蚊蚊豬老火鍋

營業中

休息中

約左三五舊同學聚會成班人又唔諗食咩，又係到我提議既時候見到近期有網友介紹呢間蚊蚊豬問佢有咩咁特別，原來係有得任轉鍋底即係可以食完雞煲轉魚再轉打邊爐仲要有得一個價錢任食就即刻提議不如試下 太子站一出行3分鍾就到呢間，門口唔算多人諗緊會唔會伏啦，但原來入面好大係有兩層我地就係安排左樓上坐位坐下坐下，平日夜晚黎講都巳經坐滿唒客人了叫野食，試左雞煲先，ok 不過不失但就唔太入味之後試打邊爐，一共轉左兩次湯底料都ok 既，未算十分出色 但都合格唯一個人心水推介係炸饅頭 即炸真係幾好食，可惜呢個係放題 同埋一次要黎6件 唔係真係想encore... 但今次就留肚吃其他野啦

同事話想打邊爐，要任食，要就腳，要高質，又要抵食，我即刻諗起呢度了。一定食得飽大家之餘，仲包大家滿意😁上次人少，來蚊蚊豬只係試咗雞煲，今次人多梗係試埋烤魚😋😋😋 大大盤，好好料，魚好滑，好正啊，辣辣地，好惹味🤤之後仲encore 咗個唔辣的。差唔多食晒就準備打邊爐了，今次試咗個龍蝦湯底，但係就比較淡，唔太有龍蝦味。。。勝在火煱料新鮮，成班牛魔王叫到成枱都係牛🙈 以$300(+10%)價錢，食到呢個質素，大家都👍🏻👍🏻👍🏻 睇圖都知道啲牛有幾靚啦😚另外青島任飲，仲有雪糕任食。呢晚大家都好滿足😌

我推薦呢間 蚊蚊豬老火鍋 不但有多款湯底，更有烤魚，冬天還有羊腩煲配料也有各種魚，肉，海鮮，刺身多款冷盤小食，連熱騰騰的炸饅頭也能吃到安格斯牛肉油花剛剛好，又嫩又香，多吃也不覺得膩刺身款色雖然不算多，但質素也不錯，以人均收費330HKD的，還要是吃到飽，以勝多間放題值得再吃外觀：👍👍👍👍味道：👍👍👍👍*滿分=5👍#我是吃貨組長 #Nicky的味道 #吃貨的態度 #美食 #蚊蚊豬老火鍋 #粵菜 #中式 #火鍋 #foodieleader #foodie #foodiehk #blogger #太子 #princeedward #香港 #hongkong

烤魚放題 ($288)佢哋嘅牛超靚 係厚切牛 而且脂肪比例好好 不過牛黎嘅速度都非常慢 催左幾次先上🥲·其他配料種類都非常多 好多偏門野都有🤣大家可以自己黎發掘下·講番主角-烤魚 建議大家煮個魚煮耐少少先食 咁條魚可以完全吸住個湯汁 不過我覺得味道可以再麻啲

呢度可以滿足你三個願望有刺身 雞煲/烤魚/湯底邊爐其實都唔止三個願望好值得一讚係手切牛肉平時某一啲餐廳既牛肉第一輪好靚之後幾輪就開始走樣 會有好多肥膏但呢度絕對唔會 分布平均每一輪都係好高質我同家人都encore左幾次其次佢地既烤魚都好出色有唔同口味比你選擇而其他配料都好高質 絕對值得一試另外佢哋既小食都好值得試讚炸饅頭配上煉奶 唔食好多地方有黃喉食 呢都就有啦 火鍋有黃喉食 真係好爽仲有雪糕都好值得大家試 gelato 雪糕 濃濃既朱古力味 又唔會好似某啲牌子咁甜真係唔止三個願望 可以滿足吃貨們

