西貢松記車仔麵

營業中

休息中

今天和朋友的女女學校活動，午飯自己安排之下去了食車仔麵。松記從來都是味道不好又貴的車仔麵，只是其他人沒食過，才帶他們前來。******************************今次要了牛腩牛筋粗麵。好食的牛腩一定要燜得入味之外，還要夠腍，沒想到這裏的牛腩味道不般之外，還不腍身，配上腩汁都不香，唯一較入味的只有牛筋，但牛筋又不會太多，真的有點失望。來了一碟油菜和朋友一起分享，以腩汁為調味，菜也新鮮，只是價錢有點不值這麼貴。最後再來一碟魚皮。入口非常之硬口，就算放入湯水之中，都是硬口不脆，也是不值這麼貴的價錢。

之前黎食過，都覺得幾好味架，今次再去到，真係差左好多。晏就去果陣見到好多人排隊，夜少少真係無咩人。是日我點左個粗麵底，雞腳，豬紅，油菜同埋魚皮。($37)先講左d餸先啦，雞腳，唔入味，麻麻。豬紅都還可以。炸魚皮都不過不失。而最失望係個麵，無彈性，好冧，無麵味，得個粉味。劣呀!真係唔值得入去排隊囉!!不過勝在真係好大碗…

每一次經過，都見到好多人排隊！自己本身亦愛食車仔麵，所以一試！價錢真係唔平！叫咗一份冬菇，要$9，得一隻咋！豬腸竟然唔當係一個“送“，如果想食，要另叫一個叫“豬大腸麵“，之後再加其實配料！雞翼好似都要$9，而且極唔入味，我最後叫咗幾樣平價配料，都要$39 味道… 唉…… 失望，唔明白點解咁多人排，乜真係好食咩，山長水遠入到嚟，竟然食咗個咁嘅麵，真係唔開心！仲要個粗麵係未煮好架，仲係一大舊硬嘅 兩個人最後食咗$102………

其實女人仔真係好少入西貢, 入親西貢都硬係好似一定要食D貴野咁, 所以今次就諗住同男朋友食平少少, 我有時都真係幾好哇卡卡。一上開飯SEARCH附近既餐廳就見到車仔麵, 心諗車仔麵一定唔會貴得去邊。一去到, 就發現要排隊, 睇真D其實唔係無位, 原來只係排隊嗌野食。店入面既衛生真係幾好, 因為上網睇話佢地攞左十年咩清潔獎, 但其實我真係未聽過有個咁既獎。講下服務, 服務真係唔錯, D店員都幾NICE, 一直都有跟進我地。重點, 食。我選擇既餸係潮州老肉, 煎釀三寶既豆腐, 魷魚, 冬姑, 香腸。其實得冬姑我係特別會想提, 因為真係好入味, 可以一戰。男朋友仔所有餸都係牛內臟, 唔識食既佢只答我牛有牛味, 而我係唔食牛的, 所以都無試。整體黎講服務好好, 環境好好, 食味不過不失, 可以一戰。

位於西貢的「松仔車仔麵」，久聞大名多年，在傅媒報導也甚多，終有機會一試！ 「蘿蔔牛筋腩」 我很喜歡吃蘿蔔，發覺這裏的蘿蔔炆得清甜無渣，值得一讚。長長的牛筋亦炆得腍滑入味，入口滑嘟嘟，牛腩味道亦濃。 「盆滿砵滿」 此乃這裏的招牌車仔麵，一碗包攬了魚蛋、魷魚、紅腸、蘿白、生菜、豬紅及雞翼等，大胃王必定夠飽。我最愛它的湯底加上咖喱汁，令整碗麵的味道更惹味。 「招牌豬手」 炆豬手最重點是炆得入味，豬皮有彈性，這兩點它都有做到。南乳味夠香，吃豬手時令人感覺到有「動L動L」的彈性口感，也沒有肥膩感，愛豬一族必試。 「煎釀四寶」 將這街頭小食搬入屋，令人吃得更容易及方便。我同樣最喜歡吃紅腸，紅腸屬厚切，釀上鮮味的魚肉，點甜醬就是我最喜愛的吃法！

