西門町台灣麵食 (已結業)

某人冒失把重要的東西遺漏在我家隔天只好乖乖早起床去找他，順道一齊用餐紅燒牛肉麵牛肉有4大顆腱心味道偏鹹，而且不夠軟腍，吃起來有點黏牙.....我不愛麵一般，而且還沒煮開中間還是生生的.....我更不愛嘉義雞肉飯很普通的白切雞肉飯凍檸檬茶因為不想加$轉珍奶，所以隨便點了杯檸茶或許大家去吃可能會覺得不錯，但是我就不愛始終味道純屬個人感覺，每個人都不一樣下次吃台式食物，還是回到MIKIKI才對胃口

( 由於Intern係mk附近做,所以有時都會行返黎mk呢邊食飯。)呢間野係同事叫我黎試下既 (因為on swift, 只可以自己放lunch黎食),環境幾暗, 舖面幾舊但都算乾淨,一個人黎要同人搭檯食, 坐得都略迫,叫左個魯肉飯個飯個size又真係幾大碗, 但味道就真係幾麻麻, 魯肉個汁其實冇咩味, 肉碎ok多但好多立立雜雜我食唔出係咩既野係入面。個汁因為太水既關係, 成個飯都好水, 濕立立咁。食左半碗就因為唔想再食好似糊仔咁既飯而放棄。返到公司開包餅食算-,-(唔明點解外面會貼住話Openrice比左幾多個笑個個logo囉-,- )

十個香港人，有一半應都喜歡台灣的寶島小吃。像我般台灣痴，一年去三次，基本上台灣什麼食物如魯肉飯，牛肉麵等也喜歡，有時台灣小吃的心癢起來，是如洪水猛獸一般厲害。好像今天，突然心癮一起，兩個台灣迷又去找台灣東西吃，因為去旺角睇戲所以選了有名的西門町來醫一醫心癮。來過數次，每次都沒有試過其二人餐，好似吸引又多野食，好啦，唔駛諗，夫復何求。小食要了美味醉雞，涼伴茄子同腐皮蚵卷。三個小食很快便到了。當中以腐皮蚵卷最出色，裡面充滿蚵仔，很新鮮，入口是全口的蚵仔味，那一口的味就好好將你放了去台灣的味一樣，突然有點令我想念阿宗麵線，這應該是三個菜中最出色的。美味醉雞還算份量還多，肉質算鮮嫩肥美，酒還算煮得入味，是可口的小食。涼伴茄子就無甚特別，煮得好像老了一點，不過那個汁很入味，配茄子不錯。然後是最能治鄉愁的主菜，一個魯肉燥飯，一個是擔麵。我很久沒有來過，應該有五年時間，之前記得這裡的牛肉麵很古早台灣地道的，所以很期待這兩個食品，希望能可以感受到台灣渡小月和謝謝魷魚糠的魯肉燥飯之味，不過，坦白說，很失望。在份量和賣相外形方面，可以說是一樣。但味道卻是差天共地。肉燥飯味道不夠，肉碎不多，而且不夠入味。擔

睇左食評都知道呢間餐廳係食飯時間一定要排隊等位,所以我就揀左d冇咩人既時間黎食, 果然一入即時可以坐低order花蓮鹽水雞餐($46)鹽水雞味道唔錯, 肉質都幾滑, 只係雞胸有點鞋魯肉飯既豬肉肥瘦適中, 味道雖然偏咸少少, 但送飯一流烚菜亦會配上少量魯肉, 唔怕冇味啦~~~XXXX擔擔麵 (唔好意思, 唔記得左個名)湯底係非常濃郁既花生味, 係齒頰留香個種, 配料有半隻鹵水蛋, 唔太肥既鹵水豬大腸, 鹵水豆腐, 全部都好入味~~~

