西貢松記車仔麵

營業中

休息中

今天又是”入水”的日子, 仲”入夜水”添, 既然要等開船, 唯有先上岸搵食.成日都會經過呢間舖, 而且又經常好多人排隊, 好似好好味咁, 但自己又一次都無食過喎, 今日神推鬼拱的情況下幫襯了.時間係星期六4:45PM 左右, 4條友各自叫自己的車仔麵我就要咗 #2 招牌四寶麵 $45, 有豬手, 豬大腸, 牛筋腩, 牛肚, 另加 $8 要咗杯豆漿老婆要咗 #3 豬光寶氣麵 $40, 有豬手, 豬大腸, 豬皮, 豬紅, 另加 $7 要咗碗涼粉先排隊, 輪到你就叫餸, 落完 order 有人寫單比你, 然後向後轉去櫃台比錢跟住搵位坐底, 過一陣就有人攞啲食物上枱碗麵上枱啦, 碗就大啦, 但量就唔多, 量唔多包含餸料及麵底, 老實講, 收成四十幾蚊, 份量如此少真係唔夠囉(天使的聲音: 可能好好味呢, 唔好咁表面淨係睇量啦)本人對天使說: 好可惜, 唔係囉.雖不致於好難食, 但絕對係一般過普通, 普通到十分平凡.先講豬手, 得一件, 仲要好細舊, 炆得唔入味, 而且唔淋跟住豬大腸, 成碗”最出色”的, 厚肉多肥膏 (愛好會係好事)然後牛筋腩, 得一條牛筋加兩片(唔係件) 牛腩, 味道一般,

以前聽人講巷仔入面D嘢好抵食, 咁就求其行入一間食, 見佢係車仔麵, 應該唔會好貴掛, 坐低先知自己發緊夢, 但入到嚟又廢事走番出去咁樣衰, 所以都叫咗2個車仔麵+1杯飲品....................通常大舖頭食車仔麵, 都係劃紙仔, 只有細舖頭先會自己行出去點餸, 但呢度係相反, 大舖頭得嚟要自己出去點餸, 我自己覺得會混亂, 都唔知霸位好定叫嘢食好 車仔麵 油麵底幾爽口, 唔會煮到好林+ 牛肚麻麻地, 有陣味、 豬皮都幾彈同爽、 豬紅一般, 有陣水味、 雞翼得果2隻, 炆到爛, 但其實係冇乜味、 炸魚皮好脆又唔腥, 不過淡咗少少, 至於湯底都係差不多, 不過唔重味精~ 珍珠奶茶係用港式奶茶, 所以好好味, 又有茶味又有奶茶, d珍珠又彈牙, 雖然份量唔算多, 但啱啱好, 因為太多你會咬到牙軟..........

晚上出海 chok 墨魚，所以一早來了西貢行下先!tea-time 見到理間大門口放左好多明星相，心想應該食物質素唔錯，就食佢啦!入到去位都未搵，已見到明口排長龍叫野食，醒目既我第一時間叫男朋友出去排隊買野, 我負責搵位。雖然係星期六，但唔難搵位。食店係要自己出去排隊點餐 (叫餸) -->煮好有專人送去你座位--> 開單 --> 食完先拎張單出去櫃台付錢..所以最好一人排隊;一人搵位, 再用電話聯絡落order..嘻 (上圖) 男友叫左：豬腸﹑豬紅﹑ 韮菜麵 $32 -->三樣餸都好味，不過我覺得價錢就唔係好低食，因為原來 ”豬腸” 唔係當一款餸咁買，係要當一碗 “豬腸麵” $23 咁買的。 即叫一碗 “豬腸麵” $23 + 兩款餸豬紅 $5﹑ 韮菜 $4 = total $32…成碗麵只得四舊豬腸..好貴呀! 不過話灑係西貢遊客區，價錢都係咁上下啦!(下圖) 我叫左：豬紅﹑豬皮粗麵 $19 -->豬皮都算入味, 可惜係硬身的, 我鍾此依軟身，所以比灑男朋友食 (其實好多粗麵我都比埋佢食，所以睇相見佢個碗份量好多囉..哈哈~ 錯覺) 。而我覺得

