譚仔三哥米線 (形點 II)

營業中

休息中

今晚夜左收工突然好想食譚仔，就衝去買外賣，好彩有打電話order好，見到門口長長等外賣的人龍🙈炸醬墨魚丸清湯米線 $40jo就大愛譚仔的炸醬，有很多朋友都麻麻話唔夠辣同咬口，但jo就是偏愛這帶甜的口味，綿綿的口感😄墨魚丸每次必點，好彈牙正腩肉麻辣米線（中辣）$35老公最鐘意點這個，他大愛這辣度，腩肉肥瘦均勻有咬口土匪雞翼（5隻） $31説真的好好食又稱不上，但每次去譚仔總會叫一份，或許係香港人的情意結吧，去譚仔一定要食米線和土匪雞翼譚仔一向都好大碗，食一碗已經超飽，水準一向都保持到，久唔久就會掛住衝去食哈

本人到元朗形點譚仔用膳多遍，都有觀察到食物及服務質素麻麻。先講食物，啲米線湯底很鹹，吃多少少便感到很口喝，而且啲餸也不入味，尤其牛丸、魚蛋、魚腐之類的食物，希望貴餐廳能控制食物質素，改善食物品質。至於服務質素方面也一般，啲阿姐雖然招呼挺好，挺熱誠，如說歡迎光臨，但叫落單時很多都扮看不見，叫佢地比餐具、水這些基本的東西卻等了一會見才肯做，故責任感有點缺乏。還有，啲阿姐說話很大聲，常嘈住客人，環境十分嘈吵熱鬧！

📍譚仔三哥平常下班想不到吃什麼時，跟媽咪總愛去三哥點過橋米線＋蒜泥白肉還有土匪雞翼，這次出了新的酸辣撈薯粉當然要去嚐鮮～🔸酸辣撈薯粉（小辣）＋魚片頭🍜這款最低辣度限定是5小辣，對平時是吃10小的朋友就會偏辣了點。薯粉煙煙韌韌配上獨創酸辣汁，配有豬耳、雲耳、青瓜絲、薄脆跟芝麻，捧勻再一起吃口感清爽～薄脆很香但拌完要快一點吃，因為沾到汁會容易軟掉。🔸蜜桃乳酸🍑（加配價＋10）果肉跟酸甜的乳酸，如果覺得5小辣已經是挑戰，絕對是解辣之選～💲Hkd 39 + 5（魚片頭）🏡香港全線譚仔三哥 - 元朗Yoho

譚仔三哥喎， 真係無咩邊個香港人係唔識bor, 我其實以前唔太好食米線， 因為我唔太好酸， 次次你去親d 米線店都係勁酸同好多芫荽蔥韮王個d, 所以唔太好。但譚仔就唔同， 佢可以比我d 咁腌尖嘅人食都冇問題， 因為佢可以叫嘅時候走晒你唔食嘅嘢， 又唔會嫌你煩囉。好似我叫一碗米線咁樣， 叫個時個餸名長到我自己都會笑， "🐔雞肉🐙墨魚丸竹笙🔥麻辣10小走韮王小米"林"啲", 但又真係附合自己口味。另外就係小食土匪雞翼🍗又係必點ge, 最近我鍾意食佢個蒜蓉燒茄子🍆， 讚呀👍🏻

雖然分店快要超越麥記，但作為宅男的我還沒有吃過譚仔。今天我決定要衝破這個第一次，鼓起勇氣到樓下的譚仔朝聖，誰知一試便不能回頭，我發覺舌頭開始懷孕，雖然不算得是什麼珍饈百味，但所有香料的調味配合得恰到好處，我發覺現在的我不能自拔，譚仔已經成為我的comfort food 就像米飯一樣是生命中不能缺少的一部份。

作為譚仔三哥既忠實fans最近見佢地有新既煳辣豬肚米線 又點可以唔去試！/⭐️煳辣豬肚米線配一餸 ($39)煳辣米線一直都係我最愛之選 少少辣之餘仲有獨特既焦香味！39蚊除左有豬肚之外仲可以揀多一樣餸豬肚既味道同煳辣味好夾架 另外一樣餸我就揀左墨丸 (要加1蚊）⭐️西柚醋而惠顧仼何米線仲可以加10蚊就加配到一杯 #西柚醋 或者 #荔枝特飲今次就試左 西柚醋！ 西柚既清香配上醋既酸爽絕對會一試愛上 飲落仲有西柚果蓉 好足料

正所謂「三哥出品 必屬佳品」🤔譚仔三哥呢排出咗《煳辣豬肚米線》、《西柚醋》同《荔枝特飲》，我當然要去試吓🤤1️⃣《煳辣豬肚米線》（$39）煳辣湯底係三哥自行研發，當中個煳字唔係楜椒咁解🙅🏻‍♀️，而係將湯底既香料炒到燶度適中既意思，飲落去辣得黎有份焦香味好獨特😚今次煳辣湯底配埋新餸《豬肚》，食落去都幾夾，而且$39入面係包埋叫多樣餸😆2️⃣《西柚醋》（$10）由於我都幾鐘意呷醋既關係，所以係兩種特飲入面諗都唔諗就揀咗西柚醋🤣西柚醋飲落酸酸地幾解辣幾開胃，當平時凍檸茶都要$9既時候，我覺得貴一蚊就有杯特飲又幾抵😝

譚仔之前番茄湯淨係三點之後先有依家係全日供應番茄湯真係超級好味上面有好多茄肉濃濃嘅蕃茄湯底加個三小辣 真係酸酸辣辣好開胃 而且佢嘅辣唔會搶咗蕃茄嘅味道真係可以一個人食晒成碗再加雞翼我最愛嘅土匪 番茄湯 真係譚仔必叫

