影片
電話號碼
44166619
營業時間
今日營業
11:30 - 09:30
星期一至日
11:30 - 09:30
公眾假期
11:30 - 09:30
公眾假期前夕
11:30 - 09:30
以上資料只供參考, 請與餐廳確認詳情
星期六收工又去左元朗，今次食台灣野，姑姐買餸見到開左間新野，就捉我去試下。我地叫左兩個全日套餐：🐮Top 1牛筯湯麵 $66牛筋好大件，長過手指，好有咬口，湯底濃郁濃厚，麵有勁道 ~ 唔錯🐽Top 2桂林仔豬排湯麵 $66豬排十分入味又夠腍，份量仲好多，好有驚喜，溏心蛋有滷過，好味套餐飲品：熱黑糖冬瓜茶 ~ 滋潤甜入心，解膩一流凍蜂蜜柚子茶 ~ 大杯夠清新Top 3兩款小食 $29：🐥黑麻油雞翼兩隻 ~ 睇色水都知好入味，肉質好juicy芋圓愛玉仙草凍 ~ 呢個叫左後上，仙草凍份量十足，同愛玉形成黑白配咁，芋圓煙韌。炸物拼盤 $56(花枝丸、香菇貢丸、甜不辣、臺灣腸、蔥餡餅、燒賣)蔥餡餅個樣好似小籠包咁一口一個，咬開聞到濃郁的蔥味，呢個幾特別。燒賣都有炸過好香口，甜不辣口感煙韌，其餘都唔錯。下次可以再黎試埋其他，另外出示長者卡或樂悠卡每位均可減$5，姑姐即刻話話下次要拉埋姑媽黎食。
繼續閱讀
元朗又新街一帶滿佈餐廳，掃街抑或堂食，總有一間適合！今晚和朋友到這邊搵食，誤打誤撞尋到一間高質台灣菜小店：「臺月」。一食愛上他們這碗肉燥拌麵！麵條粗身掛汁，口感帶煙韌。拌上肉燥和醬油，肉燥份量很多，偏瘦不肥，味道濃郁香口。還附有半隻溏心蛋。$36的套餐，還附送一杯台式飲品，非常抵食！鹽酥雞扒就食得多，豬扒就比較少見。豬扒炸至酥脆，帶椒鹽鹹香，肉質軟嫩。配上一碗肉燥飯，粒粒分明的珍珠米飯撈上肉燥，鹹甜味道非常下飯。追加了2款小食。甜不辣整塊炸香切條，同樣是鹽酥的做法，灑了椒鹽，入口Q彈有魚香。而麻油雞翼肉質很滑嫩，煮得十分入味，齒頰間滲出濃濃的麻油香味。港式小食配以台式做法！燒賣外層炸到脆卜卜，再配上椒鹽調味，邪惡惹味！隨餐附送的黑糖薑母茶，選擇了少甜，帶微微薑辣香氣。另一杯以半價選購的珍珠奶茶，珍珠非常Q彈煙韌，深得朋友歡心。
繼續閱讀
元朗呢邊開咗間新嘅台式餐廳～ 價錢超親民貼地🥹 仲竟然有全日都只係36蚊無加一嘅套餐，住元朗嘅人有福啦😍 每一口都係台灣嘅味道😌1️⃣ 桂林仔便當🐷ᴛᴏᴘ 3之一嘅便當一定要試試佢🤞🏻 雖然底可以揀其他款，但係我就覺得便當嚟講配白飯先至係最ᴍᴀᴛᴄʜ😗豬扒雖然唔係炸到好脆，但食落甜甜哋唔會乾爭爭🤣 加埋半隻糖心蛋超誘人😍2️⃣ 鹽酥雞扒拌麵🐥我就揀咗要拌麵～ 除此之外仲可以揀白飯/肉燥飯/湯麵🍜即叫即炸嘅鹽酥雞扒熱辣辣，大大塊亦超厚身，外脆內嫩好ᴊᴜɪᴄʏ💦 