今天到我等女朋友接她等得睡著了但也睡得很幸福在等的同時, 我已搜尋了附近的餐廳最後她選擇了這間西門町穿越繁華鬧市來到這裡竟然也有這麼多人在等候幸好最後只需等約10分鐘不然女朋友也會不斷嚷著肚餓由於女朋友打算再吃甜品所以只叫一碗麵再加小吃我們叫了54元的香酥豬扒擔擔麵還有40元的 雞絲拉皮女朋友嘗試過一口香酥豬扒擔擔麵後馬上露出不喜歡的眼神她說好像有藥水的味道連香酥豬扒也覺得不美味我則個人認為還可以接受最後我盡了自己"把女朋友吃不完的東西吃完"的責任把大部分都吃完了其實份量來說也算多不過香酥豬扒的確略嫌普通了一點對擔擔麵有要求的女朋友來說這個麵真的不值得推介還好, 雞絲拉皮補救了整頓飯醬料很可口雞絲也很多雖然味道有點濃但是配合其他底下的配料一起吃真是恰到好處連旁邊的一枱看到後也馬上叫了一碟試試在等待食物送上的同時她看了我之前的食評還罕有地用一句歌詞回應我「平淡之中找一些特別日期, 在這特別日期慶祝得到你」為在擠迫的店內等待增加了一點情趣進食的同時, 目光只停留在她身上感覺只剩下我和她擠迫與否再不重要了

經過旺角，看到網上有咁多食評，便膽粗粗和朋友去試下。 星期一八點幾去到，天氣好熱，本來驚好耐先入到去嘆冷氣食晚餐，好彩去到即刻有位，不過大家做定心理準備好大機會要同人搭枱，枱與枱之間距離較短。所有食物都在$40-60之間，不算太貴，都好大碟，實食得飽。最先出場係 香芒沙拉鳳尾蝦，個沙律落左MANGO汁，酸酸地，幾開胃，炸粉唔會太厚，好味去到台灣店食野當然叫 魯肉飯，不過好少汁，好普通擔擔麵花生味幾重，但對於我這個愛辣之人，覺得有點美中不足不過啲花枝丸麻麻地，可以叫其他送。這個唔錯，幾多肉，個汁都幾開胃，但都係唔夠辣

好耐都無食過台灣菜啦, 平平地o既旺角西門町一向係我最愛, 但今次終於可以為佢寫番篇食評啦~~ 失禮哂我地3個人, 叫左一個2人餐 加一個豬排飯餐2人餐有:前菜好遲先嚟, 可能即炸關係啩, 好香口 蝦好彈牙, 正!! 尼個我地加左$3 叫, 佢本身係配$35 O既涼菜對苦西瓜情有獨鐘, 好好味主菜尼個原來係凍食O既, 點D 芥末醬, Summer 太Yummy啦!!!最後係2碗打底擔仔面, 一如以往, 肉燥加在清湯面上, 完美的句號~男仔朋友唔夠飽啦一定, 叫左個豬排飯餐, 豬排外脆內軟, Good!! 偷左佢一舊嚟食HAHAH~計埋三杯跟餐野飲, 埋單每人$78~ 旺角區, 食物又好味, 尼間係推介之選呀~ 當然佢唔好O既係, 真係好迫... & 去到8PM 真係要等一輪位先入到去食, 家下咁熱, 等位都幾辛苦, 因為個度真係好窄PS: 我係7PM 到, 所以唔洗點等, 就入左去涼冷氣囉哈哈哈€€~

同好友H每1-2月都差不多約會日子的時間又到~今次呢~就約佢黎一齊試下呢間台式野..!!其實有好幾次經過已經想試, 但奈何真係太多人係門口等位喇今日就好彩喇~~時間尚早, 7點多D, 一入去已經有位喇!本身想叫2人餐既我地, 望住MENU揀左好耐都唔係幾揀得到..個SET頭一樣係3款揀1款, 但2款係雞, 1款係一個唔知咩既卷狀小食..我同好友H都覺得唔太岩心水...最後決定散叫!!!!我地最後叫左3樣野, 同埋一人一杯飲品喇!!先登場既係飲品!!!!我order左既係茉香奶茶~~一般台式飲品都偏向比較甜...但呢杯令我有d出奇bor!!! 原因係佢飲落好清, 唔係一味得個甜字茶味唔太重, 但成杯野拼埋出奇地好!! 要讚呀!!!第二樣上場既係...雞絲拉皮份量雖然細左少少, 但賣相都幾好~食落口, 雞絲唔o鞋~調味岩岩好, good fit!粉皮雖然比較厚身少少, 但勝在夠煙煙韌韌~~好有咬口~醬汁方面, 佢芝麻味好香~但亦都較返適中既咸味, 絕對有85分呀!!第三樣係魯肉飯相比起個小食, 身為主角既魯肉飯就爭dd喇一來唔係好夠熱, 二來d肉冇咩汁, 唔太夠撈飯食bor!!味道方面,

