由6點食到11點半，可以慢慢燒慢慢傾，唔使趕!
最正係佢哋嘅流水蝦，座位旁邊就有蝦缸，生猛大頭蝦自己夾，浸一浸冰水再放上爐燒，蝦肉厚身爽口，蝦頭又多膏，鮮味十足！
海鮮種類都幾豐富，鮑魚洗得乾淨，燒完嫩滑彈牙；扇貝大大隻，加啲蒜蓉牛油一齊燒，更加惹味。
仲有生蠔、魷魚、原條魚等等，全部擺得整齊，睇得出幾新鮮。
串燒區都有驚喜，牛柳粒、羊架、雞皮餃子串樣樣有。
每人仲送一串厚肉鰻魚，燒到香脆焦香，口感一流。
加$1就可以開個小火鍋，有豬骨、麻辣同蕃茄湯底選擇，燒烤同時打邊爐，食啲蔬菜解膩。
飲品好多款，連冷泡茶、汽水，
啤酒同真露都有。
甜品有自家製啫喱、窩夫同雪糕，食到捧住個肚走！