想起吃車仔麵，就想起西頁松記。星期日一行6人特意駕車去西貢，上一次吃已經是數月前了，上次到訪也覺得味道不及以前。這次再去希望引證那只是偶然。時間已經下午2點半，雖然店內仍然多人，但不用等位已有位了。排隊15分鐘，點好了6碗麵，粉麵的份量比起市區的車仔店已經算好多了，男士也不用叫加底。但餸的份量真的很少，例如我點了魚皮餃，只得2隻，而油菜也很少！丸類也只有2至3粒！份量也不是重點，就是湯底也較淡，沒有以前般惹味。雖然對食物有點點失望，但她們的服務很好。因為排隊點食物時，職員見排隊中的婆婆行動不便，立即叫她進內坐，特別為她落單。

今日實左太炎熱了，去了西貢走一走，熱到無咩胃口食飯，咁就簡單d，去食個車仔麵啦 我由細細個開始就很喜歡吃車仔麵的，因為覺得有很多不多款式可以選擇 ，今日見到松記咁多人，轉軑買外賣食啦  店舖內都有很多小食選擇，比較出名的是豬手同牛腩，因為上次兩樣我都試過了，所以今次沒有食。還記得上次食豬手時也頗麻煩，食到對手太污穢了，食完之後，試一次就足夠!今次，我最後選了豬紅、豬皮加牛肚......不知是否太熱了，我覺得三樣食物無咩突別!首先，牛肚炆得太淋，沒有口感 至於豬皮，略為普通，不是太入味 豬紅有點潺潺的，加了腩汁都感到有點澀味而且d呀姐好惡呀，呼呼喝喝，無咩禮貌呢  唔通出左名唔憂做？

(787)這天前往西貢行山，首先提早入西貢，搵地方早餐，走入高勝樓內巷食肆區搵食，看見名店松記車仔麵，已經開始營業，人又不多，於是便選擇了這裡。揀了豬手、牛腩米粉及熱奶茶。豬手、牛腩米粉，點解揀豬手及牛腩，其實Open Rice內的朋友，多數推介這兩樣，豬手感覺未夠腍及入味，牛腩味道都幾好，略嫌有些牛腩位置欠佳，喜歡米粉嗦入腩汁的味道。熱奶茶，沒有特別，只是一般的。這是不少名人曾經推介過之車仔麵 ，今餐感覺...不是特別好味，但價錢就不便宜了。

我們2人釣墨魚前黎試下呢間出名車仔麵店，第一次黎的， 坐低睇完餐牌叫人落order,比個女店員話叫我地出去點，他叫完就回來, 到我出去點，又比個女店員教我點排隊(已經興興地)亞姐大大聲問我食咩麵,我話要米粉，前面有一個男人叫左2碗好多餸，每碗差不多都要$40以上我不是太肚餓所以只點墨魚太一款，亞姐即刻大大聲問我，只叫一款呀?(我已符合最低消費$15，有什麼問題呀?)然後回座位，有女服務員拿麵給我，我見到碗麵即刻嚇了一跳，墨魚丸只有2粒？$6 / 2粒，那個米粉就要$9一個，一麵一餸$15那麼貴呀? 都算....我食一啖，碗墨魚米咩味也沒有，落了辣椒醬都提不起麵的味道，四周欲找豉油都冇(超差)一邊食一邊比隻蚊蠅滋擾，抬高頭見到多個獎項話拿什麼衛生清潔獎，我一D都唔覺有幾衛生囉....他點了粗麵、蘿蔔、豬腸、牛肚一麵三餸合共$35蘿蔔、牛肚咩味都冇.....差只有豬腸有味.......差湯底又咩味都冇..........超差馮什麼賣得咁貴呀?????食完即刻埋單走人，$35+$15=$50平時好食都會影相上來評論一下，但呢間差到我唔想影相，但一定要上黎寫食評，因為我個貴字，又唔好食，又有蚊

陳金:經常去西貢, 覺得WEEKENDS揸車去食下嘢係幾開心.松記都食到冇人唔識了…我中意呢度嘅車仔麵好「企理」!配料一樣一樣排得靚靚仔仔,好骨子.同ADAM來吃,點左兩碗:湯底:好多人覺得淡,我就幾欣賞佢「清」,其實要整到好濃有幾難?加多少少味精要幾濃有幾濃,不過順便要ORDER兩籬可樂,何必? 湯底好嘅唔洗濃,要味道加少少豉油辣油已經好味.瀨粉:我幾中意食呢度嘅瀨粉,爽,最怕瀨粉粉過粉筆,不過一般都好怏賣晒…香港人其實又識食又手快,HAHA!魚旦/冬菇/墨丸/尤魚/雞翼尖:經典車仔麵配料,各項都做得唔錯,冬菇,雞翼尖好入味,推介!!順便讚下所有服務員,HELPFUL,有禮貌,工作亦好有效率,講真食盡都係幾十蚊幫襯都會同你講多謝同唔該,淨係呢樣嘢已經令人想再幫襯, 有幾位好細個唔知係咪落去幫家人手?雖然落錯我幾次飲品ORDER不過一樣好好禮貌,好家教

