薔紅

營業中

休息中

此間店鋪食物一般，價錢不便宜，最出名的是服務態度極度差，侍應服務態度在香港店鋪排名第一最差，尤其是一個又瘦又身高很矮的男侍應，堪稱全港第一差，免費也不會去吃，就算世界饑荒，也不會去食，去到好似乞衣乞食，更何況要比錢

係灣仔返工既朋友應該唔陌生吧😆我都默默去左幾次，真係大份抵食👍🏻◾️脆皮燒春雞 🐥：名物之一，差唔多個個都一人一份。一份得半隻炸雞🔥熱辣辣。上菜嘅時候感受到有股熱氣♨️搣雞肉嘅時候係會淥手既，所以最好就攤一攤，唔好咁心急🤣目測雞大小適中，但係我覺得雞肉比較單薄😌雞皮薄脆。雞肉嫩滑多汁💦撕開雞肉嘅時候會見到有肉汁流出。味道香口，亦十分油膩🫥◾️黑椒豬手🐷：實物有啲震撼，豬手有兩個拳頭咁大✊🏻豬手有炆同炸兩種烹調方法。炆豬手既豬皮比較腍，雖然滿滿骨膠原，不過比較滯。肉質會比較嫩同入味。而炸豬手，外層會比較香口。肉質相比下會比較乾。因為我唔食豬皮，單論肉質我鍾意炆豬手多啲，juicy啲💦同行既朋友會食埋豬皮，所以佢鍾意炸既多啲。❣️不過炸豬手要喺落單嘅時候講埋💬唔係佢一般都會係炆豬手。◾️芝士焗肉醬意粉🍝：似以前舊式茶餐廳果種👍🏻即使無咗肉醬汁，意粉都有酸味味嘅味道。除此之外，酸甜既肉醬，芝士淡淡奶香，清甜粟米🫶🏻味道豐富，唔單調。意粉口感軟硬適中。好似有種魔力禁，令人停唔到口😋同依家嘅一般肉醬意粉唔同，真係一試難忘啊～係我暫時食過最好食嘅肉醬意粉！

聽人講就聽得多，但親身嚟就真係第一次，一入到餐廳見到好多人都叫炸雞薯條，嚟到呢度就一定要試吓。叫咗半隻雞跟薯條同埋一個乾炒牛河，炸雞好好食好香我覺得佢係即炸，乾炒牛河就冇乜特別都係幾好食嘅。

Lunch time入到灣仔薔紅，10個有8個都係食緊燒雞🐔，就知呢度個燒雞餐係必食！$88半隻脆皮燒雞，可以跟飯/茄汁意粉/薯條，落單唔夠5分鐘就有得食。雖然有刀叉，但係點都係用手撕過癮啲🤪，第一時間撕開個髀位係勁多汁，搞到我掛住食都唔記得要影低😅。佢完全做到皮脆肉嫩嘅效果，就算雞胸部位都唔覺得嚡。另外本身隻雞就咁食都好夠味，可以點吓甜酸醬，但係准鹽就唔洗試喇！薯條係港式茶記嘅粗曲薯條，都炸得好好味，一個人食呢個燒雞餐真係飽到上心口😋。據聞西多都係呢度嘅名物，下次要下午茶時間嚟試一試先。

位於灣仔的薔紅茶餐廳，一直以來都多本區甚至外區人食。我呢一日weekend 6點幾黎都差唔多滿座，7點開始仲要等位。不過入面都好大，而且員工效率極高，出菜都超級快，等位都唔駛好耐。個brand同海報設計都好有年代感，但原來始於1999😂😂做乜搞到1969咁。著名既燒春雞配薯條，春雞外皮燒得香脆（老實講似炸多d)內裡肉質嫩滑多汁，好香，配椒鹽比你點雞肉但唔點都好夠味。薯條亦都炸得金黃香脆，底果層吸左d 雞油超邪惡但好好食。咁大份只係$88不愧係招牌菜，絕對值得一試。另外試左黑椒汁豬手飯，黑椒汁就係扒飯果d 黑椒汁，略嫌唔夠黑椒味。啲肉都好腍好。豬手炆得非常入味，而且豬手超級大舊，都只係$82!!!