真係第一次見間食肆咁唔老實話說我今日2個人去食，食到一半聽到個疑似老細既人(長期企喺收銀)同個阿姐講:出面有2個鬼佬人，攞個餐牌俾佢地啦，我當時仲諗個老細都幾醒目，到佢地入嚟，同我地搭枱，一男一女坐我對面，男人係外國人樣，女人就普通香港人咁，個阿姐就遞咗本厚d既中英對照menu佢地(平時午市係一張張卡咁)，個女人睇咗一下就話落得單，嗌咗個魯肉飯，担仔麵，青菜同2杯野飲，阿姐寫完就走咗隔咗陣我無意中睄到佢地張單，上面寫住3X,3X,3X同2個台式飲品既錢，但我有食開嘛，午市應該平d，無理由佢地多我地一碟青菜但貴我地一截，我地2個飯2杯台式飲品都係86蚊，之後我都feel到個女仔覺得唔對路，同個男人喺度傾，又係咁望我地同我地張單卒之我忍唔住出聲同佢講張單應該寫錯，因為就算佢擺喺度小食張卡，碟青菜都係25蚊，咁佢就嗌番個阿姐埋嚟問，個阿姐一嚟就話佢地睇嗰本係晚市menu，所以要收番晚市錢，咁個女人就話佢其實想要午市嗰d，阿姐仲死撐話晚市大兜d，咁啱呢個時候就上菜，佢地d野食同我地根本無分別，個女人就話多次想要午市飯，阿姐無應到就拎住張單走咗再隔多一陣，個阿姐又行埋嚟話唔改得，因為佢地睇men

朋友說要請客，我當然話：「好」。於是她就帶了我們去旺角間西門町台灣麵食吃晚飯。其實我一向幾鍾意台灣菜。去完台灣玩更喜歡台灣小食，所以幸好被我找到一個新地方食好野！餐廳細細，個卡位有點窄，擺東西不太方便但可以接受，旺區嗎。我們先點了食物：1ｘ魯肉飯，1ｘ台式擔擔麵，1ｘ雞絲粉皮，1ｘ涼拌茄子，和 1ｘ鹵水拼盤。然後飲品叫了：2ｘ珍珠奶茶+胚芽，1ｘ芋頭奶茶。叫飲品時候，侍應叔叔竟然寫了3-4次。見他用了2-3張紙再確認order以為終於OK啦，點知最後還是錯了。可能跟他說了怎麼多次到最後我們忘了說要＂熱＂飲。=_= 喝了幾口才發現飲品是凍的！ 是他忘了還是我們忘了我真的忘了! 原味奶茶加胚呀真的好喝，反而我平常覺得幾分好喝的芋頭奶茶就麻麻喇。 食物不錯。魯肉飯幾好味。最特別是台式擔擔麵跟平常的擔擔麵不一樣：有花生味，花生醬味。很香！極好吃！涼拌茄子也好吃。我是第一次吃凍茄子。茄子做小吃不錯哦。茄子上有點兒醬汁，濕濕哋，幾OK。鹵水拼盤就麻麻哋因為我不太喜歡鹵水所以是no second time. 餐廳waiting time也不長，我們等了還沒夠5分鐘就已經有位子了。餐廳overall分

自從屋企樓下由細食到大既上海飯店執左之後就冇再食到唔辣花生味既擔擔麵今次終於搵番啦咁岩經過旺角就去左試下E間台式擔擔麵叫左1個台式擔擔麵(走辣)+雞絲粉皮+醉雞細細啖咁飲左1口湯,濃濃既花生味充滿哂個嘴,好香有少少甜,但系唔會膩雞絲粉皮粉量都幾多,同平時食開既花生醬有D唔同,食落有少少似麻油+花生醬+芝麻醬既味,不過都幾香醉雞一拎到黎已經聞到好香好濃既藥材酒既味,D雞入哂味食落好香但系唔會"劫",都唔會話太過濃味覺得好咸可惜D雞肉實左D,咬落有D "un" 不過應該系個別事件,之後有再試一次,D雞肉一D都唔"un"

