西門町台灣麵食 (已結業)

耐冇食台灣嘢，見呢間好評多，所以試下.本身以為夜晚實要等位,但係竟然唔駛!!二人枱，張枱有啲細..我每次要睇一間台灣菜館得唔得，就必定要試鹵肉飯,今次我亦不例外；我愛人就叫咗個芝士丸撈面餐配涼伴苦瓜.另外我地仲叫多個炸豆腐.先來的是飲品，一杯係凍蜂蜜紅茶，另一杯係凍泡沫咖啡.先講凍蜂蜜紅茶，冰量適中，泡沫細綿；茶味自然，甜度沒有蓋過紅茶的回甘味，而蜂蜜的用量也沒有被糖水代替.而杯泡沫咖啡就不太馬虎，泡沫豐富之餘亦冇放太多冰令咖啡味變淡，而且應該唔係即溶咖啡，因為凍咗之後冇太大嘅酸味，我估店家有將隻杯放落雪櫃雪下先至用泥整飲品，因為雖然冰量唔多但係飲品溫度也不太暖.涼伴苦瓜，味道調較得好好，麻醬沒有蓋過苦瓜的苦味，少少甘甘地嘅味道配上香脆嘅芝麻一齊食個感覺好Fresh~芝士丸撈面，有一小堆的鹵肉，三粒炸芝士丸同埋一碗湯，個湯有少少乾蔥係面；芝士丸亦唔係求期貨色，入面嘅唔係蛋白芝士，而係真係流心嘅車打芝士，正！炸豆腐，等咗比較耐，所以應該係即炸，外脆內軟，夾起時冇散開~而且配埋酸甜汁，好得意~最後，係個鹵肉飯啦~一大堆的鹵肉上有一小堆炸蒽乾，中間有半隻鹵蛋..鹵肉七肥三瘦，鹵料中的紅蒽頭亦

點解咁多人讚好食做我食過2次都覺得唔好食又係唔抵食,又多人排隊，入到去又迫叫左兩碗面，啲面不好味，淡及硬，我個餸係蝦餅，一啲都唔似蝦餅，似調味料麵粉餅，諗起都作嘔個牛筋一啲咬口都無，林到死，仲軟過豬腸粉，十分鹹！杯飲品最正常，香芋奶茶，$20,夠濃同香

3位套餐,我地選以下食品北投怪味雞 - 係冰鮮雞,味道酸酸地,微微辣,岩曬友人唔食得辣,都覺得可以接受, 雞絲拉皮 - 係有D好似花生醬D汁, 好杰, 粉皮較碎,可能太杰,好難夾,變咗更易整斷. 味道幾香, 但係較淡,如加多少少咸味會好些, D汁多D更好.腐皮蚵卷 - 外面係腐皮,裏面包住D蠔仔,有好多蔥, 外面好脆, 內面一口咬有D蠔汁走出來,好鮮味.香辣牛筋 - 紋得好唸, 好入味,都幾辣,我食就剛剛好啦涼伴茄子- 帶一點甜味, 廣東菜較少這樣煮, 味道都OK每人可選:肉臊飯, 擔擔麵,擔仔麵, 我地無叫擔仔麵,(全部都係細細碗,岩曬我地唔係好大食) 擔擔麵味道幾濃,麵質都幾爽滑, D飯如多D汁就好D,味道也不錯,肉臊少D.每人可叫各一柸台式飲品: 一般台式飲品,OK價錢HK$258(實價)食品每款細細碟,有套餐岩曬我地想試多幾款既心態. 因為台式食品一般較漏,細細碟就剛好啦.最後有一粒燸米磁的甜品,入面係芝麻味,好香,好味

