豐盛閣

營業中

休息中

從來去過馬灣的我，首次踏入馬灣，為了體驗挪亞方舟度假酒店最新推出的「糖果派對主題客房」。購買「糖果派對主題客房」住宿套票的客人，可以用8折惠顧指定晚市套餐。由於我當日政府的晚市禁食令仍然生效，所以我便在房間吃晚餐啦。價格: 使用套票可有8折優惠 原價$298/位供應時間: 下午6時後晚市套餐包含: 餐湯、餐包、主菜、飲品和甜品仼食。餐湯有龍蝦濃湯和松露白菌忌廉湯。龍蝦味道特出，蘑菇打碎混入松露，香氣四溢，質感綿密，更得我心。主菜有四款，包括: 煎盲曹魚、羊扒、美國肉眼扒和墨西哥卷。我們選擇了煎羊扒和煎美國肉眼扒，兩份大肉傳來引人香氣。羊扒點選七成熟，撒上大量黑椒，伴以小茴香茄蓉，肉質軟而香，很好吃呢。美國肉眼扒同樣選擇七成熟，淋上燒汁，配上松露薯蓉，色彩豐富。肉眼扒充滿肉汁，煎得很好呢。雙層甜品架可以無限追加，愛吃甜品的朋友，不能錯過啦! 包括: 藍莓芝士餅、香蕉朱古力餅、雙層芝士餅、法式千層餅、綠茶紅豆卷、芒果布丁。甜品的質素令人滿意，小小一件，可以品嚐全部口味啦!

在挪亞方舟旁的豐盛閣，午餐包含各國美食。港式、中式、台式、美式、日式、西式都有，價格由$78-108不等。而且更提供兒童餐，適合一家大小光顧呢。由於不是非常肚子餓，我們選擇一份方舟特色小食和甜品試一試哦。供應時間: 上午11時至下午3時美式熱狗 $88熱狗頗大一個，烤過的麵包依然保持鬆軟質感，夾著香腸、生菜、蕃茄，吱上沙律醬即成，更會附有炸薯條，簡單美味，很有飽足感哦。日式鬆餅配雪糕和楓糖漿 $98沒想到餐廳會有大熱的日式梳孚厘班戟供應，難得到訪馬灣，當然要吃啦! 一客有三大件班戟，質感輕盈鬆軟，猶如空氣般輕柔，淋上楓糖漿和跟朱古力雪糕一同入口，會更好吃哦。

想一邊欣賞馬灣風光，一邊品嚐酒店大廚精心製作的美食? 這個 豐盛閣海景下午茶，完全附合你的需求哦。我在各大社交媒體，常常看到這份下午茶的蹤影。景觀一流，價格相宜，就算你沒購買住宿套票，也推薦你們來品嚐呢。價格: $258/2位  供應時間: 下午3時至5時下午茶包括: 吞拿魚蓉伴三文魚籽多士、日式炸薯絲蝦配蛋黃醬、迷你忌廉雞肉酥、迷你春卷配泰式甜辣醬、迷你煙三文魚慕絲撻、蔬菜條、迷你榛子醬夾心西多士、鮮果撻 和 芝士蛋糕，各款兩件，並連兩杯餐飲。每人會有9款食物，炸薯絲蝦的蝦肉彈牙，迷你春卷則脆卜卜，煙三文魚慕絲撻充滿魚油鮮味，令人驚喜。榛子西多士略為不夠濃味，鮮果墶有紅桑子和藍莓口味，內裡放滿吉士醬，很不錯呢。芝士蛋糕屬美式蛋糕質感，厚重扎實，芝士味濃哦。我們另外點選兩款特飲 $48/杯，士多啤梨乳酪梳打和藍天乳酪梳打，色彩鮮艷，酸酸甜甜，令人更有胃口。

