蜀城川味專門店

營業中

休息中

服務態度勁差，老闆服務員打牌吹水都唔理客人 紙巾茶水都沒。宮保雞丁水煮魚都唔正宗，得番鹹味，雞肉好似都唔新鮮，完全沒辣味同埋先給味，開左半年價錢一路漲，唔會再去！

日日都出街食飯，梗係想食得健康啲，所以好多時都會揀啲家常小菜，例如麻婆豆腐，炒青菜之類，呢度仲有個好特別嘅小菜，就係酸豆角炒肉鬆， 第一次見到呢個小菜，有啲驚喜 ，真係好開胃，酸豆角酸酸鹹鹹好惹味，加肉鬆落去炒，又好餸飯又健康。 畀個like佢。 今日仲叫多咗個麻婆豆腐，豆腐好嫩好滑，用咗啲肉鬆同炸菜，令到成個菜係非常之和味，又健康又好食，如果想多菜少肉就可以咁樣叫，價錢仲好實惠， 兩個人食飯兩百零蚊就夠啦。😋😋

中午，有時候都會食下茶餐廳以外既野食，所以，當我碰見可以說是啱胃口的外省菜時，總是會喜歡研究一番。這一次尋食之行，行了出英皇道，發現有兩間外炮菜小店。眼見這一個《蜀城》有飯食 (而另一間是食麵的)，那就決定來，辣辣地醫醫肚。是日因為思蜀，所以來了一份四川回鍋肉飯。如不思蜀，這兒也有廣東口味的午餐。不過，既然來到了一間以麻辣香鍋做招牌的四川館子，我當然是為了蜀味而來，所以，午餐一定要來個辣的。其實，我們在香港食慣的回鍋肉，是旅港上海人 modify 過的版本，而這一個真正的四川版本，在味道上同辣度上，就有點點的不同。豉香味沒那麼重，亦帶有少少的麻香，然而，這一個味道用來伴飯，也是一流的。香辣的口味，以白菜同蓮藕來代替上海館子版本的椰菜同荀，也是很不錯的配菜。跟餐的餐飲就不思蜀了，因為有港式奶茶，而且是好飲的一杯。夠奶味，夠茶香，可以解辣啊。吃了，思不思蜀? 我不是四川人，當然不思蜀啦。而且這餐吃得快樂，旁邊點了麻辣香鍋的國語顧客也吃得很開心。能在香港吃到近乎地道的四川菜，也許，真的是樂不思蜀啊。

天氣凍凍地 ，好想食醉雞鍋 🐔🐓，又想食蒸鱔 。呢度啱啱好兩樣都有 ，即刻坐低 點齊。 中午時間好多人， 但大部分都係食套餐 ，坐得有啲迫 ，幸好負責的店員 非常靈活 ，親隔離枱一埋單， 就即刻拚張四人枱畀我哋， 等我哋食雞煲，蒸鱔 時可以舒舒服服， 服務真係冇得頂。💯 雞煲上枱 ，一大煲藥膳湯， 有好多黨參當歸紅棗杞子， 分量充足 ，真材實料， 鮮雞用酒薑蔥浸住， 湯滾即落 ，滾五分鐘熄火 ，再焗五分鐘 ，雞肉鮮嫩無比， 帶住藥香， 食到暖笠笠 。😋😋跟住豉汁蒸大鱔上枱 ，肥美蒸鱔一大碟， 用的是台灣鱔， 肉爽鮮甜 ，豉汁蒸係最好嘅食法， 叫一碗白飯，用蒸鱔豉汁送飯， 超美味 ，簡直就係頂級享受。 食完一大碟鱔，跟住就心思思叫其他嘢， 健康嘅飲食要葷素搭配 ，於是就點咗油麥菜同 響鈴， 趁住一大煲雞湯， 鮮嫩的油麥菜 索曬雞湯的鮮味 ，雞油的香味 ，成就最好食的油麥菜 ，響鈴用新鮮油炸 ，清香脆口， 在雞湯中稍灼， 外軟內脆 ，豆香四溢。 鮮甜的雞湯將油麥菜和響鈴都變成了超級美食。👍👍食得差不多時， 老闆還親自出來問下我們對食物的意見 ，原來老闆來自福臨門， 唔怪得有如此出色的製作

蜀城係北角都開左大半年有多，之前都係食小菜套餐，今次第一次食雞煲同火鍋。小辣雞煲好惹味，味濃濃而肉質都可以，不會爛。配料方面，牛板腱都係$118最驚喜係佢個響鈴係即炸，上碟都仲熱。牛栢葉都好大份，同超級爽口，冬菇都好新鮮。服務方面，店員好殷勤，本身收工係10：30，但老闆比我地飲啤酒坐到11：30。老闆佢講佢自己以前係總廚，為左想人生更有回憶，最重要係想更多人食到平民美食。一至五既九點前有套餐都$60左右。

見午餐有水煮嚟食，預咗未必好正宗，只係估唔到帶酸，可能係店家特色。朋友叫咗個酸菜魚，魚肉彈滑但帶刺帶鱗。飲品尚可。總結而言唔會有下次依家想平平哋食個川菜唔簡單呀。

星期五晚上七點鐘左右來到，人未算多，推薦雞煲，所以一試，選了半隻雞。雞煲的食法，先是普通麻辣雞煲，然後就可以加湯做火鍋。我們沒有要求少辣或者走芫荽。雞為細雞，有雞味、滑、香，辣度適中，相當開胃。之後加木耳、萵筍、五花腩做打邊爐，湯不需要加太多，盡量食到雞煲的味道。火鍋配料份量足，而且新鮮，五花腩為薄切，容易洽熟兼入味。侍應態度親切，老闆亦會同食客打招呼、相當風趣。有不少客人應該為熟客。七點半左右開始旺場，冇耐都坐滿。總體相當滿意，下次會再來嘗試乾鍋、其他炒菜。

嗜辣，但唔係譚仔酸辣可解前陣子迷上酸菜魚，近來喜好麻辣乾鍋一般都係一大鍋，唔係咁易揾到人陪揾到有一人既都會去試下解癮酸菜魚找到灣仔的鼎泰十二味，麻辣娘子，椒椒相見午餐都有一人份乾鍋，但都有唔同既缺點，不能滿足對乾鍋的追求今日無意在openrice看到新開的蜀城，見到乾鍋2餸起，要知道一般乾鍋要4餸起，總價就要二百以上，份量亦唔係係一人可解決講返蜀城環境光猛清潔，連廁所都好乾淨侍應都好有禮貌，不過在客人附近高談闊論就有d嘈星期五近9點到，只有一兩枱人我點咗乾鍋$48, 中麻中辣豬大腸$40，豬肚$35乾底本身有油麥菜，蓮藕，木耳，萵荀片所以無額外點蔬菜味道完全做足麻，辣，有層次，夠味，夠鑊氣份量都好足完全係貨真價實既麻辣乾鍋雖然無其他店既乾鍋午餐平不過味道，份量都對得起呢個價

蜀城是一間非常正宗的川菜！性價比很高，不油膩，色香味俱全，特別下飯。辣度進行過調整，提香味但不刺激舌頭和胃。試過酸菜肥牛、宮保雞丁、酸菜魚、小炒牛肉、辣子肥腸、乾鍋花菜，全都很好吃！另外，老闆很親民，很有同理心，其餘店員服務態度也都很好！值得回顧。