蝦蝦燒

最近去佐敦嘅蝦蝦燒，除咗佢哋招牌嘅各款海鮮燒烤，最難忘嘅係親身體驗現撈流水蝦。餐廳有幾個大水缸，蝦係活生生喺度跳動，見到佢哋咁鮮活，好有誘因夾嚟嚐鮮。我哋先將啲蝦放一陣冰水凍暈，跟住就用電子爐燒至蝦殼帶微微焦香。蝦肉好彈牙Juicy，啖啖都係蝦膏鮮甜，個人覺得加埋佢哋特製泰式酸辣汁，味道層次更加豐富，酸辣帶出蝦鮮甜，十分惹味。呢個流水蝦嘅體驗真係同平時食嘅急凍蝦質感唔同，感覺更加鮮活同有趣。除此之外，蝦蝦燒都提供多款其他海鮮，同時有帶子、三文魚，鮑魚，生蠔，新鮮得嚟彈牙爽口；燒生蠔鋪咗蒜蓉，香氣撲鼻，啖啖肉嫩滑多汁。鮑魚原隻燒得恰好，保持嫩滑夾帶嚼勁，入口鮮甜又有海味，三文魚好肥美，燒得表面香脆，內裡仲好嫩滑。串燒有好多選擇，包括牛柳串，燒得微焦啱啱好，肉質嫩滑帶少少煙韌感，入口香甜多汁。另外，仲試咗雞軟骨串，烤得香脆爽口，帶啲骨頭嘅口感，好有層次。燒金菇牛肉卷，牛肉嫩滑，金菇爽脆，係串燒入面幾有特色嘅一款。至於燒湘菜辣味雞翼，微辣夠味，香氣四溢，食落令人回味。飲品方面提供多款啤酒及汽水任飲，夠清涼解渴，特別啱中和燒烤嘅油膩，仲有無限雪糕提供，真係超抵食。…查看更多

大隻仔今次覓食嘅店舖就係💥 蝦蝦燒 💥地址：佐敦白加士街10-12號永富大廈1樓大隻仔今次介紹一間即夾即燒流水蝦餐廳，餐廳座位旁邊設有大蝦缸，顧客可以親自隨時隨地即夾即燒流水蝦，流水蝦會不斷添加，保證貨源充足。除了流水蝦外，餐廳仲提供多款串燒、蔬菜、海鮮選擇，客人可以任拎返去座位慢慢燒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 平日晚市 $348餐廳以自助形式拎食物，食物種類繁多，除咗流水蝦，仲有多款海鮮選擇，必食沙白、灰蜆、東風螺、魷魚、鮑魚、鮮帶子、帆立貝、生蠔等等，所有海鮮都係職員新鮮即叫即開，保證每樣都十分之新鮮。另外仲有大量燒烤食物選擇，雞翼、羊扒、寸骨、鴨胸、各款串燒。火鍋配料亦有好多選擇，各款丸類、腸仔、蟹柳、牛肉、羊肉等等。餐廳最近做緊優惠，加$1 就可以有個火鍋打邊爐，如果覺得燒烤食物比較熱氣，打邊爐都係一個好好嘅選擇。…查看更多

如果鍾意食啖啖肉又爆膏嘅大頭蝦 我建議大家去試吓呢間位於佐敦嘅-蝦蝦燒～人均都係三百幾蚊 任食2.5小時 全程都係自己動手夾 動手燒 好啱帶埋屋企嘅小朋友去家庭聚餐🫶🏻值得一提嘅係 入座每位仲會送燒鱔鰻一串🤩-店員一開始會先教大家出去拎冰水 然後喺旁邊嘅水缸夾大頭蝦 等佢冰暈咗就可以放上爐上面燒 燒到佢變成金黃色就可以拎出嚟食啦🤣一搣住落手就見到佢爆曬膏 而且蝦肉鮮甜 每一隻都手掌咁大隻‼️-呢度仲會有海鮮串燒等等 飲品都係任飲 款式選擇都幾多至少有過50款 味道都唔錯 全部都幾新鮮 好值得再encore🫶🏻…查看更多

而家呢啲天氣真係好適合去食燒烤🥹今次就同朋友去咗全港我認為最好食嘅燒大頭蝦專門店🤩而家淨係得返佐敦嗰間 朋友未試過梗係要帶佢嚟啦！-入座仲會送鱔魚 焦香又啖啖肉 食落口完全冇咩碎骨 好易回本👍🏻最重頭戲梗係要食大頭蝦啦 如果個魚缸裏便冇咩大頭蝦 叫店員就會即刻refill 所以唔驚冇蝦食😍大頭蝦有蝦膏 肉質彈牙爽口 食得出嘅新鮮～-除此之外外邊仲有好多同嘅串燒、蔬菜、飲品海鮮等等 海鮮亦都會有扇貝 生蠔 䱽魚🔥仲可以自由搭配牛油/蒜蓉等等 性價比超高 人均真係三百幾蚊就食到飽 真係好易回本🤣好適合朋友聚餐～…查看更多

