蠔站 (荃新天地)

先說一下服務態度，服務員有禮貌有微笑樂意回答問題，也會問食後感，非常不錯，希望能繼續保持。而食物如何？...哈哈哈...每次在外面吃飯運氣都不太好呢，總是別人點的好食，自己點的不好吃XD是日餐湯 羅宋湯無太大感覺，就有羅宋湯應有的味道。蜜糖金沙骨配辣薯角 $78配菜跟辣薯角也是無太大感覺，就應有它們的味道。而主角蜜糖金沙骨？很有口感喔，乾硬燶！蜜糖隨便灑在金沙骨上，非常的豪無誠意，蜜糖的香味甜味跟本沒溶入肉中...雲呢拿味雪糕泡芙小小的一個甜品也令人非常的失望。放進口前已聞到雪的味道，放進口裡不但有雪的味道還有放在雪櫃裡面變得有點霉的菜味，真有層次感。口感方面當然沒有泡芙的口感，非常的軟，還能跟雪糕溶為一體，非常厲害，不知道是在吃泡芙還是在吃雪糕。雪糕的味道？就雪味囉。完全不知道在吃什麼...而朋友點的餐嘛...

想食蠔 臨急臨忙搵哩間 9點幾去食 唔洗等 環境舒適 $10蠔 抵食 當然令外仲有貴價d既蠔 餐牌都有d刺身拼盤嗰d食 徐左蠔 另外嗌左2客意粉1客意大利飯同一份pizza 1客黑松露什菌 嗌左杯酒精飲品 埋單1032 都算抵食

一行5人去慶祝生日！ 皆因主角鐘意食蠔，而且之前也試過大角咀店，感覺也不錯。所以今次就選擇左係荃灣開左一排既oyster station！首先來了2打 餐廳special $10隻的蠔，是南非的Namibia · 食落感覺新鮮，只落一點檸檬汁來食也不錯，而且不算細隻同帶有鮮甜味道及creamy ! 👍🏻再來一打餐廳special 已經轉了法國的，是法國蠔的關係海水味很重同比較細隻，食落都是新鮮的，但我個人比較喜歡沒那麼咸的。 另外我們再點了半打$218的蠔，我地就選擇左南非的，一眼望落去係比$10 的大隻肉比較厚，而且食落很creamy 同甜度比較多👍🏻👍🏻好啦食完冷盤，就來講下熱盤！啤酒炸薯條係必點的，比一般街外食到的薯條脆，好味到食唔停口！炸魷魚味道ok，不會炸得太乾身！德國咸豬手外皮都還可以，但肉質比較濕味皮跟肉都分開了味道一般牛扒不錯，牛味濃郁，我們點左5成熟。蒜片蜆肉扁意粉意粉軟硬度適中，不錯！但味道真係好一般，很淡而且食不到蜆肉的鮮甜味👎🏻墨魚汁墨魚意大利飯墨魚沒什麼味道，飯味道還可以整體來說蠔是很新鮮，但熱食還可以有進步空間。另外值得一提餐廳員工態度友善，反應快，感覺不錯

見網上賣廣告$10生蠔所以去試平日嘅晚上6點幾7點去到 都未算爆客空枱都多下待應話90分鐘用餐 8點15分要還枱但整個感覺都好似吹住趕住你甘 因為到最尾近8點時已經開聲話出面有booking等緊要埋單走 但其實周圍仲有空枱 而門口亦無人等緊 而個一刻其實都係岩岩食完枱面嘅嘢一開始問有關$10生蠔 待應都會講解今日係會用邊度嘅生蠔 甘岩本身應該係食愛爾蘭 但又甘岩唔係得甘多 所以就叫一打就係愛爾蘭 一打係就南非上枱時亦有講食邊隻先會好啲甘講真 $10隻生蠔 不過不失 味道都算濃 不過可以再凍身會感覺好啲 之後叫左黑松露野菌薄餅賣相有驚喜都好食喎 薄底脆邊 都夠多菇 邊邊位置又有沙津菜圍住 上面仲有啲麻醬 呢個推介

夜晚行過見到有$10 蠔，入去食晚餐試下叫左$10蠔 係幾鮮甜既。但就真係好迷你，好似營養不良咁跟住再叫左個餐湯 同 黑松露意大利飯黎到隻碟就好大 但d野勁少 仲以為自己係法國餐廳食緊野。都算 你話份量少 但好味 都可接受但個湯一飲 就飲得出係用粉開 仲鯨左一pat野咁... 個意大利飯，係我食過咁多間最難食，無味，過熟 好似意大利粥咁。總括黎講，唔會再黎。

