讚好台灣

營業中

休息中

這家“讚好台灣”在紅磡區已經有一段時間。之前經常見有人排隊在等，也就沒有機會甞試。今晚九點多路過見沒有人，就單點買了一合滷肉飯回家慢慢品嚐。結果很失望! 不單止吃不出我從前在台北新北北投到淡水一帶的滷肉飯味道，就連柬埔寨金邊的一家台灣飯店的出品也把“讚好台灣”滷肉飯比下去。也許這是台中口味的差異吧！米飯量雖然比一般台灣的滷肉飯多，但米飯的質量差很多，滷肉沒有香味，嗅不到香料味，至於滷肉我不知怎樣形容。不怪人，只怪自己，反正我不會再去。

大隻仔今次覓食嘅店舖就係💥 讚好台灣 💥 大隻仔好欣賞呢一間餐廳，先唔講食物質素，入到餐廳會發覺每一樣野都好hard sell 台灣，連Menu內既台灣旅遊景點相，靚到好似台灣官方嘅旅遊小冊子一樣。香港暫時好似仲未有一間餐廳咁用心「讚好香港」。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 豐盛牛乾拌麵 $75超級大份，材料好豐富，包括有牛展、牛腩、牛筋、貢丸、墨魚丸、蘿蔔、青瓜絲、酸菜。牛展、牛腩、牛筋入味而且夠淋，乾拌麵已預先拌好醬油，麵質彈牙，唔會過淋，加上青瓜絲、酸菜更加滋味。🔥 肉燥綜合湯麵 $60相比起豐盛牛乾拌麵，肉燥綜合湯麵就比較遜色，材料有肉燥、牛肋條、豬軟骨、豬腸、滷蛋。湯太多，肉燥已經消失咗，浸晒係湯入面，牛肋條、豬軟骨、豬腸都夠淋，但浸湯之後就比較淡味。🔥 鹽酥雞（大） $35雖然係大份鹽酥雞但份量唔算多，而且鹽酥雞係用上一般台灣餐廳嘅來貨，唔太特別，味道還可以。🔥 涼拌滷豆腐 $12炸豆腐滷得入味，再淋上醬油、

食到好似返屋企甘，希望一直做落去。宜家唔住紅磡，好懷念。都會間中專登返去食，次次都係紅燒牛肉麵配茉香烏龍奶茶走甜少冰。口水汁拌麵都好正，有麻醬同口水汁配搭，唔會好辣

前幾日同朋友提及黃埔日常餐廳選擇，朋友建議可以午餐或下午茶一戰。本來數年幾前嘗試過晚餐，當時乾拌麵麵質及醬料未如理想，所以往後都未再有光顧，難得呢排時間比較多，決定俾多次機會佢。再次去到餐廳，相比幾年前擴展埋隔離舖位，閒日約3點店內仍然近乎滿座選擇下午茶套餐($36)，包含一小份主食(飯/麵)，3小份小食及一杯熱飲將剔好點餐紙交店員後，食物唔洗3分鐘已經到齊麵質仍保有一定彈性勁道，亦未有麵水令醬汁過稀之情況出現小食水準亦不過不失惟獨奶茶味道比較淡只有甜味，但整體都屬不錯，下午茶時間途經可以再次考慮幫趁。用餐時間：29/03/2023 15:00人均：$36食物：麻醬拌麵、台灣腸、涼拌青瓜、鹽酥雞、台式奶茶

由坐低到食完碗麵只係半個鐘，奶茶未飲完，阿姐嚟收碗就話外面好多人排隊，麻煩快啲食完讓番張枱出嚟！哇咁都得，唔知以為我霸住張枱幾粒鐘添！唯一讚嘅係湯底唔覺有味精，但係奶茶無茶味，牛肉韌到懷疑人生，食完唔理解點解咁多人排隊。食物已經唔係特別出色，啲阿姐嘅服務態度就好有特色！咁樣好快外面就無人排隊，啲客(如果仲有嘅話)坐幾多粒鐘都無問題！如果佢想行澳牛路線，咁就無話可說！不過澳牛都有啲轉咗路線…無下次！