呢間出名既灣仔燒春雞成日都有人介紹，今次終於黎試下😝星期日夜晚9點黎都仲好多人等位，可能因為有動漫節呱，餐廳地方都夠大，兩個人等左15分鐘就入得。提提餐廳冷氣都幾大！試左個一口西多$40，有滿滿既煉奶☺️☺️好食👍👍燒春雞$88，可以揀飯/意粉/薯條或沙律，凍飲另加$10。隻燒春雞都幾大隻，雞肉超嫩滑，充滿肉汁，而且隻雞超熱🤣🤣🤣雞皮我就覺得咸左d。仲好細心會提供埋手套比客人😀薯條就凍左，應該唔係即炸，有點失望😞整體黎講隻雞都幾出色，經過試下都唔錯👍

作為灣仔嘅老街坊，無人唔識「紅薔」呢個名。雖然只係一間茶餐廳，但係佢哋嘅燒雞真係打出咗名堂。我放工之後即刻衝過去，六點未夠已經爆滿。好彩我哋夠好運，搵到一個四人卡位，真係要多謝貼心嘅侍應。店入面十居其九嘅客人都係食燒雞，我哋當然唔例外。首先上嚟嘅係一碗好足料嘅紅湯，溫度啱啱好，酸酸甜甜，啱晒我口味。我哋係直接用手撕雞肉，雞皮超薄，汁水超多，肉質嫩滑多汁，連雞胸肉都唔會柴。半隻雞嘅份量啱啱好，非常滿足。

今日嚟到灣仔附近，時間朋友帶我哋嚟咗呢間出名嘅食雞嘅薔紅餐廳，由於灣仔附近有好多寫字樓，所以午餐時間附近嘅餐廳都好full，呢間都唔例外，不過好在呢間餐廳比較大可以容納好多客人係，排咗大概10分鐘就有位可以入去坐。❇️燒春雞套餐🐤一坐低唔使諗，即刻嗌咗呢個招牌餐☺️可以揀薯條或者飯，會派埋一對手套比你方便食雞。雞肉滑嫩有味，皮薄脆，食晒成隻雞無食埋啲飯已經飽😂門口有個公仔舉住燒雞，一眼就知道呢到招牌。自取外賣以係灣仔黎講價錢好抵薯條份量都唔少，熱辣辣幾好食🤤

今日去咗呢間好有港式風味嘅茶餐廳試佢人氣旺盛嘅脆皮燒春雞套餐，一入門口其實都已經聞到陣陣嘅燒雞味，事關都幾多人有叫呢個餐，入去經過都會見到檯面有半隻雞放咗係到十分吸引坐底當然都係叫呢個人氣套餐，有得揀跟飯/意粉/薯條，作為薯條控嘅我毫不猶豫揀薯條！除咗呢個燒春雞套餐，啲港式炒粉麵其實都幾吸引幾有大排檔風味，可惜胃就得一個試唔到咁多，惟有下次再試啦落單後等咗大概15-20分鐘，一份熱辣辣嘅春雞就送到，上檯仲feel到陣熱力同睇得出層皮脆卜卜咁，食個陣真係要小心唔好比啲雞油辣親！跟埋仲有甜酸醬同椒鹽，但本身雞都有調味，鍾意清淡啲都可以唔點醬食原味咁就雞味突出！薯條一樣係熱辣辣勁吸引，鍾意食雞嘅真係不能錯過

係灣仔打滾左咁多年，薔紅一直都係我嘅飯堂，而佢地嘅燒春雞一直都保持到超班嘅水準👍 基本上每一檯都有一隻燒春雞你就知有幾好食啦❣️❣️ 燒春雞個皮係好薄脆，雞肉唔係滑咁簡單 係超級嫩滑❣️❣️仲鎖住到d肉汁 好juicy 🤤 每次都係熱辣辣咁上 未試過凍 就算暖都未試過！ 係熱到要攤陣先撕到 佢地有手套俾你撕開食 超爽😁 除左燒春雞，佢地其他餸例如沙嗲金菇粉絲肥牛煲、啫啫雞煲、炒牛肉都好食。有時我下午茶會叫奶油多、蛋治加紅豆冰都正👍

呢排好多訪問都介紹薔紅老老實實佢本身都出名㗎啦所以通常我哋嚟親都會避開午市或者晚市同男朋友平均兩個月都會嚟一次😂😂對於大食嘅人嚟講呢個絕對係一個好地方！。我哋嗌咗呢啲👇🏻基本上每次兩個人都係嗌佢嘅招牌脆皮燒春雞餐$88有半隻雞，沙律/飯/意粉/薯條四選一，包飲品一杯凍飲另加$10——————————-我每次嚟基本上都會配佢個意粉係普通嘅茄汁蒜蓉撈意粉有細個食兒童餐肉醬意粉嘅感覺😂😂春雞仲會有呢個甜酸辣醬同埋椒鹽俾你點個人鍾意點甜酸辣醬多啲因為個椒鹽一錯手就好容易好鹹😂男朋友就有個創意食法就係再加啲茄汁落個甜酸辣醬度😂😂但今次食完呢感覺比較大由於都算係我哋成日幫襯嘅餐廳所以都食得出有少少唔同咗明顯隻雞嘅大隻咗但冇之前四月份食嗰次咁脆皮同埋入味希望只係師傅一時間失準啩🥹🥹。我哋一齊睇返四月份嘅相👇🏻四月份隻雞係喺個籃入面啲雞皮好脆連我平時唔太食雞皮嘅人都會俾佢嘅邪惡吸引咗😈到六月份👇🏻隻雞大過個籃了！同埋今次個脆皮唔夠勁了🥺🥺同埋今次個薯條居然唔係熱辣辣上嚟有啲失望咗🥺今次係失望咗啲但係呢我都有期待住試吓薔紅其他嘅食物因為平時見到其他人叫都其實吸引嘅但太欣賞佢嘅招牌燒春雞所以每次兩個人都唔