最近同朋友去佐敦嘅蝦蝦燒，大家都係海鮮燒烤嘅愛好者，呢度真係食到幾滿足。餐廳空間寬敞舒服，座位分佈得唔逼，冷氣夠涼，而最方便係用電子爐燒烤，冇油煙味，食完身上都唔臭，非常適合一家大小或者朋友聚餐。流水蝦大隻肥美，我地凍暈左d蝦後，燒到蝦殼帶啲微焦香，蝦肉好彈牙Juicy，啖啖都感受到蝦膏嘅鮮甜，點埋特製泰式酸辣汁，好好味。帶子同花甲都好鮮甜，彈牙爽口；沙白同蜆肉都處理乾淨，海鮮嘅鮮味保留得好好。鮑魚原隻燒，肉質嫩滑帶嚼勁，鮮甜得嚟有啲海味，非常入味。除咗海鮮之外，串燒都多選擇。鰻魚串燒煙韌中帶甜，燒茄子鋪蒜蓉牛油同孜然，香濃滑口。…查看更多

呢間「蝦蝦燒」幾抵食，晚市$348一位，由6點食到11點半，可以慢慢燒慢慢傾，唔使趕! 最正係佢哋嘅流水蝦，座位旁邊就有蝦缸，生猛大頭蝦自己夾，浸一浸冰水再放上爐燒，蝦肉厚身爽口，蝦頭又多膏，鮮味十足！海鮮種類都幾豐富，鮑魚洗得乾淨，燒完嫩滑彈牙；扇貝大大隻，加啲蒜蓉牛油一齊燒，更加惹味。仲有生蠔、魷魚、原條魚等等，全部擺得整齊，睇得出幾新鮮。串燒區都有驚喜，牛柳粒、羊架、雞皮餃子串樣樣有。每人仲送一串厚肉鰻魚，燒到香脆焦香，口感一流。加$1就可以開個小火鍋，有豬骨、麻辣同蕃茄湯底選擇，燒烤同時打邊爐，食啲蔬菜解膩。飲品好多款，連冷泡茶、汽水，啤酒同真露都有。甜品有自家製啫喱、窩夫同雪糕，食到捧住個肚走！…查看更多

黎食海鮮放題，$348一位加一，食足五個半鐘！主打流水蝦任夾，蝦缸嘅大頭蝦生猛到彈彈下，夾起要浸冰水「凍暈」佢哋，再放上爐燒，蝦肉爽甜彈牙，蝦頭膏多！ 海鮮選擇多😻鮑魚、扇貝、生蠔、魷魚樣樣有，仲有原條鮮魚，最愛馬友魚，魚肉嫩滑，加入蒜蓉香蔥辣椒，燒到微微焦香好正！ 鮑魚燒得嫩滑，蠔、扇貝厚肉鮮甜，加蒜蓉牛油一齊燒更加香口。每人送一串厚燒鰻魚，外皮脆肉滑💕串燒、火鍋料都唔馬虎，牛柳粒、羊架、雞腎、豬大腸款式多，燒茄子灑滿孜然粉同蒜蓉，超級惹味！ 加$1有小火鍋，揀咗蕃茄湯底，味道酸甜，燒烤之餘打邊爐食啲蔬菜同蜆，湯底即刻變清甜，雙重享受好滿足😍環境乾淨闊落，服務都唔錯，店員會教點燒。飲品任飲，有啤酒、真露、汽水等。 甜品有燒窩夫、雪糕。整體黎講，食物種類多，海鮮新鮮，用餐時間長，絕對係同朋友聚會嘅好地方！…查看更多

近日我試了一間海鮮餐廳，簡直令人驚喜！任食5小時，進入店內，就被活潑的鮮蝦吸引，😚佢哋在水缸裡面游來游去，動作靈活，真係好想立刻品嚐。每只蝦都膏厚肉鮮，令人流口水，而店員補貨的效率快速🤩🥳😍這間餐廳的海鮮選擇實在太多，從鮑魚到帶子，還有各種魷魚和厚實的蠔，好味又彈牙🤩任君挑選。而且，環境寬敞舒適，無論你係愛吃海鮮定係肉類，應有盡有，一定能讓你心滿意足。而只需多加$10就可以享受打邊爐，非常划算，而拿著熱湯滾蝦，味道更上一層樓！總體來說，這裡的食物質量、選擇和服務都非常優秀，未來一定會再光臨！…查看更多