星期六搵地方食lunch, 原來Olive已結業，原址開左呢間西餐廳仲標榜$10蠔優惠，見門面及裝修都好乾淨企理，環境亦舒適所以就試下啦。星期六都有lunch set選左B餐同F餐再加4隻生蠔先來餐湯青豆蓉湯，好green好fresh$10生蠔係南非Namibia,餐廳好細心有埋生蠔介紹牌，食落新鮮海水味淡屬易入口主菜香蒜蝦球扁意粉-蝦肉新鮮爽口，但蒜味偏淡紅酒尾闊麵 - 味道不錯，但配飯應較匹配另午餐包一杯咖啡茶食物整體中規中矩

見新開張，諗住試新野，大中伏，仲一肚氣我地6:45入座，要我8:15 交枱，我諗住有個半鐘，ok嘅！叫左D刺身，味道ok 但份量偏細小小。 野菌意大利飯，菇味比較重，如果prefer creamy sauce, 呢個偏淡。焗蠔，ok 嘅.重點係，order 左個pizza, 好耐冇到，追左二次、7:45分finally 出現，都未食，有個似店長着蓝色衫嘅小姐（好似都負責入門囗mark 位）就提我地記得8:15 交枱，我地同佢講，你个pizza 刚刚先放低呀，但佢淨係重覆8:15 交枱，自己完全唔覚佢个pizza 遲到係問題，个tone 仲冇乜礼貌，再解釋比佢聽，未明之后仲話係D同事新唔清楚呀咁咁咁！重点其实係，佢自己冇睇清楚个客D野係幾時黎，就好冇礼貌咁提个客交抬，仲問我地有乜問題，佢咁點做人主管呀？ 真係冇哂胃口，$200 位咁嘅service, 永遠唔會再黎！

應該是這商場最新開業的所以就試試無仿，先點了半打法國生蠔, 因正做promote每隻慬$10,但入口也有海水味而且夠凍及滑溜，可收貨。set lunch點了香草汁魚柳和燒排骨，各伴以沙律菜賣相也不俗，味道就沒有驚喜，但收費只是$60-80/set, 在此裝煌的西歺廳，又有人serve,實在已經可以了。

上星期日去了這𥚃吃晚飯。諗住試下新開的。6:30到，6:40 order.竟然黑松露意大利飯及豬骨，7:30才到。餓死都算，仲夠膽7:45叫我地埋單，8pm交枱!!!!!!係，之前book時講左1.5 hr交枱，但你地7:30先整好，7:45叫埋單？8pm交枱，好意思嗎？仲要意大利飯勁硬，豬肉骨，一半d豬肉唔熟，無食了........件銀雪魚細過手掌心，但價錢加埋一差不多$300羊架就ok。D蠔算ok.埋單$1716如果好食唔算貴，但要我們半小時食完及好難食就.......No next time

lunch同同事去食，叫左個set lunch黑毛豬薯蓉。食到尾時發現好生…問侍應，佢若無其事咁話黑毛豬係會紅d的，所以我都有嘗試食，但真係生到咬唔開，到底係咪真係咁紅都食得架？？其餘的薯蓉都幾好味，飲左杯青檸梳打甜左少少。我地仲有叫pizza, 都幾好味的，配菜就普通d啦…上菜都算係快的! 下午人流唔算多，有播下d韓國mv，不過唔算太嘈。本來打算試下生蠔，但係食完個豬好似迎住有d唔舒服咁所以都無叫到lu...

友人生日飯局 新張期正價食物6折 再加生蠔10蚊隻真係引來不少客人 打左好多次電話先BOOK到枱朋友們都比較喜歡食生蠔 即開生蠔前前後後我們點左十打..5個人每人食2打生蠔SIZE不算大 但尚算新鮮 除了生蠔 我們還點了其他熟食~但由於其實其他食物賣相及份量不吸引所以沒有拍照的動力-炸魷魚圈 份量少 炸起不脆口-卡邦尼意粉 白汁味道太淡 而且份量少-肉眼扒五成熟 來到只有3成 而且只有手掌心般大 切開每人只有一口-野菌意大粉飯 跟意粉一樣 味道太淡如果好吃再點無妨 但食完了熟食已沒衝動再點其他...完全沒有一點飽意... 十打蠔加以上食物 6折後埋單$19XX最後再去了食其他餐廳...

