西塔老太太烤肉

營業中

休息中

六點前週年慶優惠二人餐先288。套餐入面包左好多野食，仲有其他前菜，生菜，薯蓉，泡菜同呢到出名既麻醬，醬汁有濃濃麻醬香。環境都幾舒服，我地一行2人可以座4人桌外店員都主動幫我地加水。而且慢慢食都無叫我地走。肉類方面包左特色肥牛同瘦牛，入面本身有醬料醃製過，所以燒過後好多肉汁外仲好入味。入口其實都唔會太肥，，火喉剛剛好，外層燒到金黃色。雪花肋條，本身油花較多，所以食落較軟林入味。我自己就比較鍾意食呢種。覺得軟點同香口一點。香翁鳳梨牛排，貌相已經好吸精，係用一個新鮮鳳梨切片，燒過後勁甜仲有好香鳳梨香氣。牛排方面好厚，但燒過後肉質牛味較濃，同生菜一齊夾黎食可以減少油膩感。雞腿肉好滑好入味。白蘑菇，燒到好出軟好淋就食得，出晒蘑菇精華好好食外仲好解喝。最後黎飲番個牛肉海帶湯，入面海帶都幾多同爽口，又可以解解膩。

今日早左放工同朋友想係尖沙咀食燒肉見到呢間燒肉店做緊超抵優惠!!四人燒肉套餐只需要八百幾蚊如果七點前離坐只係需要$488 見到價錢已經覺得超級抵！！本身諗緊會唔會冇咩嘢食點知一落單就嚇親 超豐富😍😍😍😍😍有多達六款肉類 有齊牛、豬、雞😝而且每一碟嘅份量都唔少！！個人超推薦雪花牛大力🤓 肉質鮮嫩肥瘦分布平均！！😎 配埋生菜食超級夾仲有可以免費任加佢嘅特製辣椒粉呢個粉加落任何肉都超配 完全係美味升級😝除此之外仲有鰻魚同埋超大粒元貝!!海鮮都算好新鮮 鰻魚仲有提供紫菜一齊食😍 超正元貝係放落錫紙兜一齊煮 滾起身食啱啱好 肉質鮮嫩 😝除咗海鮮同埋肉類另外仲會有兩款熟食🤩豬午花泡菜湯簡直係必食之選😍酸酸甜甜好開胃 而且份量都唔少四個人分啱啱🤪仲有個辣炒年糕 年糕夠煙靭好味😋最後埋單千五百零蚊每人$200都唔使可以食到咁高質嘅燒肉 如果大家可以食到呢個早鳥優惠超級推薦!!! 超級抵食

一直都想試下呢間餐廳以傳統朝鮮族式出名嘅「東北泥爐烤肉」，於是趁weekend嚟滿足下個胃餐廳嘅裝潢都令人覺得舒服，座位嘅安排足夠寬敞，而且每個座位周圍似乎都保持了一定的私人空間👍🏻仲有卡位揀，啱晒同朋友邊燒肉邊暢談。Menu嘅選擇都好多，可以嗌套餐，都可以散嗌我哋嗌左個極上牛肉2人餐，個份量係十分之足！最驚喜係附送左好多配菜同前菜，當中嘅仲包埋一碗大大碗嘅冷麵同熱辣辣嘅海帶湯，兩樣嘅味道都好清新好啱作為前菜醒醒胃👍🏻套餐嘅肉包括：-老太太特色肥牛-老太太特色瘦牛-雪花肋條-香翁鳳梨牛排每一款嘅肉質都，老太太特色肥牛與瘦牛醃製得好惹味，但肥瘦比例各有特色，而且口感一不同。雪花肋條的脂肪分布均勻，入口即化。香翁鳳梨牛排更是獨具風味，帶來清新果香，而且刨出嚟嘅菠蘿仲可以用嚟燒😋解一解膩~不過不能不提嘅係佢嘅醬汁種類真係好多，為每款牛肉帶嚟唔同嘅風味。無論係肥牛定係雪花肋條，都可以搵到你喜歡嘅搭配😎圖下係西塔獨有的秘製醬料除咗嘢食好食，服務員仲好親切，會親自講解唔同肉嘅部位同埋唔同醬料嘅使用，令整個用餐體驗更好🌟

