西貢越南真味

營業中

休息中

話說本來今日的目標係食蝦匠，點知去到先知已結業，落雨濕濕之下唯有隨便揀間，經過呢間見到門面唔錯，價錢又ok, 決定一試！讚吓呢度裝修唔錯，星期六七點去到都冇乜人，兩人可以坐卡位，幾舒服！本來係撈檬粉絲，但由於實在太凍，加上一心諗住食蝦，見到佢有個鮮蝦蟹膏札肉湯檬係廚師推介，一於就試吓！我朋友就叫咗半生熟牛肉湯河。一唻到，發現原來個湯底係番茄湯底，我一直都以為係蝦湯底，料方面札肉，蝦同蟹膏數量都係合理水平。札肉我覺得係最出色既，好彈牙爽口，另外蟹膏我冇諗過係一舊咁上，幾得意，但略嫌冇乜蟹味，至於幾隻蝦都係普普通通咁，冇乜特別。個湯係幾清甜，飲完唔覺口喝，應該冇落味精。我朋友就話佢個牛肉河啲牛肉幾滑，有肉味，不過啲九層塔唔夠香，我飲過佢個湯，味道清甜，唔錯。可能太肚餓既關係，一陣風咁就食完，都唔覺好飽，啱啱好啦，大食啲可能都要加啲小食。今次雨下偶遇，都算係人生插曲，之後會唔會再搵，隨緣啦！

因為差唔多生得，個肚好大 有點行動不便所以第一次食 係先生買外賣俾我包裝得很整齊方便因為太好食約埋同屋企人一齊去食招牌法包個包鬆脆 充滿牛油香味 一點都唔會食到戎到口涵料juicy 新鮮口感同味道都好滿足越式粉包從未食過咁軟淑，帶點煙靭唔易爛，而且入口柔滑既粉皮點解可以咁好食？ 應該係店家自己整，唔係交來的，因為食過咁多間/ 其他區/ 都冇食過呢個口感(除左酒店食府)涵料同樣juicy 新鮮，份量冾到好處口感層次很好香芧牛肉撈檬原來香芧牛肉可以唔乾？！可以咁juicy 嫩滑 又惹味！！所有配菜都好新鮮個檬粉，我未食過可以咁滑，完全唔鞋口，仲好彈牙有咬口! 超鍾意呢個撈檬牛油雞翼牛油超香炸得非常金黃香脆可口同時一點都冇過火/ 咬落juicy 肉嫩味道調教惹味如果收油再收多點就prefect la火車頭湯底 香濃惹味 唔會太味精足料大碗有3-4塊牛栢葉 好難得 出面火車頭得2塊😂😂炸墨魚餅金黃 彈牙 爽口一點都唔過油好味呢晚除左encore 上面既菜式再試埋春卷一樣香脆美味可口 唔過油仲有粉卷嫩滑彈牙既粉皮包住青瓜紅蘿白絲同檬粉Juice beef健康小清新啖啖食得出用心烹調 選料上盛如果

一行四人午餐時段去食，兩大兩小，叫了三碗牛肉湯河，及咖哩豬扒飯，牛油雞翅，及粉包。＿湯夠味夠甜，牛肉不少，$48連普通飲品，就連我個仔都食唔哂，以這個價錢有這麼正宗的牛肉粉，很不錯。另外牛油雞翅亦是新鮮炸起，很重蒜味，若再加多些牛油味更佳。咖哩豬扒，汁夠濃，微微辣，都幾容易入口，不錯。總體食得開心，招呼很友善客氣，會再回來。