要於旺角找尋平、靚、正的美食，真的一點也不容易，此地食肆多得令人眼花繚亂，食物質素及餐廳環境也相當參差，單是女人街兩排的餐廳，也足以令我和男友舉棋不定．　幸好openrcie提供寶貴的資料，經我們篩選後，最終並没有錯過大多人說讚的“西門町”　　這台灣餐館很容易找到，因街號是2，近街頭；而且門外有大大的招牌，特式門面設計及店員早於門外招待客人，這一切真能省回我們不少腳力呢！男友與我在9月11日的星期二於此處晚饍，未到7時已有幾對人等位，確實令我們意想不到，而店內更是坐無虛席！真是十分驚訝！ 是這店太有名氣? 還是裏頭的食物太吸引呢? 當時充滿了疑惑，令我期待起來! 男友拿過飛，我們等著等著的同時，門外窄窄的街道上已漸漸企滿人了．不消15分鐘，有位子了，比想像中的快　一進內，細小的店子，紅紅橙橙色的，有點擠但椅子卻舒服，我跟男友平排坐卡位，望著即使門外滿是人潮，但周遭並没有急趕催逼客人走的情況，感覺很好！　以下是我倆點的菜式：這個套餐是一個不錯的選擇，有嫩滑的醉雞配時菜、台式魯肉飯一碗及HK$18以下飲品，價錢相當合宜，男友也吃得飽飽的 我一直對紅燒牛肉麵没有好感，因曾於別店有不好的經歷

話說上個禮拜有個fd 約我去呢間餐廳食野, 話請我食飯叫我幫間餐廳寫個食評wo, 咁我就梗係一齊去啦, 咁去到間餐廳諗住要排隊啦, 點知原來佢係員工所以唔使等. 之後就叫哂d 鎮店之寶來食下啦, 有紅油稨食、涼拌茄子、魯肉飯、擔擔麵、雞絲拉皮, 樣樣都賣相吸引, 味道都算唔錯, 最重要係招呼周到.講一d食物先啦,其中有幾樣我係最鍾意既...魯肉飯, 飯同肉既比例好平均, 而且魯肉香軟得黎又不失咬感, 睇得出係好比心機煮雞絲拉皮, 雞肉爽口, 一個字, 正!!下次都應該會再黎!!!!!!

買完所有材料後都已經6點幾, 我地怕7時要等位就早食早散.我地最後選左係女人街開店多年既西門叮.今次再來令我地都好有驚喜, MENU內既食物款式多元化, 最後我地選左一個芝心丸拚肉躁乾麵餐另包台式飲品一杯及一個涼拌苦瓜另外叫左個小食拚盤, 我地2個最喜歡就係個小食拚盤...當中花枝丸最得我心, 炸得香脆只係椒鹽粉唔夠多無咩椒鹽味道.拚盤當中最特別係個魷魚卷魷魚包住D菜同蝦肉, 好豐富既口感魷魚肉亦爽口整得岩岩好.紅燒牛肉都做得出色鹵得入味又夠淋, 基本上整個拚盤無一樣野唔好食, 而有咁多款小食都係收70元真係好抵食.相比個乾麵就好似遜色左, 麵本身煮得過淋,乾麵附上既湯都係味精水, 芝士包心丸去炸都幾特別.

鋪面裝修好有西門町戈feel入到入面發現服務員都系一D上了年紀戈伯伯個個都好nice，好親切，好有禮貌客氣地幫我準備咗餐具同埋餐牌 賣相好正，可以聞到一陣食物香見到隔離台食得津津有味我早就垂涎三尺啊 因為唔想食飯，所以叫咗個一直都好想食戈擔擔麵起初覺得D牛肉好少，但系我錯喇牛肉好大塊，雖然少，但系塊塊嫩滑多汁咬落去系會齒頰留香嘎絕對毛可能系罐頭野湯麵軟滑，醬湯濃郁，香味撲鼻D面帶著湯汁吸入嘴裏，滿嘴鮮甜香醇戈麻油同埋花生味在口腔裏蕩漾呢碗麵，同星爺碗 黯然消魂飯 異曲同工啊！ 仲有杯餐飲終於可以證明到我戈選擇系冇錯葛！揀咗我最中意戈芒果同埋雪香系列第一啖飲落去甜入心扉啊 杯野上面有好多麥片同埋泡沫俾我一種初戀戈感覺又撞正七夕情人節單身赴館真系好安慰.....隔離臺對情侶閃到我要戴墨鏡啊.........

