譚仔雲南米線 (長發廣場)

營業中

休息中

譚仔米線已經成為香港飲食文化的一部份，帶起一股食辣文化，而譚仔的大辣至十小辣已成為食辣文化的基準，成功彈起後吸引財團以十億收購，創造香港飲食界神話。定位清晰，價錢大眾化係譚仔成功的關鍵。隨左根基穩固的魚湯湯底及其扎實的米線之外，多元化創新小食是毛利率增長動力。蒜泥白肉（大）一片片砌到紙咁薄的腩肉，口感難以取替。加上厚厚的蒜泥做調味，簡簡單單就增值成為一道毛利超高的小食，不得不佩服設計菜式的廚師！土匪雞翼（小）雞翼都能烤出不同花款，有麻辣、有香草，而我最喜歡當然是湖南土匪雞翼，香味獨特的「孜然粉」撲鼻而來，令人垂涎三尺。

要食米線緊係要去譚仔，要食譚仔緊係要搵三哥。黎到三哥唔食麻辣又點得呢？所以我叫左碗雞肉加竹笙十少辣，當然唔少得試埋三款地道小食：「土匪雞翼」、「蒜泥白肉」同埋「涼拌北川豆腐」。土匪雞翼（$23)用小茴香祕制的土匪雞翼，面頭滿佈黑芝麻。外皮烤到少少脆，食左令人有種孜然一身的感覺。蒜泥白肉 （$25）刀功上乘切出薄薄的豬腩肉，配蒜泥味道原始得來能食出豬肉的鮮味。涼拌北川豆腐（$15）簡簡單單一個涼拌豆腐，加入辣椒油、蔥、生蒜就化身為刺激火辣的北川豆腐。竹雞（10小辣）（$39）黎到譚仔又點少得食返碗麻辣米線，十小辣開始有少少感覺，係麻辣進階之選。

指定動作，一個大大碗套餐，加幾件土匪雞翼，再叫多杯凍檸茶少甜。如果兩個人食，基本上次次幫襯佢都係咁叫，次次份量都咁足，果然真係街坊之選，唔怪得知香港愈來愈多間啦

即使阿姐明知我們很遲才進來，差不多在她關門之前一刻，才進來，但是亦沒有抗拒我們內進，只是勸我們盡快吃完，在九時許之前吃完便可以。腩肉不算太肥，豬皮亦都沒有黏着毛，質素算不錯。炸醬微辣，外貌不好看而美味。臨收工，米線的份量也不少，不知怎的，好像我的十小辣，比友人的五小辣更加辣。但可能由於我點了腩肉，因此，湯底裏面有濃郁的腩肉味，不像友人那種麻辣那麼清香。長發邨的譚仔比翠怡的大很多，即是臨近收工，味道也不變，個人嘅感覺，湯底好像更加濃郁。

有金句"勿演懶肉實小勒"而紅o既米線店,食物有D有小小質素,裝修一般,位唔好坐。先黎個''勿演肉醬5小勒''墨丸唔彈牙,淋身,冇墨丸,肉醬怪怪,豆漿一般土匪雞翼有好大陣麻辣味,但D肉鞋口

我和P大人晚上唔想煮又唔想食飯，想去食米線的一夜，近近地去長發譚仔試下。我地都係第一次黎呢間店，入坐時我好驚訝，竟然咁大間咁多位!!呢度既店員比平時係旺區既店友善。今晚想刺激d，我呢個清湯人士要試十小辣...!!炸醬腩肉十小辣米線，樣子唔錯!食落有d麻辣既感覺其實都幾過癮架喎!腩肉都比平時出面食開既好食!P大人就要左豬潤三小辣米線，佢話都ok，不過咸左d。仲有三隻土匪雞翼，新鮮熱辣整出黎，不過呢個都係咸左dd。