薯仔屋電影餐廳

營業中

休息中

🍽️ 薯仔屋電影餐廳 #親子餐廳 位於柴灣嘅《薯仔屋電影餐廳》絕對係一家大細開心聚餐嘅不二之選！連阿Max都舉起手指公👍🏻有時候晚餐真係唔想食咁多澱粉質鍾意呢度個Menu有一樣嘢叫健康之選🥗 叫咗個燒肉眼牛扒柚子汁沙律，好貼心仲計算埋卡路里（350卡路里），成個餐低卡高蛋白。肉眼牛扒賣相吸引，配上清新柚子汁沙律，酸甜開胃，食完無負擔，仲有助增肌💪🏻🦑 焗芝士蟹籽青口魷魚海鮮飯芝士焗得香濃拉絲，再有蟹籽擺喺面點綴，顏色吸引，青口鮮甜，魷魚爽口，每一啖都係海洋嘅精華😍🍹 飲品方面叫咗韓國柚子雜果梳打& 黑牛飲品份量十足，柚子梳打酸甜清爽，果香四溢，仲可以食到雜果；黑牛就係童年回憶！👨‍👩‍👧‍👦 餐廳設有兒童玩樂區，小朋友玩得開心，大人食得安心；仲有唔同種類嘅鸚鵡陪我哋打卡，超fun！門口仲有公仔機，等小朋友食完有得玩！服務一流👍🏻店員親切有禮，主動安排兒童座位及餐具，上菜速度快，唔使等到餓親；飲品大大杯，食物質素高，價錢又合理，性價比爆燈❤️‍🔥📍 薯仔屋電影餐廳地址：柴灣道333號永利中心地下J號舖B單位交通：柴灣地鐵站A出口

電影feel × 親子好去處 — 柴灣「薯仔屋電影餐廳」小朋友玩到，大人食得過癮！柴灣嘅「薯仔屋電影餐廳」真係一個好正嘅親子西餐／All-Day Breakfast 餐廳！一入到餐廳，周圍即刻有電影 vibe——掛滿電影預告片同黑白電影卷，好似踏入咗 mini 戲院咁。仲有鸚鵡壁畫、真嘅鸚鵡隻喺度飛添，超好打卡。除咗呢啲趣味元素，仲有兒童遊戲區、畫紙畫筆俾小朋友畫畫，甚至有夾公仔機，親子氣氛滿分。食物方面，menu 選擇好多，All-Day Breakfast 之餘仲有西餐、意粉、扒類、焗飯等。好推介燒肉眼牛扒柚子汁沙律，酸甜清新又健康；焗芝士蟹籽青口魷魚海鮮飯，芝士焗得超拉絲，海鮮新鮮；黑椒洋蔥牛柳炒意粉夠鑊氣；鐵板黑椒汁肉眼扒配幼薯條，肉質 juicy，鐵板上枱滋滋聲好有戲劇感；仲有芝士肉醬舖天薯條加豬肋骨，邪惡到不得了但又好吸引。環境同服務都係亮點，店員親切，上菜快，仲會主動幫小朋友安排位置同提供餐具。小朋友玩得開心，大人食得安心，氣氛好放鬆。整體性價比幾高，人均大概五十到一百蚊，食物份量足，環境有趣，服務又好。無論係親子 gathering，定係同朋友 Chill 一餐，都非常

公司新遷入港島大東北,在柴灣區這片飲食業沙漠, 竟被我偶然發現了這所本土西餐廳, 不但質素好最重要的是價錢貼地, 今日試了廚師精選一人餐烤羊架伴薯菜, 三大片羊架, 份量也算適中, 餐湯是蘑菇忌廉湯, 伴以清新爽口沙律和蒜蓉多士, 另一個是健康餐：雞肉焗雜菜, 個人認為更加抵食, 跟餐改特飲有很多選擇, 只是18元簡直超值, order了一杯柚子雜果梳打超吸晴, 另一杯是青檸梳打, 很清新, 兩份餐無需加一, 飽肚之餘又抵食, 餐廳環境和服務都令人刮目相看, 今時今日本土有質素的餐廳, 真要多去捧場啦！

