蘭香閣餐廳

營業中

休息中

瀝源邨係沙田新市鎮嘅首個公共屋邨，於1975年正式入伙，而蘭香閣餐廳Orchid Garden Restaurant則於1976年正式進駐瀝源邨，亦都已經響瀝源邨有約44年嘅歷史，曾經試過響同邨位置搬過鋪，不過真係唔記得係搬咗幾耐，我浄係知香港有心做餐廳嘅老店已經越嚟越少，所以要多多支持支持。由於要去瀝源邨同人交收，所以順便到蘭香閣餐廳食嘢，一入門口就有店員替每位進入蘭香閣餐廳嘅顧客量度體温及唧搓手液，亦有提供信封放口罩，由於已無再限制餐廳客人人數，所以都見到餐廳都有唔少人客，但每枱仍然不能多於4人，我見有啲枱與枱之間都繼續保持1.5米距離或使用分隔措施。店員量度體温及唧搓手液後安排我入座，見到枱面玻璃底下，有瀝源邨及蘭香閣餐廳之介紹及過往歷史，問過店員是日中式客飯為韭黃滑蛋蝦仁白飯一碗 ($52)，中湯為冬瓜湯，西湯為羅宋湯，配即磨咖啡或餐茶(凍飲加$2)，最後就係點咗是日中式客飯：韭黃滑蛋蝦仁跟白飯、中湯：冬瓜湯及凍檸茶，向店員點餐後，店員將餐具、牙櫼及紙巾奉上枱面。冬瓜湯先到，冬瓜消暑、湯頭清甜；韭黃滑蛋蝦仁，蝦仁算大隻兼肉嫩彈牙、炒蛋又炒得剛好夠嫩滑、再配上韭黃及芫荽作一些點綴

早起身到沙田瀝源邨裡邊嘅蘭香閣茶餐廳，好耐冇食，餐廳裡邊都冇乜變，姐姐都係一樣，尤其是牆上嘅壁畫，睇左佢地介紹，真係一個插畫家嚟到呢度一筆一畫畫㗎，公仔圖案好得意，增添唔少美感睇下早餐餐牌先，選擇真係好多，有粉麵、三文治、麥皮同西式早餐都有，一定會揀到啱食嘅果日我唔係好肚餓，所以嗌左果占厚多士同凍奶茶🥤婆婆都係一樣，佢嗌左熱最鍾意嘅熱咖啡！一片厚多中間切開，果占同多士一定夾㗎喇，好似peanut butter jelly咁，多士都鬆脆，奶茶嗌左少甜都係有d甜，整體來講食物係街坊嘅味道，食嘅係一種回憶

今日喺沙田活動，3, 4點鐘餓餓地，去食返個tea先，知道呢間餐廳既西多士同奶茶都攞過獎，一於試下啦。下午茶餐幾抵食，我地兩個人嗌左半份西多士加司華力腸，同埋咖哩雞扒撈麵。西多士夠厚身，入口鬆化，蛋味香濃，難得既係佢唔油膩。司華力腸冇咩特別，正常貨色。咖哩雞扒撈麵相對普通，咖哩冇咩辣味，不過雞扒大份搭夠，麵既硬度亦剛好。奶茶好滑，不過我個人中意茶味濃d既，對比其他平民茶餐廳黎講已經算唔錯。

呢間餐廳歴史悠久，裝修後都無黎過，最近朋友提起呢間餐廳，推介佢既凍檸茶，就黎試下。叫左兩個鐵板餐配黑椒汁，一個係西冷扒，另一個係牛仔骨拼牛扒。個餐包餐湯跟餐包同一杯野飲。首先黎餐湯，夠熱，辣味夠，酸味多返d就更好。配既係牛油法包，個包都熱熱地，不過烘得唔夠脆。到鐵板出場西冷扒- 有差唔多成塊鐵板咁長，而且好厚身。我要五成熟，廚師真係有控制到熟度，切開塊西冷，顏色有層次，外層淺啡，中間粉紅色，西冷好厚，食落去鬆化牛仔骨拼牛扒- 牛仔骨同牛扒各一塊，都好大件。 牛仔骨都鬆化好味，無肥膏又多肉，當然就無西冷咁厚身。另一款牛扒相對就差d, 入口無咁鬆軟，但都可以既。黎埋餐飲，叫左凍檸茶同熱檸水。我本身好怕澀味，所以從來唔會叫檸茶，今次朋友推介，就試下。檸茶無澀味，清得黎飲到茶味，唔太甜，檸檬無苦味，好飲。以後黎呢到食飯，我就可以叫凍檸茶飲啦熱檸水平時我就成日飲，今次呢杯我都擺左一陣先飲，但檸檬都無出苦味除左鐵板，呢到晚餐都有小餸同炒粉麵，之後有機會會再黎試。