見小紅書推介, 今日同家人一齊去食午餐。老公非常喜歡食燒春雞, 所以非常期待! 我哋叫咗三份燒春雞餐跟薯條。因為老公要去接個囡上嚟, 佢份餐已經攤凍咗。我叫其中一位侍應麻煩整番熱, 佢用非常之惡劣嘅態度回應😤😤😡😡 出去食餐飯點解要受氣? 如果咁唔想服務顧客, 點解仲要做服務業? 係我喺香港去過體驗最差嘅餐廳!!! 而且隻雞味道非常之普通, 太油又唔係真係咁好食🥴🤢我哋絕對唔會再去!!! 真心唔建議大家去食....

不停聽身邊嘅朋友話過到灣仔一定要試呢間嘅燒春雞，奈何對一個九龍人嚟講特登去食真係有啲遠，適逢有日去開灣仔嗰邊有嘢做就一於試一試佢Lunch hour 1點幾去到都要等一陣先有位，餐廳裏面好大，係典型香港茶餐廳格局。坐低即刻叫咗燒春雞同一個常餐。員工好貼心叫燒雞嘅會俾埋手套你可以就咁撕嚟食。等咗一陣隻雞就送到你檯面，熱辣辣咁睇得出啱啱炸起。如果用手撕嘅真係要攤一攤，廢事辣親手。每份雞都會配埋泰式辣醬同椒鹽，但係我覺得隻雞本身已經夠味，再點椒鹽會太鹹。一撕開隻雞，裏面啲肉好滑，睇相都可以見到啲肉汁，真係好好食啊！至於個常餐真係麻麻地，大家去到可以主攻燒雞總括嚟講，個雞同我想像中一樣咁好食，下次去開灣仔都會再食。

20240526🌧️Sunday🍄🚶經常路過此地🌹被它的紅玫瑰banner 吸引❤️終於的起心肝嘗試。🕕晚餐時間到啦！5點幾已經有10個8個人在樓下聚集。🎊「薔紅特色茶餐廳」開業於1999年，以《脆皮燒春雞》作為招牌「薔紅特色茶餐廳」，眼見差不多每張檯都Order 《脆皮燒春雞》，🤓老闆王太話每日賣出600多隻雞，等於1,200多份脆皮燒春雞餐。🐔醃製2小時、風乾2小時、再炸15分鐘，一個炸爐同時可炸8隻雞，最繁忙的時間更要開足4個炸爐。🤵當伙計放低兩份《脆皮燒春雞》餐桌上， 香噴噴的燒雞，已經傳遞到我的腦波，皮十分之脆薄，一咬肉汁滴落指尖上，雞肉太 Juicy啦😋又可以保存熱度（室內冷氣溫度比較凍）。🐔(1) 脆皮燒春雞餐＝Roasted spring chicken $88🐷(2)蜜汁叉燒=Barbecue pork $73🥬(3)椒絲腐乳通菜=Stir Fry Water Spinach(Ong Choi)with Fermented Tofu $50🇭🇰支持留港消費#hkfood #hkfoodie #foodblog #foodphoto#foodistgram #foodpor

非常喜歡的一間餐廳 濃厚香港風情 很有人情味🤤店裡的侍應都是有一點年資 所以非常親切……………………………………………………………❤️脆皮燒春雞+飯/意粉/沙律/薯條進去基本都不用看菜單 你會幾乎看到每個人都會叫燒春雞 必點 必點❗️上菜很快 燒春雞一定要趁熱吃 外皮燒得脆脆的 雞肉完全不乾 非常好吃 他們會附手套 方便大家手拿著一隻雞吃 簡直不要太爽除了燒春雞 他們要會附 飯/意粉/沙律/薯條 我選了薯條 薯條是粗薯 經典的香港茶餐廳會有的 不錯吃❤️……………………………………………………………