經過呢間戲院餐廳見到有幾隻好靚嘅鸚鵡放响餐廳外曬太陽，囡囡就比佢吸引住，入到餐廳連壁畫同Menu都係以鸚鵡為主題。午市套餐由$62-$108有6款選擇，另外仲有常餐及散叫餐點小食。我哋點咗：白菌卡邦尼意粉，份量好足，意粉彈牙，醬汁夠晒多材料豐富。香煎紅𩶘魚柳拼豬扒配薯菜，呢個值得大推！魚柳同豬扒都大大塊，豬扒好軟熟好淋，魚柳煎的香脆，最正係薯條上面有芝士醬！超級好味😋飲品加錢轉左杯黑牛特飲，牛奶軟雪糕好濃牛奶味👍兒童友善餐廳，一坐低就提供畫紙畫筆比小朋友，餐廳內有兒童玩具區免費遊玩。

柴灣呢間餐廳係我最愛食飯嘅地方，超級Kid-friendly，有個細細嘅兒童遊戲區可以玩又有美味兒童餐食，之後仲可以超近哋行過隔離睇戲添🍿今次先同大家介紹下两個幾抵食嘅晚餐主食我哋叫咗两個主食都附送沙律、蒜蓉包同飲品🍴黑椒洋蔥牛柳炒意粉啖啖肉嘅牛柳鋪滿炒得夠乾身意粉上面，食到最後都唔會成嘴油淋淋🍴鐵板黑椒汁肉眼扒配薯菜送餐嘅時候已經聽到滋滋聲，大大塊肉嫩肉眼扒鐵板上夠晒熱焫，可再淋上惹味黑椒汁，底層係幼薯條同蔬菜🌟呢度提供包場搞生日會加睇戲服務，地方夠晒大，啱晒鍾意熱鬧嘅朋友

喺屋企附近睇完戲 見到戲院隔離有間餐廳😋woo有好多雀仔同埋鸚鵡🦜玩呀😍喺門口玩咗一陣間跟住就睇下裏面啱唔啱食啦 😋😋入到去冷氣充足呀❄️服務員好好👍 畀我哋坐咗睇到鸚鵡嘅位夜晚啲燈光仲好靚影相一樓呀🫰🫰 仲有小朋友專區爸爸媽媽喺度食嘢小朋友就係playground 嗰邊玩，仲有夾公仔同埋有好多鸚鵡嘅禮品賣架😍😍就連個餐牌都有好多鸚鵡公仔🦜🦜我相信老闆一定係好鍾意鸚鵡同埋雀仔真係又好靚好有森林feel㗎😍😍鐵板黑椒汁肉眼扒配薯菜 🥩勁大塊 黑椒汁自己淋 切咗落去好厚呀 仲有係啖啖肉超juicy，佢煎到外脆內軟 😋呢個一定要試好好味👍F餐香煎紅魚柳拼雞扒配薯菜 第一次食香煎紅辣魚柳好大塊，woo你睇下冇骨架勁好好味，佢會畀埋啲沙律醬畀你添㗎，真係抵食到一個點呀😁😁仲有塊雞扒😋😋雞扒個皮煎到好香脆👍裏面啲肉係咬落去就流汁㗎喇👍👍呢個貴E餐幾蚊啫😍呢個仲抵食🫰🫰套餐已經包咗蒜蓉包同埋沙律，加十蚊就會有個好creamy 嘅忌廉餐湯“正”呀跟參加18蚊仲有特飲添我哋叫咗韓國柚子雜果梳打🍹同埋黑牛🧁我哋講嗰個韓國柚子雜果梳打勁大杯，勁抵飲👍👍兩個人飲都得呀😁裏面仲有啲新鮮嘅果肉食😋真係超級‘’正‘

首先上菜速度超快，點了一份廚師精選二人餐，不用10分鐘已經全部上枱，包括兩份南瓜湯，兩杯飲料，一份意粉及一份羊架，羊架配有蔬菜及薯條，香草牛油與蒜蓉組合無敵，蒜蓉控必點，自製蒜蓉牛油薯條超好食。另外意粉方面，用真正忌廉製成的卡邦尼醬汁意粉，絕對滑溜無比，經典冇得輸系列。環境佈置佈滿多個電視不停播放熱門上映預告片，天花板更放置象徵電影的輪軸影帶，很有特色的呈現到與這裏與旁邊的戲院相連，很帶氣氛感。餐廳內更有鸚鵡壁畫及多隻寵物鸚鵡，充滿熱帶雨林感覺，進食期間更可與鸚鵡互動，場內亦有兒童閣與夾公仔機，超級適合一家大細愉快進餐！

