蘭香麵家

營業中

休息中

❤️老Hong Kong味道，新鮮鷄腸，爽脆不在話下，一啲都唔肥膩ar😋😋，湯底好有大地魚味，用料十足，無味精，所以我叫米粉底吸收晒湯底嘅精華，無得頂呀🤩真心正

回憶可以用味道，仍然係萬惡嘅雞腸非常油香脆口，黑柏葉亦係必然之選，冬菇厚肉大隻！三個人食咗三碗麵不過滿身大汗！姐姐服務態度好差，只係叫佢開個風扇都唔多爽，鬼叫自己為食咩

為什麼我的美食分享標題是「一份味道，一份溫情」呢？讀書的時候，媽媽常常帶我和妹妹去這間餐廳食麵。當時是我第一次食到「貢丸，黑牛柏葉和米線」，媽媽常常說，這間餐廳很有名的，歌神許冠傑也有幫襯這家餐廳。姑勿論是否有歌神去捧場，這家店的湯底跟餸菜都很捧！很用心的製作！只是看他家的蔥絲都切得很用心。這麼多年了......這一次我不是跟媽媽去了，而是帶著我老公去。我帶著口罩，除下口罩的時候，老店員姐姐竟然認得我。她笑得開懷地說：呀妹，妳除了口罩我認得妳喇，妳細細個跟媽咪嚟食野架麻......我突然心裡一陣暖，覺得人間有情。所以，有時候吃東西，不只是食那個味道好不好，這個食材夠不夠名貴，反而我覺得服務態度是很重要。黑柏葉，墨丸，牛筋米粉。黑牛柏葉是必點菜式（沾特製醬油一起食）墨丸好彈牙👍牛筋要讚！炆得好淋，好入味

某日同女朋友嚟到呢間蘭香麵家，品嚐佢哋出名嘅雞腸麵同埋黑牛柏葉麵，可惜發現相當普通。.雞腸雖然食落去爽口，但仲有唔少肥膏，食落去有少少核突，仲搞到個湯好油。.黑牛柏葉好少少，食落冇異味，但係夠晒爽口。.雖然啲食材夠特別，但又唔算係整得特別好食，試一次就夠。

話說頭先喺朋友屋企食完飯， 7pm太早食，又忙着陪小朋友玩，返到尖沙咀已經11:30 pm，見到蘭香仲未收，就入去食碗雞腸面，十幾年前已經好出名，又係老字號鋪頭，不過今日得我一個人，冇叫黑柏葉，驚食唔晒，夜晚都仲係好多人大部份都係食鮮雞場面，大家有機會可以黎試吓#老字號先雞腸麵👍#老字號黑牛柏葉冇漂白的👍

自從幾年前一個朋友帶我去食呢間嘅黑柏葉、雞腸麵後，一直都念念不忘！每次經過附近都會入去食麵。好少麵店有雞腸同黑栢葉食，店員仲話啲雞腸係每朝新鮮去買返嚟架。今次我同朋友兩個人去食，我叫左冬菇、黑柏葉麵，我朋友叫左黑柏葉麵，我地另外單點左份雞腸牛柏葉好爽，好有咬口！冬菇好香、好厚肉！雞腸好爽滑，店員左個豉油我地點雞腸，加啲辣椒油，味道一流！我朋友今次第一次去食，佢都讚不絕口！店員都好好呀，個個都好有笑容。會繼續支持小店！

蘭香麵家外觀毫不起眼，門面細小昏暗，行過亦不知道。店內的裝潢，跟一般坊間雲吞麵店差不多，然而他們的招牌菜，並不是普通的雲吞、水餃，而是雞腸、黑栢葉和冬菇，這堪稱店中三絕。黑栢葉是未經漂白的原型，黑沉沉的顏色賣相本不討好，但入口卻出奇地爽脆，可見師傅掌握時間的準繩，蘸上店家自家調製的豉油，十分匹配！最妙的卻是雞腸，材料不是甚麼雪藏貨色，鮮黃色的雞腸新鮮無異味，質感比鵝腸薄身，灼得剛熟爽口，連著少許脂肪帶有雞油香，想不到竟調理得香軟嫩滑，伴以米粉同吃，令米粉也沾了甘香的雞油味道。這家庭式小店，單是栢葉和雞腸，兩種食材都要經過多重繁複過程去達至完美，簡單的一餐，卻是透心的味美！

So a friend of mine introduced this hidden gem to me. Walking from Tsim Sha Tsui MTR it’s quite far, and passing by all those Korean restaurants as you walk through the traditional Korean Street of Hong Kong, it’s quite tempting to just stop and dine elsewhere. Korean fried chicken hmmm...However my friend insisted we try this place out for some traditional noodles. Got to the place and ordered the popular chicken intestine noodles and a plate of Chinese mushrooms to share. No expectations.When

第一次來蘭香的時候，就是公司剛剛搬來尖沙咀的時候，不知不覺好像是八年前的事了⋯⋯還記起那次麻甩俠問筆者，搬來尖沙咀，你有否吃過雞腸麵？一聽到雞腸二字，簡直叮一聲！之後久不久就會過來拜會一吓！近年，柯士甸路的店舖已改了不少，而且還有多間吉舖已有一些時候仍是空置着，早兩年，連那北京餃子也搬過另一新舖。還是蘭香仍可屹立不倒，其實力，可想而知。早年金剛、小怡訪問過後，大大張相貼在門外，吸引不少遊客。星期一晚，未算太多食客。筆者每次例必被雞腸牽動着，總之雞腸一定是胆，胆拖鮮牛還是黑柏葉之爭。如果三兩知己到來的話，例必點整整一碟雞腸，或柏葉，何其壯觀及滿足。有時候想吃飯餐的話，豬手、豬軟骨及冬菇都是不錯的選擇。由於星期一晚放工後，突然很想吃雞腸麵⋯⋯突然好想你，雞腸在那裡，吃得快樂和幸福⋯⋯突然好想你，突然鋒利的回憶，突然滿口雞腸麵⋯⋯雞腸撈粗麵$44~其實筆者覺得這裡的湯幼麵比粗麵好吃的，但由於太肚餓，所以吃撈麵會飽一點，質感方面，撈粗比撈幼麵好吃。那兩條生菜，感覺上減低雞腸的罪惡感。上湯及秘製豉油~吃撈麵另一個原因，就是那碗帶有點點韭黃的上湯，因為喝出其上湯味道，和吃湯麵時的感覺不一樣。筆者就