行開尖沙咀經過呢間舖聞到香味，突然好想食燒肉，見到呢間西塔老太太烤肉嘅極尚牛肉二人餐七點前離座可以有半價優惠，咁就同朋友入咗去食個dinner。呢個極上牛肉二人餐只係$298，裏面包括: 老太太特色肥牛、老太太特色瘦牛、雪花肋條、香翁鳳梨牛排、澆汁橫隔膜、蘑菇拼盤、牛肉海帶湯、冷麵同埋小菜。老太太特色肥牛、老太太特色瘦牛、雪花肋條呢三款牛肉都幾新鮮，用佢哋嘅炭爐燒一燒，香氣十足，食落都好Juicy，配合埋特製嘅醬汁同埋生菜食，風味十足！香翁鳳梨牛排、澆汁橫隔膜呢個鳳梨牛排賣相幾特別，鳳梨仲可以燒一燒再食，香口解膩。兩款肉質都幾軟嫩，食落都Juicy！蘑菇拼盤、牛肉海帶湯、冷麵職員都好好幫我哋燒埋蘑菇，輕輕燒一陣就已經可以食，味道新鮮！另外呢個牛肉海帶湯入邊好多海帶，飲落都唔會好咸；而冷麵酸酸甜甜，口感彈牙，真係好適合夏天食！

Lunch Time 同事經過西塔老太太，看到有set lunch/一人/二人或四人燒肉套餐。 呢間嘢喺內地好出名， 難得佢喺香港開業，一於試吓佢。服務嘅模式同內地嘅店差唔多，某啲店員唔係好識講廣東話。 大部份都係自己燒嘅模式。 食物質素對得起佢個價錢，一人燒肉個午餐好大份肉，加$8有嘢飲！ 侍應生都好Nice，午市人流不算太多人，即使尖東附近有好多大陸客，好彩佢地都未必會一團人衝入黎食。 多數都係做附近寫字樓嘅客生意 。

餐廳隔離就係尖東海旁，環境都幾適合朋友聚會或一家人黎食餐廳而家做緊套餐優惠，有二人同四人套餐，七點前埋單仲有優惠，性價比相當高💯套餐中包左唔同部位肌肉、菇以及海帶湯。同其他韓式餐廳一樣，燒烤之前已經有好多款小菜食，大推薯蓉沙律，就算知陣間要燒肉都忍唔住refill左幾次！！😍招牌菜老太太特色肥牛同瘦牛，有肥有瘦啱晒食肉獸！調味料有好多種，有辣有甜，仲有特製麻醬同干料，都能滿足不同口味的食客。個人覺得干料最推薦！有少少似孜然雞翼嘅調味料，香噴噴嘅烤肉點完好似食緊燒烤咁！最打卡able就一定係香翁鳳梨牛排🥩🍍，菠蘿鮮甜唔係罐頭嗰種，無論就咁燒嚟食或者同牛扒一齊食都好夾！如果嚟食嘅話一定要試試👍🏽👍🏽套餐入邊有海帶湯都好貼心，可以解膩同埋冇咁熱氣如果黎開尖東不妨試試西塔老太太，感覺附近都冇乜韓燒舖頭😋

見到個門口寫咗大大隻字話7:00前離座有折扣，於是就入咗去食啦 鰻魚一上枱就吸睛得來又新鮮，一個個將佢哋排好慢慢燒成金黃色，因為鰻魚肉都比較厚身，所以燒嘅時間都要返少少建議先食少少其他肉墊下底之後先至燒鰻魚燒到啲肉金黃色之後我哋另外仲消除少少佢嘅皮，然後再包住個紫菜食，少少薑絲再點埋個燒汁，真係好正。食嗰陣要注意下佢嘅骨。燒口蘑。上嚟嘅時候職員就幫我哋放咗落去燒，首先要將佢冚轉燒，燒一陣間之後將佢返番轉，蘑菇嘅水就會兜住咗，勁清甜，一定要試。我哋另外叫咗碟年糕嚟食，年糕啲煙煙韌韌，而且裏便仲有唔少嘅鵪鶉蛋，呢個組合幾得意。味道唔會太辣，所以唔需要太擔心。佢嘅烤雞柳都幾好食，雖然有少少辣，但係因為是鮮調好咗味，所以都比較入味。另外燒肉嗰陣建議大家可以再夾埋佢啲小菜食，咁樣嘅口感層次會更加豐富