今日要介紹既譚仔新出既食物——溏心蛋+炸腐皮卷千其唔好問點解我成日介紹炸物，因為我真係好鍾意食香口/脆既野食。譚仔三哥既食物都唔洗我多介紹，大家一定好熟不過介紹新食物前都比我輕輕講下少少野先啦我個人黎講覺得譚仔既麻辣係三哥比唔上既佢既麻係會令人上引不過三哥既重慶酸辣係好食過譚仔既酸辣至於我必點既墨魚丸-》鍾意食既人就會知道兩間係有少少分別而我比較鍾意食偏向花枝丸既口感🙊即係邊間？等大家自己去feel下講到新食物溏心蛋——譚仔既溏心蛋係辣麻味既不過呢.....味道伏到一個點....係頂點完全係......唔係我鍾意既溏心蛋麻辣溏心蛋完全唔match至於素菜卷係好正常既味道，麻辣味唔重感覺同腐皮卷一樣，不過麻辣味唔強失望😞不過呢。佢既番茄湯底係好食既要讚一讚一開始見fb咁多人要求佢全日供應所以比面試一試好香番茄味，仲可以簡辣度適合我呢d愛辣人士

Over the past decade, TamJai has been one of the most popular restaurant chains in Hong Kong 🇭🇰 . Rice vermicelli, also known as Mixian, is what you must try. The extent of spiciness is up to you and is divided into 10 grades. As a spicy lover, 'five small spicy' is my all-time favourite🥵. After choosing spiciness, you have to make decision on the condiments. For condiment, i favour pork belly and bamboo raft. The texture of bamboo raft is really good and indescribable. You must try it!

首先依個過橋米線53蚊，都算大碗，都算抵食，啲餸有魚蛋(1粒 好細粒)、牛丸(1粒 好細粒)、墨魚丸(1粒 好細粒)、豬膶、火腿(4片)、豆卜(1舊 )、腐皮、牛肉(幾片)、竹笙(幾片)、芽菜、韮菜、生菜、豬肉(幾片)、腩肉(幾片)、炸醬、酸菜餸都有好多，而且味道都唔錯，不過米線嘅分量就少啲，不過真心幾抵食

今日快食左一個米線，不過重點唔係向我碗米線度。而係向譚仔比我遇到一件值得一讚既事。事源坐向我隔離個嬸嬸，佢一個人黎食野，叫左一碗米線，一碟土匪雞翼同一杯凍檸茶。當佢食緊雞翼時，上埋最後既order,米線。突然，嬸嬸喃喃自語甘講，呢個唔係佢食開既湯底喎。好快甘向身邊既員工查問，員工答佢係麻辣湯底，嬸嬸重覆甘回應，佢係食開湖辣湯底喎，呢個唔係佢食開喎。向嬸嬸身後閃左另一位員工，再次向嬸嬸查問事情，了解左之後，員工亦表示會處理，拎走碗米線。隔左一陣，員工遞上一碗湖辣湯底比嬸嬸，而嬸嬸都無再提出其他問題。我眼見呢碗面係明顯芽菜係多左。好似一碗新既米線甘野。或者甘講，唔知係重新制作一碗出黎？定係換湯之後 重新鋪過芽菜。點都好拉，向我呢一個旁觀者既角度，我都感受到呢位員工好細心，好友善同有效率甘處理左客人既訴求。呢種服務態度值得一讚。後記：其實我聽到同記得嬸嬸叫麻辣湯底最後，個人體驗黎既，覺得譚仔既環境都好整潔。

譚仔簡直就係我中學嘅回憶中學一個星期裹面，至少3~4日都會同朋友去食好懷念嗰時，食三酸會中槍，成件校服都會有汁中學畢業之後，都甚少去食，因為公司附近無譚仔，放工又夜，譚仔都收哂終於係今日放假，我又無野做，就決定去食中學成日去嗰間譚仔習慣性地一坐底就俾壓力店員舉手，店員亦都好快過到黎落單，我就隨口講，清湯炸醬小米走芽菜，已經熟到可以合埋眼都落到單，我碗米都好快到，一食就所有回懷返哂黎，好懷念中學嘅生活吖

午餐要搭枱係平常嘅事，特別係喺譚仔三哥米線， 成個商場都好多餐廳， 偏偏呢間餐廳就坐滿人。十小辣過橋米線走芽菜，食得出工廠嘅味道， 即是話好像某些酒樓在工場完成烹調， 現場錄麵煮餸， 所以不能說好食也不能說好食。 記住仍然是坐滿人還要搭枱。土匪雞翼是熱辣辣的， 儘管初初出場時的味道是濃厚， 去到今時今日週街都是譚仔的時候，不其然又要再落單， 熱辣辣入口已經贏曬。麻辣豬耳爽口咬口完勝，當然也是沒什麼驚喜， 總算是令人飽肚的一餐， 因為他是譚仔下次還是會再去

出去元朗影證件相順便同朋友食個lunch!譚仔三哥假期都咁多人，等左一陣先有位小食先到!! 我地叫左個皮蛋 - $21辣辣地好惹味!!我叫左一個墨魚丸竹笙米線 (麻辣三小辣，少米線) - $41我好鐘意食麻辣三小辣，個辣度係辣得黎岩岩好! 墨魚丸彈牙，竹笙大塊又爽口朋友就食雞肉魚腐米線 (糊辣，少米線) - $38糊辣個味好特別，有孜然粉既香味!!! 魚腐都好好食我地2個就算叫左少米線都食唔晒成碗米線，份量真係好勁!!