薔紅

營業中

休息中

今日又係weekend vibes✨經過灣仔電車路上去食下馳名嘅薔紅燒春雞⚘️▪️脆皮燒春雞🍗半隻雞令立立好飽滿，香噴噴，皮脆香口，雞肉好滑同 juicy，其實唔點任何醬汁同淮鹽都夠味嘅，配茄汁意粉，味道ok不過意粉碎咗少少，都係沙律同薯條比較好。▪️蕃茄芝士焗豬扒飯🍛豬扒唔鞋口，配炒飯底好夠味，成個焗飯幾精美。▪️薑汁炒芥蘭🥬青青綠綠好fresh，有菜平衡一下～▪️維他奶紅豆冰🥤唔甜，好清，紅豆夠淰，仲飲到久違左嘅維他奶~▪️涼粉奶茶冰🧋有得request 叫左走甜，衹有涼粉微甜，奶茶底濃郁。薔紅除左燒雞出名之外，估唔到呢度嘅特飲都幾有驚喜！

😎位置方面，喺灣仔站附近，行過去大概5分鐘，我覺得都好方便，我覺得位置唔錯，而且都好容易找到！呢個位亦都近電車站！😎食物方面，即刻叫佢即刻炸，熱辣辣我覺得食物唔錯，隻雞好脆口juicy, 簡直係爆汁！意粉都好多，酸酸地好開胃。係港式茶餐廳嘅意粉味道。隻雞好大，一個人都差啲食唔晒！😎服務方面，正常服務唔好太大期望.😎價錢方便，個價錢唔係太貴，而且呢間餐廳冇加一，每人大概$90，加埋嘢飲，係呢區唔算太貴，我覺得都可以接受！！

- 脆皮燒春雞配薯菜 $88- 芝士肉醬焗意粉 $45呢間燒春雞好似好出名 所以嗌咗一個試吓 差唔多每枱都係叫燒春雞😂 可以揀配薯菜 意粉 或飯 我揀咗薯菜 因為我鍾意食波浪紋薯條😂 餐廳會提供手套 一開始雞有啲熱 要慢慢撕嚟食 皮幾脆 肉幾嫩 調味適中 唔算太咸 焗意粉係下午茶價錢嚟🤭佢menu有個又係肉醬意粉要$5x 趕得切下午茶時間食又抵咗😂意粉不過不失 份量同非下午茶時段係一樣😋不過兩個都係唔包野飲 要另外加錢先有凍/熱飲💰$133#灣仔美食 #薔紅

朋友話這間好正, 特别係炸雞, 老實講, 在門口等位時, 看見客人的食物賣相已不太好, 那茄汁意粉睇見已想死, 一定唔食, 所以叫了春雞配薯條, 嘩, 那薯條係難食既, 一啲水準都冇, 而那春雞都算是好吃的, 羅宋湯夠熱好味, 乾炒牛河就算把啦 , 色香味俱冇, 牛肉落梳打粉太多, 河粉又炒得差, 味道又唔好, 茄汁焗豬扒飯味道還算可以, 飯炒底有炒等於冇炒, 豬扒又少, 環境又差, 除了有位女服務員服務幾好之外, 其他的都不行, 特别是那個高大的男人, 好粗口, 放碗筷又大力又粗魯, 咁既服務態度和食物質素, 唔會有下次。

要數到另一間灣仔飯堂點少得薔紅！每次嚟親都大排長龍，不過勝在地方大，座位較多，繁忙時間預咗要搭枱，所以排一陣都好快有位！呢度嘅叔叔姨姨都好友善，知道我坐正風口位怕凍會主動問我要唔要調位，見到有個叔叔幫埋個女士推行李，仲同d食客有講有笑咁，好耐未見過咁有人情味嘅餐廳，值得加分！😋 脆皮燒春雞 ~ 呢度最出名嘅 “脆皮燒春雞“ 係必食推介！炸到金黃色嘅雞皮夠薄夠香脆，外脆内軟，咬落去仲係熱辣辣，啖啖肉又夠 juicy 🤤🤤 雖然係好邪惡，但見隔離枱好多女士都叫呢份，仲要係食得晒，可想而知佢嘅魔力有幾犀利！😋 海南雞飯 ~ 肉質嫩滑，薑蓉味道還可，有老火湯同菜，尚算合格 (同時已經被友人嘅燒春雞吸引咗 🤣 )

一直都聽聞灣仔薔紅脆皮燒春雞好出名, 今日終去食啦!見大部份人都點, 無論小朋友, 瘦瘦的靚女, 公公, 婆婆, 叔叔, 一家大細都點點點....嘩~ 真係堅好食, 皮薄又脆, 肉又嫩, 肉汁又豐富, 同個酸甜醬汁勁夾, 簡直一啖一啖追住食, 薯條點點點椒鹽天惹味, 如果杯檸檬茶能升級大大杯更好.簡直心郁郁想每星期都來食.