在1月頭的星期日及一，我跟兩位好姊妹，一起忙裡偷閒放一天假！ 走到馬灣珀麗灣享受兩天悠閒時光！我們把行李寄存在挪亞方舟酒店後，便走到地下的 <豐盛閣> 食迷你自助午餐 $88！這裡地方闊落，落地玻璃，當日海天一色，迷人的珀麗灣景致盡入眼簾！ 可惜！可望海的一邊餐桌暫停開放！份量出奇比預期少嘅迷你自助午餐，令我們大失所望！迷你自助午餐 $88雜豆炒飯：加入雞蛋及雜豆，略嫌有點淡味，勝在夠乾身！忌廉汁蘑菇意粉：相比前者炒飯更勝一籌！熱辣辣的意粉軟硬適中，夠汁又夠味！另有白飯可選擇，配燴牛腩，實在一流！蒜蓉雞扒：厚身的雞扒，以蒜蓉調味，入味之餘，亦可以掩蓋雪藏味！醬汁蝦：惹味濃郁，提升蝦鮮味！第二朝的早餐時段，大約有10枱食客；兩日所見，食客不多，絕大部分是香港人，有些外籍遊客，卻沒有大陸旅客！入住酒店送自助早餐 供應：多士、烚蛋、炒蛋、炒麵、燒賣、麥皮、果汁、咖啡、茶、牛奶...等！烘多士機好慢，慢慢烘的關係吧！兩邊也烘得金黃香脆，配上熱辣辣香滑的炒蛋！令我滿意的炒蛋多士！炒麵：雖然是簡單的配料，卻是質素都過得去！麥皮：無糖麥皮纖維高好健康， 質感濃稠度適中！

想起馬灣，貓人對這無煙小島總有份情意結，因為多年來曾經留低唔少貓毛及腳印，看著她由小漁村慢慢變為城中的後花園。近來這小島又注入了全新體驗，可以在海天一色的美景下細味Afternoon Tea Set，再登上全新鋪設又易行的登山徑，打打卡，兼讓心靈放個假！貓人在慵懶的日子瞓到自然醒才出發，來到馬灣這度假酒店的豐盛閣餐廳，剛好下午3點，約好與閨密一齊，享用全新推出的Afternoon Tea Set。隔著餐廳裡廣闊的玻璃窗，讓我們舒舒服服地觀賞連綿不斷的藍天碧海，有咫尺之隔的馬灣東灣泳灘，亦可遠眺仿如一座座鋼索小山丘連貫而成的汀九橋，更可近距離觀賞壯麗無比的青馬大橋景致。風景錯落有致，加上小島上一棵棵棕櫚樹的點綴，猶如置身於另一國度，感受閒逸的度假風情！等了大約15分鐘，侍應送來三層架Afternoon Tea Set連餐飲，總共有9款精緻美點，鹹點例如有：吞拿魚蓉伴三文魚籽多士、日式炸薯絲蝦配蛋黃醬、迷你忌廉雞肉酥、迷你煙三文魚慕絲撻、迷你春卷配泰式甜辣醬；而甜點則有迷你榛子醬夾心西多士、繽紛的鮮果撻及特色小砌餅等。再伴隨清新的蔬菜條，飲食配搭都幾健怡均衡。可能夏天較熱，作為海鮮控的貓人

介紹呢篇食評 令到我有少少傷腦筋究竟呢度應該係想食物嘅質素定係享受寧靜舒服嘅環境如果要食物質素 我覺得就唔合格不過環境食得我好舒服先講講食物 我叫咗一個兒童餐個兒童餐擺碟嗰方面都唔係好吸引食物亦都好一般餐牌唔係好多選擇我就揀咗個牛腩河牛腩好韌河粉好淋不過入到嚟呢一度望住個海灘食又食得幾舒服而且旁邊仲有個兒童遊樂場可以俾小朋友開開心心咁玩所以環境好夠返食物嘅質素入到嚟主題公園困獸鬥冇得要求咁多不過以快餐形式嚟計真係唔算平全部自助我又唔知點解佢要收加一服務費

假日唔想出去同人逼，係度睇住個靚景，啖返個豐富嘅早餐，真係超級relax! 而且加上以呢個優惠價hk$50，就可以啖到個早餐，仲要食到咁飽，都真係值回票價！好好享受下，叉叉電，又要繼續努力