當我去到的時候 看了一會兒餐牌 選中食物後 準備下單 當我準備向收銀員下單時 她竟然不是 回應我 而是馬上拿起電話聽取錄音 當我準備叫的時候 她還不放下電話 繼續聽取錄音 那我便繼續說 我要什麼 然後她聽不到 就很大聲問我 :"咩呀!" 叫了飲品之後 問她可不可以少糖少冰 她沒有回答我 就在說價錢 而說價錢也說得不清楚 一時一說 107 一時說 108 然後我便再問多一次可否少糖少冰 她才點頭 給我單據的時候還擰歪面食物方面 我叫了滷肉飯 只得幾小塊滷肉 如果不認真看的話以為是菜碎

平時見到要排隊，以為好好食，但唔想等位所以無係繁忙時間食過。今次夜晚八點幾，見有位就試下，我一個人入去無招呼，自己拎餐牌🥲🥲🥲店員大部分都無咩招呼同禮貌，睇左其他食評都預左。但食物方面諗過咁差，合格都唔過呀。叫左一碗牛筋腩轉新竹米粉配番茄湯，一碟鹽酥雞同一杯奶茶。奶茶得甜味無茶味鹽酥雞係暖既，應該係番熱，落單後約一分鐘即有，無咩肉汁，太乾。最最最差係個牛腩，靭到咬唔開，難食到想講粗口。總論：無下次

仲未出行台灣，食碗台灣牛筋腩麵解下饋先！湯底是番茄，雖然知道有落茄膏，不過都可以接受！相反牛筋有驚喜，勒度啱啱好！不會太冧，咀嚼有趙頭～正😋牛腩炆得非常恰當，似乎是台灣黄牛呢🤔肉味濃厚😋哈哈～恰如其份的加$10有杯凍珍珠奶茶熱飲加$5簡簡單單而又美味的一餐～滿足呀

係非繁忙時間入座，店員已經西口西面，安排左一張四人枱，期間有人搭枱。點餐後，好快有得食，食物味道尚可。自問食野速度唔算慢，食碗麵用大約半個鐘時間。跟餐有杯熱飲，味道正常，但當我剛開始飲無耐，就有店員走黎抹枱，並且同時叫門外排隊嘅四位客人入黎，坐我張枱。四位客人表示尷尬，因為大家都個當時我未飲完杯野。但店員再次大聲叫四位客人入座。四位客人只好死死地氣去到我旁邊，但又唔好意思坐低。見狀我都唯有快速飲完杯熱飲，然後離座。收銀嘅員工有同我講唔好意思，但都已經無補於事。員工嘅一個舉動，令到我今次用餐體驗極差。如果唔想食完成肚火，建議大家唔好去食。

成日經過都見到好多人排隊,睇完中醫好早冇乜人食就試下。✨跟餐加$8有嘢飲，叫左個台灣紅茶。呢杯茶雖然香，但都幾燶下，有一下想叫佢幫我溝稀d✨蔥燒豬軟骨飯：個豬軟骨有三舊，其實我都幾鍾意食豬軟骨，我最鍾意啲軟骨係腍到啫喱狀果一種,可惜呢度嘅骨係爽口,唔係我個杯茶。啲肉都腍，個汁冇乜特別正正常常，反而個白飯我覺得幾有咬口.伴碟嗰個粟米紅蘿蔔洋蔥粒，甜甜地幾好食.最好食估唔到係滷水蛋下面嗰啲菜脯，因為我平時唔食辣，佢果個微辣係幾好送飯.下次都係試吓牛肉麵嗰啲先.

叫咗豬軟骨飯，同埋牛乾拌麵加凍檸，但一開始就落錯單。食物上枱嘅時候，啲嘢食係凍嘅，感覺好似煮熟咗好耐但係返熱咗就上菜，但煮唔淋，店員沒有禮貌會做小動作滋擾客人，例如嘖客人。食物味道非常普通，環境擠迫，啲枱擺得好近，坐低咗就行返出嚟，繁忙時間仲迫過金鐘站轉車，非常不推薦，可一不可再。一般嚟講呢個網啲餐廳都好少會有負評因為要寫出200字先可以評分，但係呢間扮台灣嘅餐廳竟然可以有咁多負評，你就知道呢間嘢有幾唔掂。