一早去完攞証，諗住係附近食個早晨，見到有間茶餐廳都幾多人，諗住都唔差，叫左個兩餸出前一丁麵，但黎到比包麻油你就當係出前一丁😡問佢地仲死口話係，一食落口就知唔係啦😤Blacklist

性價比唔錯餐廳早餐仲有30蚊樓下叫左個雞扒米 出餐都幾快仲包野飲添 如果凍飲唔加錢就有杯凍柑吉 夠哂爽 唔怕熱叫就個炒米 早餐連午餐一齊食夠哂飽 呢個炒米 就等得耐啲 因為即炒 夠哂獲氣 有大份 夠飽 火喉唔錯仲叫左個焗飯同意粉 都好味 送同汁岩岩好 杯熱奶茶就中規中矩 正常比以前食佢晚試 有進步好左員工服務態度 有啲好 做野手腳快有啲就係特別差 冇乜禮物 睇下遇到邊個幫你落單某啲員工應該再培訓 training 下 自問只係普通落單 ......

這間餐廳在瀝源邨已經經營了很長時間， 今時今日的環境中可以保存著舊日的茶餐廳其實已經很少了。 入到沙田耐唔耐都會幫襯這間茶餐廳因為佢食物質素各樣都比較平均， 我們多數在下午茶時段幫襯， 佢哋的茶餐都唔錯，豬扒豬仔包配即磨咖啡， 好少茶餐廳使用即磨咖啡的，所以佢哋咖啡質素都唔錯。接近六點鐘晚飯時段其實都幾多街坊幫親， 我自己就未試過但見到 遞出來的餸菜 樣子都算唔錯，下次可以試下他們的晚飯小菜

今日星期五，平時帶飯返工既我都例牌出街同同事食下晏。沙田其實來來人去去都係個幾間。而今我地多人，成八個人,好難搵位，而咁岩蘭香有一張八人枱（其實係拼四個兩人位），所以來左蘭香食。我食左個B餐，粟米魚柳司華加腸飯配中湯同熱奶茶。46蚊，係呢個時勢唔算貴。但啲食物味道一般般。個中湯淡而無味。個司華力腸得半條，而個魚柳好難食，唔知點解好鹼水味，仲要我同事個碟個魚柳有一面啲魚肉黑黑地，唔新鮮到變埋色。呢個飯真係可一不可再。

在沙田行街，四處遊走。走累了，便隨便找個位置休息片刻。 就在不遠的沙田瀝源邨瀝源商場找到了蘭香閣餐廳休息充饑吧。店內位置空間充足，可供約30多客人進餐。由於我倆只是下午荼充饑，因此亦不選太大份量的食品了， 兩人同時各選了下午茶的套餐，首先是西多士加司華力香腸配即磨咖啡，另一套餐選了豬扒麵配熱奶茶。西多士及司華力香腸都可說是荼餐廳的必有食品，縱使你不覺得難製作，西多士仍是會令你對其餐廳作出評價。的西多士選用了粗粒花生醬作為中間材料，入口鬆化而不油膩。言而小弟不大喜歡粗粒花生醬難免扣了點點分計數。 司華力香腸就沒太大差異，始終是原材料吧!而即磨咖啡是值得一讚，味道不算太濃，而且喝了後口中充滿餘香，值得一試。 另一茶餐廳的必有食品就是豬扒麵了，論茶餐廳的麵食實在是餐廳的水平評核了。全因為麵食的評價直接影響客人的流量。而蘭香閣餐廳的豬扒麵是中上的水平作品，麵質不太軟有口感，湯底亦算中上水平，最重要就是要指出豬扒亦表現出色，鬆軟而富彈性，份量適中實在值得加分。 最後茶餐廳經典中的食品一定是熱奶茶了，若茶餐廳的奶茶欠佳那麼該餐廳大概很快結業吧!蘭香閣餐廳的熱奶茶味道較重茶味而茶質算是滑口

17-4-2016 (Sun)晏晝,同老公買餸前食晏,行到o黎瀝源記得有呢間,於是走o黎試試,,睇到佢啲午餐都要$44.00,不過都試試.我o地坐低後都揀o左午餐,老公要$44.00o既白汁蘑菇肉粒煎蛋飯,飲熱檸水.我要$44.00o既豬頸肉喇沙湯檬粉,要熱奶茶.冇耐,兩杯o野飲到o黎,然後就係食物,都好快手.我o既豬頸肉喇沙湯檬粉,’撩’吓啲檬粉,份量好少,得半碗,切半o既豆卜就只有三件,薄切豬頸肉有七片,開動先,豬頸肉唔夠爽口,喇沙湯辣中帶有椰香,幸好都唔係好辣,檬粉稍為腍o左啲.而奶茶,我都只落半包糖,茶味唔夠,奶偏多.之後試埋老公o既白汁蘑菇肉粒煎蛋飯,相對地呢個味道淡好多,肉粒好厚,其他o野都正常冇問題.味道係2.77分,抵食係1.7分

