西貢越南真味

營業中

休息中

東南亞嘅野食基本上係食極唔厭，而且好岩夏天食，話晒香港都係咁熱辣辣🌞🌞🌞尼幾日就拉左同事去食越南野做晏就，酸酸辣辣可以開胃啲，同番工無咁易飯氣攻心嘛木瓜絲沙律🥗尼個係我地兩個人share 食，亦係我每次都會必點嘅前菜，少許酸辣好醒胃，木瓜絲好爽碎，加埋花生碎就有埋香口嘅感覺啦 除左檸檬草之外，亦有少許芫茜味🌿，我自己就唔多介意，而且入口會清新啲，但唔鐘意芫茜味嘅就記住叫走青呀！豬頸肉撈檬🐖豬頸肉嘅邊邊位燒到有少少焦，咁香口就絕對岩我口果，而且份量都幾大碗，我都要分啲俾個同事先食得晒。至於檬粉嘅汁唔係太辣，酸味較重，所以我就落埋少少辣椒片🌶️越式咖哩雞飯🐥🍚男士們始終都係有飯落肚好啲嘅，佢就俾我試左啲咖哩雞同薯仔咖哩味食得岀有少許胡椒味，同有洋蔥絲嘅甜味，屬於小辣，薯仔煮得夠晒惗又入味，雞肉有輕輕炸過先，而份量又係好多，所有連埋白飯食真係攬住個肚番去開工🐖

剛去完峴港旅行不久, 就已經好想念越南河粉了。於是今晚一放工, 就搵左一間九龍城的越南菜餐廳。食越南菜當然不少得要叫碗火車頭牛肉鍋粉, 這碗火車頭份量多得不得了, 而且內容更是”全牛宴’: 生牛肉、牛腩、牛雜、牛丸、牛柏葉及牛筋牛丸、生熟牛肉、牛展、牛根和牛柏葉, 非常豐富, 當然少不了白蘿蔔的份兒。 鮮牛骨熬製湯底，濃郁鮮甜又不油膩，牛肉選用的美國肥瘦適中的牛肉，配上少許九層塔、青檸和紅辣椒伴吃，簡直是超級大滿足！朋友就點了海南雞飯，也很不錯啊！ 皮爽肉滑的海南雞，配上鮮香油飯，正呀！椰汁涼粉冰青檸梳打

九龍城區，除了出名既泰國菜色外，其他東南亞菜式如越南菜都非常有特色及滋味。 😍😍是日晚上再次來到九龍城區，不過試的並不是泰國菜，而是在區內一間出名既越式餐廳「西貢越南真味☺️」首選餐廳主打「鮮蝦蟹膏扎肉湯檬🦐🦐」，分店主打推介產品。上枱前已聞到超濃郁蟹膏蕃茄湯味道，而且湯檬中既配料亦相當多，包括豬肉丸🍢、海蝦🍤🍤、扎肉、蕃茄、小魚干等等。湯底入口微酸，吃得到大廚於熬製湯底既材料及心機，湯面更灑上香葉及八里香，洋蔥絲，混合湯底更帶出一陣香味。🥰🥰😅友人則點了越式牛腩🐂，聞上去感覺很想港式牛腩，但入口味道則是帶點越式香草味，牛腩非常軟腍，吃得出用了洋蔥、八角等材料😎😎最後再點了越式咖啡☕️☕️，越式滴漏咖啡，帶點焦香味，入口微甘，而且加了越式楓糖漿，甜味中和甘味，非常出色👍👍

放假去遠啲食，今次去九龍城食越南嘢😋越式牛坑腩飯比起港式，多一份越式料味料既清香，令到品嚐後不會有平時食牛的濟或膩既感覺。而且肉質亦鬆軟、肉汁鮮味豐富，個汁撈飯好正👍🏻最欣賞佢呢個：鮮蝦蟹膏札肉湯檬可以話蟹膏配搭越式湯檬是巧妙融合，薄荷、羅勒、青檸等料味料不但解開蟹膏的肥膩，更能為海鮮吊味。湯有好香嘅蝦味同蕃茄味，令人開胃之餘會忍唔住係咁飲😂而且碗麵入面好多餸( ´▽` )ﾉ飲品叫三色冰同紅豆冰，唔甜豆唔硬，飲得開胃！

一講起九龍城，當然是食泰國菜，但今天和朋友來到九龍城卻不是食泰國菜，而是食碗越南粉和咖哩飯。位於獅子石道的「西貢越南真味」，看名字就知道老板應該在西貢起家。《 半生熟牛肉湯粉》$48上枱時，牛肉還是紅紅的，浸入湯裡一陣就變色了，牛肉薄薄的，軟腍好味，河粉幼身爽滑。《 咖哩牛腩飯》$58牛腩炆得很淋很入味，咖哩不辣，有很香的椰子味。《椰汁紅豆冰》椰汁和紅豆的比例合適，紅豆煮得很軟腍，椰汁味香濃，值得一讚是不太甜。