西塔老太太烤肉位於尖沙咀，我食過之後的確令人回味無窮。呢度唔單止有平時大家食過嘅燒烤，仲有獨特嘅服務！每位客人坐低，就會有熱情嘅店員幫手推介，之後還會幫忙燒熟肉，服務周到又親切，增添咗用餐樂趣。西塔老太太烤肉嘅特色肥牛同特色瘦牛，絕對係店裡嘅明星！肥牛肉質鮮嫩多汁，經過明火烤烹，入口即化；而瘦牛則帶有淡淡嘅香氣，回味無窮。唔少人都話呢度嘅雪花肋條係一定要試嘅，每一口都係肉汁爆瀉，令人欲罷不能！除咗燒烤，仲有香翁鳯梨牛排，食落又香又嫩，鳯梨嘅清甜同牛排嘅鮮味融合絕妙。燒汁横隔膜肉質爽口，伴隨濃郁醬汁，令人胃口大開。蘑菇拼盤新鮮多汁，清新開胃。若想暖胃，唔少人會揀牛肉海带湯，湯頭濃郁鮮甜，加埋大塊嘅牛肉同海带，仲可以補充能量！最後，不妨試下佢哋嘅冷麵，清涼解膩，麵條爽滑，醬汁清爽開胃。總括而言，西塔老太太烤肉唔單止係一間好食嘅燒烤店，仲有獨特服務同多款美味菜式，絕對係一個值得光顧嘅地方！走過唔好錯過啦！

係度卜咗位，朋友入去先，完全冇問任何野就求其比個位佢坐，到咗坐低之後，個位打風咁大風，叫閂細啲，個肥肥地嘅女員工即黑晒面，再問卜咗位嘅，係咪留呢個位比我哋，佢個面黑到一個點，員工剩係送order 黎，每枱客都有員工幫手燒嘢，我哋完全冇人招呼，更加冇人幫手燒，加茶都要叫一陣先有人應。只係得5枱客！食夜晚貴一倍仲要係咁樣嘅service！2人餐+2碟肉+2甜品，埋單成千2蚊。朋友介紹，佢試過食中午，係完全不一樣體驗。有招呼，有人幫手燒，有介紹，態度不錯，性價比高。2人餐+4碟肉+2菜，埋單先5百令。

見呢間燒肉店做緊早段離座半價優惠，就搵日放早去試下。入到去先知原來佢係內地大型連鎖店，入面連店員都係講普通話，好彩都有啲店員係可以廣東話溝通嘅。坐低枱面前已經放滿前菜，食晒仲可以任添燒汁橫隔膜橫隔膜肉質係相對靭啲，但好有牛香味鳳梨牛排呢碟要讚嘅係用菠蘿汁嘅酸醃肉，令到牛排更加嫩冧，而且欣賞餐廳用新鮮菠蘿，清甜去膩雪花肋條牛肋條嘅油脂真係好似雪花咁均勻地分佈特色肥牛及瘦牛望落肥牛嘅脂肪好多，但燒完其實大部分油脂都溶左，所以食落又唔會太油膩蘑菇拼盤水冷麵食完咁多肉，最正一定係食返個又冰凍、又酸甜嘅水冷麵，完全幫我地嘅口腔急降溫！牛肉海帶湯最後仲有個海帶湯，清熱解渴二人套餐來講份量極多，仲要有半價優惠絕對係性價比高，整體係超值！

西塔老太太，在全國都有好多唔同分店，佢哋擺枱嘅餐紙上面有寫，香港都有一間，在尖東Signature 既噴水池邊上，係地面鋪。可能係咁嘅原因，今日星期日，都好多人排隊，所以吸引左我地行過去睇下食咩，排下排下好快就到了。坐低都聞到隔離各枱香氣撲鼻嘅燒肉味，order左之後好快店員就擺滿左一台食物，除了有醃好既生肉，有冷盤前菜、泡菜蘿蔔絲、醃青瓜，呢d泡菜等小食可以無限添置，餐廳還有提供雜菜沙律 & 同埋包住肉一齊食嘅生菜片，我們之後就咁包住燒肉黎食。先飲牛肉海帶湯，之後就開始我地今餐的燒烤，呢個係特色鮮烤元貝（兩隻），之後放入個金屬既container 裝住，可以保持到海鮮的精華，煮左一陣就食得。今餐燒肉比較特別的是香翁鳳梨牛排，因為真係第一次咁既配搭去燒，牛排厚度適中，for 燒肉剛剛好，燒過嘅菠蘿🍍蒸發咗啲水份，剩番多d糖粉都幾好味。而醃過既牛肉片燒起上黎好多汁，睇呢張相就見到肉汁既光咁，牛肉用調料腌製過，可以令到啲肉完全入味，而佢哋用原始泥爐烤肉（睇過佢用既泥爐燒，都係比較古法烤肉）與韓式嘅烤肉相結合，效果出黎就比較特別嘅中式韓國烤肉咁，食果時仲可以連埋芝麻醬一齊。香港普遍黎講係少有