讚好台灣地址: 紅磡湖光街1-7號聯成大廈鴻運閣地下13及14號舖#yauyau_紅磡呢間餐廳係我番poly嘅時候好鐘意食，由佢舊店食到裝修新鋪，雖然冇一開始咁平又好食，但係間唔中我都會番嚟食下佢。🥩🥩豐盛牛肉麵 $72個湯底唔似其他台灣菜咁重中藥味，有啲牛肉湯再加啲酸菜嘅湯底，飲落幾香，啲面嘅質地好有咬口同索湯。不過啲牛肉有啲筋。🍖🍖下午茶 $41 麻辣擔擔麵+甘薯+木魚豆腐+椒麻牛肚絲呢個真係好抵食，幾十蚊就有個面，同幾個小食，而且仲係新鮮炸。真心推介大家嚟食下午茶。🧋🧋台灣奶茶 下午茶跟餐 $+5呢到一定要叫，佢落重牛奶，而且仲要靚嘢，勁香奶茶味，似高質嘅茶走。影漏咗🤤🤤味道: 4/5服務: 3.8/5環境: 3.8/5番兜: 4/5#紅磡美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #紅磡台灣菜 #台灣菜

一間你隨心點菜的餐廳，讓你感受台灣風格，尚未安排到出遊，回味那情懷，只好在食物裡尋找，愛地道的味道。首選最吸引系列：魚酥皮蛋豆腐，清新嫩滑，與皮蛋合拍，加上魚酥的鮮味令豆腐成了第一名。次選為樣樣都有系列：路邊攤併盤，有腸，有花枝，有雞扒，已足夠滿足三大願望，必點。當然朋友仔愛極甜品，之特選：甘梅脆薯：炸得香口，加上甘梅粉馬上正宗台口味。私心推介，只因為：洛神花茶，燒脂去肥膩，睇我們選菜，就知一定飲洛神花茶。終於到主菜：牛肉乾拌麵及蔥燒豬軟骨飯：肚仔已加了上述小食，但也能全數吃畢，不負食貨之名。

第一口豬扒飯入口，我感受到了其香氣的迷人，那種肉香味讓人垂涎欲滴。豬扒肉質鮮嫩，口感十分柔軟，彷彿能融化在口中，帶來的滿足感和快感難以言喻。此外，豬扒表面炸至金黃酥脆，讓我在咬下一口時，同時感受到了韌性和脆度的絕妙平衡。除了豬扒，飯也是這道菜的重要組成部分。飯的質地十分軟糯，配上濃郁的豬肉汁，飯粒每一口都能夠吸收到足夠的香氣和味道。此外，配菜方面的紅蘿蔔絲、黃瓜絲等，不僅能夠平衡口感，更能夠為整道菜增添色彩和風味。最後，我想強調的是這道菜的營養價值。豬肉含有豐富的蛋白質和維生素，能夠增強體力和免疫力。同時，飯也是我們日常生活中必不可少的主食，豐富的碳水化合物和營養素也能夠為我們提供足夠的能量。總之，我非常喜歡台灣豬扒飯，它帶給我的是美食和營養的雙重享受。如果你還沒有嘗試過這道美食，我強烈建議你一定要試一試。無論你是想品嚐美食還是注重營養，台灣豬扒飯絕對是你不容錯過的佳餚

有朋自遠方來，港島嘅朋友黎搵我食飯，即刻帶佢回憶下家鄉嘅味道啦，咁耐冇番過寶島，今次就帶佢嚟依間讚好台灣。午飯時間成日都見到唔少打工仔同學生排隊，舖頭分兩邊舖位，都係等一陣就有位坐啦。必點紅燒牛肉麵，個藥材湯真係好好飲，一啖面一啖湯咁，好過癮！牛腩同牛筋亦非常之入味，仲有啲酸菜解膩添。再加埋杯珍珠奶茶，珍珠煙煙韌韌，奶茶可以揀少甜都唔會太澀。今次仲叫多咗個小食—木魚豆腐，炸過既豆腐配上木魚同酸酸甜甜嘅醬汁，十分之開胃。