葫蘆燒肉刺身

營業中

休息中

最近開左好多一人燒肉連鎖店🤏🏻葫蘆係一間小店 老闆好親力親為👦🏻一到四人座位都有提供 四人座位都幾闊落✨價錢平民 全日免加一😋最驚喜竟然有素食燒肉提供 好貼心👌🏻有採用植物肉既素牛小排同素牛胸腹🥩好好奇燒出黎係咩味 素食朋友可以去試試話我知抽風系統都做得唔錯 食完出黎無乜油煙味💦📍會席二人盛 HKD398包左刺身拼盤🍣餐前小食帶子裙邊 麵豉湯🫕紫菜肉鬆白飯🍚 兩款日本飲品 仲有六品燒肉盒燒肉盒有六款肉🥩🐮牛肩胛 封門柳 牛舌芯 牛頸脊🥓豬腩肉同🐥雞腿肉依個組合兩個人食真係10成飽🙆🏻‍♀️ 肉既份量比得好足✅牛頸脊 好濃牛味肉質有咬口得黎幾嫩✅牛舌芯 燒到好爽脆點埋檸檬汁好味✅豬腩肉 包生菜食好滿足店家提供三款日本直送點燒肉既醬汁🧂有燒肉汁 鹽醬同柚子醬～柚子醬好清新好解膩 撈落個飯到都好正😋✨刺身拼盤有驚喜 由豐洲直送非常厚切🍣三文魚油脂滿滿 厚切真係好滿足📍蔬菜拼盤🥬 HKD28有生菜🥬 洋蔥🧅茄子🍆同翠玉瓜咁多肉肉要叫返蔬菜平衡下🤣茄子同翠玉瓜燒完鎖住水份 一咬好Juicy💦

元朗日式燒肉店 一人燒肉獨樂樂美國牛肩胛+封門柳套餐(250g) $132肉味好濃郁，牛肩入口溶化，燒完剛剛好嘅油脂，配上肉鬆飯一流！牛頸脊＋封門柳套餐(200g) $128牛頸脊相反口感肉質比較重，肉汁鮮嫩，不過火侯控制不能太熟！+和風肉鬆紫菜飯(素）有驚喜嘅素飯，佢連埋肉鬆同紫菜真心好味！再加埋肉汁就冇得彈！+和風麵豉湯+餐前小食海蜇枱面有燒肉醬、柚子醬、鹽醬自行調味仲可以額外肉類可以追加其他肉或者刺身！🥤日本Sangaria 提子梳打、蜜瓜梳打 $12葫蘆燒肉刺身 (元朗)元朗俊賢坊18號權益大廈12號地舖

👍🏻 牛頸脊+封門柳套餐燒肉或者火鍋 我都偏好牛頸脊貪呢個部位嘅運動量夠多！肉味濃有口感 又有適量油花😃另外封門柳嘅肉質柔嫩 出面比較少見 今次嘅套餐可以滿足晒我嘅願望💕👍🏻 CAB 牛小排+特級牛五花套餐鍾意油脂感滿滿嘅一定要試呢個組合 燒時已充滿火花😍入口油香十足 建議點少少枱面上嘅柚子醬 食落去會比較清爽 搭配嘅飯上 有紫菜、味素等🍚👍🏻 牛舌（追加）見隔離枱大讚牛舌好味🤤我哋當然唔執輸 佢嘅厚度剛好 入口爽脆但唔會難咬 同鹽醬最夾👍🏻 三文魚刺身🐟除咗燒肉 佢哋亦主打刺身 款式都多 叫咗一碟三文魚試吓 油花靚 新鮮 抵食！注意事項⚠️- 套餐包咗小食、味噌湯、紫菜飯以及飲品 飲品選擇竟然有波子汽水 好驚喜🙌🏻

入左去元朗，夜晚仲去咗食新開嘅燒肉店，叫左個2人盛燒肉set ,當中裏面包咗個兩人刺身拼盤，餐前小食帶子裙邊，六品燒肉盒，麵豉湯，白飯仲有波子汽水同埋蜜瓜梳打兩人刺身，三文魚好厚身，好有鮮味😉六品燒肉盒好豐富，當中裏面包咗美國牛肩胛，安格斯牛板腱，牛舌芯，牛頸脊，豬腩片，雞腿肉，燒肉汁仲有得揀鹽醬，燒肉醬，柚子醬，小編推介柚子醬，好開胃，每人都食到3-4片，好足料，而且價錢好實惠，兩個人食一定食得飽，正！

今日同朋友去咗元朗搵食，咁啱見到間新開嘅一人燒烤店，見好似幾新穎同埋乾淨，所以入咗去試吓——————🐽 CAB 牛小排 + 特級牛五花（200g）套餐牛小排既肉質望得出好靚，而鍾意食油脂感比較重嘅朋友應該會幾喜歡牛五花。牛五花燒到勁香口，油脂感滿滿，而牛小排食落就比較重牛肉味，最特別係佢哋嘅醬汁全部都係由日本空運過嚟香港，原汁原味🐽 鹽燒鯖魚套餐鹽燒鯖魚到燒到好香，食落都幾有魚油香味，配埋啲麵豉湯同埋前菜撈埋飯一齊食，都幾滿足😁