一聽到話荃灣有＄10.1隻生蠔梗係要去朝聖啦前後去咗兩次，中午同晚上都去咗一次午餐優惠買一送一肉眼扒，份量好細絕對唔會飽，肉質冇乜味，所叫嘅三成熟變咗七成熟，不過係買一送一嘅話就都仲接受，假如係正價就真係貴＄10.1隻嘅生蠔每人叫咗一打，OK好爽，小小海水味，但係味道好淡，呢個價錢算係唔錯，冇咩好挑剔炸啤酒薯條同普通薯條冇乜分別係面頭有啲一點點脆卜卜，攞嚟送啤酒一流炸豬手 都幾大份，260幾蚊依家仲有六折，兩個人食唔晒都幾好，好脆～鮮檸檬梳打冇乜特別正正常常做緊六折好抵飲環境幾好不過依家新開張好多變咗做比較嘈，中午都唔使點樣排隊兩三個字就入得，如果夜晚同成班朋友來食嘢吹水係幾好嘅選擇

難得星期五男友準時收工，可以周圍揾好嘢食!佢醒起Oyster Station喺荃灣開咗分店，突然想食10蚊隻生蠔，即時打電話去問有冇位，餐廳話仲有少量walk in 位，但唔保証我哋去到仲有冇，我哋即刻9秒9行過去!去到見到門口已經有幾pair 人係度望望吓，好彩都仲有位，侍應安排我地坐喺對住吧枱嘅高腳枱，張枱確係有d細。個人認為大角咀服務比呢度好，又可能呢度新開比較忙掛，Anyway 態度都唔係差嘅，只係冇大角咀咁好姐！其實呢度個menu 我上網都睇過，大致上係同諾士佛臺分店一樣，但就同大角咀分店唔同。牛扒有唔同級數唔同位置小食有d唔同，冇咗蟹餅，冇得食!湯只有是日餐湯，椰菜花忌廉湯~~所以我冇叫到!法國生蠔今日特價10蚊蠔係法國蠔。只聽到侍應話係法國蠔，海水味重。仲要我哋問先講，上次大角咀分店侍應係好主動介紹㗎!由於我哋係蠔怪，所以一嚟就一打先，基本上都冇打算叫其他蠔。好快就再叫多一打，今晚total 兩打落肚!今次蠔身冇上次南非蠔咁厚，海水味重d，食落爽口甘甜!美國USDA頂級西冷扒我唔食牛唔比意見，呢個係男友點嘅，佢只係話ok 冇特別講d乜。我就負責食咗則邊d椒呀菇呀瓜呀秋葵，

新張期內，午餐買一送一，已經好吸引！仲要有張 coupon 每人送三隻蠔，第一張相是送的！完全唔 hea!! 是日係愛爾蘭蠔 👍🏻👍🏻👍🏻 由於亞媽好滿意，之後再追加多 10 隻，都係 $10 隻主菜唔想食太多，揀左個魚柳，配雜菜，味道 ok, 但不是有驚喜那種。亞媽揀左芝士雜菌扁意粉，佢就好滿意餐湯好特別！係紫薯湯 👍🏻👍🏻 蒜蓉多士好脆好香 午餐包餐飲並以迷你雪糕泡芙作結！大滿足！午餐免收加一。其他食品就要加一。雖然都預左呢餐會好抵食，但見到單後仍然十分興奮，二人只係要 $198 ，total 16 隻好正嘅生蠔唔知之後午市仲有無 $10 蠔呢！？

新開左間西餐廳，知道做緊買一送一同埋一個餐送3隻生蠔優惠就比佢吸引左，所以lunch 同d 同事去左試食。好多人都應該同我地一樣，因為優惠去左食，好彩我地提早左去拎位，因為食緊時見到好多人係出面排隊。但同樣地因為多人，但服務生人數唔夠，所以成日想叫人都無人理。食物既味道都唔錯，但份量好細，食完都唔係好飽🙁🙁🙁而生蠔唔算太新鮮，無咩甜味。如果無買一送一既優惠去食，d 餐大約要$6x~1xx，lunch 來講就真係太貴啦。豬肋骨配薯角，豬肋骨好味道，d 肉唔會痴骨，一切就可以將肉切出來，容易食到，薯角夠哂脆，仲有少少沙律菜清一清。😍👍🏻👍🏻牛扒配薯蓉，點餐時無得選擇牛扒既熟度，上菜時，大約係7~8成熟，好韌，要咬好耐先吞到😑😑😑個薯蓉就幾好味。如果無記錯，應該係三文魚薄餅，餅底係薄既，好脆，味道都幾好，但得果兩片仔，食完真係唔多飽。