蘭香閣係一間平民化嘅茶餐廳，好味之餘價錢又夠街坊，所以我成日都會同朋友去食。今日要同大家介紹嘅係鴨胸芝士肉醬焗飯。原本好鍾意食鴨胸嘅我係為咗鴨胸先叫宜個飯，點知啲鴨胸得3塊，又唔大塊，有小小失望。但係個肉醬真係做得唔錯，個飯50幾蚊其實都算抵食，味道又唔錯。

很久很久沒有去了，難得去到沙田便去試啦。這間餐廳開業了很多年了，藏身於屋村中。是否真係好好食？以價論貨，資素同價錢成正比。無加一的餐廳真係好小了。晚餐兩支羊架 加牛柳都係$98。要5成，熟度剛好，有菜，薯條。羊就差小小啦，有d肋。牛柳不錯，肉軟及小許juicy。講等級，一定係基本貨啦。但味道算ok，有小許肉味。黑椒汁都不是太spicy, 但都有點黑椒香味。焗牛脷飯，比以往差了點喇，雖然，大大碟都係$54。焗得唔錯，芝士熟度剛好。飯不會太 “淋“。不過，飯質一般， 牛脷無煎過，差好遠。可以說，沒有味道，只靠醬汁幫忙。茄汁都可以，不會一pat pat，有小許紅蘿蔔，不會太“林“。服務員態度不錯及人小，人多時有d亂。不過，在名店充塞的沙田市中心，行過小小都係一個不錯的選擇。

既然一個人行到呢邊，即管就去試下新野一間在屋村商場搵野食，就試下呢間環境尚算一般，價錢跟環境成正比喇沙平時少食，今日就試下啦，椰汁味幾香，湯比較濃郁算不錯，味濃而不會好咸粉略少了一點，女仔食一碗都不夠飽配料也比較少，基本上整碗粉，吃得飽的都很少，而湯很濃而奶茶方面，奶味香，茶夠濃，好好飲，只是略不夠滑整個午餐40蚊

情人節老公要返工, 我就仲未駛返, 所以出嚟陪佢食返個情人節餐先...............原本諗住去愛心麵家果度食, 去到先知原來未啟市, 所以就行返嚟呢間食..............12點幾嚟到, 見到入面好多卡位同大枱, 但我得兩個人, 坐邊都要同人搭枱, 但眼見邊位的2人枱, 全部都係1個人, 但食完又唔走果D, 等咗一陣都冇動靜, 再等落去都唔係辦法, 都要入要坐住先, 驚遲D多人.............入到去招呼你坐低, 比個menu你, 但唔比水你的, 由得你, 坐坐下, 見隔離枱邊位果度啱啱走, 即刻轉過去, 再一路睇下食乜, 一路等老公.............老公嚟到睇完食乜後就落order, 但都只係比餐具, 唔比水, 唔通又係用環保做藉口? 不過算, 我自己有帶水, 唔駛飲佢果d~等咗一陣, 好快就有嘢食................ 鮮茄磨菇牛肉飯見佢份量唔多, 無論係餸定係飯, 所以老公好快食哂, 問佢有咩評價, 佢話ok咁啦~ 梅菜蒸肉餅飯是日蒸飯, 係要問下啱唔啱食先好叫呀~ 見佢今日係梅菜蒸肉餅飯, 應該幾開胃, 所以就試下.......

幫襯左幾次最滿意今次四個人食lunch我叫左咖哩豬扒飯咖哩滑 椰香味夠 如果咖哩味再濃d仲好撈飯唔錯豬扒太薄 所以有少少乾過頭 扣分加五蚊叫碗紅湯有牛肉 味道偏少少酸 都整體唔錯 飲曬朋友甲食吉列魚柳飯我食左少少魚炸粉唔厚 魚唔薄 讚朋友乙食雞扒大碗飯冇食 但朋友話雞同個燒汁夾 算唔錯但個碗超細 份量都少朋友丙食雞翼麵一睇就知雞翼過熟 朋友丙話乾身了 差三杯奶茶一杯檸茶 大家都話茶味不足可以一食但水準不穩路過先食