話說同兩位朋友入西貢曬太陽,又見餓餓地; 聽D FD講番西貢巷仔有好多好野食;我屎忽痕見又近小巴站;就攜同兩位朋友一探乾坤。一去到門口,就有一張張明星合照既相不特止,o係西貢D甘既橫街窄巷黎講;呢間野既裝修都算係甘講衛生,地上一塵不染店內裝修色彩亮麗燈火通明;通常見呢種餐廳名氣大 但總係見面不同聞名,言過其實。小弟都常常四圍食野,所謂好食唔好食;其實我都冇乜感覺事緣有太少食物可以令我舌頭有''叮''一聲既感覺好啦,佢出名牛筋豬手,甘我又想食多D餸又唔想俾甘貴;甘就同朋友叫唔同餸黎share啦我叫左豬腩肉豬腸面(下方)另外面位朋友叫左豬手,牛根面廿三個個單餸;加多個餸又唔記得幾多呢個價錢算係甘,經濟實惠都算ok抵食首先我食既係豬腸,其實同出面果D差唔多;不過佢切口位夠整齊,食落去口感都唔差既;但最主要係個湯底。個湯底係好入味,湯底唔咸小小清甜;但係佢既牛肉汁呢係十份濃郁,先由舌尖感受到湯既清甜 湯汁再滲入舌面直入味蕾深處果種感覺係好似平時經過牛雜面店既時候聞到個陣濃郁香氣既感覺甘;味道係十分出眾同深刻我再試個豬腩肉, 我豬腩肉係好Q肥;一啖咬落去,係有一陣陣好濃烈係脂肪肥油衝動舌頭陣味好

松記車仔麵久享盛名，我亦曾在數年前光顧過，所得到的答案是“不外如是” 這次重臨卻有了不同的感受......這次我們要了招牌雙寶：蘿蔔牛腩($50)和豬手($45)，珍珠奶茶(特價$9)和涼粉(特價$6)。 牛腩充滿着香料的美味，當中包括有不同的部位，令你不會有單調的感覺；豬手亦不錯，膠質豐富又不太膩；珍珠奶茶和涼粉不太特别......但我最想與大家分享的是松記的衞生環境，無論是桌椅、碗牒或洗手間均又乾又淨，難怪連續十年奪得衞生大獎。 員工回答我的讚賞時表示 "不衞生顧客便不會來了！"，確深明生意之道

自己一個人到西貢行街,見松記門口好多人排隊又未食午餐,又未試過松記車仔麵,咁就跟注人排隊,不過好有秩序,而且重有個姐姐安排坐位,唔須要自己揾位真是幾方便,同普通車仔麵一樣排隊自己叫,但有好多種選擇,我選了豬手牛根腩河$29元,加多個咖喱魷魚小食$20元,要多枝無糖可樂$8元. 先講碗豬手牛根腩河,豬手得一件,牛根兩舊,牛腩兩舊咁就收$29元,而且份量真係好少,食落真係好普通,沒什麼特別驚喜,而咖喱魷魚只係將魷魚加點咖喱汁, 跟本魷魚就無味重要二十元,如果本人覺得比較好味是牛根,夠淋夠入味,牛腩比較瘦但唔痴牙,豬手未夠淋但味道可以.總括來講五十幾元食車麵真是有點貴..................

一行八人行完山, 極度肚餓, 聽講松記好出名, 就一於試下 採取自助形式先選擇食物和付錢之後店員將食物送上本人叫了魚皮餃魚蛋蘿蔔粗麵 粗麵好一般, 而且有梘水味 湯底淡而無味, 比得上滾水 !!魚皮餃剩係食到d皮, 四海既好食好多 魚蛋蘿蔔都係無mud 味各朋友叫了各式各樣 : 八寶麵, 4/ 5 / 6餸拼幼麵/油麵/米線… 結果大家評語非常一致 : 唔好食 有人加了腩汁, 都一樣話無味最ok 既就係汽水lar ~真係大失所望 ! P.S. 而家睇番食評先知好多人有同感 !

每次經過松記門口的小巷，　都見人龍。　今次都唔例外。排左十分鐘左右，終於到我了。係揀食物時，　會見到松記車仔麵Ｄ食物，整得好整齊，好乾淨。之後我講左要咩食物，店員會好快咁將Ｄ食物放上碗，而且仲排得靚靚地。店員會幫我拎碗麵到我個位。我都係食返招牌菜之一的豬手同豬腸。豬腸仍然係咁爽口同入味。　豬手會有兩件，一件係腳指，一件係腳中間的位。　兩件都炆得好軟熟又好入味，正！　食完豬手之後，　咀邊會有Ｄ粘粘地的骨膠原黏住，呢個時候，　就要叫返支汽水。

因為係自己搵位所以不用等位... 但在排隊買麵時，見到待應姐姐不停安排和疏導等位客人，值得一讚 其次係客人點餐後，員工會幫客人將食物送到座位，可以避免倒瀉食物；不過導致門口位擠滿員工和客人正題 - 食物方面，選擇尚算多元化，但可能明星效應及食材價格上升的關係，價格較高。一碗四竇 - 牛筋、牛腩、牛肚及豬手 $42 ； 一碗八竇 - 雞翼、蘿蔔、魚蛋、豬皮、魷魚、紅腸、豬紅加菜 $45豬手、牛肚唔淋、牛肚直到咬唔開.... 可能我地無牙喇 八竇 - 成碗野都係唔啱味... 我地食既係生幼麵...好重梘水味 湯底可能有味精，所以食完好口乾 >"<總括而言，偏貴，唔太好食同埋坐得唔太舒服....

