係排長龍。甜品，木糠布甸出了一轉就唔出，食唔到冇得評，朱古力慕斯唔錯，同普通麵包鋪差唔多，得梳乎厘好食，排好長龍，大家俾心機排隊啦～仲要唔好排錯添呀～到時又由頭排過架啦～ 生果淡而無味。蛋糕全部都難食到震，食落似普通蛋糕加藍梅醬，仲話係芝士蛋糕...當人白痴。 雪糕好食，但挖果下慘過做地盤，硬過地底泥！！！同埋又係俾心機排隊啦！！！ 總結：好野要搶要排隊先會有，但都係果兩樣，貴價食物而且只出一轉，食唔到就冇。交通又唔方便....賣單果時俾張５折優惠卷我，我當場撕爛掉左。 真心第一次來無諗過會咁差，所以冇影到相，下次一定會影！不過我諗都冇機會！免費俾我都未必來呀！！！

今日去挪亞方舟玩完，夜晚去左豐盛閣食，不過真係差，用料和廚師的廚藝有待改善！中湯可能無錢買豬骨完全無味西湯竟然用急凍蟹腳煲湯，好特別藍青口無鮮味只有咸味長腳蟹啲蟹肉痴哂殼，唔新鮮，係米食淨左好多所以用來煲湯斬件麵包蟹完全無味三文魚睇到唔想食吞拿魚，八爪魚，鯛魚睇落幾好，不過食落完無味，係米廚師急住解凍，係咁啤水，啤到啲海鮮完全無味熱葷方面好多都唔夠熱如羊架又凍又蘇青咖哩雞翼搥開始溶，其實炸一炸佢應該效果好好多豆漿排骨好林，不過中段睇到開始起泡麻辣牛筋夠辣牛尾最好食，如果焗多15-20分鐘先夠林麵包蟹蒸水蛋幾個蟹蓋蒸蛋，應該拆左啲蟹膏打散來蒸，蟹蓋做裝飾，俾人攞哂啲蟹蓋就得返蒸水蛋瓜甫好核突炒飯算啦牛腩就做得幾似樣，不過急凍牛腩好瘦，用牛肋條比較好燒烤方面我個人認為浪費左啲牛肉，太接近啲炭，同埋啲炭會爆好多炭屎，攞到返枱又凍又un仲有炭屎，菠蘿可以燒耐少少，白色腸仔最失敗，唔知幾時開始浸住，浸到無哂味，完完全全無味，燒蠔算唔錯，因為炭屎彈唔到甜品就緊係雪糕就無得輸啦，梳乎厘係米應該用返梳乎厘杯來裝，用中式飯碗好似格格不入，都幾受歡迎，生果，朱古力噴泉正常其他餅無食汽水同啤酒任飲，點解唔搵

很久沒有同屋企人食餐飯，老弟見到自助餐有團購，便買來試試。這裏交通尚算方便，葵芳及青衣都有接駁巴士直達。15～20分鐘便可到達。自助餐食物選擇就不太多，但還好，甜品刺身我比較多食，其他熟食就一般般。如果要求一餐簡單的晚飯，這裏也不錯，至少有迷人美景搭夠。可能因為團購關係，當晚人也不少，環境較嘈雜。食完飯落去沙灘吹下海風，亦十分舒暢。如果想夜景面晚餐，這裏是值得一來。

很久沒和屋企人去吃一餐，老弟見有團購，便買來一試。這裏的交通尚算方便，葵芳有小巴，青衣有巴士接駁到馬灣。餐廳地方算寬敞，但可能因為團購的關係，人也很多。頗嘈吵。食物選擇不算多，但味道都還好。媽子批評無咩好食，但我想，這個價錢也不能要求太高。我最欣賞的是刺身，頗新鮮，甜品選擇也不少。這裏的賣點是夜晚的海景，簡簡單單吃一餐，然後去沙灘吹吹風，也是不錯的。