係香港都幾難搵到一間好水準既台灣餐廳,西門町係少數,又抵佢咁多人排隊既,佢係女人街既內街,交通都幾方便,但等既時候要係比較既街度,未必太舒適西門町既裝橫以簡約為主,用好多木既顏色,都幾清新點左好多台灣特色食物珍珠奶茶:奶味同茶味平衡得唔錯,珍珠好Q,好有咬口,冰量亦合適雞絲粉皮:作為前菜都係一個幾唔錯既選擇,醬汁唔會太濃味魯肉飯:分量算少,但撈起上黎都幾香,每人少少先食得落其他野呢擔擔麵:同上面既好相近,稍嫌麵唔太夠硬身擔擔麵:同上面既好相近,稍嫌麵唔太夠硬身鹵水拼盤:大到有少少嚇親既,但賣相都好吸引,有鴨腎，鹵蛋，牛肚，豆腐同大腸,個大腸稍有腥味,但整體黎講鹵水汁都香醉雞:有淡淡既酒味,雞亦很滑送既甜品:雖然食到好飽,但都覺得幾好味,好似芝麻湯丸,外面既芝麻加重左整體既芝麻香

聽過食友說旺角的西門町不夠台式，朋友對此店的評價好壞參半，在我而言，我比較留意的是味道，有對胃口的菜式就可以了。是次留意到店方加入了新原素，讓客人有些新鮮感，起碼不會每次來也是合上眼點那幾款吧。五味淋魚的魚外香脆內軟滑的魚塊，配上的酸甜恰到好處的醬汁，開胃又好吃。美味醉雞的酒味滲入每塊雞件，酒味突出味道還不錯。另一款新菜式香酥蝦餅切得夠薄身，吃下去沒油膩感，還可以的。涼伴茄子 – 以前很喜歡這個，甜甜酸酸的醬汁加上茄子上，印象中沒上次吃到的好吃，可能是因為茄子比以前細件沒以前的軟淋，有時候用料差少許口感就不一樣了。每次來最有印象就是擔擔麵，比較喜歡上次來散叫可以多吃一點。是次吃到的還是好吃，加了少許辣的花生醬杰杰的掛在麵條上，每一口也會好吃，但不要放得太久才吃。肉燥飯還是不好吃，最主要是飯粒太乾身，而擔仔麵也沒擔擔麵的吸引。這兒的珍珠奶茶也算是茶香，珍珠有咬口，不是外賣的說，這兒也算得上合胃口的。第一次來的時候十分喜歡的，吃了數次後還算不錯，今天吃到的還可以但失去那滿足感，可能是之前點的款式比較對胃口吧。沒有以前的驚人的二人餐已經是三人吃的份量，現在點的五人餐六人吃的時候，份量還算足夠

整體都okay 食第二次。弟一次食覺得okay 朋友推介男友食所以食第二次。覺得無d 人講到咁好食。以價錢味道來講fair .怪味雞。好味芝麻味奶茶。好怪。茶還茶芝麻還芝麻。肉燥飯。油左d okay 粉皮okay 二人套餐。

晚上＋點半多, 朋友走過來找我去吃宵夜. 他在 openrice 揾倒這間台灣鋪還没關, 就揸車過去食. 我們叫了一個二人餐 $178雞好滑好嫩, ,薑蔥蒜茸辣椒份量夠多, 配合這個凍雞一起吃, 非常惹味.雞球是番炸的, 表面有點硬,說是蚵嗲, 但蠔仔份量極少,有些得一兩隻, 而且味道一般.茄子表面淋上一些燒汁醬, 香濃惹味，茄子咬下去好多汁, 不錯.這碗肉臊飯不錯, 肉臊和肉汁表現出色, 混飯一流.湯底的花生味不重.但麵質都幾好唔會煮得過淋.送的甜品, 食落好似芝麻湯丸. 都不錯.不錯, 不會太甜.