星期日去西貢玩, 見未夠鐘就整碗車仔麵先車仔麵其實都係食D基本野, 只係唔明點解而家周街都係D難食既車仔麵..........今次叫左油麵底, 跟豬腸,雞翼, 蘿蔔. 油麵冇淥到過淋, OK; 豬腸夠乾淨, 不過再諗D更好; 蘿蔔夠淋不過唔甜; 雞翼都夠味, 不過得兩隻. 鬼叫而家百物滕貴咩平心而論. 食物只係一般, 不過已經比好多而家求其到爆既鋪頭好

次次入西貢，都見到成村人排隊，今日趁住下午茶時間，應該無咁多人，即管試吓，結果令人失望。服務：一般啦！D阿姐態度算OK，但係買嘢食嘅程序就奇奇怪怪，要自己排隊買，都唔緊要，但俾錢就要去另一邊，人又多，又要你快，當正每個入去食嘢嘅人都明白買嘢程序咁。其實點解唔用紙點餸呢？我老公話可能佢地想多D人排隊，製造好勁影像咁！味道：都好一般，最奇怪係叫淨餸的話，係唔俾你叫牛腩的，真奇怪！價錢：貴！咁嘅價錢，好多地方都食到！以後都唔會再幫趁！！！

八月上旬‧晴三十七度去練山，用十五分鐘上天梯，大家可以想像有幾甘。當然之後要找點東西吃一吃，路經此地，吃碗湯米也好。要了牛筋腩，不韌，但沒有什麼牛肉味，已經浸到沒味。反而牛筋幾好，腍又軟。服務幾好，而這裡食物選擇也多的。

麵底一般。幼麵（幼麵應該系最具代表性湯底一般。無想飲左佢想法，不夠香濃羅白。味道太簡單，不豐富，只是一般豬紅。不夠質感，只是一般牛腩。食吾到，好過份豬長。吾夠香，而且又是食吾到生菜。正常豆漿。正常價格。非常不合理車仔麵系本人其中一個非常喜好食物，我一直覺得系我幫佢作個名為＂拿揸麵＂，由兩毫子食到而家，不過好奇怪，平民區先食到好的，可能旺區反而因為流量太快，而車仔麵基本運作就系可能攪得夠時間先好食，所以從來沒有人同你講日賣幾多碗，多就一般吾好食

明星車仔麵？﹗不過又真係比一般車仔麵檔寬倘、乾淨、光猛，坐得舒服。而且食材、湯底及醬汁都比一般既要好，選擇算多，而且味道唔算差，滿意 ﹗最差係辣椒油囉，係現成街買既桂林辣椒，唔係自家製。今日遊船河，所以一早入到西貢，想獨自嘆個早餐。原先去左對住小巴總站既茶餐廳，點知佢地話好忙唔得閒，只供應餐肉、火腿、雞蛋既三文治同即食麵，又或煮現成既粥同炒麵。佢地真係擺出唔休做咁既姿態，嬲嬲地即轉場。招牌四寶幼麵，即係牛腩、牛根、牛肚、豬手同生菜，事實係比起坊間一般既車仔麵質數為高。牛腩夠棉夠腍，部份仲係爽腩位，其他都唔錯，生菜爽甜，平均大路。麵烚得剛好，不會過腍，雖然未可以話非常好食，滿意啦。湯底香甜、味精少。售價 HKD42，都物有所值既，份量夠足，早餐黎講就真係太 HEAVY 喇 ﹗

因公事要到西貢一趟, 平時去西貢我就郊遊比較多, 好少在西貢市中心搵食, 跟同事二人四圍行下有什麼好地方先搵食, 行下行下入了條小卷, 見到有間車仔麵比其他的食店人多, 而鋪面面積又比附近的小店大間少少, 同事話這間人咁多, 應該都唔會差得去邊, 而且仲係有冷氣, 唔駛在outdoor area食飯, 咁兩個人如事者就入左去啦. 雖然是午飯時間, 但大部份客都係食完就走, 所以都不用等位.一坐低阿姐就問食飯定食麵, 食飯就落order, 食麵就自己去車仔檔到叫, 咁我唸這間店主力是食車仔麵, 咁就食車仔麵啦, 咁我就出去叫了一碗米粉底, 加了雞奕, 魚蛋同冬菇, 這三樣野咁就食左二十六大元了. 而同事就叫了油麵底, 有蘿白, 牛腩, 豬紅. 好, 開動!!!! 我覺得唔知何解個湯底會咁油, 我都無邊樣餸特別油呀, 奇怪, 先飲啖湯, 得一個字, 怪... 唔係好鹹, 但好似淥麵水的感覺, 不是好的湯底, 雞奕是很正常的卥水雞奕, 都幾入味, 不過得兩隻仔, 唔多夠, 冬菇原隻就幾大隻, 不過這個是切開的, 唔止一開二, 一開四都有啊, 菇味就無咩, 不過蠔油味都OK既, 只係油