第一次去，因為地點好少自己燒烤既餐廳，所以就試下。我試既係最平既燒肉餐。全日冇加一。肉類比較薄身，好易痴住個燒烤網底。d肉新鮮度一般。個麵豉湯好似溝左好多水。員工服務比較一般，可能等一個落單，收銀一個，門口接待一個。餐廳比較細，對牆bar 台椅子比較高。

葫蘆燒肉刺身嘅燒肉套餐由幾十蚊起就有交易豐儉由人👍🏻一樣食得好滿足😚全部套餐都有埋前菜、和風湯同飯我就加錢飲波子汽水同蜜瓜梳打另可追加肉同刺身👏🏻👏🏻✨和牛腹肉心+牛五花套餐(220g）一層油一層肉嘅牛五花油脂香味濃郁，入口即化和牛腹肉心色澤粉嫩，肉質軟滑✨美國牛肩胛+牛舌芯+牛板腱套餐(250g)三款牛各有特色，由爽脆到嚼勁嘅口感都有👍🏻美國牛肩胛帶有少少筋💕口感紮實牛舌芯入口爽脆彈牙，咬落多汁有嚼口👏🏻👏🏻牛板腱細嫩多汁，肉味香濃配有嚟自日本嘅醬汁有鹽醬、柚子醬同燒肉醬‼️我好鍾意鹽醬🤭夠晒惹味葫蘆燒肉刺身人流不斷🤩唔係繁忙時間都滿座想試嘅朋友記得預約呀‼️

呢間舖頭實在太垃圾，之前見佢新舖頭，第一次心諗新鋪，可以一試，因為上網見有介紹，同朋友一齊去食，點知中伏，食物質素一般，地方雖然睇落乾淨，但坐得唔舒服，服務員冇服務咁滯，中間重要比人吹埋單，因為間舖有落埸時間，雖然話可以繼續食，但都已經食得唔開心，同埋如果鋪頭要落場，可以一早同我哋講，前後入去我哋坐低只係差不多4個字，本身想舒服咁食都唔得，只係價錢比較便宜⋯⋯今日行經個度，第二次食，諗住上次係可能時間唔啱，今日午餐時間去可能好啲，食完仲要肚痾，懷疑啲食物真係嚴重唔乾淨，服務依然係冇，今次之後可以沒有下次！#本來冇諗住寫評論，但係因為真係食到好肚痛，真係忍唔住不吐不快⋯⋯

⸝⸝⸝⸝位置十分方便 朗屏站行過去只需幾分鐘一人 / 二人 / 四人燒肉套餐、和風丼、刺身丼牛肉提供多個部位選擇牛五花、牛小排、牛頸脊、牛舌芯、牛肩胛；亦有豬肉及雞肉無論平日定假期都係免加一服務費.ᐟ.ᐟ.ᐟ.ᐟ⸝⸝⸝⸝牛席 (二人盛)｜𝟴𝟴𝟴全日供應套餐 雖然二人套餐基本三個人食都好夠有六款牛肉˙𐃷˙ · 鹿兒島A4黑毛和牛｜入口即溶 · 澳洲M9和牛腹肉心｜脂肪較豐厚· 安格斯牛坂腱｜肉味濃郁 脂肪較少· 安格斯牛頸脊｜較有咬口· Prime牛肩胛｜肉質結實 肥瘦適中· 安格斯封門柳｜牛味濃郁 肉質鬆軟一次過滿足你六個願望 各有不同口感味道仲有刺身、小食、和風湯、白飯配飯素、飲品刺身為時令款式 全部由豐洲直送到港 枱上均有提供三款日本醬汁 包括燒肉汁、鹽醬、柚子醬

最近見不同關注組都有介紹這間葫蘆燒肉刺兒，今天晚上便約了家姐去試試。餐廳不大， 座位不多。餐廳賣點是「獨享日式一人燒肉的獨樂樂」， 有9個餐， 唔同的Gram數！我同家姐分別選了CAB 牛小排+特級牛五花& 特級牛五花 +牛肩脊我同家姐對重量都無乜概念， 所以㨂左重啲的200g套餐有和風味素飯，和風湯，餐前小食， 加$12有飲品。CAB牛小排是通過美國檢定認證的頂級安格斯牛肉，肉質很結實，油脂多！特級牛五花比較滑嫩，肉比較瘦，油脂搭配，烤大約20秒便可， 免得燒得太乾。牛肩脊牛味濃， 比較結實。這個份量一人食十份足夠。

