影片
更多
2016-10-22
296 瀏覽
今日經過形點， 見到一間食肆外面排曬長龍， 原來係《譚仔三哥》。 喺形點入面都有咁大眾化價錢嘅食肆， 唔怪之得要大排長龍等曬位。 攞咗飛之後， 行咗幾個圈終於可以坐低。 一如以往，叫咗三哥酸辣（中辣），搭墨丸、炸醬。 見到餐牌出咗新嘅小食， 有中口味同重口味揀， 我就試咗重口味-蓮藕， 同埋中口味-雲耳。 原來中口味即係口水雞口味， 小小辣，帶啲花生醬味。 而重口味， 則是麻辣口味， 味道較酸， 麻辣味較重。 蓮藕切薄片， 食落卜卜脆， 健康得來又好味。講番酸辣米線， 呢間湯底有少少失手， 唔係太夠酸又唔係好辣， 要自己加辣椒油。 墨丸保持一貫質素，彈牙爽口。炸醬就冇平時咁甜， 中和返酸辣味，正。喺形點入面都可以搵到一間咁平民化嘅餐廳， 實屬難得， 唔洗下下食餐飯都過百蚊。 不過奉勸大家一句， 如果趕時間就真係要好好考慮下。
一如以往，叫咗三哥酸辣（中辣），搭墨丸、炸醬。 見到餐牌出咗新嘅小食， 有中口味同重口味揀， 我就試咗重口味-蓮藕， 同埋中口味-雲耳。 原來中口味即係口水雞口味， 小小辣，帶啲花生醬味。 而重口味， 則是麻辣口味， 味道較酸， 麻辣味較重。 蓮藕切薄片， 食落卜卜脆， 健康得來又好味。
講番酸辣米線， 呢間湯底有少少失手， 唔係太夠酸又唔係好辣， 要自己加辣椒油。 墨丸保持一貫質素，彈牙爽口。炸醬就冇平時咁甜， 中和返酸辣味，正。
喺形點入面都可以搵到一間咁平民化嘅餐廳， 實屬難得， 唔洗下下食餐飯都過百蚊。 不過奉勸大家一句， 如果趕時間就真係要好好考慮下。
張貼