好耐之前食過夜晚buffet覺得一般，選擇唔多，當然價錢唔貴，環境係幾靚既，都不過不失啦，所以期望都唔算大。本楚打算去食lunch/tea buffet既，不過冇做資料搜集啦，所以去到....原來依家係冇buffet食既😂只有一般午餐，意粉/飯。心情已經好頹，但咁遠黎到都試下啦。我地叫左個什菜炒意粉同焗豬扒飯，包埋自助bar既有中/西湯，飲品有咖啡/茶，可樂，質素一般，但自助bar既可以refill。同埋空間好大，同隔離枱都隔好遠，所以比較舒服既。

這陣子總想到空曠地方抖抖氣，為緊張的心情舒緩一下！近日貓人遊走馬灣這寧靜小島，閒坐沙灘一角，享用酒店提供的豐盛野餐美點。又可望望海，玩玩沙，呼吸清新空氣，慢活一個下晝，最適合我這種想兩手揈揈就出動的為食貓！由於野餐美點的預備時間約需一小時，所以貓人首先在酒店網站預訂好，下午來到酒店餐廳提取就剛剛好。貓人先通過馬灣東灘的出入口走進挪亞方舟範圍，再沿著洞穴式設計的海邊走廊，踏進餐廳提取預備妥當的野餐籃及沙灘墊。好！出發喇！走到對出的馬灣東灘，鋪好英倫格子風的沙灘墊，可以開餐喇！哦！開餐之前，先來開箱！打開這個野餐籃，盛載了9款精緻美點及鮮搾橙汁，可供2人享用。每款美食皆以透明盒子盛載，相當衞生，並有野餐紙碟及叉子提供。擺好美食陣，與青馬大橋影張打卡相！各款美食包括：和風炸薯絲蝦、迷你牛肉漢堡、迷你豬扒飽、迷你pizza、雜菜米紙卷、芝士火腿三文治、生果撻、cup cake仔及雜菜條，色彩繽紛，琳琅滿目！貓人特別喜愛當中數款美點，例如和風炸薯絲蝦，金黃色的外皮脆卜卜，包著鮮美彈牙的蝦肉。而迷你pizza 餡料為芝士蕃茄，清怡不會膩。而迷你牛肉漢堡，肉味香濃，真材實料。一邊欣賞青馬大橋海景，一

1月1日plan左一家人去挪亞方舟, 見豐盛閣推悠閒海景迷你自助午餐, 雖不嬲都知道呢間野的buffet是麻麻地, 但個景靚, 而且$88一位, 唔貴, 諗住都可以食下(完成不會帶任何期望), 我一家12:15pm去到, 自助午餐話是12點開始, 只有幾個人入座, 當我地坐低左, 出去走一圈, 不用2分鐘已走完. 整個拿野食的area唔太, 但都只開了1/3, 枱上只有4-5款熱野, 有一些菜, 意粉, 粉飯, 隔離有白飯, 有湯, 自助水吧.我見到真係眼都凸哂, 竟然香港有咁樣水平的自助餐, 仲要在樂園裡面, 我忍唔住問waitress 出面係咪做緊早餐, 未轉午餐? 佢話已經擺哂出黎, 我即時O哂咀, 真是一肚火, 迷你都唔係差成咁呀!! 我無奈都坐左半個鐘, 有幾個小朋友, 佢地都要食, 我就冇乜食, 最多都是食左幾塊薯餅及薯格. 我拿野時, 都聽到其他人係咁鬧, 食哂成肚氣走人, 在門口真係忍唔到, 見到有人想俾錢入去食, 我都提一提, 叫佢地望下有咩食先入去. 如果知道咁的水準, 我出馬灣那些餐廳食好過!我唔係成日出街食, 以前亦冇寫評語, 但我為左佢地咁樣的服務, 今次專登

馬灣嘅挪亞方舟酒店最近多左好多優惠同活動。有時仲有食自助餐送住宿優惠。我地早前就去左挪亞方舟新增設嘅「e-Planet夢想星球」影靚相打咭。玩完當然要食埋自助餐先滿足啦！ 呢間餐廳地方夠大，坐得舒服，食物種類繁多。刺身壽司🍣款式多，仲有花之戀！ 好味！ 冷盤海鮮好新鮮。 蝦🦐大大隻，又爽口鮮甜！甜品種類繁多，啱晒我同小朋友。 熱食都好多。蒸魚好出色，蒸到剛剛好。推介：西冷扒！ 好Juice 又有肉味！平時好多酒店都會整到乾硬化。呢度做得好好，令我好驚喜！仲有dreyer’s雪糕🍦大滿足🥰