近日小弟探訪到太子區一間名叫「蚊蚊豬老火鍋」的餐廳，真是讓人食指大動！這家餐廳主打川菜，以四川風味為主，還提供各式各樣的美味佳餚，其中包括鮮蝦雲吞、安格斯肥牛和即炸響鈴等。走進蚊蚊豬老火鍋，首先就被它獨特的氛圍所吸引。餐廳裡燈光昏暗，燈籠懸掛在空中，牆上掛滿了中國字畫，營造出濃厚的川味氛圍。座位舒適，桌上放置著各式各樣的調味料，應有盡有，讓客人可以按照自己的口味來調配湯底。蚊蚊豬老火鍋的招牌菜之一是鮮蝦雲吞。這道菜色香味俱全，鮮嫩的蝦仁包裹在Q彈的雲吞皮裡，一口咬下去，彷彿在口中爆開一片美味。配上餐廳特製的辣醬，更是讓人回味無窮。

朋友介紹蚊蚊豬打邊爐，真的很多元化，有曬想食既野，一次過滿足曬，今次上左2樓食飯，環境闊落，120分鐘任食性價比好高。Menu-2百幾$食到飽，佢有好多前菜同小食任叫，晚市仲送牛拼盤雞煲-叫左半隻雞（小辣），勁多芫荽起面，雞好滑，好嫩口同彈口，同埋好入味烤魚-有清江魚同鱸魚簡，今次食左清江魚，上枱見到勁大條又厚肉，條魚佢炸到好香，d皮好脆，肉質好彈牙，仲可以叫火鍋配料當打邊爐，佢既牛勁好食，好有牛味，一定要叫，必食

今日再一次嚟到蚊蚊豬老火鍋，今次嚟嘅係深水埗分店，餐廳位於荔枝角道，由深水埗站出行5分鐘左右就到，位置非常方便😊。。呢間餐廳真係好抵食，120分鐘任飲任食，無限轉煲，都只不過係大概$300，而且而家仲有期間限定，有三款特別嘅鍋可以選擇，分別係真。龍蝦鍋、鮑魚雞煲、雪蟹三文魚頭鍋🤩。每一款都好吸引，真係好想全部都叫晒，不過只可以三揀一😂。。最後，我哋揀咗真。龍蝦鍋，個湯底非常之鮮甜，好有龍蝦味，真係要飲返兩碗先，而且都有大大隻龍蝦喺度，食落都幾新鮮唔錯👍🏻。飲完個靚湯，跟住當然要轉返我嘅最愛-烤魚啦😂。我揀咗原味香辣清江魚，魚肉本身已經烤得好香脆，清江魚肉質比較滑嫩，而且有少骨，咬落口啖啖肉，再加上佢嘅辣味同調味料，越食越惹味，食得好過癮😋。既然係無限轉煲，當然要食埋雞煲啦❤️。重慶麻辣雞煲，簡直冇得頂，佢嘅啦調得好出色，非常入味，而且佢嘅雞肉十分嫩滑，無論係雞髀定係雞胸部份，食落口滑嫩多汁😚。最後當然要用呢個重慶麻辣嘅汁底打邊爐，本身入座就已經送上左一份極品牛皇拼盤同空運刺身盛🙈。牛肉嘅脂肪分布均勻，食落好牛味十足，再加上個鍋底嘅調味，勁好食。而刺身亦都好出色，冇雪味好鮮甜，好正👍🏻。

一早book 咗檯所以唔洗等 直接入店員好nice 咗同我哋講整好啲醬油同配料先之後就拎走 張檯空啲可以放食物😋開頭係雞煲 之後就打邊爐 雞煲好夠味 叫咗小辣 個人覺得啱啱好 啲雞件唔算大舊但勝在夠入味 😍除咗雞煲打邊爐之外仲有得叫刺身一去到會送人頭份量嘅鮑魚同北寄貝刺身我哋仲叫咗三文魚刺身 都幾新鮮 😎食夠雞煲就加湯打邊爐🤤🤤最期待就係蚊蚊豬嘅牛 因為朋友推介 呢道啲牛幾高質先嚟食唔係肥牛 而係有花紋嘅牛肉仲有好多邊爐嘢食同蔬菜選擇個人好鍾意有得食炸饅頭😝😝外脆內軟 同朋友人均食咗2個！最後埋單 人均$300 但係食物好高質同坐得舒服所以值得encore !🤩🤩🤩