又是宵夜的時間九龍城的店總開得比較夜今天就來這邊找食店說起泰菜又有點喉嚨痛還是越南菜感覺比較清淡在永珍與其他越南店間比較選了這家樣子比較乾淨的進去時店員說已是last order其間其他客人陸續離開感覺要快快吃完免得阻人收舖餐牌上寫來自加拿大的越南菜說真的加拿大越南人也真的好多覺得在加拿大的越南菜也變得正宗了很貼心的中英對照餐牌看到這張圖片忍不住點了牛油雞翼另外點了海南雞飯跟安格斯牛肉湯河2杯越南滴漏咖啡咖啡先來味道很淡 打開看到粉也不多期待喝到濃濃的越南咖啡卻有點失望湯底是重點的牛河湯頭很不錯 賣相一般 但牛肉也是可以的海南雞飯 飯是油飯 但吃得出翻熱過雞的部分是可以的 份量也不錯整體一般般吧牛油雞翼很香脆但不算特別出色

4人行去到九龍城～通常都係食泰餐～經過依間越南粉～心思思想試吓鋪仔細細但都算幾舒服香茅豬扒湯粉～有：生洋蔥、炸洋蔥、香葉、蘿蔔、蔥花、芽菜～豬扒香口香茅豬頸肉撈檬配泰式酸甜醬～有：花生碎、蔥花、青瓜絲、胡蘿蔔絲、蘿蔔絲～撈埋一齊食幾嘢味雞中翼湯粉睇見都唔想食～得四隻雞中翼同一舊蘿蔔～賣相十分差50幾蚊好搵笨～可惜朋友仔鍾意食冇計順化湯檬睇落好豐富～有：扎肉、熟牛肉、豬手、香葉、炸洋蔥、生洋蔥、芽菜、蔥花～食落濃濃牛肉湯味再叫咗凍檸水、青檸梳打、熱越南滴漏咖啡

口痕想食下午茶，近日天氣又轉涼，成日都想食碗熱湯麵。食得太多泰國船麵今次不如試下越南生牛肉河，於是入左嚟間裝修似靚靚仔仔嘅Saigon Pho。裝修正常，舒服，起碼唔up dup先。唔洗五十蚊有牛肉河有野飲，都抵嘅! 不過越南生熟牛肉河係沒有生的元素，只有非常熟，湯底唔濃勝在少味精，想飽肚係可以食下醫肚。朋友點嘅蝦蟹湯濛反而個湯底飲落幾舒服，有蝦和豬肉撈埋既肉丸，連埋d扎肉同蝦，全場最欣賞呢樣野。另外叫左嘅香茅豬扒包非常港式，裡面有番茄和青瓜，豬扒係醃得同炸得幾香嘅。下午茶算係幾抵食。

又來到九龍城搵食！竟然偶遇這間位於獅子石道「西貢越南真味」，打開網上飲食全書open rice, 未有人寫食評，就等本小姐來寫第一編啦！同行二人點了 1）生熟牛肉湯粉 & 2）雞絲湯粉 配凍檸茶 & 熱滴漏咖啡（特飲加$）先讚最好的是 滴漏咖啡☕️，夠香濃。而其他的味道一般，真的偏港式。牛河湯底偏咸，但嚐不到牛骨精華，眼見湯底頗清，而牛肉口感可以，厚薄適中。本小姐煮越式牛湯河都有一手😃， 這碗絕對不正宗，不合格，但下午茶$39 一個餐就情有可原，不能要求太高。唯一可讚的是香葉金不換夠多而且是分開葉片，沒有枝，吃起來易入口。雞肉河，雞肉和湯底都偏淡，味道一般。辣椒切粒偏大，切薄一點放進湯中會易出味。 坦白講，下午茶的兩個湯河真的很普通，但$39 就算吧，不竟一分錢一分貨。我會對這個燴牛仔骨有興趣，不過這個菜式不是越南菜，會再回來試試。

這已經是第三次光顧的小店。抵食大件，適合一家大小，在沒有煮飯的時候光顧。簡單乾淨整齊的裝潢，一個二人套餐，2百多元，已經有兩個自選粉麵或飯，加兩個指定小食。味道不過不失，所以客人不絕。