最近我去咗間海鮮店，真係大開眼界！一踏入店裡，就見到水缸裡面活蹦亂跳的蝦，令人忍不住想捉起佢哋。這些蝦個個都肥美，膏多得唔少，簡直令人肚餓得無法自已。而且，店員嘅補貨速度真的快得驚人，根本唔使驚冇得食！海鮮選擇真係多到我眼花繚亂，無論係鮑魚、帶子定係魷魚都有，美味得唔行。連新鮮魚同蠔都有，無論你鍾意咩，統統都可以滿足到你。而且，地方又大又舒適，即使同朋友一齊去，都唔怕冇位。更加厲害的是，只需加$10就可以打邊爐，真係超值，對著新鮮蝦滾下，味道更佳，快熟又好食！總結來講，這間海鮮店不論在食物質素、選擇還是服務上都極具水準，肯定會成為我下次再來的好去處！…查看更多

好耐冇同囡囡去食流水蝦放題，趁佢考完試帶佢去輕鬆下！今次去咗佐敦嘅「蝦蝦燒」餐廳空間感十足，座位與座位之間唔會逼狹，可以自在地燒嘢食同傾偈，坐得幾舒服。最正係每個座位隔離都有個「流水蝦蝦缸」，啲水清到不得了，侍應會主動加蝦，永遠都有得夾！今次有個意外驚喜，就係餐廳而家推出「+$1小火鍋」優惠。一邊可以燒嘢食，另一邊就可以烚下火鍋料，雙重享受。流水蝦絕對係全場焦點。我哋第一轉就夾咗十幾隻。爐火夠猛，好快就燒熟。蝦殼燒到脆卜卜，蝦肉結實彈牙，鮮味十足。簡單灑少少鹽，已經將蝦嘅鮮甜完美帶出，品質相當唔錯。🦞自助區款式多到眼花：✅海鮮類：鮑魚、扇貝、東風螺、蜆、原條魚、魷魚、生蠔等等✅ 串燒款式多元化：多款串燒，由肉類到蔬菜都照顧到。✅ 熟食與火鍋配料：如果燒到攰，仲可以拎啲熟食頂住肚先。火鍋配料區都唔馬虎，配合個$1火鍋，絕對物超所值…查看更多

天氣涼涼哋，最好就係約埋班Friend去燒烤！今日專登去咗佐敦呢間「蝦蝦燒」食放題，真係冇揀錯！$1驚喜小火鍋講到明係燒烤放題，但餐廳而家做緊推廣，加$1就有個小火鍋！可以一邊燒海鮮，一邊打邊爐，暖笠笠，雙重享受，抵到爛啦！座位夠晒闊落，坐得幾舒服。最正係每個座位隔離都有個「流水蝦蝦缸」，啲水清到不得了，成日見到啲生猛大頭蝦游嚟游去，侍應都好主動，一見個缸冇乜蝦就會即刻加。個爐熱得超快，我哋一坐低就急不及待夾咗幾隻流水蝦試吓。啲蝦真係冇得頂，隻隻都大大隻，燒到變紅色就已經聞到好香。剝開蝦頭，見到啲膏多到滿瀉！食落口爽脆彈牙，就算乜嘢醬都唔點，已經夠晒鮮味！自助區款式多到眼花海鮮類，東風螺、鮑魚、扇貝、沙白、原條魚，最重要係佢哋refill得超快，永遠都堆到滿滿。串燒類同火火鍋配料一樣有超多選擇，有啲已經醃好一串串，，拎返去一擺上爐就燒得，超方便。…查看更多

呢間燒烤店真係超值，食過好幾次，每次都覺得唔算貴，性價比高到爆燈。入到去可以坐好耐，唔使急住走，環境舒適，啱晒朋友聚會或者家庭飯局。重點係燒烤選擇超多！鮑魚可以食好多隻，新鮮彈牙，燒起嚟香口得嚟又 juicy；仲有整條魚燒，魚肉鮮嫩，皮脆肉滑，燒完即食！串燒款式多到數唔晒，雞翼、蔬果串應有盡有，調味一流，邊燒邊食超滿足。飲品方面，正正常常咩都有，汽水、果汁、茶類一應俱全，都幾唔錯；最正係碑酒任飲，啤酒冰凍暢飲，配燒烤簡直完美，飲到盡興都唔使加錢！整體嚟講，抵食抵飲，服務親切，強烈推薦大家試吓，下次再去都唔會後悔！…查看更多

