蓬萊咖哩屋

營業中

休息中

住係元朗幾十年，成日都經過蓬萊咖哩屋，但就一路無機會試~! 適逢最近發現疫情下，佢提供左外賣自取優惠，二人餐抑後都只係二百幾蚊，有咖哩角、蒜容烤包、菜、五香雞件、印度黃飯、咖哩雞/牛/羊，叫埋兩杯芒果特飲又唔洗加錢，份量充足，真係抵到爛！係味道方面，咖哩角同咖哩羊都十分惹味，然後用佢地咖哩去撈個印度黃飯，更令食慾大增。至於蒜容烤包係我的至愛，點Ｄ咖哩去食，味道真係十分配合，想食多幾塊。食到辣辣地，飲返杯芒果特飲，解渴之餘，又有點透心涼。呢間餐廳係元朗屹立咁耐，果然堅揪

上年聖誕食完後念念不忘，一直都好想再嚟食。趁住今日冬至，一於食晚餐做個冬。照舊都係叫咗個二人餐（$318，另收加一，但上年攞咗張VIP卡，有85折，埋單$303）前菜，二片脆脆薄餅，微辣香口，青色醬清爽，醃洋蔥醃紅蘿蔔開胃。餐湯/咖喱角，要哂咖哩角，外層鬆化，入面咖哩薯蓉惹味。清炒時菜，食到不少香料味，但今次油咗啲啲。咖哩雞/牛/羊，揀咗羊肉（小辣），咖哩辣甜酸，多重層次；羊肉炆得好腍，冇乜羊騷味。蒜蓉燒餅，即烤，熱辣辣，蒜蓉味唔重，用嚟點咖哩一齊食冇得輸。印度黃飯，長條米粒，乾身，又係啱哂撈咖哩一齊食。串烤五香雞件，鐵板上，勁惹味，醃製醬汁少少辣，雞件烤得超好，表面稍稍焦香，裡面雞肉嫩滑而且仲有肉汁，另外墊底嘅洋蔥絲、椰菜絲、紅蘿蔔絲，吸哂味。正。餐飲，嘉士伯啤酒，爽爆。

食得印度菜一定會叫既naan，呢個係香蔥款，仲叫左個芝士款，我覺得整得偏油。兩個人食叫一個naan就夠，真係飽到食唔落😂呢個係前菜黎，薄脆片，點下啲醬又幾得意，但啲醬辣辣地。雞雞，好吃🥹隔離既咖喱都好吃🥹呢到啲野食，我倆個人都都食唔晒，所以叫少一個naan😂

可能因為太耐冇飛, 呢期中意食唔同既菜式去感受下異國風情同當自己去左旅行咁, 而今晚係平安夜, 我地去左間一直以來係元朗國都好想去既一間尼泊爾餐廳🇳🇵早幾日已經book定位, 當晚到場所有侍應都係尼泊爾人, 一開始會比濕紙巾你抺手, 十分衞生, 而且飲用水係支裝唔係廚房既自家水令我好放人飲水(因本人除左飲茶會飲既熱水係餐廳從來唔飲其他水)正式落單其車我地都冇咩諗法, 因我地從來未試過, 所以叫店員介紹下：不過可能第一次食, 有好多難以形容既味覺😅1/ Aloo Chat $52我諗呢個係尼泊爾既沙律, 食物冇咩特別、但特別在佢既source, 食落酸酸辣辣咁, 幾開胃😄2/ Chicken Curry $98開頭以為好辣, 但食落冇任何感到辣, 雞肉好多舊而且冇根👍🏾👍🏾3/ Saag Paneer $88芝士菠菜我叫咗小辣但識落十分之辣,不過係好食既, 而我老婆覺得唔係好辣😅4/ Zafrani Pullao $52飯有啲乾, 呢個味真係有的食唔慣5/ Cheese Nan $30烤餅做得好唔錯，厚厚地點埋咖喱仲好食，一共有四件6/ Lassi Mango $32落左單之後見其他枱既

餐廳提供不同人數嘅預設套餐，我就揀咗二人餐（$318+10%）。餐前送咗兩片脆片，青色醬十分清爽，醃紅蘿蔔、醃洋蔥酸酸哋好開胃。餐湯（雞肉忌廉湯，濃度適中，味道不錯）、咖哩角（熱辣辣，外面鬆脆，裡面咖哩薯蓉香味重）各要咗一份。羊肉咖哩，要咗微辣，咖哩香味重，而且有蕃茄底，甜甜辣辣，多重口感；羊肉大約有五/六件，有羊騷味但唔重，肉炆得好淋，而且唔肥，好食。蒜蓉燒餅，熱辣辣（辣手），蒜味唔太重，點咖哩一齊食冇得輸。串烤五香雞件，即叫即做，鐵板上，雞件外面香口、內裡有肉汁，醬料醃味好惹味；連埋鐵板底嘅洋蔥、椰菜絲、紅蘿蔔絲都勁入味，正。清炒時菜，用咗不少香料炒，好惹味。印度黃飯，米粒長，乾身，撈咖哩啱哂。餐飲要咗2杯啤酒，跑完啤一啤，爽爆。呢餐食得超滿足，食物質素又好，價錢又合理，絕對值得推薦。