唔係第一次黎馬灣食自助餐，之前黎食覺得佢性價比好高，但今次黎差咗好多！成個buffet cut 咗出面露天的bbq 、牛肉同埋揚物已經少咗好多野食，入面熟食都cut咗一部分變咗擺汽水，連最普通的燒味同pizza都無埋，變咗六和，諗住咩六和每個人頭計會好味啲。點知上埋啲垃圾，第一道係冬荀炆鴨，有陣臭味，食都無食叫佢令走第二道苦瓜炆排骨，啲苦瓜好似隔夜淋晒黃晒，其他有蝦四隻、有兩舊叉燒同油雞，仲有蟹棗又係諧濕濕，最後唔記得乜野炒雞，呢啲咁cheap 既野仲要限人頭派，擺出去任食都未必有咁多人令，仲要味道麻麻！任食果到只得六道熱食，其他係沙律、凍海鮮無咗長腳蟹食，雪糕係Dryers佢啲咁既質素比$188都嫌多，仲收人$388加人，全場四十個客都唔夠，我曾經係豐盛閣的Fans,佢做到咁樣真係好趕客好失敗！

黎到挪亞方舟唔食自助餐真係嘥哂，今日一行四個家庭黎食，安排嘅海景位真係開心，班小朋友最想食嘅甜品都應有盡有啦，超開心係有花之戀壽司，一岀場就俾人，清哂😂⭐️仲有我最鍾意嘅薑醋蛋🥰夠哂入味⭐️熟食盤都有十幾款，蒸魚好啱小朋友食⭐️有青口、長腳蟹、蝦嘅海鮮⭐️有汽水添飲💕⭐️岀面有BBQ 天婦羅🍤同燒牛肉😍⭐️甜品有十幾款⭐️平日價錢$388 好抵食⭐️前菜種類繁多⭐️有bb椅，不過無小朋友餐具提供然後酒店內有些懷舊香港的佈置影相，今次主題是灜風滋味海鮮自助餐，最喜歡足料的去濕湯、蒸石斑、牛扒、花之戀等等，重點一提這裡是dreyer’s雪糕，勁好味😍

可能因為馬灣得一間自助餐，所以唔太重視質素。需要以海鮮做主題，但實際上回本海鮮得長腳蟹，但size都偏細，不過幸好唔太咸有鮮味。魚生有4款，但唔唔新鮮，感覺唔太實淨，似溶過雪甜品有香蕉pancake及雪糕，其他都味道麻麻。羊架嫩，但味道偏淡牛扒有d鞋口

  暑期我又入咗馬灣玩，今次目的地係挪亞方舟新開嘅「e-Planet夢想星球」！  其實佢係一個以大自然為主題，  以光影及音效等製造嘅投影互動體驗館， 森林、海洋、四季及未來城市4個主題，  透過觸碰、揮手、跳躍等動作，可以同投影畫面產生互動，  希望可以從 體驗館中了解動物嘅可愛， 同時學習保育！  躍動之森呢度係各種動物嘅 小宇宙， 小朋友可以摸下長頸鹿佢會同你點頭， 又可以沿著石仔跳過小河， 林小姐畀 鱷魚 嚇親真係好搞笑！  藍色奧秘其實呢度係一套3d電影， 首先感受下海底世界嘅 寧靜美好，然後你會發現人類嘅垃圾掉曬落去，就會變成完全唔一樣嘅光景。。 千色四季四季嘅變化又唔同嘅特色，落葉或落雪，又或螢火蟲， 都可畀小朋友追逐探索。 未來城市你到呢度小朋友可以用顏色筆畫上自己嘅車仔，素描入電腦， 行緊上面就會見到自己架車仔喺未來世界風馳！  玩完梗係要去食自助餐啦，  以青馬大橋嘅夜景 在背景其實真係幾浪漫！～～ 嘢食方面話多唔多話少唔少，應有嘅都有，冷盤有大蝦青口等等， 蒸魚至 燒牛肉、現場燒烤粟米菠蘿都有， 甜品款式選擇多，  由蛋糕仔、涼