岩岩係九龍城個頭做完野，同老公係附近食晚餐。近期天氣好熱，自己胃口麻麻地，想食啲粉面濕濕地。見到呢間越南菜餐牌都唔錯呀，”嚟自加拿大嘅越南真味”，價錢亦唔貴，就入左去試下。餐廳內裝修簡潔乾淨。餐牌粉面，飯類同小食選擇好多呀！我最後叫左"火車頭牛肉鍋粉"，老公就叫左"越式咖哩豬扒飯"，野飲就叫左"椰汁涼粉冰"同埋"龍眼冰"。火車頭牛肉鍋粉 ($88) - 呢個火車頭一嚟到時就覺得算係好足料呀，非常大碗！材料有：安格斯牛肉、牛腩、牛丸、牛筋同牛柏葉。食越南湯粉當然係要先試下個湯底，呢個湯底做得唔錯，清甜而唔油膩。而D料亦都幾高質，特別係牛丸，十分彈牙而重牛味！老公就話最鍾意牛筋好稔好入味。越式咖哩豬扒飯($58) - 寫到明咖哩特別推介當然要一試。豬扒份量唔少，有四大塊，而且炸得鬆化。咖哩味道亦唔錯，惹味得嚟唔會太辣，我特別喜歡食吸曬味嘅薯仔。好耐都無飲過涼粉冰同龍眼冰，天氣甘熱，飲番杯凍飲，透心涼呀！

媽媽碰巧在九龍城番兼職，決定邀約她一起在附近吃晚飯。實在在九龍城吃過多次泰國菜，今次決定試試越南菜，發覺大有驚喜！餐廳位置餐廳位於九龍城這個泰國小社區，能夠在這兒擴展生意版圖，實在要很大勇氣！餐牌設計有驚喜，中英文並重！而且有二人套餐、四人套餐，頗適合有選擇困難症的小編。食物方面點了1）越式扎肉飯；2）真味特別牛肉湯粉；3）凍檸蜜；4）凍柚子蜜。先來了越式扎肉飯。天呀，白飯很香，配合特別魚露，十分好吃！另一方面，主菜是帶有新鮮豬肉的鮮肉味及傳統越南魚露的正宗越南扎肉，十分好吃及過引。其後來了真味特別牛肉湯粉，材料有牛展、牛丸、肥牛等。湯底清甜，要給十個讚。而且從圖片看出，河粉白而且滑，很像我女朋友的臉！肥牛沒有雪味、牛丸爆醬個下十分驚喜，果真十分特別！人家說萬綠叢中一點紅，我就說泰國叢中一點越南！下次一定會再來吃的！

假期同屋企人嚟食dinner，今次揀咗呢間越南店～睇完餐牌決定叫咖哩豬排飯、火車頭河粉，加埋柚子蜜同咸檸七。咖哩豬排飯，一客大概有4塊豬排，咖哩有辣勁，亦有啲薯仔，幾入味！火車頭，份量唔細，有齊牛肉片、牛丸、牛筋，2個人一齊食都仲得，味道唔錯，食得出湯底熬咗好耐凍柚子蜜，味道較甜～整體黎講，建議早小小嚟，因為店面唔大，遲啲就要等位～另外食物方面，雖然同類店舖係九龍城唔少，但以有分店來講，呢間知名度絕對有，都可以吸引一批食客～

✨#中女獨食難肥日誌 ✨#西貢越南真味 #九龍城 #中女食九龍城近日天氣熱得很，沒什麼胃口午餐總想吃個湯河，喝個凍咖啡😌 因此決定再訪西貢越南真味💕..#火車頭牛肉鍋粉 $88掙扎了一番，貪心點來個火車頭，可以多點送樣樣吃一點😋來到好大的一碗絕不欺場！有牛丸、牛柏葉、生牛肉熟牛肉、牛筋，樣樣份量十足😆牛丸不是爽口彈牙那種卻很重牛味，牛筋很腍，很怕牛肉太肥但這裡的生熟牛肉都不肥值得一讚👍🏼配上洋蔥香葉及椒絲開胃好吃！..#越南滴漏咖啡 隨湯粉半價滴漏咖啡是我的最愛，天氣熱簡直更要喝上一杯凍的提提神！

以前成日覺得飲茶呢一定會係一啲好老土好嘈雜嘅環境，但原來都唔一定。飲茶一樣可以坐得舒服靚人靚景靚嘢食😊👍基本上態度好就唔需要特別多提，呢一度點都係一間酒店，但係入到去入面嘅設計同埋裝潢設計 都畀到人一種優雅寧靜的感覺。 我最鍾意就係食腸粉同埋小籠包， 我會以為小籠包咬落口一定會係油淋淋，但係原來都唔一定當然冇油就唔叫小籠包，但係油得來點樣恰到好處就好講師父的技巧。 另外其他點心都相當唔錯，但係佢嘅翡翠鮮蝦餃綠得來奶晶瑩通透😂加埋牛肉腸，食雞煲時食安格斯牛肉我就聽得多牛肉腸都要安格斯我真係第一次聽！ 於是即刻去試下！食完之後你就會發現果然唔係淨係得個名，真係有名亦有實。最最最後最值得一讚的就是呢度嘅xo醬蘿蔔糕👍， 咬落口唔會淋病而且入面真係有好濃厚嘅蘿蔔味👍👍👍👍👍👍如果想搵一個地方飲茶得嚟又靜又好食又優雅，呢一度的而且確係不二之選。