24-2-2013(日）是日，和爸媽拜完西貢車公後，坐車來到市中心。來到時間約 10 點多，之前只吃了少許麵包，已很肚餓，所以是時候要吃些東西了! 本想帶爸媽去米芝蓮推介食肆「旺泰特食」用餐，可惜去到門口才知它在中午 12 時才開門，最終我們返回「食街」，吃松記車仔麵。 「松仔車仔麵」，報導傅媒看得多，久聞大名多年了，但是次是我首次光顧，入去前帶有少許期望。坐下來後，我不想麻煩看餐牌，所以隨意點了已預設的「盆滿砵滿」車仔麵，售 48 元。內有魚蛋、魷魚、紅腸、蘿白、生菜、豬紅再加一款自選麵，我選了油麵，湯底是咖喱汁。 整碗麵的份量不多，因各款食物也只有一、兩件，這樣計算起來，價錢絕對不便宜。味道完全不是傳說中那麼神級，反之比一般的水準還要低。先說湯底，不濃烈，喝下一口，淡得近如開水般；魚蛋煮得過腍，沒有彈口；魷魚、紅腸則相反，煮得過硬，我要花點力氣才能把它咬開；生菜則沒有特別，應購入一般街市的平價貨，應清洗得不完善，有一片還有沙呢；豬紅不知怎的，有一股腥味，可能在處理過程中，不知和甚麼食物混了一起，定還是清洗得不潔淨，真的不知曉。油麵未煮得熟透，很硬身，像吃干燒伊麵般。 唉!我問

這間車仔麵每次見到都好多人排隊所以今次決定試一試.原來排隊的人是等選擇車仔餸. 不是等位. 選擇完車仔餸後才搵位. 服務方面都很好. d 樓面姐姐見你搵唔到都會幫你手.品質方面都唔錯. 食完沒有口渴. 我就最喜愛杯珍珠奶茶. 茶味好濃好香.不過價錢方面就偏貴咗少少. 我兩人食咗2碗車仔麵2杯珍珠奶茶都要過一百. (嘩!如一家大細四五個都幾勁)專程入去食就覺得不需要. 順道入開西貢就 OK. 不防一試.

行完山係西貢轉車,見難得入黎就決定重遊舊地---入松記!!之前有係度食過野,覺得冬菇好入味,豬手完全冇毛同入味又有嚼口,所以念念不忘.今次食哩個係豬手牛腩幼麵,本來唸住食河粉,但由於售罄,所以就轉左幼麵.本身有d唔開心,因為之前係其他地方食過d麵又油又唔入味.點知哩度ge麵冇哩d缺點又幾入味wor...講返d配料...豬手可以keep得返水準,但係d牛腩就麻麻,部位唔太靚&有渣

*久未到來,一心想食番碗車仔麵+凍豆漿*車仔麵,心水選擇為大腸油麵($23單碗計),價格加了不少 略貴再加豬紅,豬皮($10兩款餸),跟豆漿($8)油麵 一般粗條,有彈性,份量少 不合理大腸有5粒,腸帶有少許肥膏 算可口豬紅,豬皮各4粒仔,味道可以 無什特別凍豆漿 凍但不是冰凍,味道偏淡,尚好還順喉 可以

終於人齊啦..我地就去左西貢松記食車仔麵, 不過此店都相當多人,我地分批一D就出去排隊點菜,一D就負責搵位.我怕食得太飽游水唔舒服,所以我只係叫左淨餱食..今次叫左冬姑, 豬紅, 生菜, 同煎釀3寶...我印象中對上一次來食都係2-3年前既事, 不過上次就覺得味道好一般唔算特別.反而今次再食就覺得佢地既用料又真係相比一般既車仔麵更為有誠意.特別係個冬姑炆得入味, 豬紅同樣出色美味, 最重要食車仔麵必定要飲汽水解味精, 但今次我食完成碗都唔覺得口渴, 唔怪之得咁多人幫襯.