媽媽買左團購，一家人尼呢度食BUFFET。佢有接駁巴士喺青衣，都幾方便，去到果度見到青馬大橋既夜景，好靚。入到去就有WAITER帶入座，都幾寬落。 咁就去攞野食啦，第一樣要攞既當然係最出名既長腳蟹，D人一次過攞好多，所以好快無曬，不過好彩佢好快又REFILL。味道好鮮，而且好易剝殻，唔錯！然後就試其他啦，熱食既種類唔算太多，都唔算好好味，不過不失啦。而甜品就有最中意既自制窩FU加HAAGANDAZ雪糕，窩Fu要企係部機隔離等幾分鐘，未整完已經好香啦，整完之後外皮係金黃色，上面再加一球果仁雪糕，上面凍而軟，下面熱而香，一個字，正！

一家人來慶祝生日，餐廳環境典雅，獲安排坐靠窗位置，風景優美。食物方面，刺身新鮮，有4款。長腳蟹不錯，不斷refill, 蝦ok, 蜆和青口則有些打不開，少少失分。戶外有燒烤檔，腸仔雞翼疏菜瓜類也有，燒蠔好味，牛仔肉夠嫩。湯方面，中湯正常水準，西湯超鮮甜，蜆肉龍蝦湯，一飲再飲。沙律款式夠多，味道清新。甜品推介梳乎厘，每5分鐘出5至6個左右，要排隊，另外還有涼粉，可加鮮果或雪糕同吃，雪糕是dreyers。團購價250元左右，超值。侍應服務態度殷勤，值得一讚。

今年的團年飯到這間餐廳進行。我和父母由荃灣乘車進入馬灣。大約十五分鐘的車程。還可以在白天下欣賞青馬大橋。沙灘看似很美麗。挪亞方舟渡假酒店便是我們的用餐地點了。進入酒店範圍內是這個樣子。有原始石林的感覺。青馬大橋旁邊便是木製的挪亞方舟了。真正的用餐地點是豐盛閣。（我不知道還有沒有第二間酒店餐廳……）餐廳內在環境很寬敞。燈光明亮。我們共有十二人。原是安排我們坐這長餐桌。我們覺得進出取食物時不方便，而且難以談話，因此要求給我們圓桌。當晚客人不多，所以要求被接納了。其實爸媽曾光顧過一次。我事前問媽媽有否素食，她說有麵攤，也有甜品，一定吃得飽。怎料，麵攤消失了！平常可以吃的沙律有肉……平常可以吃的炒菜有肉……熱的食物基乎是沒有素食的。當晚我只有吃這些。大部份都是甜品。連我不會吃的涼粉也選擇了。沒有辦法，難道空坐著不進食嗎？熱的食物勉強只有燒烤那食攤有供應素食。有翠玉瓜、青椒、紅椒、茄子和菠蘿。然而，燒烤的時候，食物是緊貼著其他肉類……甜品的質素是一半好一半差。最美味是窩夫。粉漿調得剛好，不會令窩夫太濕。爸媽極力推薦迷你梳乎厘。我卻覺得味道普通。有些蛋糕是不錯的，例如咖啡味和班蘭味。而最難以入口的

見d朋友仔間中都post一d馬灣既相,好似幾靚咁，今次一於黎行下順便試下酒店美食，6點15分先開始食,所以周圍行下先,不過幾悶下,又凍唔會落水玩😂😂,入到去坐到窗邊位,望哂兩條大橋.好浪漫喔～我自己認為咋😀,野食種類都ok呀,有燒羊肉/燒羊架/羊腩煲,不過我就食海鮮lu,難得對住個海食野~食物新鮮程度其實麻麻,尤其係佢椒鹽蟹梅到夾硬食兩啖,凍蝦就ok好多,彈彈彈。凍藍青口好咸呀,似緊海水咁，蟹腳都ok。主題係龍蝦，當然樣樣都加落去,除咗咖哩炒龍蝦同椒鹽龍蝦之外,其他都係用龍蝦仔去做,個殼就靚喇，紅卜卜咁，不過拆肉食拆餐死先有得食,自助餐點少得甜品呢…？不過我一張相都冇影,因為已經好耐冇試過食咁難食既甜品囉,得個甜字,粟子蛋糕冇粟子味! 所有甜品冇樣合格,美心仲好食過佢！