不只一次去食她們出名之雞腸及黑栢葉, 今晚放工後ㄧ如以往由美麗華商場行到尾, 沿成條金巴利道行, 要至少行十幾分鐘先到, 但辛苦換來ㄧ碗自己想念的雞腸米粉都是值得的! 她們的秘製豉油配雞腸簡直ㄧ流!!! 真的不能不試! 唔食雞腸或黑柏葉都是白去的!! 繼續支持小店!  

行過間鋪門口，見到金剛同小儀張相，諗住應該都有番咁上下質素。朋友嗌左碗牛腩河，我睇牆上有雜誌介紹豬軟骨河好惹味，於是就揀左豬軟骨河，朋友碗牛腩河得d肉碎，我碗豬軟骨河有3粒豬軟骨，但係d肉又乾又柴，朋友忍唔住同阿姐講，阿姐同煮麵師傅講:話冇肉哦，師傅冇理。之後朋友忍唔住撈d肉碎再同個阿姐講，阿姐又喂個師傅，師傅冇搭嘴，之後拎左細碗裝住幾舊牛肉出來，但係好明顯係牛肉，唔係牛腩。好失望囉，一間普通麵檔都好食過佢，唔會再幫襯。

本人喜好吃麫，首先汤底要惹味，此间铺 面积不大，却整洁得很，我叫了云吞面及油芥兰，麫质弹牙爽口，云吞质料丰富，虾鲜味美，配上汤，恰到好处，加上爽脆芥兰，食物平凡但高质，只是枱椅较为粗糙，不能坐得太久，但也值得再试。

夜晚係尖沙咀行街，男朋友提意去食蘭香，因為我們都好喜歡食黑牛柏葉。蘭香係一間老店，這裡沒有靚裝修，就連d餐具都睇得出用左n年，職員態度真誠有禮。唔算太肚餓，所以我們叫左一碗麵同一個淨餸happy share。黑牛柏葉＋牛筋米粉先講牛筋，味道和口感中規中矩，好似平時食車仔麵果d質素，始終這裡不是專食牛雜店，所以沒期望也沒失望。有點失望的反而係黑牛柏葉，黑柏葉本身食落就係有d鞋鞋地的口感，一定冇漂白左果d牛柏葉咁爽口。之前食過2次蘭香都正，今次未食一望見到d黑柏葉唔係黑色嘅？？食落爽口，唔係唔好食，但就係冇左果種鞋鞋地口感。白灼鮮雞腸鵝腸就食得多，雞腸比較少地方有得食。雞腸比鵝腸薄身，又係心機野，要花好多時間洗腸，係蘭香招牌作。口感爽滑，腸裡keep住小小脂肪，點d辣椒豉油食，真係冇得輸，好好味！

其實我一向都唔係好食內臟的人，最頂龍係飲茶的金錢肚同燒雞腎，其餘的可免則免。直至2、3年前，去咗韓國食燒肥腸，就真係返唔到轉頭，雖然仍然唔係樣樣都食，但起碼接受咗腸丶胃，咁同friends食飯選擇多咗好多。而今日同事就帶咗我嚟呢間望落就知有歷史的＂雞腸麵＂。搞笑ge係佢地定義呢間麵店屬於＂輕食類＂我相信佢哋所謂的輕食係因為比起平時的大碟飯，大舊肉，咁的而且確雞腸係似攝牙罅。不過我呢碗雞腸牛腩麵其實都好夠食。佢出名鷄腸的確有佢ge原因，好夠爽口香，一D都唔韌。麵質唔𥅈都夠爽身，平時我唔蔥，但同事強烈建議要埋，但⋯⋯我唔覺特別好味咗。牛腩不過不失，咁我咁配係想成碗麵有D牛汁調一調個味，okay 咁啦。而最後想講可呢度D姐姐ge可愛吖，我地逐個逐個逐碗俾錢，有好幾個有碎銀(咁當然想卸貨），姐姐收到四萬咁口講多謝，唔通佢唔夠＂大餅＂？好耐無試過有人收碎銀收得咁開心了⋯⋯

難得星期日放咗教會約咗朋友仔shopping完之後一齊食個快lunch 諗黎諗去都唔知食咩好食神畢弟提議食雞腸面我記得好似打邊爐先有雞腸食呢個食神介紹到，梗係要去啦最後我都係冇嗌雞腸，買咗牛筋米不過就有試到佢地個碗嘅鮮雞腸，雖然我唔記得影相，我覺得比起打邊爐嘅雞腸好食好多，打邊爐嘅雞腸就係銀嘅，但係有咬口而呢度嘅雞腸呢就係爽嘅👍🏻👍🏻而且尖沙咀區來講$38一碗麵真係算係好抵不過你就唔好諗住坐得好舒服囉😅唔記得講我碗牛筋，都唔錯㗎，夠大舊腩汁又好味