蠔站 (荃新天地)

尼間餐廳不嬲冇嘜人，不過見$10隻蠔，兼網上book位有8折，所以同老公去試下，到門口再三問清楚職員係咪有8折，佢亦講明有，只要叫正價食物就有8折，蠔特價無折。食物價格中等，但質素差，蠔細瘦但$10冇得投訴啦！大蜆意粉-蜆係新鮮嘅但意粉淋嘅汁得咸味，豬手-切件上，肉少皮少部分脆大部分靱。結果埋單冇8折，因為正價食物要滿$500先有折😱，明明職員答得好清楚”只要正價食物就有八折”，如果係門口佢老實D講埋要正價食滿$500先有8折，我就唔會中伏，因我地都食左$400，求其加樣嘢都夠$500，結果埋單加埋蠔另加一都$5xx。就此case係咪好應該係度同大家分享，以免有人好似我咁唔小心中伏

媽媽生日出題食蠔，好耐無成家出去食，諗住食盡佢又唔想太貴，因為已經進貢左好多錢比媽媽2個人食野係最唔抵，4大1細連另外比既小費都係1300蚊，真係平到呢，果頭落單，轉頭5分鐘開始上菜，超快唔知發生咩事，睇下食左咩1，精選生蠔@$10 × 24隻，石蠔通常都細同咸，連哥哥唔食蠔都話好食，好新鮮火，少少海水味，無諗到咁既價錢，有呢個水準，想食豪少少$198有7款蠔共8隻，仲配一杯餐酒2，紫薯黎麥沙律 - 淡淡紫香，感覺都幾飽肚，大蝦好新鮮同爽口3，軟殼蟹黃金意大利扁意粉 - 有點香港口味， 因為有咸蛋黃，軟殼蟹好大隻，加少少芝士粉無得頂4，芝士四重薄餅 - 個人覺得清淡左少少，餅好脆同香，整體黎講都係好味5，炸咸豬手 - $268市價，成家都覺好好味，因為炸得好透同脆，皮下面無咩肥脂，但唔會硬，內面既人仲軟滑6，虎蝦意大利飯 - 平時大蝦姪女最鍾，攪咩唔食呢，原來勁重酒味7， 甜品 (心太軟 & 法式焦糖蛋) 普通咩特別同驚喜， apple crumble 最好唔好叫，3個甜品之中最唔食，賣相都唔係好得，相都無影*匯豐卡仲有9折tim"

早幾日同幾個朋友openrice訂座去左食生蠔見到佢地網站推出10蚊一隻蠔仲有優惠價199蚊生蠔拼盤送一杯酒決定一試😋首先員工服務態度不錯，上餐時間都恰當。落完單會問我地食左生蠔先定全部一次過上菜，我地選擇左食生蠔同頭盤，先再上主菜，生蠔配上sparkling wine是不錯的選擇，今次sparkling wine選左黑玫瑰 味道帶甜，容易入口，不錯不錯!!!生蠔10蚊隻雖然比較咸但都新鮮😎今次仲點左頭盤 生牛肉片，巴拿馬火腿主菜就點左肉眼排5成熟 同埋carbonara肉眼肉質都比較冧 味道還好可以再黎 值得推介openrice訂座仲有85折優惠不過跟時段限制 大家訂座時記得睇埋優惠時間丫🤗

一家三口在荃灣玩完經過荃新天地 打算搵間西餐吃眼見以前的Olxxx cafe 變成了oyster station 門口仲貼住大大張海報 $10一隻生蠔抱住一試的心態一坐低 店員細心的拿來了小朋友餐具亦介紹了今天的生蠔是來自南非的本來以為一定有好多附加條件例如要食滿幾多錢才能加購或者每枱只能加2隻點知竟然是毫無限制！！！先Order 了一打南非的真係好大隻！ 好厚肉！（因為之後在另一分店吃了法國的好細隻）本身是超愛吃生蠔的！呢個真心新鮮 厚身 又爽！餐廳調制的配醬也很濃郁生蠔處理得好乾淨之後即刻又order 多一打半亦點了12安士的西冷扒 8成熟 不老 好有牛味！ 另外亦叫了啤酒薯條略嫌炸得好太耐 老左啲但整體來說 真係滿分💯！其中一隻生蠔臭了 告訴店員馬上拿回一隻換給我們服務真係贊

