薯仔屋電影餐廳

營業中

休息中

地理位置都好方便，隔離就係戲院。座位都好寬敞，而且店舖採用開放式設計，製造出空間感，好有到外國餐廳嘅氣氛，日頭又可以被陽光照入店鋪，開放式店鋪設計可以製造空間感之餘，又可以增加空氣流通。店鋪四周都放咗好多電影人物嘅公仔，好似有星球大戰入面嘅黑武士、鐵甲奇俠咁。客人係點餐後，等待食物期間，一啲都唔會悶，店內有一部夾公仔機，可以解悶之餘順手試試自己夾公仔技能。望上天花應該會發現好有心思嘅設計，有戒用菲林造型嘅燈，十分配合餐廳嘅主題！鐵板牛扒拼薯條（黑椒汁）呢個睇落好似不失不過，但食落係會有驚喜。薯條炸得好金黃，但食落唔會有油溢味，而且唔會淋支支。牛扒煎得岩岩好，好易切開，唔係血淋淋流血水出嚟，但食落都唔會好難咬開，肉質鮮嫩，冇雪藏味。除咗牛扒同薯條，仲有西蘭花同紅蘿蔔做伴碟，雖然係伴碟但一樣可以當主菜食，西蘭花煮得好入味。另一個要推薦嘅菜式，我唔記得咗佢叫咩名，大概係青口焗芝士螺絲粉。賣相好靚，焗到芝士金黃色，聞到一陣陣芝士嘅香味，未食已經覺得好吸引。螺絲粉係主菜，除咗青口，仲有墨魚仔、蜆肉、蝦仁、翠玉瓜、紅蘿蔔，整體配搭都好夾，螺絲粉又唔會焗到淋晒，相對都係唔錯

今日同媽媽黎到以電影為主題既餐廳食lunch，餐廳嘅裝修都幾用心，擺放咗好多唔同嘅模型，整個環境色彩繽紛，而且門口仲擺放左好幾隻鸚鵡俾人觀賞，幾特別，啱晒一家大細黎用餐。食物款式都幾多，有意粉、飯、扒類、小食、飲品同甜品等等。我哋分別叫咗個午市套餐同埋常餐share黎食。常餐加左$10叫咗個餐湯，今日嘅餐湯係忌廉湯，忌廉味道濃郁，而且都好足料，有粟米、雞肉同大量蘑菇，味道唔錯鋪天薯條配醬燒豬仔骨（半條）賣相幾靚，豬仔骨肉質幾腍，肥瘦均勻，好容易咬，面頭嘅燒烤醬甜鹹適中，而且醃得夠味，幾惹味。而鋪天薯條賣相好吸引，上面鋪滿肉醬同芝士，芝士味道夠晒鹹香，而肉醬唔會覺得漏，唔錯！鐵板雜扒配薯條份量好大，鐵板夠晒熱，一倒醬汁就”咋咋”聲，雜扒包括左豬扒、雞扒同埋腸仔，豬扒同雞扒都幾厚，啖啖肉，而且肉質都唔錯，雞扒外皮煎得夠香脆，肉質幾嫩。而豬扒都算腍，配埋黑椒汁食更加惹味，鐵板餐係配薯條，炸得夠脆，唔油膩，而且重薯仔味。黑牛可樂唧滿牛奶軟雪糕，牛奶雪糕軟滑，牛奶味道香濃，配可樂好夾。西班牙雪糕咖啡咖啡味道香氣十足，味道濃郁，甜度適中，配埋牛奶軟雪糕，味道更有層次感

今次嚟到柴灣用電影為主題嘅薯仔屋西餐廳。出地鐵站過天橋就到，門口擺放住好多唔同set 嘅餐牌。餐廳係戲院裡面，買小食嘅話仲可以帶埋入戲院一邊睇戲一邊食添！一入到去個corner就有個小朋友天地，可以食飯之餘比佢哋放下電。我哋order左一個廚師特選西冷牛扒set，同埋一個舖天薯條配醬燒豬仔骨Regular Set。每個set都包一杯嘢飲 ，除咗普通茶飲仲有一啲特飲。牛扒set配埋一個三文魚凱撒沙律，最驚訝係竟然個份量係一整碟，並唔係普通前菜size。沙律有三四塊三文魚，麵包粒都好脆，生菜都好新鮮。成塊牛扒幾厚，叫咗五成熟，切落去真係啱啱好，食落唔會太韌又幾juicy，而且仲配埋薯條，食落去脆卜卜，冇油溢味！另外一個Set，舖天薯條配醬燒豬仔骨，份量都好多，豬仔骨都算幾多肉，個醬甜甜地幾好食。肉醬薯條係呢度特有嘅，個肉醬無一般茄汁咁酸，酸味中又帶點鹹味。