是次Package包括兩客豐盛閣自助晚餐，由下午6時15分開始，此時餐廳內客人已填得半滿，最感恩是酒店為我們安排了能清楚欣賞東灣沙灘、青馬大橋及汀九橋夜景的座位。由於人太多加上太肚餓，我沒有為每款菜式拍照沙律頭盤有五至六款，由於實在太餓，筆者先要了自製的凱撒沙律，加入大量芝士碎、煙肉粒和脆麵包粒，雜綿生菜新鮮脆口，配上凱撒沙律汁十分醒胃。蘋果薯仔合桃沙律，大大粒的蘋果口感帶粉甜，本身很喜歡薯仔，混入適量酸甜沙律醬汁與合桃果仁香，簡單卻好吃。另一款海鮮長通粉沙律，海鮮包括蜆肉、墨魚仔、蝦和青口，單是配料已令筆者食指大動，長通粉煙韌，廚師用上日本芥末沙律醬，帶微微攻鼻刺激，食慾即時大增。坦白說，這裡的自助晚餐質素一般，唯值回票價的有長蟹腳、翡翠螺、青口和大蝦，蟹腳味道鮮甜略帶海水氣息，絕不是淡而無味，翡翠螺肉質爽彈，有濃濃鮮味、青口體積不少，啖啖肉海鮮滋味。反而蜆肉細小兼沒有味道、小墨魚爽口但鮮味欠奉海蝦質地爽彈紮實，蝦頭部份有大量蝦膏，鮮甜度滿瀉餐廳室外位置正做著串燒檔位，即點即燒蠔、豬牛雞肉串燒、鯖魚、三文魚和豬頸肉，款式多供選擇，我最喜歡豬頸肉的爽嫩多汁，淋上沙爹汁料，惹味香辣，貫徹

為朋友慶祝生日，特意入馬灣走走，感受下近刻寧靜。馬灣並沒有想像中的難去，可以在葵芳轉乘小巴。我們今次係買圑購的，價錢合理。我們六時到達，侍應安排我們到窗邊就坐，真係食景都抵返啦。食物種類繁多，海鮮有長腳蟹，蛤蚧，凍蝦，螺和青口。刺身有三文魚，吞拿魚，鱆紅魚，八爪魚同希寜魚。sushi款式也很多，沙律吧應有盡有。熱食方面以東南亞食品為主。也有燒烤食品，和sabu sabu. 甜品相當多而且不錯，推介strawberry cake。 整體合格，所以我俾ok。

放假相约家人遊娜亞方舟，上網查過附近没有什麼好地方吃晚餐,只好訂這間酒店的自助晚餐。上網訂豐盛閣自助餐有七折,打折後價錢很優惠。餐廳地點方便,我們逛完方舟乘電梯到底層步行便到達。對於逛了一天饑餓非常的我們來說是好好歇脚的地方。餐廳外的環境優美,窗外是青馬大橋的日落景色,格調一流。但室内由於客人多,因此比較吵一點。 自助餐6點半準時開始,我先到戶外燒烤區,一條長長的人龍排着,等了一會,取了燒蝦及蟹。蟹燒得很鹹,蝦味道普通。沙拉有幾款,都很新鮮 。海鲜區有翡翠螺、藍青口、蝦、長腳蟹和蜆。排了三輪,才拿到想吃的長腳蟹,明顯refill不夠快而且每次refill數量不多,但長腳蟹質素好,不會過鹹,肉亦不霉,味道新鮮,是必吃推介。而蜆和翡翠螺有許多沙,難吃,需改善。 熟食方面,款式少又普通,所以没有怎樣吃。 湯有兩款,是日是肉骨茶和南瓜湯,肉骨茶夠火喉味道濃郁，不錯。日本食品方面,壽司是2盆現成壽司,很快被人取光了,失望。即切刺身方面,每次只給4片,厚度尚可,有三文魚、吞拿魚和八爪魚,都尚算新鮮,算是回本食物。 甜品方面,開始自助餐時看到款式及數量都很少,意為晏少少會補充,到八時我去取時更只餘下