同媽媽係俊賢坊發現依間接新既葫蘆刺身燒肉⌛️同媽媽點左兩個set, 分別係7同9 號餐豬牛雞都齊晒~ 配上一大碗飯~ 食到好飽! 另外,佢仲可以單點追加😌即係話試左邊樣好食可以因應食量額外點,價錢都好佛心🧡 岩附近學生哥聚餐可以食下🤤值得一提,佢地仲有刺身可以點👍👍佢地服務態度都好友善，會為客人介紹番每種既不同之處..仲不時問問我哋有冇需要👍👍👍如果你都係燒肉愛好者，都可以嚟試下呢間新鋪👍👍

葫蘆燒肉刺身 (元朗)元朗俊賢坊18號權益大廈12號地舖元朗高質燒肉店，地點方便，醬汁由日本進口，味道非常濃烈，全日免收加一服務，係高興😊牛席 2人 $8882人刺身件盤有三文魚🍣油金魚、呑拿魚各兩片，真係新鮮yummy。餐前小食裙邊小食，口感爽脆。和風湯2人前味增湯濃郁，海帶味濃。六品全牛盛燒肉盒鹿兒島A4黑毛和牛靚靚大理石花紋、柔軟和豐富最受歡迎👏🏻牛肉。 脂肪沉積方法令肉質變得異常細膩。「溫厚濃郁」和「鮮味」係最貼切形容詞。澳洲M9和牛腹肉心油花質量極為平衡，鮮嫩多汁 油脂豐富，經加熱後油脂更是鮮甜安格斯牛板腱牛板腱係肩胛部位，因經常運動，所以脂肪較少，有咬口、肉味濃郁。安格斯牛頸脊牛頸脊係矜貴部位，活動較多，脂肪較少，有咬口、肉味濃郁 Prime牛肩胛脂肪分佈均勻，呈大理石花紋，肉質鮮嫩細緻富柔軟彈性，牛味濃郁多汁香甜而不油膩。安格斯封門柳牛最濃肉味的部位，而且帶有甜味，肉質柔軟，最適合燒烤。

唔好話係烤肉店，個人覺得老闆同服務員都冇做過餐飲業，basic hygiene 都做唔好，烤肉夾冇分生熟得一隻款，正常有出街食過烤肉都知會有兩種，開舖個時唔會咁都諗唔到；個服務員一直帶住手套好似好乾淨，但係收野上菜抹枱都係個對冇換過，消毒都冇消毒過，就算佢之前冇做過餐飲，應該都要有人train /提醒佢；個味噌湯係即沖既，我真係見住佢用暖水壼倒水出黎沖，水唔夠熱，味噌湯只係暖既；舖頭好細，如果坐滿曬人免強可以一個個單行道行，touch wood有咩事發生走都走唔到，唔明點解過到防火條例其實仲有好多小問題，我唔講啦，如果我食既係＄50一個既套餐我冇咁多怨言，一分錢一分貨，貴係包左食環境同service，如果keep住咁都冇問題，舖頭定位要準確，唔好出貴既套餐，最貴可以出到＄300二人左右，因為真係唔值呢個價錢P.S.佢有個二人套餐＄888，呢個價可以食到牛角lv 4，重係任食

元朗新開葫蘆燒肉刺身就好多元化喇！睇名字就知有燒肉、有刺身供應據店員介紹，燒肉醬汁全部來自日本直送想點兩人或以上套餐亦設有大網燒爐，就同一般無異！甘岩一個人想食燒肉，會安排細爐仔座位享受一人體驗！！會席2人盛$3986品燒肉盛盒美國牛肩胛、安格斯牛板鍵、牛舌芯、牛頸脊、豬腩片、雞腿肉牛肉3款部位都肉味濃郁，牛舌芯爽脆～雞腿肉亦食得出係九州薩摩雞嫩滑口感！2人刺身拼盤三文魚、油甘魚&希靈魚 （有機會不同）整體都幾新鮮餐前小食茄子漬物 、麵豉湯飯：肉鬆紫菜味素飯味道甜甜增加層次口感！飲品日本直送罐裝汽水揀左橙同提子，另有蜜瓜同波子汽水口味～

CAB牛小排＋特級牛五花套餐 (200G) HK$182套餐都有齊餐前小食、味噌湯同白飯連飯素😋牛小排肉質滑嫩，肉同脂肪分明又唔算切得太簿，都幾容易燒。特級牛五花脂多啲，送飯好食。牛頸脊＋封門柳套餐 (200G) HK$128牛頸脊厚薄適中，口感幾好食落軟身，牛味重脂肪相對少。封門柳都係比較少脂肪，感覺健康好多。最後再想試雞肉，額外加左碟，雞肉都幾出色，咬落去軟滑，雞皮燒到脆好香口。套餐有前菜、湯等等，前菜係有涼拌帶子裙邊😗呢個好味，酸酸辣辣咁幾開胃，味噌湯中規中矩。飯上面仲鋪滿紫菜同肉鬆，肉鬆咬落去係脆。