依家睇戲冇得飲食， 睇完2小時就特別肚餓見呢間平平地又多人食就試吓～美國安格斯牛肉煙肉漢堡配薯條 ＄78個漢堡好大份又厚肉安格斯牛肉肉質JUICY美味唯一美中不足就係煙肉如果可以煎到脆身就PERFECT啦肥薯條有埋芝士， 香口好味意式肉醬焗芝士千層麵 ＄98一層層嘅滋味蕃茄肉醬、融化芝士同寬麵皮味濃郁口感豐富芝士控一定愛食！食物價錢親民， 餐廳內仲有board game同埋玩具可以玩又有 kid's menu難怪好多一家大細同年青人去

今日星期日，特登入嚟柴灣試下呢間以電影主題嘅餐廳食晏，真係估唔到咁多人，好多都一家大細嚟食。門口仲放咗啲好可愛嘅鸚鵡仔餐廳以快餐形式。今日都有lunch set 提供，價錢正常未算平。🥣餐湯（+$10）- 忌廉煙肉湯，煙肉味幾岀，但有啲大太傑。🍝香煎虎蝦蟹柳菌天使麵（$68）- 估唔到咁足料，有好多蝦肉同蟹柳，配埋蕃茄醬好開胃🍗鐵板香煎雜扒配薯菜（$98）- 賣上不但吸引，性價比仲好高。有好大隻燒雞同baby back rib。隻燒雞啖啖肉，仲好juicy。個rib 嘅肉就少咗啲，但加埋兩大舊薯蓉一定夠飽。餐茶嗌咗凍榛子咖啡（+$16）同熱檸水

去睇戲之前勁肚餓如果太肚餓實在好難去專心睇戲 最鍾意就係柴灣呢間戲院因為佢隔離就有一間裝修得好歡樂好親子嘅餐廳梗係要即刻入去食下野叉電啦今次係第二次嚟 因為實在太鍾意佢哋嘅沙律我一直念念不忘終於就可以睇戲又可以食好西啦鐵板牛扒配薯條不過牛扒都算多汁 而且薯條仲係卜卜趣一上到桌 所有嘢都係熱辣辣令人心情變好另外佢配有黑椒汁建議唔好淋汁 而係切一舊 牛扒點一點先至再食 因為如果直接淋上去嘅話 啲薯條就會變冧唔好食㗎啦大蝦天使麵首先要讚一讚佢係真係多海鮮嘅每食一啖都可以食到魷魚 仲有兩塊我最鍾意嘅蟹柳喺上面個醬汁小朋友會鍾意食 因為甜甜酸酸嘅口味令人好開胃佢嘅面係屬於幼身嘅所以都好易入口 仲有蔬菜雜豆 保持營養均衡

柴灣戲院都開咗一段時間，但今次先係我第一次嚟睇戲。發現喺戲院範圍裏面有間西餐廳，見間野好似同以前銅鑼灣嗰間薯仔屋好似係一樣，所以決定入去試。坐係窗邊有得睇雀仔，真係鋪頭養架d鸚鵡🦜 提示：落單要自己去counter落架。意式肉醬焗芝士千層麵勁大碟，女仔可能未必食得晒。芝士多到拉晒絲。啖啖都係肉醬，而且汁夠多，唔會焗到乾晒，有驚喜！鋪天薯條配醬燒豬仔骨豬仔骨肉非常稔，個醬似燒烤醬，好入味。薯條配有肉醬同sour cream，唔會膩仲好夾，食唔停口🙊裝修特別，有好多部電視播唔同的trailer，啱晒黎睇戲的人黎醫肚。記住食完出去睇下鸚鵡，好得意架，一路食飯都見到好多人特登行過黎探下佢地。食滿$100可以買戲飛九折或者掉返轉憑票尾兩張可以食嘢全單九折😌

今日早收工就嚟戲院附近食飯順便睇吓戲！嚟到柴灣最特別嘅薯仔屋😻 點解咁特別，就係因為有鸚鵡仔🤩🤩 中意嘅記得嚟睇下呀🥳.我哋就嗌個千層面🤗冇諗到又幾出色，芝士好拉絲！而且個面剛剛好，唔會太淋嘅，配上層層番茄肉醬食，酸酸地幾開胃架！不過女仔應該食一半就夠，share 食開心d😎.另外就嗌左個鐵板肉眼餐❤️ 件肉都好厚下！肉質都可以.唔會太淋個d. 又仲有d肉味嘅👍🏻 薯條係粗薯呀，外脆內軟，唔會太油膩🥳.亦嗌左2杯特飲，一杯係雪糕梳打🤪 好有細個飲開嘅feel~~ 🥰 仲叫左杯熱朱古力添😻😻

