蚊蚊豬老火鍋

營業中

休息中

餐廳主打無限時任飲任食，由五點食到凌晨兩點，四川烤魚、雞煲、多款牛肉、日式刺身、火鍋配料、前菜、小食等，性價比甚高。萬州烤魚有四款口味，原味香辣、泡椒酸湯、香辣鮮茄、濃鮮茄，清江魚超級大跳，外層炸至脆身，肉質紮實帶咬口，啖啖肉，骨少，老少咸宜。麻辣雞煲可自行選擇辣度，肉質嫩滑多汁，建議可以再煮耐少少吸多啲醬汁。春季限定可免費升級大蝦海鮮鍋、紅酒燴牛尾或海參濃雞湯，配料十足，店員提醒要先飲湯！大力推介呢度嘅前菜同小食，三文魚肥美鮮甜、玻璃蝦鮮嫩滑溜、炸饅頭真心即叫即炸，熱辣辣，外脆內軟，一啖接一啖，完全停唔到口，我食咗成10塊... 再搭配煉奶加雪糕，真係邪惡到爆。炸魚皮、炸響鈴、炸午餐肉同樣出色。牛肉方面建議可以點牛拼盤，一次過食到幾款唔同嘅牛，擺盤精緻，打卡一流。其實食到呢度已經好飽，再唔夠先叫火鍋配料啦😂 呢度幾適合聚餐，服務態度友善，下次會再約朋友聚餐。