要搵好嘢食我諗話係九龍城應該冇乜人會反對，九龍城真係乜嘢國家嘅菜式都有，無論係越南日本泰國一應俱全。今次就想試下越南嘢，因為真係好耐都冇食過。入到呢一間西貢越南真味， 店員態度好好👍，招呼一流！ 環境企理。 於是打開個menu見到有一碗叫火車頭，即刻試下嚟到嘅時候發現而唔氣喎而且我離遠都聞到嗰陣香味。一食落口嘅時候發現有啲牛丸都幾爽口彈牙，啲牛肉都好爽。唔知大家有冇咁樣嘅要求，都係嘢食除咗要有味道之外就係食物要食物之間到底夾唔夾。呢度確實做得到👍整體嚟講食物丶招呼丶裝潢我覺得屬於性價比高嘅餐廳👍

餐廳名字是西貢越南真味，不知道是否起源於西貢但寫著來自加拿大越南真味，應該都有點意思。入到店內位置寛闊，乾淨企理，裝修主要色調用深木色，給人感覺舒服。拿起餐牌看到款式什多，又午餐，學生餐優惠又有晚上兩人餐，不過我地最後點了廚師及店長推介海南雞飯及鮮蝦蟹膏扎肉檬雞飯是用黃薑製 ，味道適中，雞肉鮮嫩再配上特製汁醬，非常惹味。鮮蝦蟹膏扎肉檬，主要係個湯底好入味，始終都是有海鮮嘅湯底又不會過份太濃嘅感覺，看到還有蕃茄在內所以係好鮮甜的值得回味👍🏻

話說呢期想食下越南野 但旺角果d平時中午都食過好多次 所以放工就決定去遠d試下有人話九龍城係食泰國野，其他一般 ，但我見呢間食評不錯，所以都去試下先，8點去到，人不多，2口子揀左坐卡位，叫左一個豬排撈檬，咖哩牛腩飯同2杯椰汁冰系列飲品等左10分鐘就有得食啦 撈檬份量夠 一d都唔少 豬排係新鮮炸 熱辣辣。食得出有南乳醃過，好食！ 咖哩牛腩飯對我來講就太辣了，咖哩有點像葡式咖哩，有椰汁，不過牛腩都炆得夠冧 加分！ 2杯椰汁飲品不錯，好好飲！最值得一讚係有個叔叔服務好，主動問客人要不要碗仔等等，夠細心！值得推薦！

黎九龍城剪髮，剪完都5時許。沒吃飽，真的不要去salon。已餓到不行了，趕緊去附近吃點東西😂想食啲濕濕地既粉麵，一定係心愛既越南粉。行幾步，便見到西貢越南真味🤩🤩二話不說，衝了進餐廳。飽覽餐牌後，點了，推薦的，火車頭牛肉鍋粉。可見，這人是多麼的肚餓。越南湯河盛在精緻的六邊碗內，湯底清澈鮮甜，以牛骨、牛肉熬煮而成，牛味十足，不含味精，也不油膩，喝後沒有半點口渴感。牛料也非常豐富，有生牛肉、牛丸、牛栢葉、牛筋。上桌時，生牛肉還是呈粉紅色，以湯的餘溫把牛肉浸熟。牛肉肥瘦適中，有光澤。牛丸彈牙且牛味濃，牛筋很稔，牛栢葉煮得爽口不縮，火車頭牛肉鍋粉的精妙之處，就是一碗粉能吃出咸酸辣鮮。香草調味得宜，擠上隨麵附的青檸，桌上有辣椒按個人喜好添加，為一碗粉增添多種風味。後記，在網上看到，發哥也愛到這裡吃的，可惜，沒遇上發哥。

九龍城食泰菜多，今次見到間熟口面既越菜就改食越南野。鮮蝦蟹膏扎肉湯檬 $78蕃茄多又正，切哂件一兩口入口。湯底好重蕃茄味，重點唔咸。好鐘意食蟹既食品，今餐都幸福鳥，哈哈唔洗咬蟹殼就有蟹既風味。蝦整得好乾淨，蝦尾都整好！乾乾淨淨爽口，有3隻度。扎肉3塊吸到下湯，鮮！蟹膏肉丸手造咁，黑椒味在！湯檬好掛湯，好細心夾夾夾食哂！安格斯牛肉湯粉 $68湯底係牛肉牛骨比較濃郁。牛肉都嫩，唔會話大就老。依度湯粉快食一餐都唔馬虎，唔會話湯好咸，牛肉份量足。蘿蔔好入味，唔錯既！厚切就多汁，無渣既！青檸梳打 $24記得整好青檸先飲，夠酸夠清新。有d汽味落去好健康汽水那樣子！龍眼冰 $24有半打龍眼，冰甜，一杯飲哂都唔覺好甜。