同朋友行街行到佐敦附近突然之間想食燒烤，但朋友又話想打邊爐！就搵咗間滿足到我哋兩個人嘅需求嘅餐廳！除此之外，呢度海鮮都係任食唔嬲！仲好抵食添！埋枱送嘅嘢都多、有好滑嘅白鱔、燒到外皮卜卜脆入邊啲肉非常之嫩滑！嘩我最鍾意就一定係佢嘅蝦啦，種類都非常多除咗有椒鹽蝦、仲有酒醉蝦！當然唔少得就係打邊爐嘅蝦同埋燒嘅大頭蝦！所有嘅蝦嘅質地都非常之彈滑！海鮮種類就更加多！有生蠔、有花螺、有鮑魚仲有扇貝當然唔少得就係蜆肉！全部都好鮮甜都好新鮮！隔離仲有個冰櫃可以將佢個新鮮度保持到最好！而燒烤區嗰邊都好多串燒可以拎、牛豬雞、仲有雞腎、蔬菜區有原條茄子、翠玉瓜、同埋一口甜薯等等！我最鍾意就係食佢個蒜蓉法包好香脆！當然唔少得就有燒菠蘿！呢個真係極度推介好好食好鮮甜菠蘿！甜品燒嘅類別，有鯛魚燒、亦都有燒窩夫、凍嘅甜品有雪糕唔同嘅種類味道！呢度嘅飲品都係任飲，仲有啤酒同埋燒酒選擇！價錢方便一個人只係378假日晚市成人加一蚊仲可以即刻打埋邊爐真係超抵！再計埋+1一啲都唔貴呀！舖頭位置位於佐敦永富大廈地下行樓梯就上到位置近地鐵站C出口！…查看更多

一踏入餐廳，最吸引眼球嘅就係座位旁邊嘅流水蝦缸！生猛大頭蝦不停游來游去，客人可以自動手去夾蝦，即時放入冰桶凍暈再放上烤爐燒。蝦肉爽口彈牙，蝦頭爆膏，鮮味十足！夾蝦過程好玩又過癮，無論係大人定小朋友都會鍾意。 【🐚 海鮮種類豐富！鮑魚、生蠔、扇貝任拎】 除咗流水蝦，自助區仲有超多海鮮選擇： - **鮑魚**：新鮮即開，燒完口感彈牙！ - **生蠔&帶子**：配上蒜蓉牛油燒，香氣撲鼻！ - **蜆、東風螺、魷魚**：清洗得乾淨，無沙無腥味！ - **原條魚類**：三文魚鮫、大眼雞等，魚肉鮮嫩。 海鮮refill速度快，而且員工會不停補充，唔怕搶唔到！【🔥 $1加購火鍋！燒烤+打邊爐雙重享受】 餐廳最近推出優惠，**加$1**就可以額外享用小火鍋！湯底有蕃茄湯、豬骨湯等選擇，酸甜開胃。火鍋配料有丸類、蔬菜、烏冬等，燒烤食到膩嘅時候轉打邊爐，完美平衡口味。 【🍖 串燒+熟食+飲品！性價比超高】 - **串燒**：雞翼、羊架、豬大腸、蒜蓉包、燒菠蘿等，種類多又好味！ - **熟食區**：辣酒煮花螺、咖喱魚蛋、椒鹽蝦，即拎即食！ - **飲品**：紙包飲品、汽水、啤酒、燒酒任飲！ - **甜品**：最後食返杯Coco Berry雪糕，大滿足。下次再約fd去食過…查看更多

好耐冇食可以任夾流水蝦既餐廳🍴香港好似愈來愈少，但我覺得依間仲係到因為味道同選擇都多同好！今次再去，依然好玩好食！然後餐廳最近推出優惠，加$1就可以打埋邊爐😨！湯底都有幾款可以簡～燒烤食到膩嘅時候轉打邊爐，完美平衡口味最吸引眼球一定係座位旁邊嘅流水蝦缸！望住啲蝦游來游去好治癒🤣我自己鍾意專登揀啲生猛嘅挑戰，店員仲會不時補貨，好新鮮！蝦肉爽口彈牙，蝦頭爆膏，鮮味十足！除咗流水蝦，自助區仲有超多海鮮選擇～我最鍾意就係扇貝同原條魚類！自己DIY左醬汁同埋粉絲擺落去，店員仲會教同埋提示點樣整好食啲！二串燒區嘅部份好多都調味調好咗，只要掌握好火喉，每一樣都幾好食！…查看更多