有人話拍拖就係兩個人互相問大家食咩，直至到一方死去為止😂所以，到底誰人發明了火鍋咁偉大，為好多唔知食咩嘅男女解決左無數煩惱🤣朋友介紹嚟呢間火鍋放題，見到價錢唔貴諗住都唔好咁高要求，點知原來CP值極高！而家秋冬限定仲可以升級個湯底，可以揀羊腩煲，胡椒豬肚雞同埋藥膳魚頭。老老實實齋食個煲都值回票價啦😋但今晚都係想打邊爐，所以叫咗個鮮菌清湯窩同粟米豬軟骨清湯，呢度雙拼仲要係免費嘅😳每位入座都會送咗啲刺身上嚟俾你食先，有北寄貝同鮑魚，不過質素就麻麻哋冇乜味另外再叫咗啲刺身甜蝦，墨魚同螺片，都係麻麻地冇味既，所以可以唔洗叫刺身唔使叫到會送個牛肉拼盤上嚟先，有牛肩胛三角肉同埋牛柳粒湯底好多料，味道都唔錯，唔會淡茂茂好似水咁估唔到任食火鍋嘅牛都可以咁出色，好濃牛味，絕對唔係普通平價任食火鍋嘅肥牛質素仲有牛白肉同牛板腱叫，任食火鍋來講牛嘅種類都算多另外仲叫咗脆肉鯇同埋牛筋，質素都好好，好新鮮，脆肉鯇冇腥味，大大舊淨係食牛都可以食到回本，埋咗單仲可以落樓拎雪糕食，係香港製造嘅gelato😻美中不足係樓上閣樓樓底矮同位置比較細，一多人嘅時候就好嘈，完全聽到老公講啲乜嘢只好默默地繼續食😂總結火鍋既牛肉CP值

事緣約咗朋友飯聚，朋友講起曾幫襯過深水埗區嗰間蚊蚊豬火鍋店嘅120分鐘任食火鍋放題，話佢哋個啲食物質素同價錢以及樓面服務都ok，所以我哋一行5人就決定再次幫襯，但今次為咗方便住得偏遠地區朋友仔就改去佢哋另一間喺太子嘅分店，點知呢個決定就令我哋中哂伏！我哋訂咗星期六晚上七點鐘嘅檯，晚上六點四十二分左右朋友早到咗但未齊人，佢哋問職員可唔可以早少少入去坐住等，職員話可以接著就安排佢哋入坐，之後其他朋友陸續嚟到湊齊人數，就聽著其中一位女職員開頭都好聲好氣咁講解落單流程，但職員成個過程系完全冇提及過一落湯底就開始計時呢樣嘢（朋友講明上次深水埗經歷完全唔係咁樣一回事），我哋就盲摸摸咁鍋轉鍋直到想轉回普通火鍋蕃茄湯底打邊爐時嗰個女職員就話「冇得轉，120分鐘前30分鐘 last order 已經截咗單」，連last order 都冇出句聲溫馨提示下，之前落咗單嘅火鍋配料仲要落6樣就送得3樣（落完單啲蟹柳、陳皮魚蛋、牛舌粒完全冇送嚟），同店家話事人反映不滿，佢指住嗰時間話「落第一次嗰個鍋時已開始計時，已經夠晒鐘冇得加」，仲懶好人俾你加轉火鍋食物，試問你張單邊度寫住嗰第一次落湯底時間，簡直強詞奪理到不可