👵🏻西塔老太太喺內地係一間非常之有名氣，性價比好高嘅連鎖燒肉店，我同屋企人北上消費都食過幾次，終於係尖沙咀尖東開咗，雖然已經預了費用方面同內地會有分別，但對於香港店也是十分之期待。店內的每張枱與每張枱之間都十分之寬敞，絕對唔迫夾。我哋點了一份”周年慶優惠二人餐”套餐，餐廳會為每位客人提供自家製麻醬同秘製醬汁。西塔老太太的🥩肉味濃郁又唔會韌，配搭佢嘅自家製麻醬食，直接令牛肉口感提升同惹味同時又豐富了口感。我們係傍晚時間大約七點入座，已經有很多客人在門口等候，員工很迅速地安排左我哋入座，上餐速度極快。總的來說，今次在香港品嚐西塔老太太，大致上都能令我們覺得非常滿意，食物質素和服務和環境，都令我下次再有聚餐會再選擇👵🏻西塔老太太！

今次試左呢間有名嘅燒肉店，主打各款牛肉料理，今次我地就試左佢哋嘅極上牛肉二人份套餐。「老太太特色肥牛」真係入口即溶，肉質非常嫩滑，而且肥瘦比例剛好，燒完之後肉汁滿溢，每一啖都帶住濃郁嘅牛味，再配埋佢哋嘅特製燒肉醬，提升左牛肉嘅鮮味，真係食完一片又一片停唔到口。🥩至於「老太太特色瘦牛」，呢款就啱曬鍾意瘦啲口感嘅朋友。瘦牛比肥牛少左一份油脂，但肉味更濃郁，而且燒完之後都唔會太乾，依然保留住牛肉嘅鮮味同嫩度。🍖跟住介紹一下「雪花肋條」，呢款係牛肉中嘅精品，雪花紋理清晰，油花分佈均勻，入口極度嫩滑。燒到半熟嘅時候，雪花肋條嘅油脂會慢慢融化，令到整塊肉更加多汁，一咬落去即刻感受到肉汁四溢，成個口腔都充滿牛肉嘅香味。而「香翁鳳梨牛排」就係一個有趣嘅創新之作。呢款牛排係用鳳梨醃製過，帶有少少酸甜味，酸甜嘅鳳梨味道同牛排嘅香味互相融合，口感豐富，好有層次感，令人一試難忘。🍍「澆汁橫隔膜」係燒肉當中比較少見嘅部位，但係呢款橫隔膜牛肉真係好有嚼勁，燒得啱啱好嘅時候，肉質彈牙而且帶有豐富嘅牛味。🍴唔可以唔提嘅仲有佢哋嘅「蘑菇拼盤」，雖然蘑菇唔係主角，但係同燒肉一齊食真係好配，經過燒烤之後，蘑菇嘅鮮甜味被完全

呢間西塔老太太喺深圳食要排好耐隊，終於等到佢開嚟香港！我哋點咗極上牛肉二人份，17:00-19:00前離座有半價優惠兼且免加一，好抵。套餐內容包咗五款肉（鳳梨牛排、雪花肋骨、特色肥牛、特色瘦牛同燒汁橫隔膜）、蘑菇拼盤、冷麵同海帶湯，相當豐富職員好快就送上冷麵同海帶湯，而且會好貼心噉問使唔使幫我哋分兩份。海帶湯清清地幾好飲，啲海帶煲到好腍；冷麵麵條彈牙，重有塊牛腱同蘋果，湯汁酸酸甜甜，好refreshing啲牛賣相對辦，鳳梨牛排擺盤吸睛，牛排都幾大塊，重可以燒埋啲菠蘿食，好juicy；雪花肋骨脂肪分布均勻，肉質柔嫩；特色肥牛脂肪豐富，烤完之後油香四溢；特色瘦牛瘦得嚟唔嚡口，入口有濃郁牛香；燒汁橫隔膜醃得夠入味，鹹鹹甜甜噉幾好食

這家燒烤店的用餐體驗令人印象深刻，從一進門就能感受到濃厚的韓式風情。店內的裝潢簡約而不失典雅，讓人感到舒適放鬆。肉品選擇豐富，尤其是牛肉片和豬五花，質地鮮嫩，經過精心腌制，烤制後散發出誘人的香氣。牛肉片入口即化，豬五花則肥而不膩，令人回味無窮。除了肉品，配菜也是一大亮點。新鮮的生菜、爽口的泡菜、以及多樣的韓式醬料，為整體口感增色不少。泡菜酸辣適中，完美地平衡了燒烤的油膩感。自助的調味區提供了多種醬料，能滿足不同食客的口味需求，無論是偏甜還是偏辣，都能找到合適的搭配。服務方面，店員始終面帶微笑，熱情周到，細心為顧客介紹菜品和烤制技巧，讓人感受到賓至如歸的體驗。無論是與朋友聚會還是家庭聚餐，這裡都是一個不錯的選擇。整體而言，這家燒烤店以其出色的食材品質和周到的服務，營造了一個愉悅的用餐氛圍，讓人流連忘返。