帶小朋友睇戲隔離就係一間以電影同鸚鵡為主題嘅餐廳好方便！佢仲係kidsfriendly 因為佢有個小朋友玩樂區小朋友趁食物未到前即刻去喇！忌廉粟米湯小朋友最愛大大粒粟米同濃郁忌廉湯底一人一碗兩三下就飲晒芝士汁焗溫泉蛋雞皇飯小朋友最愛嘅芝士汁再加上肉厚無骨嘅嫰雞扒焗飯啱晒佢哋胃口香煎三文魚刁草汁配雞扒薯菜三文魚煎得好香，皮好脆雞扒亦都夠嫰多汁亦醃得幾好味配上芝士汁薯條好滿足食飽飽仲可以出面玩下鸚鵡又幾可愛喎

今日去戲院睇戲，發現隔離有間西餐廳，門口有隻識同人互動嘅鸚鵡，真係超級可愛，立即被吸引入去！見到開場前仲有啲時間，就決定食個輕鬆嘅晚餐。呢間餐廳真係好適合一家大細，因為佢哋有個兒童玩樂區，方便小朋友玩，又貼心地提供兒童餐，讓家長可以喺舒適環境下輕鬆食飯，真係一舉兩得！一路享用美食，一路聽住鸚鵡叫，治癒感滿分！必試推薦係鐵板肉眼扒，用上優質美國穀餵牛肉，鐵板上煎到外層金黃焦香，內裡嫩滑，特製燒汁更添風味，真係物超所值！另外，鐵板黑椒汁肉眼扒配薯菜，大大塊肉眼牛味濃，薯條外脆內軟，好對味。一定唔好錯過舖天薯條配燒豬仔骨，薯條份量十足，燒豬仔骨入口即化，燒烤醬汁濃郁不膩，食過返尋味！飲品方面，青檸梳打清爽解膩，幾大杯又咸甜清爽！甜品必試西班牙雪糕咖啡，雪糕配咖啡香濃郁，又甜又提神，作為完美餐後甜品。呢度真係一家大細食飯的好選擇，有機會一定要試下！😍 #家庭聚餐 #美食推薦 #開心時光

今日約左朋友係柴灣食飯佢帶左我去一間都幾特別既餐廳入面有鸚鵡架!一路食野，一路聽住鸚鵡叫，都幾治癒呀！ 好似去左大自然咁😂入到餐廳自己搵位，睇完想食d咩就出去排隊叫餐比錢鐵板肉眼扒$102分量都多，有一塊大一塊細既扒鐵板上，所有嘢都熱辣辣，薯條好夠脆，扒味道就正常茶餐廳味道啦！另加$10 要左黑松露蘑菇湯好好飲阿

港島區最東的柴灣 一個人生比較少接觸的地區最近因為搬近左 又知道有間平價戲院於是選擇左黎呢度睇戲在戲院隔離見到有間西餐廳門口放了懂跟人互動的鸚鵡 非常之可愛俾佢吸引左入去 見開場前有D時間就食個晚飯 入面其中一個特色有個兒童玩樂區比小朋友玩門口仲有公仔機餐廳亦好貼心的為小朋友提供兒童餐令家長可以在舒適環境下輕鬆食餐飯小朋友有得玩又有得食好岩一家大細去開餐//鐵板肉眼扒 $102// (+$10 餐湯羅宋湯) 選用優質的美國榖飼牛肉鐵板上熱辣辣香噴噴外層煎至金黃焦香切落去已感受到肉質嫩滑配上特製的燒汁呢個價錢有甘高質 物超所值 +$10 跟餐湯羅宋湯足料 茄味濃郁 //豬頸肉飯 $90//(+$16 熱榛子朱古力)豬頸肉表面燒至脆邊肉質鮮嫩 口感煙靭而爽口唔會太乾 入口即化配上一個秘製泰式醬汁好惹味 送飯剛好 //熱榛子朱古力//帶少少榛子香味味道不會過甜 飲落順滑 感覺舒服