個人首次同一天光顧不同分店，目的為試一試$10/隻蠔的品質，要為女兒慶祝。中午在尖沙咀試過了，單看價格很吸引，而品質也相當不錯，抵食之選😋😋雖然晚市會在荃灣分店，但相信同一品牌不遠也不會差的😆一開始先點兩打蠔，也是ok的😋，前菜點了蟹籽蟹肉沙拉，也很多蟹籽但蟹肉味道腥味重了😓，另加了密瓜火腿，以24個月的火腿也很不錯了，密瓜也很甜👍🏻繼續生蠔上陣，前後共48隻，大滿足了，因為已開始感覺飽了。只吃冷的食物，怕肚子空虛，所以加了一份羊架，這個也燒得香很不錯👍🏻店內有張貼公告有關會員及VIP之類，説消費$800便可加入VIP的，可有85折的。明白特價生蠔不計算，但除食物外加上一支白餐酒及梳打特飲，所以埋單前也先問了帳單總額，但侍應生説扣除生蠔並不夠800參加VIP，所也沒有再刻意計算，全單總數$1362，但回家一看收據，除生蠔外已達758，只欠 $42便可享VIP優惠，怎麼侍應不提示一下？心裡覺得不舒服，但也怪自己心算不好😭😭

成家都鐘意食蠔一共食左5打😂🤤😋..............................

$10隻生蠔❗️$10隻生蠔❗️$10隻生蠔❗️太抵所以講3次!! 好多時啲餐廳都做生蠔優惠，比埋啲霉哂既生蠔人食，但尋晚黎荃灣蠔吧冇中伏! 今次做優惠既係愛爾蘭生蠔，當然質素唔可以同幾百蚊半打嗰啲比，但起碼食落算新鮮同size有番咁上下👌🏻 但相比起生蠔 我更中意佢呢度個燒羊架。三件羊架都啖啖肉，夠tender夠juicy，唔點薄荷醬都超級好味🤤🤤 不過除左$10蠔外，其他野性價比唔算高，要食意粉pizza小食嗰啲可考慮其他地方😂

住荃灣既friend一聽講有$10/蠔優惠即刻帶埋我黎試下呢間蠔站。我地去嗰晚係做緊愛爾蘭蠔優惠 如要其他國家既蠔就好似二百幾蚊半打 所以諗住試番一打特價蠔o唔ok先個人認為一分錢 一分貨 預左唔會係超正 但有3、4隻係真心超級唔新鮮😧 我諗食開生蠔既都明白唔新鮮既蠔有幾難頂 所有冇再叫第2 round...我地另外叫左幾樣小食 啤酒味薯條ok 但牛柳粒同魷魚圈係極難食 份量又少 好似未計加一都$80碟 唔掂應該唔會再黎😅

星期日同屋企人去荃灣行街，行到夜晚就想睇下附近有咩好食，就見到呢間蠔吧～見唔算多人又唔想等位就入去試下呢間。餐廳算幾寬敞舒適，而且非常有情調及氣氛！咁我地三個人所以唔敢叫咁多野食住啦，不過叫左三樣野食 食完之後都仲係餓餓地，就叫多左一樣小食☺️美國西冷牛扒扒味十足，而且燒得岩岩好，唔會太生，唔會太老。另外，塊牛唔太肥，脂肪分佈都均衡，配埋個黑椒汁，令到塊扒食落個牛味更出！墨魚汁意大利飯個意大利飯食落粒粒飯都係煮得軟但又有啲咬口，另外，塊墨魚都好新鮮，所以呢款意大利飯可以一試！海鮮披薩個pizza主要有蝦、墨魚、等等等等既海鮮。食落個pizza唔太油，個餅底都夠簿，不過就唔太脆，似一早整定個餅底。所以個pizza就一般啦~炸啤酒味薯條個暑條炸得好脆，但唔太油，不過呢個啤酒味就真係唔太出，同一般普通炸薯條分別唔大。整體黎講，呢間餐廳都ok。不過要留意番價錢都係偏貴既，但可以試試~

Ummm....咁岩係附近做完野又斷斷地電....想即刻坐低就食野😂同朋友講開突然想食蠔同牛扒，其實身在荃新天地附近無咩選擇，🙈🙈🙈因為以佢主食類既價錢出返城有好多野可以揀講返正題，我地三個人先叫左兩打特價生蠔同2杯1664。之前係樂富店都食過佢地推介既生蠔都唔差，但就個海膽扣晒分，所以都唔想叫其他海鮮類啦。食到咁上下order左一 份steak、6隻焗蠔同一份豬手😋焗蠔味道都okay既，塊steak就過得去啦，出街食塊幾百蚊既牛扒真係好少遇到有叮一趕既......最後埋單around $1500總結：味道唔差既, 生蠔低食算係可以過下癮，服務都不錯（可能因為果日人唔多）