元朗一間歷史悠久嘅咖哩屋，由大門開始，裝修佈置都充滿異國風情。前菜先送上薄脆小食，配上近似乳酪嘅醬汁，同醃洋蔥醬汁，可惜薄脆有少少疏氣，唔夠脆口。而餐湯就唔係太合口味咖哩牛配白飯咖哩非常香濃，牛肉鬆軟得黎有咬口，而且唔會被咖喱搶晒味！而白飯就用上印度米，比平時食開嘅飯無咁有咬口，個人麻麻地呢款米，下次都係叫返烤包！烤雞配薯仔烤包烤雞非常惹味，雞肉好嫩滑！而薯仔烤包夾住左一層薄薄嘅咖哩薯仔，就咁食都已經好好味！非常推介呢一道菜！凍檸茶茶底比平時飲到嘅凍檸茶香濃，但係略嫌甜左少少凍印度奶茶帶有好重嘅香料味，個人接受得到值得一讚嘅係，餐廳嘅衛生做得幾好，每枱都有一支大樽裝水，同用上即棄紙枱布。

來元朗吃一個午餐，朋友介紹吃咖喱的地方，一直是餐廳口袋名單。餐廳內播放着柔和的印度還是尼泊爾的音樂，有特色也令人舒服。🔸咖喱牛配烤包咖喱就是很印度的咖喱，很香，微辣，沾着烤包吃，不會吃不完的一道菜。烤包也給得很大方，三大塊的，剛好可把所有咖喱都吃完，而且聽說是用炭爐烤的，特別有風味。🔸烤雞配薯仔烤包烤雞隨鐵板而上，送到枱上時還是發出滋滋聲地烤，雞肉用各樣香料醃製，稍辣，烤起來也算滑，配一個薯仔烤包，就是薄餅中夾一層薯仔蓉，是好吃的。還有的是，點了印度拉茶作餐飲，這個味道實在超出我想像，喝下去的時候跟奶茶沒什麼分別，但是那後勁的是一堆香料的味道，上網一看，是薑、荳蔻、丁香以及肉桂混合而成的，只能說，沒能欣賞這種像擁有神奇力量的味道。

噚日15-5-2021 (Sat) 晏晝,同老公入元朗睇鳳眼藍前食個晏,嚟到元朗,原本想懲罰夏捌月https://www.openrice.com/zh/hongkong/r-%E5%A4%8F%E6%8D%8C%E6%9C%88-%E5%85%83%E6%9C%97-%E8%A5%BF%E5%BC%8F-r509587,不過search到呢間,圓一圓老公想食印度咖哩啦.我哋嚟到,見到門口好靚,充滿尼泊爾特色,入到去,女侍應安排地哋坐近門口嘅二人枱,我唔想,我指住另一張4人枱,問個男嘅可唔可以坐嗰張?佢答可以.一坐低,男嘅遞上一人一件濕紙巾抹手,而女侍應即送上兩件印度薄餅同兩個醬汁.我哋睇完menu,決定要$318.00加一嘅二人餐.落完單就食嗰兩件印度薄餅,唔知係咪我哋好耐至食,有少少腍,而味道係有少少辣.醬汁方面,有酸乳?同糖醋浸洋蔥?酸乳質地較稀,味道亦清.糖醋浸洋蔥酸酸甜甜咁,我鍾意呢個.然後餐中食物嚟喇:1. 咖哩角上次喺荃灣嘅巴巴站漏單冇食(4月7日刊登嘅呢篇https://www.openrice.com/zh/hongkong/review/yeah-%E6%AD%A3

今日由大埔坐64K 去元朗搵食，坐左個半鐘車，終於去到元朗巴士總站出面既蓬萊咖哩屋。等了5分鐘就有位，我們點了午餐咖哩羊$75跟咖哩雞$62跟飯及烤餅，餐茶點了凍印度奶茶及凍檸茶。先黎一個薄脆烤得得脆很好吃，忌廉餐湯好飲。飯是用印度的小米夠細長乾身，配咖哩一流。烤餅有3塊。雞肉好嫩滑應該是用了雞腿肉，羊肉都夠晒淋夠入味，兩樣都超一流。印度奶茶很特別，可以一試，很特別。今餐很滿足，用料，烹調都很滿意，非常好吃的一餐印度午餐。

今次試了最普通的咖哩雞＋他們的麵包（NAN)他們的咖哩汁其實沒有什麼辣味，偏咸。所以要跟witress講，額外要了一杯辣汁。辣汁本身都有香料味，加了入咖哩中便被咖哩蓋過了。而辣的情度可按本身接受程度調節。如果要挑戰味蕾的朋友仔，我相信這個辣度應該未能令你們滿足。再說說另外兩個主角，雞和NAN。雞件頗滑，比例上肉多過骨。因為在咖哩中的原固，只能憑本人過往吃雞的經驗，猜測是一隻小雞肶切件。NAN很好味，它是很軟的麵包，本身無味，配合咖哩，一邊咀嚼，一邊發出淡淡的牛油香。