今日係餐廳附近探朋友，所以上去前食飽飽先 平日關係吾需要等位就入得呢間餐廳我覺得好特別，好似入左電影博覽咁，充滿電影氣息而且好多角落位好有心意仲有俾小朋友放電既小小天地卡邦尼意粉份量好足，好多煙肉意粉吾會過腍，煮得岩岩好好香，不過就吾夠creamy沙律新鮮，幾好食蘑菇煙肉意粉個汁好惹味，好足料，好味整體餐廳食物方面都吾錯，碟碟都大大份咁，種類亦吾小位置就係戲院隔離，好易搵到更加可以係話岩哂入場前食個快飯既好選擇

去開港島區柴灣，順便去搵搵食之前都想食下，薯仔屋電影主題餐廳，對面就係柴灣City Cinema，而門外都擺放鸚鵡都好多人去拍照下睇個餐牌有午市套餐、特色常餐仲有兒童餐如果睇完MOVIE 帶埋小朋友食都有得多個選擇.而餐牌定期就會轉換一次點了一個香煎虎蝦牛油果野菌天使麵 HK$64呢個加上牛油果粒煮都夠健康而且仲好入味，很豐富的口感與拌入惹味既野菌的天使麵一起吃，索晒的汁入麵同好彈口。鐵板香煎雜扒配薯菜 HK$88熟度超岩岩好，集合多款肉類，肉質軟腍豬扒、雞扒鮮嫩及腸仔鐵板餐淋醬汁時會發出『喳喳聲』呢個餐真係大滿足好味抵食。雜果賓治 及 水蜜桃雜睇起上來外表好似一樣雜果賓治嘅味道夠甜同多生果水蜜桃雜飲 味道好重既桃味同甜味夠晒清新餐廳門外有多隻鸚鵡，好多人都到來拍照打下卡架。Small Potato Movieland 薯仔屋電影餐廳 柴灣柴灣道333號永利中心地下J舖B單位

本身屬於街坊區域嘅柴灣，真係10年都唔黎一次不過今日約左朋友係港島區覓食，就搵到呢間電影餐廳！呢間餐廳門口有幾隻鸚鵡，不停地叫，好似想引人注目估唔到一間簡簡單單嘅cafe,食物選擇好多而且食物質素好有驚喜喎跟餐沙律沙律菜好新鮮爽脆一啲都唔馬虎！「香煎紐西蘭香草羊架」呢度用左baby lamb，所以羶味一啲都唔明顯！加上又無肥脂肪，無油膩感，肉質軟嫩多汁，火候控制得好！連配菜都好用心薯條係新鮮炸的，外脆並富有薯香！「燒汁豬扒意粉」被隔離檯吸引而點的塊豬扒大過我塊面，仲要有2塊添！燒到外脆肉嫩多汁，仲好厚肉添！唔係講笑，真係好好食叫一個dishes仲包一杯特飲🍹左：百里熱情好香熱情果味，味道唔會太甜加上軟雪糕實淨而滑身，唔會好易溶！右：黑牛埋單時，職員好親切咁話我知：儲滿8個印仔，就可以當$50用岩哂住柴灣嘅街坊！不過我就用唔著

嚟到柴灣，港島舊區，街坊生意，好多小店。係戲院旁有間食西餐廳，似乎係呢區比較少有。主要係吸引小朋友，佢哋有自己餐牌有嘢玩，幫襯個日都有小朋友係呢個區玩又有顏色紙油，放電都幾好。美國安格斯牛肉煙肉漢堡配薯條，78元。肉汁係漏出嚟，牛肉juicy，薯條嘅汁係用左燒汁，專登配番個包。鋪天薯條配醬燒豬仔骨，98元。豬仔骨肉係冧，肉係嫩，個汁焗埋好入味。薯條又配番豬仔骨，用左sour cream肉醬，去配番，呢點心思係唔錯。青蘋果雜，配餐加16元，好青爽。黃昏里米尼（芒果），加17元，有雪糕就正，啖啖芒果。