當一個人之前的晚上玩得太瘋之後，第二天根本不會對食物有太高要求，隨便吧。已經不是第一次光顧西門町，但對上一次也已經是幾年前的事了，一看menu只能感嘆一句「通脹果然厲害」，一碗滷肉飯要＄3x，心想在台灣吃才值多少錢？唉，算了。朋友點了滷肉飯，我就要了花枝丸新竹米粉外加一杯香芋奶茶＋珍珠。由於太多肉，我們又加了一碟燙青菜。跟以前的滷肉飯比起來好像退步了，新竹米粉的湯也極為淡，近乎沒有味道，只有花枝丸水準依然。香芋奶茶反而有驚喜，可能已經至少10年沒喝過香芋奶茶了，濃濃的香芋甜味剛好而珍珠非常煙韌有咬口，重點是＋＄6就喝到了，相對一碗＄3x的米粉，可說是非常抵喝！一直覺得香港不太能夠吃到像樣的台灣菜，看西門町這樣的走勢，看來不久的將來我又會少了一個可以吃到台灣菜的地方了。

昨晚過開九龍, 想起同事介紹的這間食店, 無妨一試.同事話這店假日門外人頭湧湧, 好彩是晚接近九時, 人不太多, 大約等了十多分鐘有位.看過OPENRICE的食評, 推介的食物是担担麵和魯肉飯. 就此先叫了蝦餅担担麵加一杯金香奶茶,($55).金香奶茶茶味很淡, 有點過甜, NO GOOD. 蝦餅三小塊, 另碟上, 很簿, 味道可以, 食得出有蝦肉, 担担麵就較預期失望, 湯不太濃, 沒有濃厚的花生醬, 唯一好味的是麵上的魯肉, 令我決定一試魯肉飯.($38)魯肉飯米飯很熱, 上面頗多魯肉, 再加有椰菜, 一隻鹵蛋, 再混有炸過的, 再加點油, 將魯肉混和飯吃,魯肉帶深啡色, 味道濃厚, 肉質粒粒分明, 再混和炸蒽片, 味香而濃, 正宗的台灣魯肉, 美味非卂, 好味!85分.

睇到Openrice咁多好評, 今日就決定同個Friend黎試下,雖然唔駛排隊, 但都好爆, 本來想同個Friend坐面對面嘅位, 但店員迫我地一定要打橫坐, 不過唔緊嘅, 只不過三年冇見自己個Best friend, 想望住佢食野姐.我地兩個諗住轉埸食糖水, 所以淨係叫左兩樣野擔擔麵同雞絲拉皮. 個麵湯夠濃味, 個麵質地都好好, 軟硬適中碟拉皮比我想像中細, 但味道很好, 我其實從來未食過拉皮, 好似河粉咁, 不過凍嘅, ok呀!總體幾好, 可以一試, 但未必會令我專登再去.

上Openrice 見到咁多好評，又想食台灣菜，咁就決心試下。同男朋友係門口等左15分鐘到，就可以入去了，不過入面都好full，唔知係唔係太好食所以吸引咁多人呢？我地叫左個2人餐，可以選三個小菜，加一個細飯或細麵，仲有野飲，甜品，都係$178。小菜︰醉雞，腐皮蚵卷，涼伴茄子，然後要一個擔擔麵，魯肉飯，飲朱古力奶茶同藍莓綠茶。醉雞一到，成張枱都有香噴噴的酒味，整碟是凍的，而且肉質好硬，明顯係冰鮮雞，味道幾好。腐皮蚵卷，好脆，食落好又熱好多冬菇味，正。涼伴茄子，個汁酸酸甜甜，食落去好開胃，茄子吸收哂d汁，正。之後到擔擔麵，好濃的花生醬味，因為我對花生醬敏感，我無食，但我男朋友話好好食，少少辣。咁我就食魯肉飯，肉臊都好入味，一口飯一口肉臊，正，而且細細碗，份量剛剛好。朱古力奶荼有濃濃的朱古力味，加埋奶茶好夾。藍莓綠茶的藍莓味好重，味道都好清新。甜品，黑芝麻糯米磁，上面加左少少黑芝麻，食落去黑芝麻係口入面漏出泥，正。整體上，菜式好精美，味道好正，期待下一次再試其他菜式。