非常好，不單止尖沙咀區，連荃灣區也有 Oyster Station，辛勤了一星期後的 Friday Lunch，相約與同事一起去蠔一蠔，他們最出色當然係任食沙律吧，但......今日差咗！無雜果沙律、無南瓜沙律、無薯仔沙律，只得菜菜沙律！好在旁邊有黑水欖、鮮甜車厘茄、西瓜、蜜瓜、菠蘿。主菜並不突出，真不明白他們的廚師為何不做一些美味而好食的主菜。最主要係$10隻 Oyster 滿足晒，先order一打是常識吧！餐湯好飲，有餐後甜品good，包飲品。如果能改善一下主菜的問題，肯定100分。

今天朋友好想食蠔，有個朋友介紹了這間說$10蠔不錯，所以我們一行三人就來個生蠔宴。一坐下服務員就問你要不要先叫生蠔，我們先叫一打試一試。也叫了其他，虎蝦意大利飯好味，但份量比較細，由其是個蝦牛油果沙律也細，pizza就普通。又叫了啤酒薯條及香辣雞翼。今晚我們總共叫了4打$10生蠔，好滿足的一個晚上。

後補朋友嘅生日飯！ 知道朋友鍾意食生蠔，但平時出面食生蠔都比較貴，咁岩之前喺荃灣食過尼個十蚊一隻生蠔做賣點嘅餐廳， 而且食過覺得唔錯，所以就帶左朋友過黎食。一坐低侍應就即刻問要唔要試下佢地嘅生蠔，當然即刻order左一打先，之後仲叫左一個虎蝦飯同赤貝刺身，當然唔少得叫左一人一杯酒啦。雖然今次等食物時間等左好耐，不過佢嘅食物質素依然唔錯而且店員態度良好，生蠔size細得黎但鮮甜，赤貝刺身都唔錯，虎蝦飯味道香濃而且啲飯一粒粒好有咬感 同平時食開嘅有少少唔同。

三號風球下橫風橫雨，近近地係citywalk 食返個晏，見到呢間餐廳門口有擺lunch set 餐牌，仲promote10蚊隻生蠔，就即刻吸引左我地入去。我地叫左一打生蠔，總共120蚊，size唔算好大但係多都唔細，海水味唔係好重，肉質比較爽，10蚊黎講算好抵食！lunch set 價錢唔算太貴，除左主菜仲包salad bar 餐湯麵包餐飲仲有甜品，好豐富。salad bar 選擇多，紅菜頭 紫薯 生菜都有，可以夾完菜再自己加醬，仲有生果，味道唔錯。蜆肉意粉隻碟好可愛，襯返個主菜，不過份量比較少。另外仲叫燒豬手，份量好多呢個價錢好抵食，配菜有薯角同沙律，但係豬手燒得比較熟，食落比較乾同硬個汁太甜，蜜糖味太重，會掩蓋住左豬手既味道，不過豬手本身太鹹，個人覺得點茄汁比較好。煎雞排餐最突出係舊薯蓉，有黑松露味，好正。雞排好大塊，煎得唔係好熟，有好多肉汁，不過就冇咁香口。甜品方面係一舊瑞士卷，中間好多cream，上面係芒果味醬。整體午餐幾抵食，但最抵食都係十蚊一隻生蠔。

平日星期四午餐經過見到，以前覺得佢好貴無試過，今次午餐個價又唔錯，就一於去試下。點知，簡直係發現新大陸啊!叫咗個蟹肉蟹籽意粉同芝士菠菜扁意粉，每個餐只係$68唔洗加一!😍仲有免費自助沙律吧，有火箭菜、小麥紫薯、小米飯、西瓜菠蘿哈蜜瓜咁，都唔少嘢而且quality又好，係等嘢食個陣可以食下又健康😋跟住包餐湯同麵包，更加送每人生蠔一隻!!😍😍😍係免費送生蠔啊!!之後黎咗個main course，D意粉嘅quality都唔錯，而蟹肉意粉真係一絲絲嘅蟹肉，量唔係特別多，啱我呢D肥膩嘢食少D生果食多D嘅人😋😋最後仲送一客小甜品，係好creamy嘅蛋糕卷加少少芒果醬，凍飲唔洗加錢而且係用mud嘅大杯裝!最後真係食到飽到反肚😂😂依家即使去快餐食都要$3X/4X,$68有餐湯,包,main course,生蠔,自助沙律吧,甜品同餐飲仲唔收加一，性價比爆燈!!!推薦大家去試下哦!💕