而麵條口感煙靭，醬汁都唔會太鹹，加埋蔥蒜好配搭😋3️⃣ 炸物拼盤🥢呢份拼盤就可以食多幾款嘢啦😌包括有：墨丸、甜不辣、椒鹽燒賣、蔥餡餅、鹽酥雞、牛丸…蔥餡餅金黃香脆，咬落去爆哂肉餡同精華😍 至於甜不辣雖然外貌變成一條條，但食落煙韌好ᴊᴇɴɢ👅4️⃣ 香芋奶茶💜仲有多款台式飲品嫁，連沙冰都有添😌 我呢杯就加咗珍珠，芋頭味好香醇，珍珠就十分ǫ彈🤪 配料仲可以揀要愛玉🥳
繼續閱讀
突然想食下台灣野，上網search一下見又新街開左間新店叫臺月，睇相唔錯就去試下先。大概兩點嚟到，店員話等一張枱，ok啦，新餐廳試下囉😋⭐鹽酥雞扒拌麵朋友本身想點鹽酥雞，但賣曬，於事就轉咗鹽酥雞扒，個餐本身可以跟飯、湯麵或者拌麵，就揀咗跟拌面。份量好大份，雞扒大大塊仲好厚身，炸得酥香，好食喎。⭐台式椒麻雞拌麵自己就點咗個廚師推介嘅椒麻雞，原本諗住會係雞件，原來都係鹽酥雞扒。雞扒上面淋左椒麻醬，有生蒜、九層塔、小米辣等混成的醬料，麻辣鮮味，好正🤤呢個餐都係揀咗跟拌麵，因為台灣拌麵真係好好食，麵條蛋彈牙，上面個乾蔥醬好香，加埋溏心蛋勁正❤️⭐蔥餡餅跟餐有優惠價加小食，叫咗一份蔥餡餅，煎得香脆，一口咬落蔥油爆開，熱辣辣又香口，好食！可惜係有一隻爆咗口，漏走咗啲蔥油汁🥺⭐泡椒水餃朋友揀咗加泡椒水餃，隻水餃入面加咗泡椒麻麻辣辣好刺激，有驚喜喺個湯汁，有藥膳味又甜甜地咁，唔知跟餐湯麵係咪呢個湯底呢，係就正喎🤤⭐溏心蛋最後就係溏心蛋啦，朋友同我都係溏心蛋嘅愛好者，雖然知道拌麵嗰度有半隻，但真係唔夠喉，加多一人一隻先，軟綿綿嘅蛋心真係好正😍⭐香芋仙草 & ⭐茉莉仙草個餐本身都有餐飲送，但一心想嚟食台灣嘢飲珍珠奶茶，而且跟餐飲品有半價，抵過去茶飲店再買一杯吖，朋友叫咗香芋仙草奶茶，自己就叫咗茉莉仙草奶茶，仙草軟綿綿好滑溜，微甜啱啱好。價錢貼地，食物好味又大份，又下次喎！
繼續閱讀
桂林仔豬排配肉燥飯豬排好入味，外皮少少脆口，咬落去肉質仲好嫩。肉燥飯好香，醬汁滲入飯粒，份量都夠足。辣豬肉配湯麵辣豬肉係有啲青椒一齊炒，好香同唔會係好辣，豬肉片薄薄地但好入味，煮得啱啱好，唔會太韌。麵條彈牙，掛湯一流，而且湯底都好濃味超級好食！炸物拼盤真是一個大雜燴！花枝丸彈牙，香菇貢丸有菇香，甜不辣軟糯，臺灣腸外脆內juicy，蔥餡餅同燒賣都好香口。每款都炸得啱啱好，唔會太油。超適合一班朋友share食。鳳梨寒天沙冰鳳梨寒天沙冰好有夏日feel！鳳梨味好濃，甜得自然，寒天Q彈，沙冰細膩唔會太冰。飲落好清涼，啖啖都係果香。好啱而家夏天去飲！整體都好好食，仲要價錢都好實惠，下次都會再去！
繼續閱讀