影片
今日入到嚟元朗覓食，首先嚟到呢間位於大棠路附近既葵勝記食碗麵。店舖環境光猛座位舒適，坐低望一望個餐牌先，$48蚊一碗崩沙腩湯粗麵，唔貴有性價比，一於點佢。不一會碗麵就嚟到，足份量既，試一試啖湯，好濃郁既牛腩味，唔確喉，麵條爽滑彈牙，一d枧水味都冇，崩沙腩出色，軟淋適中，有牛味有咬口，味道十分好，久違既一碗好正既崩沙腩麵。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
繼續閱讀
小編今日來到元朗一間港式粉麵店「葵勝記」，主打各式各樣的粉麵，包括崩沙腩、五香牛雜、墨丸、魚蛋、雲吞等粉麵✨以平價和味道贏得街坊口碑，只需HK$36一碗美味地道的牛腩/牛雜粉麵🍜 雲吞麵更低至HK$30‼️店舖牆上掛上一副對聯「葵花滿地春風遍，勝景源於一碗麵」，帶有中國風設計裝修，必食的元朗性價比高粉麵店🧡推介「葵勝記牛雜麵」牛雜煮得入味，去除內臟的異味，今次吃到牛沙瓜，是牛肚的一個稀少部位🙌🏻 其只佔整個牛肚不足一成，部位紋理清晰，外層呈摺紋而背面平滑，外層軟嫩而內層爽口，充滿牛雜肉汁香味👏🏼 牛膀香中帶粉糯，不羶不澀，牛膀中富含大量的鐵和鋅，補鐵補血✨牛肚氈肚綿爽，蜂巢牛肚夠爽口，越嚼越香🙌🏻 牛腸脂香滿溢；牛肺爽滑啖啖肉，每一口都充滿了豐富的滋味🐮🍽 ：葵勝記牛雜麵👅好味指數：8.5/10💰消費：HK$36📍 地址：葵勝記 (元朗)元朗大棠路35號紅棉大廈地下B號舖
繼續閱讀
元朗親民價，街坊生意，雲吞水餃麵店。餐廳裝修用金龍鳳同紅燈籠。食物方面：鳳城水餃-有木耳絲，新鮮豬肉同埋鮮蝦。青蔥。連埋佢哋啲辣椒醬食增添食肉同刺激感。鮮蝦雲吞-有豬肉同埋鮮蝦，味道傳統。靚皮同薄，餡靚。仲有條菜心。個湯都好好飲。去元朗記得試下啊！
繼續閱讀
今日去咗千島湖行山，元朗直落大棠小巴站附近就搵嘢食見到間牛雜粉麵好似唔錯，一於入嚟試嚇先，舖頭唔算好大，大約有10張枱左右，座位隨心選擇，埋單大約人均$100左右價錢唔算特別貴，同行朋友試咗牛腩牛筋麵，雙拼價錢加$20，價錢尚可以接受牛筋幾淋，一咬落去就會化開，雖然個人偏向鍾意食爽口啲，但都幾淋同入味之後我叫咗一個崩沙腩咖喱飯🍛咖喱係偏向唔辣嗰隻，就算小朋友都可以食到，崩沙腩經過慢燉，但肉質依然係比較有口感，不會太軟淋偏向有嚼口，牛腩帶上一條爽口膠質，相比牛腩更好味清湯蘿蔔無渣，一客份量大約有5-6件淨食鯪魚球是即叫即煮，味道咸鲜适中，作為小食係不錯嘅選擇
繼續閱讀
元朗必食！葵勝記招牌崩沙腩墨魚丸河粉成日聽聞元朗葵勝記嘅招牌菜超正，今次終於有機會試下，真係冇令我失望！特別係佢哋嘅招牌崩沙腩墨魚丸河粉，食完真係心心念念！講起呢個崩沙腩，識食嘅都知，呢個部位喺牛腩入面可以話係最矜貴嘅。佢其實就係牛嘅橫膈膜，一面係軟腍嘅腩肉，另一面有層筋膜，食落口感軟腍，香味十足，肥瘦比例岩岩好，每啖都好有口感，正到冇朋友，簡直就係牛腩界嘅天花板！呢碗崩沙腩墨魚丸河粉，配料超豐富。新鮮彈牙嘅墨魚丸，配上爽滑嘅河粉，再加上大把炸蒜同埋芹菜，層次感滿分！炸蒜嘅香脆同河粉嘅軟滑，形成咗好正嘅口感對比，一啖接一啖，根本停唔到口。芹菜就為整碗河粉添咗一絲清新嘅脆感，令成個味道更加平衡，食落完全唔會膩。仲有啊，嗰碟菜心，清甜翠綠，好新鮮！葵勝記元朗大棠路35號紅棉大廈地下B號舖
繼續閱讀