我老公一向鍾情咖哩呢日咁啱去咗元朗 就試吓呢個好多人盛讚嘅北印度咖哩結果真係冇失望首先 一定要大讚佢個Naan 望落去雖然好油但食完完全唔覺得漏麵粉味夠香夠甜之餘 個餅食落亦煙韌香脆兼而有之然後就係佢個雞串燒原本以為呢個係套餐入面嘅「豬頭骨」點知一食入口即勁香炭烤味 雞肉一啲都唔柴 勁juicy 連拌碟嘅椰菜絲都有陣獨特嘅香味完全食到停不了口再嚟係咖哩角佢大粒到得人驚仲要大部份餡都係potato 所以食完已經好飽而咪睇佢炸成咁又係離奇地完全唔漏而且個皮係外香脆内軟糯真係出色到不得了 （但味道就略嫌淡了一點）終於講到個牛肉咖哩酸酸辣辣好爽口 而且味道多元香料味夠層次配搭嘅印度米亦煮得乾身得嚟好有嚼勁食入口充滿豆蔻特有香味絶對中和到咖哩嗰陣重口味不過就可惜在個咖哩medium都仲係未夠辣最後想讚吓 估唔到連啤酒都好清甜好正呢個二人晚餐連加一350蚊 絕對唔算貴

今次我地入到去元朗，專登黎試蓬萊咖哩屋既美食。呢間餐廳係已經屹立左21年老店，小店由尼泊爾人開設，而掌廚既有印度人、尼泊爾人同巴基斯坦人，所以小店提供多國菜式。我地就叫左咖哩雞、咖哩牛配烤餅同Mango Lassi 。佢地既咖喱味道香濃，再配上印度烤餅Naan Bread同食，絕對一流。呢到既烤餅，係用印度麵粉自家製而成，以黏土炭爐烤成，在配搭上薄荷醬同特製醬汁，非常美味。佢地既Mango Lassi甜度岩岩好，既可以解辣，又可以解渴。

今天年廿八，和Honey入元朗，探一位尼泊爾籍同事 。他帶我們到了蓬萊咖哩屋，他認識裏面工作的同鄉。我們點午餐，大多是咖哩款式：咖哩羊/咖哩牛/咖哩雞……價錢大約$70-$90之間，可以選米飯和Naan，我們三位都不約而同選Naan 。環境很舒適！雖然店鋪地方不大，但座位擺設疏落，充滿異國風情。地方很潔淨。點餐前，侍應送上薄餅小吃。點餐後，侍應送上了忌廉雞湯。不過，這個湯就麻麻地，忌廉湯很「漿粉」感覺。主菜上場了！我吃咖哩雞配Naan，非常好味！跟印度咖哩相比，尼泊爾咖哩的香料味不算太濃，正適合我。微微辣，微微甜，很香很滑。雞肉和薯仔都炸過，薯仔好好味！雞肉也嫩滑。我用Naan幾乎將所有咖哩汁都沾了吃，好好味！Honey叫Masala Tea，我嚐了一口，茶味不算濃，但荳蔻味就很濃，不錯。我叫芒果汁，這個就麻麻地。整體而言，環境、座位、清潔、員工……都好，是一頓很舒適的尼泊爾午餐。

向元朗想食咖哩, 外面望左菜單都唔錯, 就入黎試下, 入到去有D驚喜系餐廳環境好精緻乾淨, 有D似去左中上環餐廳環境,  向Openrice睇到話餐廳店主系尼泊爾人, 好有異國餐廳風味, 就想像一下自己向外國食飯.  間店舖唔算好大, 我同朋友安排左坐近牆, 一坐低就有脆薄餅加綠色汁同洋葱, 塊脆薄餅香脆可口, 跟住點左乳酪飲品, 鐵板燒魚同燒雞, 仲有咖哩同兩款薄餅, 一路食仲有唔少外賣單, 可以拎番屋企慢慢食. 食物同環境都中上水平, 有異地風味之餘亦混合左本土口味, 可以黎嚐一口美味咖哩

店名直接翻譯的話就是：香格里拉。店主是尼泊爾人，他們的咖喱和傳統的印度咖喱是有分別的，我個人認為這一間的咖喱更適合香港人。落order的時候需要用英文，因為店主不懂得說中文。有一次我聽到隔桌的人用廣東話落order，店主似乎是能夠聽得懂粵語的，然後店主會用英文回應，下單的人再用廣東話回答。上面這是二人套餐，中間的炒飯比較奇怪，不適合香港人的口味上面這是二人套餐中的配套。圖片上方是五香雞件，很不錯，單點的話需要98元左右（印象中）。我吃過一次，再一次去吃的時候想要單點，發現98元，似乎還是有點貴。我已經去過超過10次，大部分時候都是吃午餐，價格很划算，我看見openrice中已經有人拍攝過，我就不重複上傳午市套餐的圖片。