是日放假同朋友遊到入柴灣由天水圍搭鐵去柴灣車程可以話係一日遊咁滯半年前已經嚟過呢間好有特色既餐廳食晚餐今日就帶朋友食週末午餐E. 鐵板黑椒汁肉眼扒配薯菜$102 加$18轉特飲 青檸梳打肉眼扒大大塊～牛味濃夠腍~水準依舊薯條熱辣辣～外脆內軟青檸梳打～幾大杯～清爽咸甜解膩F. 香煎比目魚拼豬扒配刁草汁薯菜$108加$16轉秋冬潤喉熱飲～雪耳+雪梨+杞子茶比目魚魚油豐富~皮脆肉嫰豬扒好有驚喜，唔會好柴幾juicy 刁草汁幾特別質感好似乳酪咁雪耳+雪梨+杞子茶好啱我未咳好既人士飲用用料十足～微甜夠晒潤喉店員依舊親切，鸚鵡仲係好多野講🤪🤪

呢間餐廳喺正劇院隔離🎥 入到去，覺得好warm好有親切感，啲裝修好有萬聖節feel🎃 仲有啲kids corner比小朋友玩💯 好啱全家大細去食🩵 店員好細心，落鐵板醬汁嘅時候怕我哋彈到會幫我哋擋住😳🫢・　低溫慢煮鮮茄牛肋條意粉 低溫慢煮的牛肋條非常嫩滑，肉質鮮美，醬汁吸收得恰到好處。鮮茄的酸甜味道與肉的濃郁相得益彰，意粉吸附了醬汁，讓每一口都充滿風味🫢・　鐵板黑椒汁肉眼扒配薯菜肉眼扒經過鐵板煎製，外脆內嫩，黑椒醬的香氣撲鼻而來，為肉質增添了濃烈的風味。果然是薯仔屋，薯菜好好食好加分，脆口的薯條與鮮嫩的肉眼形成良好的對比，yummy ~・　香濃朱古力 cream朱古力味道濃郁，口感滑順，搭配 cream 更是為其增添了香甜，very good👍・　西班牙雪糕咖啡雪糕與咖啡的結合讓口感變得豐富。濃郁的咖啡香與甜蜜的雪糕相互交融，為餐後增添了清新的結尾，十分提神😍

餐廳的招牌菜之一是香煎美國榖飼西冷牛扒。這道菜選用優質的美國榖飼牛肉，經過精心烹調，外層煎得金黃酥脆，內裡卻保持著多汁嫩滑的口感。每一口都能感受到牛肉的鮮美與香氣，令人回味無窮。牛扒的肉質細膩，配上特製的醬汁，更是錦上添花，讓人一試難忘。另一道不可錯過的美食是舖天薯條配燒豬仔骨。這道菜的薯條份量十足，外脆內軟，口感豐富。燒豬仔骨則經過長時間的烤製，肉質鮮嫩，入口即化，配上特製的燒烤醬汁，味道濃郁而不膩。薯條與豬仔骨的搭配，既有薯條的香脆，又有豬仔骨的鮮嫩，讓人一口接一口，停不下來。

今日收工同老婆去睇小丑2，因為未夠鐘開場，食埋晚飯先，喺戲院隔離就有一間好有氣氛嘅餐廳，因為臨近萬聖節，間餐廳好多萬聖節嘅裝飾，另外門口同餐廳入邊都有鸚鵡，非常之可愛，可以同佢哋互動一下，門口仲有兩部夾公仔機，滿足咗小朋友食飽飯等其他人食完嘅時間，環境舒適，仲有幾部電視係播電影嘅預告，講返食飯，我哋叫咗個肉眼扒餐同埋三文魚扒餐另外加$28就有嘅炸蠔，芝士焗薯真係非常之邪惡，但係真係好好食，扒方面亦都係大大塊啱晒食肉獸，意粉亦都係非常之煙靭，推薦大家過嚟試吓！