今天想吃台灣野,記起女人街都有間好出名的台灣食品,今次就同朋友一起試,我要了肉燥豆腐飯,朋友要了紅燒牛肉飯還有一個忘了,因為午餐再叫小食可以減10蚊,所以我地每人都揀了一款,有麻油素雞,香酥花枝丸和脆樂雞塊,6min左右就有得吃了,小食先上,素雞沒吃到什麼雞味,花枝丸算是比較好吃,但不夠熱和只有3粒,而雞塊超硬,很乾身還有一種吃下就好熱氣的感覺,不好吃,我的飯也送上了,肉燥味很濃但份量有點少不夠拌勻全部白飯,豆腐很滑不錯,最後叫了荔枝綠茶,味道不錯,但整體來說只是合格,可能是我們沒有吃到他們招牌菜的關係,有沒有下一次就要看緣份了

5人在旺角辦完事，齊齊到西門町吃午餐，除了我和焯焯外，其餘人都未曾來過。12.30分左右到達，人不多，各人點自己想吃的食物。我要了一個花蓮鹹雞套餐和柚子蜜熱飲，白飯上的魯肉，味汁濃，炒菜上亦有魯肉，鹹雞微暖，少肥膏。大多數食店的鹹雞都是凍冰冰，只有魯肉和菜也可以吃下一碗飯，飯後的柚子蜜甜味適中。其餘4人的午餐各加小食一碟，有涼拌苦瓜、茄子、春捲和滷水蛋豆腐，亦有飲品跟。牛筋和紅燒牛肉很腍，份量大件又入味，如果再加些辣味更加好。珍珍說她吃的芝士花枝丸魯肉乾麵好味，尤其是花枝丸，咬開是流心芝士裝滿一小碟的涼拌苦瓜不苦，加上特製醬汁，不吃苦瓜味的人也可嘗試；春捲不是立刻吃，有點涼了，所以外層只少許脆，汁似泰式雞醬味；滷水蛋豆腐不錯，不太鹹；涼拌茄子普通，醬汁蓋過茄子味。

來個簡簡單單的EARLY BIRD DINNER ...來得吃台灣食品，預左味道會較濃。但事實上唔單止濃，仲好鹹添...牛筋麵 - 牛筋好淋，份量很足！辣味剛好，只是有點過鹹豬排飯 - 正常不過的大大件豬排飯鹽酥雞球 - 此乃挑戰人體極限的鹹。餐廳一點不吝嗇鹽巴，豪氣的灑上雞球上！這舖對於我呢挺年紀大既人真係可一不可再......

相約友人出MK,一方面為了陪他搜羅14/2的禮物,二來我也要去看看相機.在假日鬧市又玩電子產品又格價一整天.煞是累人!忙完玩又要忙往那處吃.左看右看,有些目標店早己大排長龍,正當苦無頭緒之際.行經女人街西門町門前,猛然醒起這店也是很久前想試的!而且剛好不太多人在等位!當然二話不說選上了這一家台菜店子!!在香港難免要以格局將就一下地方淺窄的問題,以茶餐廳形式就是最為有效解決的裝潢了,幾個卡坐,數張木枱鐡椅子就可以了.最夠寶島風情的,就是收銀桌上那座播放著台灣歌曲的音響了...留意到這店的店員都是較年長的朋友,不但比少年伙子動作勤快,更是一眼關七,就算未來得及即時招待客人,亦總會禮貌地舉一舉手,回應一句"馬上就到".加上對自家店所出品,價目早己倒背如流,點餐過程快過坐過山車!上菜時不忘講一講菜名,來個微笑,補一句"慢用".乾淨利落,大方又有禮!令人滿意的服務就是這麼簡單讚讚讚!餐牌當眼處有一款叫蚵嗲的新產品!一場來到,當然要點一客試試吧!其實是一款以混入蠔仔的炸雞球.雖炸得香脆可口,但掛蠔名,賣雞肉.蠔仔份量每顆不一,有些得一兩隻,變成完全炸雞球.雞肉醃得太濃味,蠔仔鮮味早己被擱在一旁了.