餐廳空間感十足，座位與座位之間唔會逼狹，可以自在地燒嘢食同傾偈，坐得幾舒服。最正係每個座位隔離都有個「流水蝦蝦缸」，啲水清到不得了，侍應會主動加蝦，永遠都有得夾！
今次有個意外驚喜，就係餐廳而家推出「+$1小火鍋」優惠。一邊可以燒嘢食，另一邊就可以烚下火鍋料，雙重享受。
流水蝦絕對係全場焦點。我哋第一轉就夾咗十幾隻。爐火夠猛，好快就燒熟。蝦殼燒到脆卜卜，蝦肉結實彈牙，鮮味十足。簡單灑少少鹽，已經將蝦嘅鮮甜完美帶出，品質相當唔錯。
🦞自助區款式多到眼花：
✅海鮮類：鮑魚、扇貝、東風螺、蜆、原條魚、魷魚、生蠔等等
✅ 串燒款式多元化：多款串燒，由肉類到蔬菜都照顧到。
✅ 熟食與火鍋配料：如果燒到攰，仲可以拎啲熟食頂住肚先。火鍋配料區都唔馬虎，配合個$1火鍋，絕對物超所值