想食刺身, 又想食🐥雞煲♨️其實烤🐟魚都唔錯 樣樣都想食🤣🤣小朋友先要做選擇🤔, why not both我全部都要🤣, 所以先揀呢間, 任食刺身雞煲烤魚➕️火鍋掛住食🐟冇影到, 店員實在太細心, 驚我哋太辣叫我哋唔好叫中🌶🌶， 實在太睇小我哋無辣不歡， 其實。。。中🌶都唔係好🌶跟住係刺身時間🎉🎉包括冰鎮鮑魚 /北寄貝 / 紅鯛魚再嚟過牛肉拼盤牛柳粒 / 牛腱阪 / 牛舌 / 牛肩肉 / 封門柳另外仲有其他任食刺身當然唔少得叫三文魚 / 甜蝦 / 馬刀貝其實仲有其他不過冇叫例如有仿鮑片 / 墨魚。。。小食有芝麻八爪魚🐙 / 味付螺肉 / 手拍青瓜 ( 如果係辣就更好)/ 陳醋雲耳 /子薑皮蛋 。。。 另外仲有黃金饅頭 / 川汁皮蛋火鍋配料有最愛嘅黑色黑栢葉 / 牛胸爽 / 牛黃喉 仲有好多好多不過呢幾種都幾特別

最近都想食打邊爐，朋友就推介左呢間蚊蚊豬，見收工近近地就過去食～佢有幾款湯底可以揀，我哋就揀咗自選鴛鴦湯底（招牌紅湯窩＋花雕醉雞窩）另外佢可以叫打邊爐放題或者單點我哋就單點左個手切牛，質素都算中上，有雪花同埋食落唔會韌～咁啱撞正佢有新鮮鱆紅刺身供應，即刻嗌左一碟！好新鮮好好食！又唔會腥！推介！但係佢唔係成日供應，如果想食記得要早啲打嚟去問～另外都叫咗啲刺身，有三文魚、帶子、北寄貝等等，質素同出邊放題嘅都好相似，正正常常！而餐廳間隔都幾好，坐得好舒服，同朋友收工嚟都係一個唔錯嘅選擇😆😆

第一次食 算好彩 6點打去問7點留枱2個人 仲有枱可以留，但7點令鍾至9點食完走人外面仲有人等位😅😅，呢間鋪有閣樓上 今次坐閣樓 呢樣我個人比較鍾意 ，埋單每位$298加一$328 閒日19:00-21:00時段 原來雞煲烤魚任叫 🤩 烤魚鍾意叫盧魚少骨多肉 ， 仲有羊腩煲 魚頭煲 胡椒豬肚雞 3揀1 ，有叫刺身但食落普通，食完煲就打邊爐 打邊爐最關鍵係啲牛肉 牛肉來講 呢間算唔錯 有牛味，黑柏葉 鵝腸都唔錯👍🏻最後埋尾雪糕 就少啲選擇 只有朱古力同雲呢拿味 但整體而言都滿意 等遲啲冬天 應該會再去多次🤓。

最近食牛大人食多左，想試下其他火鍋放題😏，見到呢間餐廳做緊優惠，星期一至四7點半前結帳，每位$248，另外訂枱滿4位即時減$100，最終4人$991。🤤 我地準時5點半入座，首先點左個小辣青江烤魚。賣相真係好靚，大大條魚，而且全部都係粗骨，唔洗怕會唔小心連骨嘔，加上師傅劏好哂，半邊全部都係肉，啖啖肉好滿足~~ 烤魚啱啱上枱果陣個湯汁較多，所以魚肉未能入味，但水份蒸走一半後，辣味越嚟越出，個汁用嚟打邊爐最正!! 😋落柯打後，職員會送上一次性刺身，包括鮑魚、北寄貝、鯛魚(應該係)；一次性嘅牛頸脊；同埋牛肉拼盤，包括牛板腱、牛舌、封門柳、牛肩、牛粒；全部牛肉都好靚，以任食嚟講質素唔差。牛舌彈牙、封門柳最有牛味、牛頸脊肉質最淋、牛板腱切得太厚有點韌、牛粒比想像中軟，煮耐左都唔會韌，有驚喜、牛肩肉係第二淋又有牛味。牛類選擇好多，除左拼盤嘅牛外，仲有少見嘅牛胸爽😯!!! 全枱人第一次食，所以唔識煮，煮到好韌，韌到好似食緊香口膠...😂😂另外，任食刺身有三文魚、甜蝦、墨魚、馬刀貝、仿鮑片，係墨魚麻麻地，比我煮番熱嚟食😅，好有墨魚味🙊，其他正正常常。前菜則有芝麻八爪魚、味付螺肉、手拍青瓜、陳醋雲耳、麻