個個都知Rose kitchen 薔紅呢間餐廳歷史悠久 加入嚟到灣仔專登喺地鐵站行過嚟！七點幾嚟到等咗一陣先可以入座！ 入到嚟見到差唔多全場嘅人，每張枱每個客都食緊脆皮燒春雞 畫面好震撼！ 當然我哋都一定會叫！脆皮燒春雞 配薯條 （ $88 ） 真係超抵食成塊皮焗得超脆 雞肉好滑又鮮嫩多汁 真係一上枱已經流晒口水！香噴噴之餘，薯條仲又脆又好食！十個讚另外仲叫我呢度嘅特色飲品 維他奶紅豆冰冰一聽個名就知好吸引 只係$18咋！！仲要好好飲

職員態度惡劣缺乏耐性啊？落單落一半走咗。做生意做到咁樣真係好掂喎。職員話餐牌有分外賣同堂食，（不過同時係張枱度出現）。職員唔會有耐性同客講分別，淨係態度差回覆：「外賣餐牌同店內餐牌唔同價你唔識睇呀？」亦都唔會講兩個餐牌汁唔同，一個「冇」又叫客自己睇，「乜嘢都冇乜都要加錢」。你如果有分外賣餐牌同堂食餐牌，咁點解唔分開擺？套餐餐牌都冇提過外賣，外賣係印後面。正考慮搵海關睇吓。因為職員所講，堂食不設外賣嘅白汁，魚塊又乾又硬，豬手又瘦又多骨，伴菜酸臭，亦都冇係餐牌講明有辣辣椒之下係飯入面加辣。仲有堂食餐牌要加錢嘅所謂㗎啡完全冇味，應該太多冰太多水。

今日同朋友嚟試一間灣仔好出名嘅燒雞！咁啱喺Peak hour之前嚟到 唔使排隊直入但過多10分鐘已經見到門口開始排哂隊想食嘅朋友嘅預早啲嚟🤣✨招牌脆皮燒春雞+茄汁意粉 $88等咗冇耐燒春雞已經到咗！果然係快靚正😚一食落去勁脆皮 平時唔食太多雞皮嘅我都忍唔住食晒雞嘅份量啱啱好 雞肉唔會話太嚡 雖然係半隻雞 但係啖啖肉食每一啖我都覺得好好味！佢嘅茄汁意粉 我覺得味道唔算太濃但係因為雞嘅味道已經好出 所以呢個配搭我覺得啱啱好✨青紅蘿蔔例湯 +$8天氣好熱 所以加多咗個例湯今日嘅例湯係青紅蘿蔔老火湯好足料有四嚿蘿蔔 而且飲得出唔係味精嘅味道一嘢就已經飲晒🤣唯一嘅係餐廳嘅冷氣好凍 嚟嘅朋友記住帶多件褸🙈

灣仔有好多平民美食，今日專登黎左依間好出名既老字號食個飯。中午時間人超級多，人氣爆棚既原因等左20先有得入。二話不說黎依度吃一定係要先試燒春雞。燒春雞配白飯賣相唔錯，有另上甜辣醬 and 椒鹽粒。餐廳都好有心甘提佢濕紙巾，唔錯👍燒雞皮好薄而且真係燒到皮脆！脾位切開時仲有大量肉汁流出黎，好正！雞肉非常嫩滑，係肉眼可見既爆汁，好有水準！雞肉本身無特別既調味，所以因應口味落椒鹽，我就選擇整到手撕雞甘一啖啖肉，再配住飯黎食，真係一流！整體黎講非常滿意，燒雞絕對值得一試！

