譚仔三哥米線 (形點 II)

營業中

休息中

平時食譚仔, 多數會揀麻辣同酸辣湯底, 而重慶三哥酸辣就未試過, 有晚放工就去試下。自從Yoho Mall開左譚仔後就方便好多, 食飯時間好多人等位。一碗有齊17款餸既過橋米線$49, 乜都有, 岩晒乜餸都想食既人, 而且份量多到可以兩個人開心share, 湯底揀左重慶三哥酸辣湯, 不過要加$3。17款餸有: 豬肉, 牛肉, 雞肉, 腩肉, 火腿, 豬潤, 牛丸, 墨丸, 魚蛋, 炸醬, 腐皮, 豆卜, 生菜, 酸菜, 芽菜, 韭菜同竹笙。雖然每款得1-2舊, 但係加埋都唔少, 其中魚蛋同竹笙索左d湯更加好味。米線份量上比平時一碗多d, 煮得唔算過腍, 平時已經夠多, 一個人都食唔晒, 呢碗加埋d餸, 兩個人岩岩好, 又唔駛驚食唔晒而浪費野。湯底酸酸辣辣咁好開胃, 仲要有d麻既口感, 好過癮好惹味。 呢個湯好似落左罌粟咁, 食完轉個頭就心思思又想去食。譚仔咁多款小食最鐘意蒜泥白肉同土匪雞翼。大土匪雞翼($30)炸完又唔會好乾, 入面仲好有肉汁, 加埋調味同面頭既黑芝麻粒, 好香又惹味, 次次都要叫。加$7有杯冰凍檸茶, 食完解下d麻辣, 爽!

今日經過形點， 見到一間食肆外面排曬長龍， 原來係《譚仔三哥》。 喺形點入面都有咁大眾化價錢嘅食肆， 唔怪之得要大排長龍等曬位。 攞咗飛之後， 行咗幾個圈終於可以坐低。 一如以往，叫咗三哥酸辣（中辣），搭墨丸、炸醬。 見到餐牌出咗新嘅小食， 有中口味同重口味揀， 我就試咗重口味-蓮藕， 同埋中口味-雲耳。 原來中口味即係口水雞口味， 小小辣，帶啲花生醬味。 而重口味， 則是麻辣口味， 味道較酸， 麻辣味較重。 蓮藕切薄片， 食落卜卜脆， 健康得來又好味。講番酸辣米線， 呢間湯底有少少失手， 唔係太夠酸又唔係好辣， 要自己加辣椒油。 墨丸保持一貫質素，彈牙爽口。炸醬就冇平時咁甜， 中和返酸辣味，正。喺形點入面都可以搵到一間咁平民化嘅餐廳， 實屬難得， 唔洗下下食餐飯都過百蚊。 不過奉勸大家一句， 如果趕時間就真係要好好考慮下。

過橋米線大集會，十多種配料，湯底夠熱，味道一般，因為咩肉都有，有豬牛雞肉、豬潤幾好夠爽、豬肉與蒜泥白肉都是來自相同部胃，爽口，其他配料平平無其，除左竹笙和墨丸，不過墨丸甜咗少少，吃不到新鮮墨魚味。另外，小食蒜泥白肉就蒜香味濃稠，豬肉嫩滑，好味。土匪鷄翼雖然肉質嫰滑，但是外皮不夠酥脆，味道一般，沒有想像中的辣。

尋日去完迪士尼樂園後就帶昕昕返屋企附近新開的譚仔三哥食晚餐，我喜歡點$49的過橋米線，特別係拍拖或者湊女最適合，如果我一個人自己食肯定食最便宜的兩餸米線😅😅😅如果拍拖去食通常唔走部份餸，相反湊女去我走乍醬、韮黃、豬膶和酸菜~~~米線一上阿姐會俾埋細碗我，方便分d俾昕昕食~~~其實昕昕都好鍾意食譚仔的過橋米線，今次的餸有四塊火腿，昕昕全部食晒，米線都差不多成碗食晒，都算幾叻呀！呢間譚仔格局跟平時有dd唔同，出餐位在店的中間，所以走廊位加咗個透明牆來隔住，感覺幾好。我地對面坐咗對小情侶，佢地就點咗同一個餐和小食，不過就食辣~~~有時覺得呢個係不錯的情侶餐，兩個人拍拖最開心係邊食邊互窒的感覺，通常見到身邊的男性朋友拍咗拖會有幸福的身型，其實係因為女性間中的細食，另一半不想浪費食物面形成個土匪雞翼看上去幾好睇，當對面食緊果陣，d香味飄來感覺真係好吸引，好似北京燒羊肉串店飄逸的氣味，雖然自己有dd想試，但湊昕昕肯定食唔到，有機會搵好友陪我試吓先至得！譚仔在Yoho mall算係比較抵食的餐廳，特別係餐飲價錢全日如一，雖然麥記相對更平，但成日食麥記比較冇益，我和昕昕在yoho mall食野又多個更

元朗唔係冇3哥，只係我住呢邊冇。見yoho town話開3哥開左勁耐都未開...終於今晚經過見到開業了~~梗係試下啦(成日都食架啦～)鋪面都算闊落，走廊位夠闊，座位都...夠闊既