🥔薯仔屋電影餐廳 就係喺柴灣戲院嘅隔離 完全係為一班睇戲前後想即刻食嘢嘅人而設 而我 係專登嚟嘅🤣見佢裝修咁有心思又唔係特別貴 就過黎食😛舖頭側邊有啲大電視係不斷播住電影trailer🎬一路食住一路諗吓睇邊套戲都得😜另外又有個corner嘅櫃係放晒Marvel嘅公仔擺設🤩而呢度亦好啱一家大細嚟食 有夾公仔機 又有小朋友區域 入面有圖書📚玩具🪀🍝意式肉醬焗芝士千層麵 $98估佢唔到咁驚喜😘每一層都係濃濃嘅肉醬同埋芝士🧀仲要係邪惡嘅拉絲😍底部仲要有薯蓉🥔🤤細食嘅我食唔哂😅好飽 太豐富了😅🍝日式野菜豬扒炒烏冬 $72完全係充滿穫氣嘅炒烏冬😍嗰種穫氣比得上大排檔😂豬扒淋淋地 不會太乾身 剛剛好🍹雜果賓治 +$17 / 水蜜桃雜 （都係各+$16)2杯嘢好有中學唱k回憶😂包嗰2杯嘢飲一定叫fruit punch🍹（不要提唱k了…..都就執🥲)2杯都充滿水果🍍🍎🍒普通雜果賓治嘅味道較淡 水蜜桃🍑嗰杯真係好重桃味🤣好fresh💦食完去咗室外 係店員極度推薦去出面睇睇👀原來出面有好幾隻鸚鵡長註喺呢度😍🦜仲要有一pair係彩色🌈搞到我企咗喺出面唔捨得走👀另外 講明係電影餐廳🎬🍴佢哋都有同隔離戲院搞pro

每一次經過呢間餐廳都會比呢間餐廳外面啲雀仔吸引，今日放假就特登同男朋友過嚟試吓，一開始喺門口同啲雀仔玩下先，之後先入去今日比較熱，服務員仲特登帶我哋去涼啲嘅位置坐，呢度啲服務員好貼心啊望入去感覺環境幾寬敞，坐低望上去仲有五部電視五個台唔使爭電視睇📺貼合晒所有人嘅需要牆上亦有一些可愛設計，看來生日在這裏慶祝聚會也不錯坐低咗之後服務員介紹一下餐牌，推介左很受歡迎的常餐H2的漢堡餐，而我自己就揀左週末午市套餐的澳洲藍青口海鮮龍蝦湯飯，傾談中得知佢地會一星期轉一次午餐餐牌，維持新鮮感，值得一讚，咁姐係食幾次都唔會悶首先試咗一啖龍蝦湯飯，真係有驚艷到我，係好濃郁嘅龍蝦湯味呀！佢有啲八爪魚令到啲口感好好好有咬口，同埋啲材料都好多，啖啖都好多餸分別有蝦，蟹柳，洋蔥，蜆，青口，粟米，佢仲有啲芝士撈埋啲湯飯一齊食仲香跟住就到好受歡迎嘅漢堡餐喇！佢啲薯條唔知係咪美國薯仔🥔好香薯仔味同埋擺耐左都唔會淋，而個漢堡外皮脆軟，安格斯牛肉鬆軟多汁，味道好夾真係值得一試另外我哋仲叫多兩杯野飲，薯仔屋意大利梳打雪糕特飲(巴里熱情)同莫卡咖啡夏天梗係要飲杯透心涼嘅嘢飲喇！個雪糕仲要好好食添🥰食飽飽又可以喺隔離睇戲啦一舉兩

今日經過柴灣，見到一間好多鸚鵡嘅餐廳，囡囡覺得好得意，大膽咁試一試，入到餐廳就有服務員叫我哋掃安心出行同探熱，坐低服務員就俾咗杯熱水我哋浸餐具消毒，有種可以安心喺度食嘢的感覺，仲有個兒童區比小朋友玩，然後一家三口要咗一個Lunch肉眼扒，一隻熱狗，一個洋蔥吞拿魚焗薯加沙律。首先講肉眼扒先，肉眼七成熟，食落唔差還好有肉汁，薯條即炸非常脆 ，覺得物超所值。熱狗大大隻而且麵包外脆內軟，賣相非常吸引仲有蕃茄同生菜睇落好新鮮。焗薯餡料亦非常多，放滿很多芝士感覺好肥但好好食。整體服務食物都唔錯，不過有一點可以改善，冷氣開返大啲，夏天入到餐廳有種凍嘅感覺會比較舒服😌！最後個人覺得服務員好nice，主動比小朋友畫紙畫畫又帶住佢餵鸚鵡。