被譽為灣仔名物之一，之前喺呢邊返工都冇食過，真係說來慚愧🙂‍↕️假期前夕嚟到，果然有唔少人排隊，試下餐牌上面嘅必點菜式😎▪️脆皮燒春鷄 配 炸薯條 （8/10）💲88曾經睇過介紹話日賣超過五百隻，認真誇張😱應該即叫即整，等咗十五分鐘左右，一份半隻已經好巨，直情熱到辣手，外皮滿佈油光，食落係薄脆，連雞胸位都夠嫩滑，可以沾上泰式酸辣醬或者淮鹽😛配白飯、意粉、薯仔沙律或炸薯條，波浪型薯條比較乾脆🍟▪️黯然銷魂叉燒飯 （7/10）💲63叉燒偏瘦，口感軟嫩，但係缺乏焦脆燶邊，同埋蜜汁香味，感覺平凡一點🧐🔎 整體評分（7.5/10）

趁去開灣仔慶祝中秋節，順道去試吓呢間出名燒春雞。節日關係，晚餐時段都比較多人，等咗大概5分鐘都可以入座。半隻好大隻，可配飯、意粉或沙律，燒春雞皮好脆，熱辣辣，肉多，但雞比較肥，拆開後都要搣走啲肥膏肥肉，一人份量非常足夠，有膠手套提供，咁唔怕整污糟對手。

嚟到灣仔一定要試下薔紅嘅燒春雞！食晏時間嚟到呢度一定會見到好多人排曬喺門口等入座，唔好俾等入座嘅人龍嚇親，因為絕對值得等。$88半隻燒春雞配埋飯/意粉/沙律/薯條。半隻燒春雞原件上，餐廳會俾埋膠手套你用手享用最原始嘅風味。唔駛覺得咁樣食嘢無儀態，因為在場嘅無論男女、男領白領、工人OL都係咁食，個個都食得津津有味。雞皮烤到勁香脆、充滿油份嘅脂肪下卻係熱辣辣、仲出緊煙嘅嫩滑雞肉，啱啱上枱嘅時候會熱到焫手。用手撕開隻雞大大啖咁食超好feel，跟埋碟華鹽及泰式醬，令到d雞再提升左一個層次！半隻雞聽落好似好多咁，實際上係啱啱好，唔會太飽。 （10/10）今次加左十幾蚊跟杯麥精紅豆冰。（9/10）紅豆冰嘅紅豆煲到勁淋，而且份量好多，勁好食。除左跟麥精之外仲可以揀維他奶，但我覺得都係椰汁紅豆冰最好飲。$88唔跟嘢飲食個晏，喺灣仔區唔算平，但呢半隻雞就絕對值呢個價錢。可以encore再encore😋

《本次為自費用餐食評》灣仔名物薔紅燒春雞！1999年開業至今已經有二十五年歷史，老字號港式茶餐廳，供應各式各樣茶記美食。說到薔紅必試肯定是招牌脆皮燒春雞，原件半隻雞上，可選擇配飯、意粉、薯仔沙律，或炸薯條。燒春雞上菜時熱辣辣，皮脆肉嫩，但雞肉沒有任何調味，需要沾上附上的胡椒鹽及泰式甜辣醬一同食用。整體來說，食物不錯，但更多的是食情懷～-🔘 脆皮燒春雞 | hkd$88-🍽️ 食物 | Food: 3.8/5🌅 環境 | Environment: 3.5/5💆🏻‍♂️ 服務 | Service: 3.5/5💰 價錢 | Price: 3.5/5📝 總結 | CP Value: 3.5/5-A foodie documentation of dining experience in restaurants based in Hong Kong 🇭🇰.

灣仔薔紅出名燒春雞有好多人都知道，有時我會睇網上睇吓啲飲食介紹，飲食KOL推介薔紅同，燒春雞好食之餘，話黑椒牛柳絲炒意粉有有驚喜＇今日食下午茶就上去試一試啦😌上去坐低梗係嗌咗黑椒牛柳絲炒意粉先，望望餐牌熱飲加$8凍飲加$10特飲加$18，見佢特飲有維他奶紅豆冰同麥精紅豆冰就嗌咗麥精紅豆冰試一試大概5分鐘黑椒炒牛柳絲意粉就已經係我面前，啲牛柳醃得啱啱好有牛味，再試意粉炒得乾身，有鑊氣，條條軟硬適中，食到尾碟底冇油又好乾身。食完嘢就飲麥精紅豆冰，甜度適中，紅豆煲得好腍，份量都有一半，唔錯唔錯，你想同除咗食燒春雞之外又多一個選擇